特適茶餐廳

【北區】【特適茶餐廳】對上兩篇都係同同一個人食，今次呢餐我就係自己一個食喇。大家都知我係一個會喺十八區唔同地方遊離浪蕩嘅浪子，但係今次居然都會浪吓浪吓浪咗去呢位朋友以前成日食嘅一間餐廳度，都不得不承認呢件事係有啲巧合嘅。我去嘅日子係賽馬日嚟，所以就算下晝去都有啲賭馬嘅客人喺度一邊刨馬一邊食嘢睇馬。我就唔係呢方面嘅人才，所以背對住電視叫個 $40 嘅下午茶就算。我叫嘅係「西班牙奄列」配「牛油多士」飲「凍華田」，都唔平呀。個所謂西班牙奄列其實就即係一個普通嘅奄烈加上啲茄汁醬，再加幾片雞柳咁，不過可能佢哋少整，所以都整咗一段時間先上菜。味道就普普通通啦，唔預佢好食。件油多都係，好普通嘅貨色，反而杯凍華田係消暑一流嘅。咁樣叫法其實我都係預咗自己會叫第二份嘅，叫另一個下午茶係 $34 嘅，唔會叫大家估喇，就係「西多士」。有些少失望，比預期薄同細件，有夾花生醬加少少分。嘢飲「熱奶茶」都唔錯，呢啲老店一般唔會甩拖，夾埋 $74 走人。。。（地址：上水馬會道148C號地下）#1amfoodie #hkig #foodiehkgirl #hk #hongkong #topcitybiteshk #hkeat #foodgasm #followforfollowback #love #hkrestaurant #香港 #香港吃貨 #thatfoodiething #食物 #globaleats #1am北區 #上水 #石湖墟 #特適茶餐廳 #茶餐廳 #下午茶 #西班牙奄列 #牛油多士 #凍華田 #西多士 #熱奶茶 #1am1041 #1ambackup…查看更多

上水老店茶記 細細個就聽過啦無咩特別都好少去食 唔算就腳位幾十蚊 有例湯 一杯凍飲 加碟飯其實茶記來講都合理 至少難食過佢既大有人在呢碟涼瓜雞絲飯 我又覺得穩陣其實呢類舊茶記唔會貴 只要唔中伏就ok…查看更多

食黎食去都係附近幾間舖今次行遠啲搵食黎左間聽聞開咗起碼廿年嘅茶餐廳門面同入面裝修都真係幾舊下如果唔係有人提起依間野我諗我未必會主動走入黎下午茶時段都係冇咩人應該都係因為咁疫情關係la大家那那林食完就走人下午茶都幾多選擇下又有輕食 又有炒粉麵飯而且價值都ok三四十就有個餐有飲品我就叫左個乾炒牛河一般茶記質素 有啲鑊氣份量ok 食得飽阿姐服務都ok 主動俾水主動落單唔會粗聲粗氣趕收工咁款依間野真係普普通通 仲未搵到佢咁多年做得住嘅原因～…查看更多

