牛陣 (已結業)

今日約左幾個舊朋友食飯, 我地呢d MK仔, 約食飯, 緊係約去MK食啦!! 由於友人太愛打邊爐, 但係我地又唔想咁MK, 想食好D, 就揀左去牛陣!! 因為呢到有和牛食!我地最期待嘅係黑毛和牛同豚肉! 等到佢真係上左碟肉時, 的確不負眾望! 和牛好雪花嘅感覺, 而且花紋分佈得好平均, 每片和牛都切得好薄, 師傅嘅刀功係有番咁上下! 一食嘅時候已經食到牛肉味好重, 入口即溶, 同出面嘅果然係唔同啲! 而豚肉色澤都唔錯, 好有豚肉味, 又唔會好韌, 感覺啱啱好!雖然我地食嘅時候係繁忙時段, 但店員都好貼心會經常主動問我地需唔需加湯底!! 加分啦! 而且每當我地就快食完嘅時候, 佢都會問我地需要加d咩肉, 手腳都夠快, 一有空碟放係枱面佢地好快就會留意到, 幫手收左佢! 連鎖店係唔同D~~~食到咁上下, 又係(友人)女仔嘅甜品胃出動!!!! 呢到有女孩子們最愛的haagen dazs雪糕任食, 仲有4種味揀, 實在令佢地發晒癲, 勁開心ge樣.....同埋有醬同其他配料可以自己加落去, 都算係咁ga la!!!!

星期六旺角睇完戲食午飯見到MPM 商場易拉架寫住牛陣午市68元起，見價錢合理咪試下。呢個價錢係有一碟牛肉，但其他配菜同Häagen-Dazs都係任食。 我食左牛陣4次，最鍾情都最傳統清湯，反而會帶出野食的味道。牛肉好快黎，有8片左右，對女仔黎講都啱啱好，配菜方面都係同坊間中式邊爐唔同，野食較精緻，有年糕福袋、米綫，其菜都新鮮同多品種，同埋唔係平價D丸，不過就BUFFET 枱比較窄些，多三四個人就迫迫地，要就住就住!最驚喜Häagen-Dazs係有數款最新口味，柚子、奶茶、焦糖香橙佛羅倫斯，同市場同步!因為早二日先見到奶茶味推出市場，咁食左兩轉勁滿足。最後，店員都幾好笑容同加湯好快，都幾主動呢!不過限時60分鐘，坐低要密密食先得啦!

朋友生日， 佢揀左食牛陣諗住聖誕會超多人， 點知個場有9成都吉嘅去到得聖誕餐揀， 一係穀飼牛約250一位， 一係和牛約350一位， 未計加一，我地揀左穀飼牛牛肉肥瘦分明， 每一塊都七成全白色肥油連三成肉。 初頭都會吞埋啲肥油， 但後期真係頂唔住要咬番出黎， 結果食完剩左成座山嘅肥油出黎。自助區自取的烏冬豆卜都均屬平價貨， 與名字差不多的對手質素相差甚遠。 其實會去呢間食， 都係因為撈亂左兩間個名， 人地仲要平佢一半，今次印度深刻，一定冇下次。 全餐最好係有 haagendazs 雪糕

朋友話想食牛陣，就跟佢試下，叫左最平架，清湯底，都幾清下，牛都好重味，口感好好，豬肩好淋，又有一好特別架肉味吸引我，好食，雪糕也係哈跟帶，但好硬，好難筆！較容易筆果D，比人食晒，叫侍應加，又話冇哂、結果我冇食雪糕叫加水，又冇人，夠鐘埋單就快

初次來,叫左豆乳湯底,198$個個餐,黎左兩碟牛一豬先,查實初頭原全唔知頭唔知路..以為全牛..所以豬都滾幾滾就食..亦都唔知食完可以無限再叫.以為出面d野先任食..哈哈...哈..=.=到食左陣先知原來全牛其實都可想言之真係兩種肉都差唔多一樣味..無自己買普通料打邊爐咁正..出面就得d魚蛋生菜東姑烏冬叫係岩我食..種類小得好緊要..仲有腸仔但食到好似友人話齋..好似積木咁..一層層唔知點咁....野飲就任叫 有jolly shandy..草莓溝奶..可樂忌廉等等..雪糕出面有哈根大既藍莓,杏仁味叫係最食得過啦成晚..勝在服務叫係夠快..會主動問加唔加多碟..執下野咁..但呢個價錢食其他任食乜都好過..所以服務彌補唔到味道同價錢唔成正比的差距..劣了

來到牛陣大家既注意力都放在和牛放題，今次試左個和牛黑豚肉套餐，除附送牛舌任食外，我發現由鹿兒島直送之黑豚肉也不錯！不會切得過薄因此非常有口感！再配合蕃茄湯底，豚肉味更鮮甜！不過黑豚肉腩肉就過多脂肪，建議食豬肩，脂肪比例少些，放題食多了也不會太危害健康！

