牧羊少年咖啡館 (德福廣場1期)

營業中

休息中

今次去咗九龍灣分店，七點後開始勁多人好快滿座～好彩早咗少少🤣呢間分店超多打卡位！環境好靚 夠晒闊落 坐得好舒服😌超級推薦點套餐‼️因為真係抵食好多加$58就有飲品、小食、甜品🍦飲品仲要貴嗰啲都可以點本身加$58 淨係可以飲到杯嘢🥹所以冇理由唔嗌套餐～佢哋嘅鹽麴燒比目魚 我真係每次都食🤣魚肉超嫩滑！日式紫蘇烤雞肉意大利粉 調味都好正👍🏻清新唔會膩～雞肉份量都好多 鍾意佢意粉煮得夠彈牙😋小食我鍾意魚湯西蘭花🥦唔會好硬 又有芝士同柴魚片 好滿足❤️今次點多咗份小食 參巴鮮茄煮沙白大蜆！沙白大蜆肉超厚 佢個湯底好濃郁！唔會好辣好好味🤩下次都會再食😋飲品 木瓜杞子牛奶+竹炭牛奶都係超好飲，每次都係飲呢兩杯😁唔會好甜 木瓜牛奶好養生 另一杯芝麻味超濃郁💕甜品本身就配Häagen-Dazs雪糕🍦可以加$18轉是日甜品🍮如果係紅絲絨蛋糕我就唔轉🤣我食過唔係好鍾意😳如果係Oreo芝士蛋糕我就會轉🤩因為食過好好味xd

裝修帶啲文青風，適合同朋友傾偈或者自己hea吓✨黑椒香蒜煙鴨胸意大利粉🍝好夠味！黑椒同香蒜嘅香氣撲鼻，煙鴨胸嘅肉質好嫩，唔會太鹹，意粉煮得啱啱好，唔會太硬✨金沙咸蛋黃鳳尾蝦✨咸蛋黃嘅香味好濃郁，蝦肉新鮮彈牙，咬落去仲有啖啖咸蛋黃嘅沙沙口感，好邪惡✨慢煮 BBQ 醬美國豬肋骨伴 蕃薯條•普羅旺斯燉菜✨豬肋骨煮得好淋，BBQ醬甜甜哋好入味，肉質一啲都唔乾，仲有啲肉汁！蕃薯條炸得香脆，普羅旺斯燉菜清新得嚟又帶啲香草味，平衡返成個口感✨牧羊少年【浪人】手工生啤✨呢杯手工生啤清爽，帶啲果香，飲落去好順喉，唔會太苦，好適合配埋啲濃味嘅食物，✨紅桑子乳酸忌廉芝士奶蓋✨紅桑子嘅酸甜同乳酸嘅清新完美結合，忌廉芝士奶蓋好滑，飲落去好有層次感

牧羊少年開第一間餐廳係喺葵青劇院，當時都有去食過，亦都覺得水準好好，依家越開越多間分店，今日就去咗德福分店同朋友晚餐！餐廳設計有點似圖書館，亦都有文青嘅感覺，環境好大都坐得好舒服！今日叫咗個二人套餐，有小食主菜意粉雪糕兩杯飲品，價錢大概$430左右。小食金沙鹹蛋黃鳳尾蝦蛋黃味好夠濃，而且炸得好脆，超好食！好開胃！意粉鮮忌廉野菌煙三文魚長通粉我哋選擇咗走芝士，因為怕肥！走咗芝士後嘅意粉汁都好濃郁，夠晒忌廉味，但係一啲都唔膩，份量都好多足夠兩個人食有餘！主菜生薑味噌三黃雞半隻，伴牛油烤椰菜花，日本南瓜雞燒得好入味，而且肉質都幾嫩，燒完嘅雞肉汁，保留得唔錯！飲品熱黃金蕎麥茶凍紅莓奶露甜品Haagen Dazs雪糕 Cookie and cream 100mL