事隔四年心血來潮比多一次機會您，而且趕時間要近近快快食個早餐！步入茶餐廳已有一股強烈異味來襲，油益侷促要好好清潔一下喎！步入餐廳整間舖瀰漫著股異味，無人聞得到？發現四眼肥嬸嬸每次都專登打開少少門讓鮮風吹入，難道聞到那股我所講既異味嗎？張炒麵海報非常吸引，甜酸調味 OK 醬？還有其他小炒，有機會試您一試。某幾款食物質素突飛猛進，但係環境衛生依然有待改善，每次進入都被股異味襲擊！宿醉未醒，爆醉跳到上床已經零晨三點，難得爬到起身，急急落街食個熱麵回回魂先，好很醉要回魂曲。到底幾時開始食湯麵係配叉架？食雲吞麵、魚蛋粉、日式拉麵點解唔比支叉我呢？聽說由發明日清杯麵開始，因為當年物資短缺、戰爭時期、振災救援、便宜方便快捷先用膠叉！餐牌油淋淋黏手可怕，掂完立即用濕紙巾抹乾淨雙手。辣椒油，油味極重，不香不辣淡茂茂。凍檸樂，回魂曲的重要性！微酸爆氣透心涼，點醉都醒一醒。凍檸茶走甜，看似濁濁的紅茶膽，飲落不澀微甘，可以接受。熱檸茶走甜，當然走甜飲原味！濃濃帶澀的茶膽，夠提神醒腦。熱奶茶，奶味特出幼滑，重茶味濃濃但不夠清香。雙太陽蛋正常不過，面凍底熱有焦香，立即一啖一隻迅速消滅掉！沙嗲牛肉出前一丁，難食透頂！師傅真的廚藝高超進入化境！出前一丁都可以煮到如此難食前無古人後無來者，沖水攤腍再翻煮丁麵，麵質粉腍黐牙麵香麵味完全死掉！沙嗲牛肉無盡𢲡，軟到極點鬆到腍劈劈，醃得咸咸無鮮味！紅腸太陽蛋五香肉丁即食麵，唔係大光麵黎喎！有點似大陸紙條麵，半爽半腍有少少麵香。湯底清徹淡淡的，幸好有少少五香汁提味，其實即食麵好難煮得唔好食囉！已經比出前一丁好食少少，依間茶記真利害，我會再黎挑戰！太陽蛋蛋白微暖，蛋黃凍凍的！唯有出必殺技，吉穿爆汁讓熱熱麵條掛著吸啜，給點溫暖感覺。紅腸薄切，咸咸的硬硬的。五香肉丁此牌子不錯，只有一兩粒肥膏，瘦肉鬆化，麵條捲著齊齊食五香味清爽。太陽蛋餐肉鮮牛肉即食麵，鮮牛肉勁鬆非常徹底，腍劈劈滑潺潺，醃味怪怪，不新鮮的味道。硬硬油油的餐肉，浸浸湯洗洗濕濕湯較舒服。何解早前食過麵味較濃，而且質地較爽彈呢？依碗完全唔係那回事。腸仔太陽蛋回鍋肉即食麵，不咸腍腍的腸仔，沒有怪味已心感安慰。炸雞髀，單點盛惠 $20 蚊。出乎意料特適茶記會有高質炸髀，真心大跌眼鏡！新鮮出爐熱辣辣油滴滴端上，即用餐紙印印吸吸油，準備就緒立即起動﹗薄薄雞皮香脆無窮，索一聲撕裂！動聽的聲音使我食慾大增。狠狠地大啖咬扯，肉汁邊咬邊滴，狂野搶攻，肉嫩滑彈，賣相平平但色香味俱全！火腿奄列配牛油多士，正常我係唔會食麵包，但見到半溶牛油就破例咬兩啖！麵包已經凍了，少少倒汗水，少少脆少少韌。有進步非常好！焦香炒蛋皮捲著火腿絲，嫩滑有蛋香蛋甜，混著咸香腿絲，微暖微蛋汁比以往都好味。雪菜豬扒湯意粉，壓軸登場慢工出細貨！第一次接下優質出品，多謝師傅。內內外外完全係上海風味，師傅來自上海？充滿雪菜咸香的濃郁湯汁，加上彈滑意粉有著上海麵的質感，拖著滾湯熱到燙嘴格外好味道！厚切豬扒微鬆不過份，肉質及醃味散發上海風格，整體完成度非常高，我都老懷安慰！太陽蛋牛扒出前一丁，早前曾給我災難性的出前一丁，我本善良比多次機會您！牛扒煎得香甜嫩嫩，厚身有嚼勁微𢲡醃味滿意。意式出前一丁滾熱辣鮮煮，餚釘提質感嚥嚥韌韌，滾燙啜入舒服暢快！掛埋滑溜蛋汁如虎添翼。雞中翼榨菜肉絲湯米線，鮮炸雞中翼剛出爐燙住嘴享用，皮脆肉嫩香口多汁。高湯底異常濃郁醇美，不用任何調味都使得我舔舔脷。白雪雪滑滑米線已十分優質，再嚥韌少少就更美妙！夾著咸爽榨菜肉絲狠狠地啜，美味暢快！師傅真貼心，知我需要補充大量蛋白質，專登加料炮製螞蟻湯！多謝多謝。廚師有責任，傳菜都有責任，點解唔檢查清楚？餐肉奄列配牛油多士，還估計會切粒粒炒蛋，原來係蛋包原塊餐肉，外觀及演繹有點失望。其貌不揚但入口驚喜滿足！肥美餐肉，焦香炒蛋，咬一口殷然銷魂，餘下大半份就獻給牛油多士吧！忘記走包錯有錯著。打開見到溶化牛油的誘惑，暖而脆的手感，忍不住要將她食落肚！幼滑牛油包著餐肉奄列被香脆多士夾著，係我喜歡的味道，投降了！煎蛋雞扒湯烏冬，見到雞扒翻炸已沒有抱任何希望，無奈地放到嘴舌。竟然羶香醇美，皮脆肉嫩，白肉彈滑滴著肉汁，脆皮鳳脂甘香不肥膩，醃味達標不馬虎。清湯底不得了的濃郁，甜甜的非讚不可！每次必定給我飲掉大半碗。即煎雞蛋燙燙的蛋白入口非常舒服，流心甘甜蛋黃滋養我的味蕾們。烏冬長啜長有完整滑彈，不散碎不粉硬，煮得透徹出色！師傅煮即食麵堅低質，不過意粉、米線、烏冬就非常高質喎。太陽蛋叉燒出前一丁，黯然銷魂湯麵，食到我都十分黯然，好咸的叉燒薄切。意大利式脆口出前一丁麵，即煮有誠意，總好過攤腍泡麵或煮定粉腍倒湯。回鍋肉出前一丁，雖然賣相可怕，但難得鮮煮爽彈滾熱辣，大量竹筍半爽半硬合格，最低限度無渣。回鍋肉鬆化，五香辛辣的瘦肉，讓麵條捲著濕濕啜入更可口。拖著辛辣湯捲埋肉碎格外滋味，最衰邊食邊聞到惡嗅，吃不消！…查看更多

今日行山之前黎呢邊搵早餐食..無意中搵到呢間小店..個名幾得意..叫特適..都幾有特式..😂😂睇外表都好似開左好多年..做街坊生意..叫左個常餐 有火腿奄列..五香肉丁腸仔米線..仲有埋牛油多士..都好豐富..只係$38 配埋熱飲..都可以接受..火腿奄列好足料..五香肉丁都幾香..個牛油多士都整得好脆👍🏽👍🏽野食唔係話特別好食..但係係傳統茶餐廳風味..得閒過黎食下都👌🏽👌🏽😆…查看更多