牛陣 (形點 II)

營業中

休息中

未食過一間火鍋啲牛肉咁垃圾 唔係人食咁 啲牛肉好似雪左耐咁 好似食緊擦膠咁 又薄 好難食 話呢間嘢啲牛肉好食嗰啲人都唔知係咪有問題 定係佢哋冇食過好嘢？我哋揀嘅係澳洲牛個套餐 都勁難食 啲牛肉冇咩脂肪 打邊爐梗係主要食牛肉 樓上牛大人最平嗰個好食過佢10倍 同埋出邊啲嘢冇咩選擇揀咁 以後都唔會再嚟食 永久黑名單 入場時本身揀了90分鐘 食咗陣已經唔對路 跟住想轉返60分鐘 店員問過經理 同我講過咗30分鐘冇得轉 我立刻問幾點入場 再望一望時間 發現都未夠30分鐘 最後幫我轉 跟住個經理同我講 夠60分鐘要即刻走 好似比說話我聽咁 第一次出街食嘢個體驗咁差

☀︎ 𝗦𝘂𝗺𝗺𝗮𝗿𝘆：牛陣近日推出冬日限定主題「日本の冬のおもてなし」主打壽喜燒 X 一人一鍋打邊爐🥳每人$359就可以係90分鐘內任食任燒至Top嘅日本產黑毛和牛仲有澳洲產長期穀飼牛，日本產豚肉片期間限定嘅關東煮，鯛魚燒等等◈ 壽喜燒店員先上一大盤由日本產黑毛和牛由日本自家農場飼養並直運到港！均稱嘅雪花紋，色澤鮮嫩一睇就知質素確係有晒保證😍根據關西風壽喜燒嘅食法先用牛脂肪喺鐵鍋上起鑊輕輕炙一炙和牛再淋上自家製暖笠笠嘅壽喜燒汁入口係滿滿嘅牛肉香，甜甜的，油而不膩最後蘸上日本蛋液，帶出牛肉嘅餘韻😘◈ 一人一鍋shabu shabu食完壽喜燒，可以叫店員加湯轉打邊爐湯底係清甜嘅日本產鰹魚湯可以將一開始已經送上嘅扇貝，鮮蝦，青口牛舌，日本產豚肉片，魷魚，蝦滑，蔬菜籃等逐個放入去涮一涮🤣食哂仲可以問店員再次Encore🥰另外仲有多款蔬菜，粉麵，丸類係哂自助區推薦：羽衣甘藍，芋頭◈ 調味料值得一提嘅係調味料款式真係豐富到爆😂超過30種嘅特別味道For打邊爐：花椒油，本枯乾冬菇醬油，18禁辣醬鮮磨生薑蓉，BB青檸，日式焙煎黑芝麻等For壽壽燒：黑芝麻鮮菇粉，櫻花蝦海鮮粉，山椒粉等◈ 飲品，雪糕，關東

冇得去日本都要食下日本野🤗呢啲天氣就緊係去打邊爐！冇晚市緊係星期六日去食下好野，今日經開yoho又入左黎打邊爐🌟壽喜燒日本產黑毛和牛及日本產豚肉放題套餐🇯🇵🐮 $359/位壽喜燒係日本係過年就會食。啲牛淨係賣相已經🈵分，雪花紋勁靚❤️油脂唔會太多，店員教係咁易燒一燒再落啲壽喜燒汁就食得，然後蘸埋蛋汁一齊食仲更加嫩滑☺️入口即溶，呢個係一個關西風嘅食法。覺得乾就可以加少少鰹魚汁落去。唔知係咪耐冇黎，而家轉左做一人一鍋，所以我就一鍋放湯食，一鍋燒住食🤤除左和牛仲可以叫牛舌，輕輕烤一烤就食得，太耐會韌。湯底就偏甘甜，清醇。除左牛，豚肉都好新鮮，顏色呈淡粉紅，唔會有多餘嘅油脂，薄薄一片食落唔厚實，軟淋淋。一黎到店員就會上晒海鮮同埋壽喜燒啲配料，唔夠食就可以出去自助區到自己拎。啲海鮮都好新鮮，有扇貝、青口、蝦、墨魚滑、魷魚、八爪魚等等，勁豐富自助區仲有關東煮🍢、鯛魚燒、Haagen daz、waffle同埋棉花糖等，我就貪得意整左支棉花糖食😎醬料方面有好多選擇，有好多平時出面見唔到嘅醬🤩有18禁辣醬、黑芝麻醬、青森林檎醬油等等，黑芝麻醬夠特別，比普通麻醬再香啲，配牛肉食唔錯呢個價錢包埋飲品同asah