久違既牧羊少年咖啡館而架2人餐相當抵食🤩 $428加一有小食，意粉，主菜同2杯飲品同雪糕基本上所有係menu上既都可以揀除左小食拼盤唔揀得同創意咖啡同手工啤酒要加錢之外照燒汁煎乾蒜美國牛柳粒🐮有好多粒同唔會勒煙辣肉腸蜜糖南瓜忌廉長通粉南瓜好香甜配上辣辣地既腸好惹味😋😋😋😋慢煮BBQ醬美國豬肋骨伴蕃薯條配普羅旺斯燉菜豬肋骨好厚肉同好淋，一切就起到舊肉加埋d菜，唔洗做食肉獸芒果奶酪酸酸甜甜好開胃旭日，姐係紅蘿蔔，蘋果，橙汁好健康，紅蘿蔔味唔重雪糕係杯裝haagen dazs🍨無得揀咩味，但係係我地中意既cookies & cream

［📍九龍灣｜牧羊少年咖啡館］成日經過德福見到呢間餐廳好多人排隊，最近見到佢做緊套餐優惠，決定要嚟試吓。今日同朋友嗌咗個二人套餐，套餐除咗包意粉同主食 仲有小食甜品同飲品，呢個價錢加埋呢個環境，性價比非常之高。主食同意粉都非常之高質，每樣都新鮮熱辣，特別要讚吓個羊架，非常之外脆內軟，唔會煎到乾哂，咬落肉質好鬆軟。小食今次試左牛柳粒，非常有驚喜。坊間嘅牛柳粒經常整到又韌又乾，呢度每一粒都好夠腍就同時保持到有咬口，而且牛味好香，係會食完仲想繼續食。甜品揀咗焙茶心太軟，一樣質素高。心太軟外面焗得好夠脆配埋焙茶流心，外脆內熱辣辣，焙茶味亦非常之濃，好掂！另外仲嗌咗千島海鮮薄餅同生薑味噌三黃雞。薄餅屬於薄批個一款，上面既配料亦好足料，配料入面仲會有埋八爪魚仔，配埋千島醬好夾！三黃雞係另一款驚喜之作！焗得非常香口香滑，一路食一路讚嘆佢嘅嫩滑，冇得輸。

Blingbling美食推介✨ 📍九龍灣 ☕ 牧羊少年咖啡館 (德福廣場1期)✨ 文青氣氛高質西餐廳💕 💠💠💠💠💠💠💠💠 牧羊少年咖啡館好有格調，裝修簡約得嚟又有藝術感，仲擺左好多書架，文青味十足！！食物質素高，每道菜都擺得好精緻，好適合打卡同慢慢享受quality time☺☺💠 煙辣腸蜜糖南瓜忌廉長通粉 $118呢碟煙辣腸蜜糖南瓜忌廉長通粉真係好有驚喜😳煙辣腸嘅鹹香同蜜糖南瓜嘅香甜完美結合，忌廉汁香濃得嚟甜甜地好易入口☺一d都唔膩🧡 💠 千島香芒牛油果鷄肉薄餅 $148呢個千島香芒牛油果雞肉薄餅真係好有創意，薄餅底脆口，雞肉嫩滑，芒果同牛油果嘅香甜帶出清新感，千島醬嘅酸甜更加提升咗整體味道，超好味😋食落去好開胃！🧡💠 紫蘇香蒜葱鹽醬烤鷄扒 $68雞扒烤得外脆內軟，雞肉食到有紫蘇同香蒜嘅香味🧡葱鹽醬嘅鹹香更加提升咗整體味道，係好特別既小食💕💠 日落巴黎 $118- 香蕉朱古力窩夫配Haagen-Daz雪糕呢個香蕉朱古力窩夫真係邪惡得嚟又好食😝😝窩夫外脆內軟，朱古力醬濃郁香甜，香蕉嘅清新平衡咗甜膩感，食落去好滿足，係甜品控

上週末探訪了德福「牧羊少年餐廳」，燒豬肋骨令人耳目一新。主菜的豬扒更是出色，外皮酥脆，內裡嫩滑，搭配芝士醬更添風味。甜點則選了經典的巧克力心太軟，滑順入口，是完美的結尾。餐廳環境優雅，服務也十分周到，是享受西餐的理想去處。

