牛角Buffet (好運中心)

營業中

休息中

今日18:13攞飛，結果等到21:30先有得坐。原本個餐係食100分鐘，那麼正常人都會唸我第一轉輪唔到我，那下一轉最多115分鐘清場，應該有啦！ 點知原來哩間垃圾係會不斷比飛所謂嘅 VIP 打尖，好似我張飛竟然會比20:15分先攞飛嘅所謂vip 打尖入座先。之後追問下，店員再講佢地係唔會叫夠鐘嘅客人交枱，佢哋只係唔可以 order 食物，但又好離奇地可以繼續去自助 bar 取甜品等其他食物，繼續吹水， 不需額外收費，那攞左飛嘅未入坐客，繼續係外面吹風那對於攞飛嘅客，係咪好不公平。冇可能如此安排混亂囉。其實，好似酒家分2段時間嗰啲，我都知道第二round 會到我啦！ 唔會唔叫客人交枱囉～好啦，終於排隊到我啦，進食時間又變左少過100分鐘，仲要準時23:00離場關門，那對客人十分不公平

今日大約5:30去攞2人枱飛，我攞嗰張飛同當時只差9個號碼，但到7:30都未到我張飛，我覺得佢哋按排入座好有問題，成日安排vip同3-4人枱，最終我哋都係放棄咗…..

這幾個月在這家吃過幾次lunch，感覺水平下降嚴重。1） 價格偏高但肉質偏差，午餐的set，去到200元水平（D餐）也只有少量美國牛，亦不是什麼靚部位。既然是set，還給這麼少的份量，性價比實在不足。近期剛漲價，漲價前還好，但現在漲價幅度過大了，食物同價格不對等。跟其他品牌連鎖店相形見絀。（某些店100+ 已有日本和牛食）2） 沙律吧質素較差，僅有罐頭水果，沒有新鮮水果。3） 最大問題：所有杯碗 都沒有洗乾淨，全部帶有一種怪味，好似洗碗抹布味道殘留，十分破壞食慾！ 尤其是金屬杯，摸上去還帶油。4） 進門時，就一定要讓人揀餐，有d人喺門口睇餐牌睇好耐，仲要幾個人討論一輪，都不會安排下一個，後面人點解要排隊等佢想清楚食乜？中午本身都趕時間，就不能考慮優化一下機制？唯一亮點，只是鹽醬，點肉確實好味。燒肉汁都淨係咸味，不好吃。不過這是個人口味因人而異。除了門口排隊體驗差，食嘢過程中侍應態度尚好，隨叫隨到。但這些已經無法掩蓋上述缺點帶來的負面體驗，若不改善，以後恐難再幫襯。

餐廳📍 牛角Buffet （沙田好運中心）地址：沙田好運中心3樓3078號菜式：日式燒肉放題適合：食肉獸價錢：$$$整體評分: 8.25/10回頭指數： 8.2/10食過好多間燒肉放題，牛角Buffet係日式燒肉放題入面性價比高嘅餐廳，而沙田分店只開張幾個月，店內職員服務態度不錯，牛肉品質亦比較有質素，所以小編已經由開張到而家，第三次來幫襯沙田牛角buffet，啱晒偶然想做食肉獸嘅我哋。全程係用QR Code落單，入坐前職員都好用心介紹menu，上菜及收碟速度快，無漏單情況。今次我哋叫咗 $438 「水之燒肉」餐，係餐廳中間值位既餐，當中唔計自助區，揀選食物多達118款。❣️飲品方面，有好多選擇汽水、茉莉花茶、雜果賓治、檸檬汁、芒果汁、蘋果汁、咖啡奶茶、牛肉湯任君選擇，而我最喜歡就係茉莉花茶，無糖之餘，茉莉花茶味好出❣️前菜方面，自助區有牛肉昆布湯、咖喱牛肉汁、泡菜芽菜冷盤小食，獨立樽裝沙律菜，甜品有泡芙、銅鑼燒、窩夫等等， 仲有必食既自製牛角飯及紫菜醬料等。❣️ 牛肉方面，牛類部位及級數選擇多，當中推介套餐既牛舌及美國SRF安格斯和牛肩脊肉係我哋會不停Encore又encore狂點嘅牛肉，

星期五晚去，揀咗四百幾蚊嗰個餐(第三個grade)，兩人食左$900幾肉質差，其中一隻有雪花既好少少，其餘8成既肉都唔得….叫鹽味都俺得好salty, 無味果隻又真係淡味… 蝦同扇貝ok但無下次