近排真係好凍下~最啱就係去食燒烤火鍋之類嘅嘢暖暖身🔥！ 呢日好似平時咁又同男朋友去元朗Yoho行街街，行到咁上下見餓就去咗「牛陣」試佢呢排新推出嘅和牛壽喜燒晚餐放題！ 唔知大家知唔知壽喜燒其實係日本人每逢節日或喜慶場合先會食嘅嘢，今次因為見就過年，所以當慶祝去食餐好嘢喇～ 壽喜燒有分關西風同關東風嘅食法，小妹喺到就唔班門弄斧la~簡單嚟講兩者最大分別係牛肉嘅處理方法，關西風係喺空鍋輕炙，而關東風就所有料一齊落去煮好似火鍋咁~ 🧡壽喜燒 - 日本產黑毛和牛及日本豚套餐   (90 mins) （$359/位）入坐冇耐，一見霜降般嘅和牛上枱就知呢次絕對係揀啱咗！呢個價嚟講靜係食靚靚和牛都超抵！ 呢到嘅壽喜燒係用關西風煮法，先用和牛脂肪起鑊 ，之後和牛每面輕炙一下， 淋返個壽喜燒汁，再點埋靚靚生蛋食，幸福就滿滿咁散發喺口腔入面，完美！ 除咗和牛之外，呢個餐仲跟咗新鮮海鮮拼盤、日本豚同壽喜燒嘅配菜，真係豐富到不得了！我哋食哂呢啲都已經好飽好滿足！ 如果你係大食嘅朋友，其實自助吧仲有好多其他火鍋配料、熟食、甜品等可以自取。我哋就試咗呢期限定嘅關東煮同鯛魚燒，同樣都好高質！ P.S. 我哋

好耐都冇嚟過牛陣、見佢新裝修就嚟試吓。試咗$209嘅90分鐘澳洲長期穀飼牛放題，一人一爐自選湯底，鰹魚清湯同壽喜燒湯唔使加錢，其他就要加$5，老公要咗唔使加錢嘅鰹魚清湯，我就要咗加$5嘅豚骨湯。坐低湯底同牛肉都好快到，首先上一轉嚴選牛肉，澳洲長穀飼牛，豬肉同牛舌。湯底冇乜特別，但真係冇諗到啲牛肉質素咁差，嚴選牛肉直情係唔掂、又鞋仲覺得有渣，澳洲長期穀飼牛都唔係咁好，冇咁鞋但係都係唔多好食，早過我入去嘅兩個男仔坐喺我隔離枱，我哋都聽到佢話啲牛肉唔掂，佢都係同我哋食同一個套餐，豬肉普通到唔普通，好彩有牛舌，牛舌就幾好食，所以我食咗好少牛肉，只係食牛舌，我老公要求唔高但佢都話啲牛唔係幾得，飲品同雪糕種類唔多，蔬菜，配菜同丸嗰啲正正常常冇驚喜，服務生態度幾好，上菜都好快。真係沒有比較就沒有傷害，之前試咗另外一間馬祖，最平嗰個餐Prime Grade牛肩胛肉$208，湯底款式又多又唔使加錢，最重要係啲牛肉好食好多，飲品雪糕種類多仲有M字貴價雪糕，蔬菜，配菜同丸嗰啲都俾依度多少少，五點前仲每人減$20埋單仲平過呢度，出年仲會開另外一間牛大人，聽人講話好好食，下次會去試埋比較。牛陣唔會再嚟食啦！啲牛

元朗站📍牛陣-冬天成日都想打邊爐，今日去食牛陣，發現佢有個限定期間壽喜燒鍋，又幾ok喎，同大家分享下先！😋今次兩個人食$279任食90分鐘套餐：澳洲特上長期穀飼牛沖繩豚放題，一個試左限定期間嘅壽喜燒鍋，另一個要普通蕃茄湯底。壽喜燒鍋本身包左一籃蔬菜盤，而且可以無限添加日本雞蛋點壽喜燒牛肉😋濃郁嘅壽喜燒汁加埋薄薄一片嘅牛肉/牛舌，Oishi😋😋😋佢仲有個壽喜燒操作指示牌，第一次食都唔驚唔知個step！今次兩個牛魔王就冇食到豚肉，兩個人都叫左10碟牛😋正宗食肉獸🤘🏻壽喜燒汁煮蔬菜都好入味！另外個一個蕃茄湯底就淥下丸、菜、肉、烏冬、拉面同埋佢附送嘅海鮮拼盤等等，當然唔少得我最中意食嘅筍片🤤熟食都唔少，好似炸雞、薯條、關東煮、pancake仔可以任食。最緊要係有無限任食Häagen-Dazs雪糕🥶大大話話都食左7-8杯，如果雪糕係杯裝就更方便衛生🤩如果比起係日本食嘅壽喜燒就一定唔夠正宗，而且個燒盤都唔夠大，每次只可以燒到最多2片牛肉（都迫迫地），同埋牛肉有時未必可以一片片完整咁夾到出鍋。不過呢個價錢黎講一解去日本食好西嘅思念都唔錯！🤪環境方面，呢間餐廳不嬲都企理整潔，而且都坐得舒服，90分鐘慢