想搵間環境靚靚 又唔貴嘅餐廳食吓朋友就介紹食呢間 真心性價比非常之高餐廳呢排仲做緊套餐優惠 好抵食😛🍱 與你分享二人套餐除咗有二人套餐 仲有一人同四人🤣套餐包左好多樣野 今次嗌咗個二人套餐小食 主菜 意粉 甜品 飲品 乜都齊晒🥰小食嗌左 照燒汁煎乾蒜美國牛柳粒牛柳粒非常多汁 軟腍 好有牛肉味😛白酒香蒜大蜆意大利粉 好夠鮮味落左辣椒同洋蔥落去煮 成件事好開胃🤣另外主菜嗌左咖啡羊架伴露絲瑪利燒汁有三大舊羊架 羊味好香 唔會過分地臊重點要讚下佢地個日本南瓜 好綿好香🥰最後加多58蚊有埋個焙茶心太軟蛋糕食心太軟非常之流心 焙茶味好香 茶澀味唔會太重飲埋杯葡提青茶 同埋 手工生啤 無得頂啊🤩🍕千島海鮮薄餅呢度除咗意粉肉類 仲有好多款薄餅選擇今次試咗千島海鮮薄餅 薄餅係薄批黎🤭非常之脆身 批邊既包千祈都唔好錯過食得出佢哋用嘅麵粉好香 非常有嚼勁😋🐥生薑味噌三黃雞（半隻）佢哋呢款三黃雞 大家真係要試吓三黃雞燒得非常之好 外香脆內多汁😋食落口除咗熱辣辣 啲汁仲會即刻滴出嚟就連雞胸位都燒得非常之滑 調味啱啱好🤭呢碟嘅配菜亦會配上非常之高質既日本南瓜 呢碟真係估佢唔到咁高質 一定要試下🥰🍱 與你分享二人套

牧羊少年咖啡館呢幾年愈開愈多，除咗最初太子嗰間，呢幾年我去過沙田文化博物館、尖沙咀K11、將軍澳單車館，雖然未試勻，但都叫做見證住愈開愈多，愈開愈靚😍呢間係我去過最大最奢華嘅牧羊少年咖啡館。座位好多，大量玻璃同鏡空間感大，深綠色裝修、木系嘅地板檯櫈，估唔到九龍灣呢間咁靚👍主菜叫咗呢兩樣：#咖啡羊架 伴露絲瑪利燒汁 烤澳洲西蘭花 日本南瓜 $198係寶雲酥嘅香草麵包糠🤤我間唔中就想食呢款羊架！！呢間做得幾好，個面做得脆脆地又調味好👍#紅酒燴牛面肉 伴薯蓉 烤澳洲西蘭花 $188個牛超～級～淋！！牛味又濃，加埋個醬汁好食❤️薯蓉夠滑～芒果茉莉花忌廉芝士奶蓋 $188芝士奶蓋夠濃！芒果+茉莉花茶，少少甜帶啲清香，呢個都好飲～牧羊少年咖啡館飲咖啡飲得多，呢間有得飲酒！😂 除咗紅白sparkling 之外，仲有手工啤酒！我最後揀咗紅酒🍷 $68Chateau Montfollet Grand Vin 2020 - France $68襯返兩個紅肉🤭🤭我曾經有段時間返工返九龍灣，如果早啲有開呢度，就可以成日約同事朋友嚟食飯小酌一杯！😂推介推介🙌

