牛陣 (iSQUARE國際廣場)

營業中

休息中

已經好耐冇同大少打過邊爐，上一次已經差唔多三四個月前。為咗呢一次放縱自己，我早餐都冇食。我哋揀咗嚴選套餐配日本甜豉油湯底。一定唔少勁定叫牛同豬，大少攞咗冬瓜，菜，秋葵，我就攞咗金菇，冬菇，同埋白蘿蔔。混醬方面，我自己就簡簡單單，淨係辣椒再加埋豉油. 但係大少個碗混醬就非常之豐富，我見到有蔥花，有辣椒，同埋我估係酸汁。因為大少講過甜豉油湯底再加埋酸汁嘅醬好好食。去到最後個湯底已經非常濃郁，跟住再加埋白蘿蔔同埋冬瓜。啲白蘿蔔同埋冬瓜已經浸到林晒，吸晒所有味。又林又甜又好味。

不嬲聽牛陣啲嘢有質素又抵，今次就同屋企人食呢一間新出嘅壽喜燒火鍋湯底。我非常鍾意打邊爐尤其是係每逢餐廳出特別湯底我就一定會捧場。今次食呢一隻就係佢最高級嘅和牛，係日本飼養。配埋佢非常有細緻嘅湯底、配料就如置身係日本用餐。牛肉嘅質素好高，另外佢嘅配料都唔輸蝕出邊有好多唔同款式嘅食物。自己最鍾意就係佢嘅羽衣甘藍、比較少餐廳會用到呢一啲高成本嘅食材。另外出邊亦都會有各式各樣嘅飲品、擺位都非常之好。同埋店員嘅服務都好好，會教我地點樣食先至最好食。

壽喜燒響日本係喜慶先食～今次就因為朋友榮升人妻一於食返個靚靚和牛壽喜燒同好姊妹慶祝下識食一定去牛陣冇味精得黎食完又可以打邊邊鰹魚醬油超好味食完仲可以食菜清清教教大家正宗食法1打蛋2燒溶牛脂肪再炒洋蔥3放和牛，放醬油4肉點蛋汁5放菜，落埋壽喜燒醬同清湯就得喇店員會示範一次，之後我地就可以自己玩啦食到咁上下覺得太膩就可以用d和牛黎打邊爐，仲有任食既丸同菜，咁岩我果日仲有炸雞同薯條另外仲有甜品既部分，食完超滿足

好耐無食過牛陣，聽朋友講距地出佐個新ge「壽喜燒套餐」一於黎試下。首先店員會幫我地用牛肥膏將d蔥啊 洋蔥等等香料炒香，然後倒d壽喜燒醬汁入鍋內，再放和牛入去輕輕燒下2面就食得！可以將個牛放入個雞蛋汁入面浸一浸再食，就更加香！黑毛和牛指數非常高，牛味好濃，唔會比壽喜燒醬汁ge味道蓋過，而且好滑好淋，牛油脂肪ge味都出。呢個套餐和牛可以不停加碼，所以其實好抵食㗎。除了和牛之外，呢個套餐仲有牛舌，豚肉可以燒黎食，另外出面個自助式食物吧台都好多款食物選擇，有各式丸類、蔬菜、菇類等，仲有d炸雞，薯條。甜品就有雪糕，都係自助形式ge。食物款式多，而且個壽喜燒套餐真係唔錯，壽喜燒醬油個味道好好，而且價錢不算貴，推薦。

好耐都冇來牛陣食日式火鍋放題，今次我請客，懷念一下， 以前係牛陣門口都會一大陣豉油湯店味，都會俾佢吸引，受唔住誘惑，就會去食，但而家係麻辣湯底味道，7點去到仲可以walk in ,呢間鋪面積比較細，今次叫左豬骨湯和特制白雞湯底， 兩個湯底都沒有特別驚喜，叫左黑毛和牛套餐放題， 牛肉味唔重， 油脂分佈平圴，但入口有少少嚡感覺，沒有入口溶化，門口自助區，食物選擇不多， 位置細，哈根達雪糕區經常排隊，雪糕都未食就要結賬！！

Hurray!!!!!! 今日好開心，親愛的今日終於傾掂左公司嘅合約，見佢辛苦左幾個月梗係要同佢食餐好慰勞下佢啦，親愛的鐘意食牛，於是我地揀左去Isquare裡面嘅牛陣食和牛壽喜燒! 餐廳好貼心咁介紹左壽喜燒嘅正確食法, 店員仲親自示範左一次俾我地睇個次序要點做，好貼心和牛每件要入口即溶，燒大概30秒再放入預先打好嘅蛋漿一齊食👍🏻👍🏻👍🏻配合埋京葱和洋蔥一齊食，口感更為提升!燒左一陣,親愛的就話想食菜，於是我地就請店員為我地加湯打邊爐，外面嘅配料都好新鮮，蔬菜類品種好多! 一個鍋兩種享受親愛的表示十分滿意!