身為打邊爐狂魔嘅我直頭日日食打邊爐都得呀🤣🤪今日近近地係元朗覓食，行YOHO見到牛陣做緊秋祭活動，正呀！😍我哋揀咗澳洲產特上長期榖飼牛期間限定秋季主題任食火鍋套餐($279/位）整體評分：7.5/10環境：6.9/10服務：8.5/10*點解會比咁高評分最後有講💛人均消費：$100-200地址：牛陣 (形點) (元朗)元朗朗日路8號形點二期2樓A218號舖——————————————————————湯底：美肌豚骨湯🐷：比較普通，不過都幾清甜，適合煮菜藥膳香辣湯：推介呢個湯底！勁香！澳洲產特上長期穀飼牛🐮：雪花好靚😋薄薄一片，唔洗煮太耐就可以食得，牛味好濃，食咗超多碟🙈沖繩豚肉🐷：幾正😻比起普通豚肉好味好多。唔會太肥，咬落去嗰陣豬肉香喺口入面久久不散秋之雜菌🍄🍁：入面有唔同嘅菌類，充滿大自然氣息期間限定-豪華海鮮盛合🐙🦑🦐：入面有蟹柳，東風螺，魷魚同埋蝦滑，東風螺好正！蝦滑口感彈牙，上面好多蟹籽其他：除左肉類同海鮮，蔬菜同丸類種類都好多，全部都好新鮮💖而且仲有一啲小食，五目炊飯、秋野菜味噌湯、炸番薯條等，都幾好味甜品：Haagen Dazs雪糕：有唔同選擇😍個人最鍾意焦糖味蕨餅蒙布朗：秋

自從開左馬祖後少左黎牛陣，是日敵方等位人數眾多便來呢度，意外地居然等兩三個客就入得，好快呀。搞緊個咩野夏祭，一入去店員就唔知叫句咩日文，係好齊心但sor唔知講乜。夏祭多左小丸子，大阪燒，燒香腸等小食，不過味道一般，淺嚐便可。台式麻辣湯幾香，夠麻夠辣幾好味，唯一唔好係好多渣，食菜個陣住晒。壽喜燒湯底都幾好，唔會過甜。至於啲牛肉片，因為叫左最平個隻餐所以有樣你睇白色一大片，只能夠講一分錢一分貨，平野預左係差，講完。豬肉片就幾滑唔肥，好食過牛肉片。最後雪糕係自己筆嘅焦糖脆脆味同曲奇味，好多人排隊筆條路又好窄，求其筆到啲就算了。二百蚊人頭有更好選擇，不過貪近無計。

📍牛陣元朗朗日路8號形點YOHO MALL 二期2樓A218號舖$429 日本產特選黑毛和牛放題 套餐 (90mins)就咁睇個價錢好似貴咗啲但係係值得㗎！有六款湯底俾你揀 鰹魚清湯/壽喜燒湯/美肌豚骨湯/新鮮蕃茄湯/藥膳香辣湯/濃厚雞白湯我就揀咗壽喜燒湯😋 同啲牛肉好夾啲牛肉雪花紋理顏色好靚 油脂分布好均勻 非常高質！！！ 入口即溶！！！牛味重！！！另外我仲加咗個豪華海鮮盛合 雖然呢一間舖頭主要係食牛 但係啲海鮮都非常高質好大 好新鮮 尤其係隻蝦想食嘅朋友記得快啲去啦#牛陣火鍋 #燒肉定食 #日本菜 #日本料理 #火鍋放題 #夏祭 #夏日祭典遊戲 #和牛 #御神籤 #一家大細 #familygathering@gyujin_wagyu

三點幾同女友行完南生圍行去形點食飯 女友叫左雞湯底 食左半個鐘左右 見到湯底好多蟲浮屍 即刻同staff講左 佢地即刻拎走左個湯底 又換左個新湯底 結果仲沒加嘢落去新湯底 已經見到啲新嘅蟲浮屍係斗 鄰台食客都話係菜見到好長嘅蟲… 同女朋友一共食左半個鐘 兩碟牛肉完全冇左胃口食落肚 即刻同佢地埋單 staff最後話打八折問我得唔得 懶得同佢地傾叫佢地快啲碌卡 今世都唔會再來食牛陣 懷疑佢地啲菜完全未洗過 已打去食環署投訴 真係食到怒火中燒