今日同大家分享一間好有特色嘅西餐餐廳，每樣食物都令人驚喜，真係食到停唔到口😍照燒汁煎乾蒜美國牛柳粒：牛柳粒煎得啱啱好，外脆內嫩，照燒汁嘅甜味同乾蒜嘅香氣完美融合，每一粒都充滿層次感，真係食到唔捨得停😋參巴鮮茄煮沙白大蜆：大蜆鮮甜得嚟又冇沙，參巴醬嘅微辣同鮮茄嘅酸甜令成個湯汁更加開胃，飲完仲想再encore😊是拉差醬雞翼：雞翼炸得外皮香脆，入面肉質嫩滑，是拉差醬嘅辣味同甜味平衡得好好，食到嘴唇都辣辣哋，但係又忍唔住想食多隻😝牛油果莎莎墨西哥脆片 配 酸忌廉：牛油果莎莎醬好清新，墨西哥脆片脆卜卜，再點埋酸忌廉，真係一個完美嘅開胃小食🤭意大利風乾火腿蜜糖柚子薄餅：個餅底薄脆得嚟又帶啲煙韌，上面鋪滿咗鹹香嘅風乾火腿，再加埋蜜糖柚子嘅甜酸味，真係一啖接一啖，完全唔會膩☺️總括嚟講，呢間餐廳每樣食物都充滿心思, 下次一定會再嚟！👍

牧羊少年最早嗰時係文青cafe，午餐嘅時候都會同啲朋友去食個飯飲杯咖啡。最近知道佢哋喺九龍灣德福開咗分店，所以就專程去食返個晚餐。咖啡羊架 如果平時嘅羊架食到悶，不妨可以試吓依款咖啡羊架。咖啡味可以中和羊架嘅羊羶味。另外火候控制方面都恰到好處，內層亦都粉嫩多汁。避風塘炒蟹肉意大利粉平時避風塘炒蟹就食得多，用嚟炒意粉呢個組合都好有新鮮感。充滿蒜香嘅味道令到鮮甜嘅蟹肉多少少辣味出嚟，層次感相對豐富。甜品方面就係最鍾意佢哋嘅心太軟，熱辣辣嘅心太軟同埋雪糕都一流。

近來發現牧羊少年有一個套餐勁抵食，只係$400鬆少少，就已經有一個小食🧆、兩個主菜🍝、兩杯飲品🍹、同埋兩個甜品🍨！呢一個就係<與你分享2人套餐> $428‼️小食有勁多勁吸引嘅選擇，揀完一輪決定要照燒汁煎乾蒜美國牛柳粒🐮，初時以為應該只係得幾粒，點知上枱差唔多有15粒，仲要係每粒都好大粒，牛味濃郁，又唔會太韌，勁高質！主菜我哋就揀咗俄式牛仔柳意大利粉🍝 同埋 慢煮 BBQ 醬美國豬肋骨伴薯條普羅旺斯燉菜🐷，牛仔柳意粉牛味又係勁濃郁，好好食，勁推薦😍😍 豬肋骨都醃得好入味，一樣好出色！OMG，點解一間餐廳嘅嘢食可以又抵食又好食！🤩🤩飲品方面，一樣有勁多選擇，但係作為鍾意飲台式飲品嘅我，首選一定係芝士奶蓋系列，所以一次過就試晒芒果茉莉茶忌廉芝士奶蓋🥭 同埋 冰梨無花果白桃烏龍芝士奶蓋 🍐，兩杯嘅生果味道都好真，仲略略食到小小果肉🉐🉐最後仲有甜品作結，餐廳都幾抌本，提供嘅甜品竟然係Häagen-Dazs 雪糕杯！😝😝

牧羊少年最近推出了優惠價一人二人餐，感覺比之前抵食好多，所以和朋友去一試，餐廳以文青風格為主，結合了咖啡館與餐廳的元素，環境舒適且充滿藝術氣息，無論和朋友聚餐或獨自享受悠閒時光都很適合。主菜可加$58升級至「自由自在1人套餐」，配有小食、甜品和特飲，我們叫了一個一人餐及散點其他東西。鹽麴燒比目魚伴 烤澳洲西蘭花•普羅旺斯燉菜$250鹽麴醃製的比目魚魚肉鮮嫩多汁，帶有鹽麴的鹹味，搭配普羅旺斯燉菜以義式番茄醬基底，配搭燉至軟身的櫛瓜及茄子等，加上爽脆的長柄西蘭花，整體健康營養。魚湯輕炒西蘭花，加上強纖維吸收，湯汁鮮美，滿有菜香。冰梨無花果白桃烏龍芝士奶蓋一口喝下，感覺到冰梨和無花果的甜味與白桃烏龍茶的清香，頂層的芝士奶蓋比例很多而且濃郁綿密，帶來鹹甜交織的口感，層次感十足。是日蛋糕 紅絲絨蛋糕 +$18紅絲絨蛋糕口感濕潤綿密，一層層的奶油芝士霜香濃而不膩，甜度適中。參巴鮮茄煮沙白大蜆$88上菜時發覺這菜式既可吃蜆，湯汁又多到可以喝，感覺賺了，沙白大蜆鮮甜肥美，吸收了湯汁的精華，味道鮮香微辣，非常開胃，湯底也不會過於濃味，當湯喝也不錯。焙茶心太軟流心蛋糕 配 Haagen-Dazs 雪糕 焦