下午三點運動完後想吃飽一點，兩隻牛魔王於是選了旺角牛陣。人不多，大概沒有人想吃火鍋當下午茶吧！日式火鍋放題，主要都是吃牛肉和蔬菜，雖然款式不及中式火鍋多，但對牛魔王來說，有牛肉便足夠了。我們點了最便宜的上選牛肉，牛肉本身的質素是合格的，肉質偏瘦，適合減肥人士的我，但愛鬆軟口感的人可能不喜歡。要特別一讚的是此店的廚房，冷藏牛肉的管理較好，牛肉較新鮮有牛味（不會像一些連鎖店用過量一氧化碳令牛味都走晒，熟了還是紅色那麼恐佈），令本來只是一般貨色的牛肉加了不少分數。蔬菜款式跟mou mou差不多，有十多款，基本質素ok，但發現有一些洗得不夠乾淨有待改善。看似平平無奇的龍脷柳，吃下去竟然有驚喜！新鮮沒鯹味，口感軟滑，令我吃了三回。還有炒飯和咖喱牛肉飯。只試了咖喱牛肉飯，味道似是合裝咖喱味道，可以一試。最後當然是必吃的HaagenDaz，每種味道吃一球，很滿足！這樣就完成我們的超級下午茶！可能是我們幸運吧，連鎖食店的服務通常都不怎麼那樣，但那天遇到兩個後生仔，人不多但他們都沒偷懶，主動上前收碟和問我們有甚麼需要，十分貼心！幸運地當天也沒嘈吵的客人，令我們可享受一個寧靜又愉快的下午。

We chose the HOTPOT. You pay according to your unlimited supply meats selection and then help yourself to a large buffet of accompaniments. The meats delivered to the table were good quality and plentiful, about 500g was served first and you can order more at no cost if you wish - the first serving was more than enough for 2.The buffet has lots of vegetables, Tofu and some tasty sauces to complete the range. We got there at 6pm and so the buffet was fresh and fully stocked with no crowd to wrest

其實已經係好耐之前食不過補留食評呢日我地6男2女去，有朋友卜左位所以唔洗等位應該係訂左唔知幾錢食左個半鐘兩張枱都係食清湯牛肉味道唔濃，肉質尚好，但油份偏多，基本上一叫即到，每次都叫5 6碟都會送齊配料。。。因為牛肉食到成煲湯好油根本唔敢食其他野雪糕，牌子當然冇令人失望，但有兩桶食曬都冇人換，都真係極之難鏟起身，同雪糕車d珍寶橙冰一樣咁難鏟服務冇人地講得咁差，可能見我地人多唔敢玩野掛，而且我地食唔夠一個鍾已經飽曬走左，冇出現俾人趕走ga情況

去到門口冇人理我同我女朋友，有1個員工態度極差，放杯茶就大力放，衛生又差到極，又要計人入門口門開始計90分鐘，應該係落湯時先計得。我坐果個位有1舊豆卜咁既野係地下，叫人落湯底都冇人理，d人係到食kfc既1桶雞，返工食kfc都得？冇雪糕又唔換，得2個冇雪糕既桶係到，我問員工有冇新既，佢地就話冇又話叫我食其他味。又要計我入去時既時間，加加埋埋1個鐘左右，又要走黎同我講夠鐘，我問佢俾完錢仲食得唔得就話得，點知食左3個幾4個字就話我夠鐘，但我話咁我未食完佢就話夠鐘俾下張枱既人喇咁(當時仲有勁多位)，之後我係到飲茶冇理佢，佢就叫左2個人黎收野，飲左1淡茶姐就收曬我既野，咁樣就俾人逼走。以後都唔再去食喇。難怪有咁多空位係到我明白曬。

大約前年開始發現呢間野存在,之後如是者每月都食1-2次,頭1-2次有order過豆乳定甜豉油,一直都覺得質素係可以接受,尤其價錢唔貴,百多蚊任食,之後到與蕃茄湯底相遇,從此就沒有再試其他湯底喇幫襯牛陣都係黎旺角呢間,貪散水方便,又唔多人,服務員都後生仔女,手腳快!都幾有禮貌,同埋佢地承諾order湯底後3分鐘會連同2碟肉上枱,從無甩底!真係佩服佢地d管理喎!可能因為咁成日都去幫襯!等位黎講,甚少等多過20分鐘,好快!牛肉雖然分grade,但另一半鐘意食豬腩,無論選咩grade,豬肉都沒分別的,所以一向都係選最平o個種,已經好足夠!配料方面,預左以牛豬為主,又試過食其他類似模式既放題火鍋,所以唔會expect好多選擇,不過佢地魚丸幾好味,菜好新鮮,至少幫襯咁多次都覺得洗得算乾淨,而我最愛係d芫茜同蒜茸!配埋d豉油同麻醬,正到爆呀!(麻醬要分開另一碟,主要用來點牛肉)通常佢set左個半鐘,其實如果時間分配得好,又唔好食下玩下電玩,通常1個鐘必定夠飽,然後3個字主攻雪糕,跟住埋單坐多陣消化下,完全無問題!侍應都甚少催我地走,可能我地食得快,大約1個鐘多d都比佢收走個鍋,仲有咩好催丫!最緊要合

