牛響度拌麵 (黃埔天地Aeon Style)

營業中

休息中

落住毛毛細雨無咩地方去，就揀左到Aeon超市食晏，本身諗住買下盒裝野，見有間新麵館開左不如試下佢。間野叫牛響度麵館，個名幾得意😆餐牌有牛有豬，主要係湯麵同伴麵，都有小食選擇，價錢五十蚊起，幾親民吖。🥢滷牛面頰湯麵先來碗牛面頰湯麵，湯底就揀左招牌牛骨湯，牛肉滷得入面幾正，麵條係上海麵，口感不錯，湯底個人覺得偏鹹少少。🥢牛腩湯麵朋友同樣點湯麵，同款湯底同麵條，牛腩半肥瘦幾正同，兩碗湯麵都有菜、冬菇同紅蘿蔔作配菜，要留意係餐牌上畫嘅溏心蛋係要另外加配的。🥢炸豬大腸炸得十分酥香👍加了孜然粉更惹味👍👍🥢炸韮菜豚肉小雲吞仲點左個小雲吞試試，韮菜餡幾鮮味，喜歡韮菜個種特别嘅菜味。🥤洛神花茶 & 黃金大麥茶叫麵有優惠價加配飲品，有數款茶同汽水可選，揀左洛神花同麥茶，無糖的又夠凍，正。下次試下伴麵先😋

早幾日去左超市入貨🛒行到咁上下☺️有啲肚餓🤣我哋就諗住食埋飯先返屋企😆我哋係澱粉愛好者🍚🍜行行下係黃埔天地見到有間新屋嘅麵館💕個樣都幾吸引😋決定試下🙌🏻😋🍜牛筋牛腩湯麵見menu 寫住精煉熬煮😱私房牛骨湯♨️即刻試下😛真心好飲🤭入口清得嚟又好香☺️牛筋牛腩好入味🙌🏻係我哋鐘意食個啲😉份量都好多🥰😋🍱沙茶牛雜牛面頰撈麵牛雜燘得好入味👍🏻而且仲好香😌牛面頰都好厚身😚啲肉一啲都唔鞋🤩撈麵有驚喜😜可以自選醬汁🫗我哋揀左招牌葱油🥢唔錯唔錯😍😋🍗孜然雞翼一份有3隻😚即叫即整👍🏻好食😋🥠黃金雞球一份8粒😆即叫即炸🍤又香又脆🥢咬口入邊唔會好乾✅又滑又多汁😋🧊白桃果冷泡茶枝裝冷泡茶☕️白桃味都好濃🍑鐘意😜解渴一流🥰呢度絕對係足料💯又CP值超高👍🏻可以二訪🤭經過嘅朋友可以試下👌🏼

今日來開黃埔花園見朋友，晚餐就去咗黃埔天地aeon style解決，呢度應該最近裝修過，我哋好耐都冇嚟，有個新嘅感覺。呢度好多位坐，基本上買咗自己想食嘅嘢再嚟。今日想食湯麵，所以選擇左呢間，叫左三個麵：鹵牛面頰湯麵 $50、溏心蛋粟米湯麵 $45同韭菜豚肉小雲吞刀削麵 $50。呢度啲麵好好食，口感幾好，麵身q彈，不過當然加多少少錢轉到上面，就更加好味啦! 呢度個溏心蛋好值得叫！ 職員話有得揀牛骨湯或者豬骨湯，牛骨湯就會有啲蒜同薑，因為我哋想食清淡啲，個溏心蛋粟米湯麵就叫咗豬骨湯。另外加左$26要個炸粟米豚肉小雲吞。飲品就要左百香果冷泡茶同白桃果冷泡茶，兩杯跟麵都只要加$12就有，兩杯都唔會太甜，幾好飲。