呢間Cafe相信好多人都推介食物質素普遍都高於average，值得encore咖啡羊架伴露絲瑪莉燒汁。烤澳洲西蘭花。日本南瓜。 🤞🏻推🤞🏻這主菜色香味俱全，羊架熟度剛好，肉質嫩口，肥瘦均勻，份量毫不吝嗇，有三大塊這種煮法整得非常入味，調味恰到好處，同時間亦不會蓋過羊肉本身的味道伴上烤野菜可中和羊架的油膩感。餐廳更推出自由自在一人套餐，只要加$58就可以選擇半份主菜、一杯雪haa gendaz糕及一杯飲品，性價比極高！魚湯輕炒西蘭花 🤞🏻推🤞🏻西蘭花非常腍，配合淡淡的魚湯及木魚絲及seed 有別有一番風味，估唔到呢個配搭都非常之夾對於半份嘅定義這份量非常滿意這款菜式熱辣辣，值得加分！紫蘇香蒜蔥鹽醬烤雞扒 🤞🏻推🤞🏻第一次食這種煮法非常特別雞扒烤得非常香脆、皮脆肉嫩紫蘇配上蒜香，令雞扒配有一點調味，配合得相當之出色。招牌窩夫配焦糖脆餅雪糕 🤞🏻推🤞🏻一上碟視覺上已經大滿足，厚厚既窩夫散發蛋香，配上大堆士多啤梨粒及兩球雪糕，雪糕揀咗焦糖脆餅，雪糕質感軟綿綿，中間夾雜着脆餅”塊”(唔係碎)，增添不少口感！而且雪糕甜度適中，配上熱辣辣的窩夫，冷熱交集，非常滿足，為這份晚餐畫上完美的句號！飲品方面

呢間人氣牧羊少年咖啡館位於九龍灣德福廣場一期平台，分別與別不同的係餐廳內有書櫃，除左真係可以寫意地睇下書一定係影相打卡。平日晚餐時間都已差不多全場爆滿，人氣果然爆燈，卡座坐位闊落，舒適空間感不錯，QR code落單有二人餐選擇。 德福分店期間限定推介必點之一!🐓松露蜜糖香烤雞中翼$68餐廳定時會更改香烤雞中翼的款式，繼士拉差醬炸雞中翼、香辣金沙雞中翼之後，呢款松露蜜糖味十分突出! 入口肉汁滿滿，嫩滑又全入味。🍝龍蝦汁鳳尾蝦意大利粉 $128🍝避風塘炒蟹肉意大利粉 $128兩款意大利粉各有特式，避風塘炒蟹肉中西調味級享受，龍蝦汁鳳尾蝦醬汁較為收乾入哂意粉入面，如果醬汁再多就更加理想。🍕千島香芒牛油果雞肉薄餅$148Pizza餅底脆薄，配料有新鮮甜芒果及牛油果完美配搭令味道更加突出，夾雜滿滿的千島醬及雞肉焗香芝士味濃。🍟香脆薯條$58 正常表現，個人會更喜歡松露醬薯條會天吸引。🍮焙茶心太軟流心蛋糕 配Haagen-Dazs 雪糕$88心太軟流心效果要特別一讚! 焙茶朱古力味濃郁飄香，瀑布感湧流出來，再配埋焦糖雪糕及焦糖脆餅做配料，質素完勝一般的甜品專門店。☕️白桃烏龍茶(熱)$32 & 冰水