我都係俾牛陣既haagen daz雪糕吸引去食既..同朋友行完街9點幾去..唔洗等位入座限時90分鐘..對於兩個女仔黎講都夠..湯底都幾多..隻隻都想試侍應見我地揀咁耐..都有過黎介紹番都幾有耐性既..唔錯最後揀左隻甜豉油湯..話係最受歡迎既牛肉就揀左上級牛肉..價錢168另加一..有汽水任飲.不過都唔飲得多叫完餐..急不及待去拎雪糕食有4隻味..正!!其實食雪糕都抵哂..回哂本雪糕隔黎就係拎配菜既..丸類較少..菜類同瓜類會比較多仲有冬菇.粉絲..豆卜..豆腐..烏冬..拉麵..芽菜...如果丸類可以多d就好啦牛肉方面冇想像中咁差..牛肉夠簿..顏色偏紅..油脂比例平均..配埋雞蛋好好味豬肉方面..有軟骨果隻好食d最後再戰雪糕..岩岩好仲有15分鐘時間下次會再光顧!

聽好多朋友講話牛陣好正, 因為有haagan-dazs任食,今日有機會試..拎籌到有位要等大約30分鐘, 30分鐘裏面只係叫過2張飛..好多人o係度等...今次叫左$138泡菜湯底+普通牛肉set,牛肉ok, 豬肉麻麻地, 感覺有陣怪味,湯底比預期差, 我估唔到lee度整的泡菜湯底係超鹹,配蔬菜, 菇類食都仲ok, 但一配其他肉食就不得了, 超超超鹹,作戰平足1小時就轉戰haagan-dazs..好開心, 可以食足5種味道,有朱古力, 白桃, 焦糖脆餅, 士多啤梨同Tiramisu,我都唔知食左幾多杯, 應該都回到本雖然淨係任食haagan-dazs都好吸引, 但我應該唔會再光顧喇~講牛肉火鍋, 我覺得牛x鍋更勝一籌, 湯底o岩o岩好, 唔會過鹹

近幾年香港除了興起食日式燒肉外, 連同任食的日式SHABU SHABU都人氣急升, 同類的店開到差不多總有一間係左近.就好像這家牛陣, 分店巳有8家, 遍佈尖沙咀, 旺角, 銅鑼灣等人口密集的市中心.最初開業時還起碼要等上1小時才有位.不過我本身不多吃肉, 所以其實好少會光顧這類店.但這天走在旺角, 其他食店吃到有點厭, 突然看到這家牛陣, 價格不算很貴, 又剛好不用等位, 好日都不吃一次, 就試試看吧.任食限時90分鐘, 牛肉是任叫, 其他也有蔬菜甜品是在外面自助的.牛肉跟湯底也有分幾種. 牛肉有分普通牛(HKD$138), 上級牛(HKD$168)跟和牛 (忘記了多少錢).我們取個中價的上級牛好了. 湯底也有分豆乳, 清湯, 甜豉油湯. 我們選了甜豉油湯.顏色好像很深....有點濃. 湯底味道偏甜, 吃多了覺得好膩. 跟另一半都說早知要清湯算了.加HKD$20可以任飲JOLLY SHANDY及汽水對於水怪的另一半來說就算幾抵的, 因為他吃到一半巳飲了3支JOLLY SHANDY, 但對於不多飲呢些的我, 點了罐ZERO吃完了都未KO到.先上桌的是豬柳肉跟豬肋肉每款只有4片左右, 不

o係團購買左$38/位 任食火鍋coupon(食完仲要比每位$8既加一服務費 以原價計算)飲品要自費~($10/罐罐裝飲品，另有啤酒) (如想任飲+$20/位)我地團購個時限係一小時，一定唔會加任飲~~因為一個鐘都飲唔到3罐~野食方面得好少款揀：腸仔、蟹柳、薯仔、烏冬、粉絲、拉麵、菜、魚蛋、芽菜、豆卜...肉類極其欠奉~每位只有一小碟肥牛，食完冇得refill~腸仔並唔係廚司腸...比廚司腸硬身少少，味道一般蟹柳味道正常唯一比較欣賞既係佢個牛肉咖喱(汁+少許蘿蔔薯仔)可以加落白飯或炒飯炒飯有牛肉粒，幾好味^^雪糕四款口味：熱情果、牛奶太妃(拖肥)、焦糖脆脆、士多啤梨後3個都唔錯，熱情果冇試~~焦糖脆脆最特別，不妨一試~脆卜卜既碎，好甜好濃味！雪糕可以加toppings：穀類早餐(朱古力、粟米片)、棉花糖、七彩朱古力碎、朱古力碎...另可加朱古力醬/士多啤梨醬有Jelly，但唔知點解上面加左七彩朱古力碎/_\"感覺怪怪地！同之前既食評一樣，其實時間都好趕急，食得唔多野(而且都唔多野比我地揀)未夠鐘就要埋單一夠鐘即收鍋<~~~呢樣比客人既感覺超級差，洗唔洗收鍋咁誇張/_\"好似催命