今日5點3去到，間店無咩人，入面一半人都無諗住唔使撳飛，係門口叫侍應，個丫姐繼續抹筷子，指住部機，我咪撳飛撳完，佢一樣唔理我，佢用普通話話我唔排隊另一個人呆左望住，又無反應。我問佢係唔係無位，佢一樣無反應。另一個侍應叫我入去終於坐低，但一樣無人理，無問要咩湯咩餐，過一陣放低個餐牌就走左所以最後都放棄唔食，咁多餐廳做咩未食就要睇店員面色落樓下果層，門口望下餐牌，已經有人serve，帶位完全唔知咩事要用啲咁嘅態度

友人慶祝我考到車牌，就提議食正宗壽喜燒慶祝。我地點左餐後侍應好快就拎左鐵鍋同埋食物上枱。食物方面有和牛、黑毛豬、牛舌、海鮮拼盤同蔬菜拼盤。仲有唔少得壽喜燒甘露同埋日式清湯各一瓶。侍應首先教我地將隻鮮雞蛋打落隻碗搞勻先，陣間用嚟蘸肉食。等個鍋燒熱後，先將和牛脂肪塗勻鍋底，再炒香洋蔥同京蔥，跟住就可以放和牛落鍋燒。和牛每面燒約兩秒，然後淋上壽喜燒甘露就食得。和牛就咁食已經好嫩滑，蘸埋雞蛋汁令肉味更突出，其他肉類同海鮮就咁燒都好好食。我地食燒肉食到有啲滯滯地，就加日式清湯溝埋壽喜燒甘露調味轉做日式火鍋繼續大食一餐。重點係湯底冇味精，食得健康！出面有大量自助火鍋配料任拎，特別嘅係有羽衣甘藍、冰菜同秋葵較少見蔬菜食。最後我地食埋Haagen-Dazs雪糕先肯收手，真係相當滿足嘅一餐。

同朋友好耐無見，新年之後終於約到食呢餐開年飯，因為知牛陣最近出咗個壽喜燒set，一直都想食正宗日本壽喜燒好耐，所以就決定嚟呢度食順便睇場戲。嚟到都好多人係門口等緊，等咗大約十零分鐘左右入咗去，見到個牌介紹咗有呢個壽喜燒set就毫不猶豫咁叫咗，價錢嚟講我覺得都算合理，$289一位。好快就嚟咗好多嘢食，我哋叫呢隻係日本黑毛和牛嚟，雖然唔係最貴個隻，但我覺得都夠好食。有牛都有叫埋豬食～海鮮都有埋，有蠔、帶子同魷魚。仲有個好靚既蔬菜拼盤添！有我最鐘意食既羽衣甘藍！俾完嘢食我哋之後，職員就主動走嚟幫我地燒同介紹返，原來呢個湯底係完全無味精既，聽完感覺健康啲都無咁有罪惡感！佢用既鑊比平日打邊爐既鍋矮身啲，比較似用嚟燒肉既感覺。第一步職員就用牛既油脂去加油，再加啲洋蔥上去。再慢慢加啲牛同埋落壽喜燒既汁，一路燒會有好多煙，聞到都好香。而最正宗既就係再用啱啱燒完既牛點拌勻咗既生蛋，個燒咗既牛同生蛋加埋真係好好味，個生蛋又會降低小小個牛當時既熱度，但又令個牛更加香。開始咗之後真係食到停唔到，成盤都係嘢，仲更多啲烏冬入去，好入味。出面仲有好多丸同菜可以拎，最開心既就係有得任食Haagen-Dazs雪榚添，好

今日朋友帶左我去牛陣去食打邊爐放題。一入到去人山人海，好彩預先訂左位，等大約五分鐘就可以入到去了。點餐方面，我哋聽咗店員嘅推介叫咗個壽喜燒和牛餐，佢嘅肉類，即使係和牛，係任叫任食的，有乜需要即管出聲，快夾妥，抵讚。另外佢出面有自助bar，飲品，甜品哈根大師雪糕，蔬菜同前菜任拎任食，正。壽喜燒方面，原來店員同我地講日本人為咗慶祝先會食壽喜燒的，佢就同我地介紹日本關西正宗嘅壽喜燒吃法，原來係頗為講究的。聽唔明唔緊要，桌上仲有牌仔教路，包無失拖！肉類方面，呢一個餐配上了鹿兒島日本和牛，比一般美國或者澳洲和牛更有口感更有肉味更少肥膏更健康。當然佢其他豚肉，牛舌等都不錯的。海鮮和蔬菜方面，佢哋亦都預備左海鮮同埋蔬菜拼盤俾大家，又是真材實料既配料。太多好野食，食唔晒咁多野，下次一定要帶定一大個胃來再大吃一餐!