經過牛陣門口見到夏日祭活動好吸引就入咗去入座前可以玩夏祭小遊戲小朋友得到小吉禮物：夏祭糖果佢覺得好開心我哋揀左澳洲產特上長期榖飼牛90分鐘放題套餐 (成人$279/小童$109）有6款精選湯底我哋揀左蕃茄湯底配穀飼牛好好味呀套餐可以任食海鮮同豚肉自助區亦有各式丸類、蔬菜同雪糕仲有多款期間限定夏祭小食同埋日本直送懷舊波子汽水餐廳環境都算整潔侍應都有禮貌 唔會覺得小朋友麻煩有兒童餐具同BB櫈提供 幾滿意埋單仲可以抽御神籤抽到9折優惠可以下次用

小隊友調職，同佢食餐歡送宴，食日本火鍋放題，準時去到，等齊人入座，坐最近門口四人枱，一人一鍋，可以自選湯底，食物區分區清楚，執到乾淨企理！我哋揀左90分鐘澳洲殼飼牛，我揀左鰹魚湯，調味料要自己配搭，第一round上菜有牛舌、豚肉、牛肉，薄牛舌落湯一般（我都係喜歡燒牛舌）豚肉肥美，不過梗係長encore牛肉，薄切牛肉涮起好味，肥美又夠牛味，另外我最喜歡食落萵筍、生菜、蟲草花，名牌雪榚有4款！最好味係士多啤梨！飲品是罐裝，有糖無糖嘅選擇都有店員會定時來加湯，有禮斯文！90分鐘午餐都夠時間喜歡日本火鍋

假日行過見牛陣以夏祭為主題，推出左特色放題套餐😍思郷之情即係湧現，9秒9衝去食反個午餐先🍴🌟日本產 🇯🇵特選黑毛和牛放題套餐（90mins) $429-期間限定 🌟惠顧滿$279以上套餐，即可享有日本直送懷舊「波子汽水」🥤放題，細個真係好恨飲波子汽水㗎，不過媽咪成日怕我蛀牙🙈所以好少機會飲到-夏祭特色放題小食：爆谷🍿日式炸雞🍖章魚小丸子🐙燒粟米🌽日式炒麵⋯忍唔住拎左頭3款小食嚟試，真係好有水準，無Hea整！湯底揀左例牌💁🏻‍♀️壽喜燒同濃厚雞白湯（+$5@），油脂分布均勻肥美嘅黑毛和牛同呢2個湯都好夾，唔會被搶左牛味💕沖繩豚肉同牛舌都幾好味😋不過我地都係主攻回本必食嘅和牛為主-期間限定🌟豪華海鮮盛合（只供應1次）；每人有一隻火鍋🍲甘大嘅蝦🦐、2隻帆立貝、2隻鮑魚同1隻蠔🦪海鮮唔夠喉！？唔怕仲有八爪魚、魷魚、螺、蟹柳、帆立貝（細size)、青口、蟹籽蝦滑同蝦仁共8款可以任食㗎‼️最後記得出去拎埋Häagen-Dazs雪糕食吖🍦有4款揀，貪心嘅我就每款拎少少食，記得食得哂先好拎好叫吖，唔好做大嘥鬼吖😉

今日難得嚟到元朗做嘢，梗係搵埋朋友一次過食飯成日都話元朗有好多小店，本身真係好想落去試吓但係出面真係太熱，最後我地留左起YOHO，選左食牛陣相對上我覺得牛陣啲座位都算叫做坐得寬鬆佢哋而家做緊夏祭活動包括左日式遊戲，夏祭特色小食（例如章魚燒、大阪燒同埋唐揚炸雞），重有波子汽水話曬係月頭，今次揀咗最貴嘅和牛套餐 $428當碟和牛到枱之後，我哋不期然大家都哇左一聲因為和牛明顯見到完美嘅雪花紋理，顏色亦都非常之鮮艷，非常之高質素，夠薄又夠滑，肉味又濃香。所以非常得到我哋嘅歡心，另外牛舌都係不斷encore既Item另外我哋加咗個海鮮拼盤，不得不提海鮮都幾新鮮，尤其是嗰隻大蝦，Size簡直係珍寶，食落爽口彈牙，仲吾會梅。自取蔬菜類仲有SuperFood羽衣甘藍其他嘅蔬菜或者丸類頭先提過除咗有波子汽水，其實仲有其他飲品亦可自取結帳嘅時候店員，仲俾咗一張九折卡俾我哋下次使用

There was a bit of a queue today but I finally got in around 2pm. I found they serve the sukiyaki soup, which is not common so I decided to try it which was not bad.Ox tongue was also a nice surprise as it isn't common. The first round of beef was really good but the quality of the later rounds were a bit variable, either being bit too fatty or tough but within acceptable range for unlimited beef.However, the biggest problem of the store was the air-conditioning. I have been too many stores for