對於鍾意打邊爐，而又食唔到太多肉嘅朋友嚟講，定量火鍋套餐絕對係一個好選擇。定量其實只有肉類係定量，其他火鍋配料同埋雪糕依然係可以任食。 即係話，開頭只會有一份肉，食完就冇。但係火鍋配料係任食。呢度嘅火鍋配料亦都有好多選擇，除咗有唔同款式嘅菜同瓜，仲有豆腐、豆卜、丸類、菇類、腸仔等等。另外仲會有公仔麵、拉麵、烏冬， 咁就唔驚會食唔飽。連平時較少見嘅秋葵亦都有。最平嘅午市定量套餐連埋加一都唔過80蚊，仲要有Haggen Diaz食，雖然冇得揀湯底同埋冇飲料，但仍然非常超值。

今個星期放假天氣涼涼地....就同老婆兩個好想打邊爐但我又好鍾意食牛所以就選擇左去（牛陣）因為好多朋友都有介紹話呢度啲牛好好食咁我一定要黎試吓啦！仲一早book咗位添🙊先講嘅環境....其實位置都寬躺仲有落地玻璃望到出面嘅環境食嘢都舒服啲🤗我同老婆點完菜單就有職員過嚟示範啲牛點樣整嚟食非常之細心👍🏻因為原來啲牛有兩個食法，第一個係燒牛加啲醬料（壽喜燒甘露）同洋蔥，京蔥加落煎pan炒牛味道非常之突出👍🏻非常之鍾意呢個食法第二個食法當然係打邊爐啦因為呢度啲牛非常之新鮮好味，所以就算打邊爐啲牛都好出色🤗🤗同埋呢度仲有好多配料可以自己出去自助拎嘢食食到飽🙊🙊真係平，靚，正👏🏻👏🏻

話說有個來自日本既好朋友，會黎香港玩幾日順便黎探我約我食飯，正頭痛諗去邊度食飯同佢洗塵之際，佢已經指明要去牛陣食，ok！無問佢點解咁識係香港搵食？！只係準備定個餓底肚同佢大擦一餐！！到左夜晚去到牛陣，呢個日本朋友話要order壽喜燒，神神祕祕既佢終於忍唔住要話我知，原來佢即將要結婚喇，好想我同佢一齊好好慶祝一下，仲話原來日本人係呢d喜慶既日子都會食壽喜燒賀一賀既！佢開心到要請呢個原本要同佢洗塵既我食呢餐！呢度好貼心，教埋您點整點食壽喜燒。好快，一盤用黎整壽喜燒既雜菜同日本和牛已經上枱。仲有2個壺。左邊係壽司燒甘露，右邊係鰹魚清湯。店員好好，見我地掛住影相，一邊叫我地可以打定雞蛋，一邊就幫我地用d牛脂肪起左個鍋先，再放d京葱同洋蔥爆一爆。之後主角日本和牛出場，每邊燒2秒再倒大約2湯匙壽喜燒甘露落鍋度，再點d雞蛋汁就食得。本身和牛已經好好食有牛味、油脂好香，d雪花好靚。而壽喜燒汁甜甜地，點上雞蛋汁，食起上黎牛肉又滑又嫩。好快就KO左一碟。除左日本和牛之外仲有牛舌同豚肉，如果個餐價值over $219/位，海鮮都可以任食添！全部都好好食，不過我地今晚focus 和牛，因為實在太太太好食！係咁

情人節食飯，又唔想同人逼，梗係等一日先食牛陣就食得多啦，作為一個牛魔王，見到有新既牛陣套餐，梗係既快快去試壽喜燒同普通牛陣打邊爐無論係食材同煮法都好唔同，我地叫左個餐之後，工作人員就攞個pan，兩碟和牛，海鮮,豚肉，兩隻日本雞蛋同一壺魚湯同壽喜燒醬我自己覺得壽喜燒比起普通打邊爐好玩好多，最重要係食物既味道多返好多層次。咁都係因為壽喜燒既煮食既次序- 首先要用和牛既脂肪茶滿左個鍋,然後利用啲油再炒香啲洋蔥同京蔥。炒到咁上下就可以加小許壽喜燒湯汁，放塊和牛落去等3秒,之後再將塊肉放係個打好左既日本雞蛋就食得❤️我食完第一塊真係停唔到。一開始對啲生雞蛋有啲驚驚，但係一食落就發覺隻雞蛋可以中和牛肉既温度同壽喜燒汁既味道，令到和牛既味道更加突出。真係停唔到口!!食到咁上下，我地就加哂啲壽喜燒甘露，再加埋日式清湯，就可以食其他食材。😍😍我最鐘意牛陣其中一個原因就係因為佢林林總總既配料。佢就連較高成本，健康同埋比較冷門嘅冰菜,羽衣甘藍同秋葵都有!大家嚟到就食多啲呢幾隻菜因為出邊打邊爐唔會有呢幾隻菜!其他火鍋配料仲有芝士魚糕，墨魚丸，魚蛋芝士腸，魚柳，應有盡有! 佢特別係連炸雞同薯條都有!當然唔可以唔提

早排同朋友去食牛陣放題，我地揀左219嗰個澳洲牛，啲牛肉味都幾重嘅，都幾好食。但係出面啲配料就差啲囉，都幾少選擇，菜好似有3種，但丸嗰啲嘅選擇得好少。出面嗰啲唔太吸引，惟有係咁嗌隻澳洲牛黎食。總結係我覺得如果配料多啲會吸引啲，我未必會再食牛陣。