之前有個平日放假，唔使返工。一諗假期有咩餐廳好多人，平時冇機會去食，就即刻諗起牛角🤣於是我同男朋友就一齊去咗沙田嘅牛角食lunch buffet😋我哋叫咗最平嘅套餐，每人$2xx, 因為我哋都係志在食牛角飯，所以最平嗰個套餐我哋都覺得OK🤭而家牛角，原來仲有刈包同埋窩夫俾你喺個爐上面烘熱嚟食，好正😆食最平嘅套餐，我個人推薦食豬大腸，記得要燒到差唔多熟嘅時候，再將佢剪開一半嚟燒，就會外脆內軟👍🏻另外再推薦大家食牛角飯嘅小貼士😆（雖然可能大家都知🫢）就係落完紫菜之後，要加一羹燒肉汁同一羹鹽醬，最好加埋枱面嗰個鹽醬（如果鍾意食重口味嘅話🤭）結論：牛角都係平日食最舒服，唔使等位又唔洗同人迫🤣如果平日得閒會再嚟食～

好耐都冇出來食飯，今日同朋友食牛角。落咗單好快就上菜，肉質有口感，加埋個醬，咸咸地仲好食👍🏼不過我就食食下好口渴，本身飲汽水都轉左飲茶，清清地冇咁口渴如果怕食得太油膩嘅朋友仔，可以試下包生菜食。當自己今晚有食菜（笑）如果個肚仲有位食飯，都建議試下。一啖肉一啖飯仲滋味。最後，冇諗過羊肉竟然有驚喜，一啲都唔「蘇」，值得一讚食完咁肥膩嘅燒肉之後，諗住去食返雪糕中和一下，點知揀咗個白提子加朱古力雪糕，呢個配搭麻麻哋，但係白提子就好好食啦！

 : Gyu-Kaku Buffet has opened a new branch at Lucky Plaza, and they have some amazing new menu items that you have to try. 🍴However, I do want to share that the new booking system caused us to wait quite a bit before we could be seated. Unlike their other branches, you could book a table for reservation, which meant, if you get the ticket online, you had to wait for a bit before you can be seated. We had nearly two hours before we could start feasting on the delicious food. ⌛Despite the wait, th

做嘢夜咗未食飯，諗起牛角buffet 有宵夜，就去咗試吓💗💗叫咗一個$138 A 餐，有豬雞少少seafood , 出面buffet bar 任食，雪糕🍦最吸引💕💕平時少食雪糕嘅我都忍唔住食咗一大杯vanilla 💕💕好好味！$138 加1 ， 1 個小時，係食得趕，但依個價錢同質素就好抵👍🏻👍🏻個泡菜同蟹柳沙律好好味☺️☺️

沙田的牛角buffet是最新開的一間牛角buffet。平日午餐時間去到，walk in入去，都仲有位。地方很大。有很多卡位，都不停有人入嚟。今次主力想食自助區的食物，所以只叫了午餐C定食。60分鐘。職員都很好，問我是否選擇不同味。現在才知道原來兩款牛，可以用不同的醬料。😂😂牛角的牛真係無得輸，牛肋條因很多油脂，所以放在爐上有滋滋渣渣的聲音，很自癒。自助區都很寬敞，亦都很集中。不用周圍走來走去。自製牛角飯，湯，蔬菜，冷盤小食，沙律，甜品亦有。最新奇的自動取飯機。放一個碗進去，就會有飯跌出嚟。很有趣。最後來一杯雪糕作為午餐的結尾

本來想試下，5：55攞飛等到8點都未有安排期間問個幾次都無結果，期間不斷有啲會員，電話訂位入去，詢問員工就答你就有如果店負荷唔到就唔好比人攞飛啦攞咗又安排唔到，最後8：15決定唔食呢晚原本高高興興去食，最後嬲爆爆到飽晒當晚晚餐都無心情食回家訓

牛角不嬲出名好食，沙田終於等到有一間。今次專登去。距離地鐵站大約10分鐘步程，但屬於商場內，所以等緊期間去shopping都可以。眾所周知牛角不嬲都等好耐，就算有S級會員都未必入到。所以如果要食一係就要好早，一係就8:30打後。今次等接近兩個鐘，但係好多人都預左。不過大家都知等得辛苦，所以服務態度上佢地都非常將就。入面款式包羅萬有，最出名既牛筋，牛舌，牛板腱，樣樣有齊。飲品亦都可以自選。有少少餐前菜，非常開胃。燒物方面當然唔少得菠蘿，金菇，炸雞等等。牛肉一如既往好味，齒頰留香。落枱既侍應仲會介紹翻食物名稱。環境始終係新淨所以坐得非常舒服，周圍有少少煙在所不免。今次四個人平均$400內，放題式叫左四轉食物，根本唔擔心唔夠食，最後仲拎走埋雪糕。

5/4新開張，服務幾好，唔知之後keep唔keep到！Level 4或以上可以Book位，walk in 排咗2個鐘到。新開張先有嘅芝士飯痴埋哂，搞到啲飯一patpat，無哂口感。最好的始終都是牛角飯其他野就不過不失，無咩特別。

我今日收到傳單，見呢間牛角新開打算試下，安排十分混亂，我四點半攞飛，不單有啲唔係攞飛嘅人入座，一時又話訂枱，一時又話會員，呢一刻我等左三個鐘，差一個號唔想放棄，我就問佢係咪下張枱就叫我，佢話半個鐘內唔會再叫號碼，咁你叫我攞號碼做乜，根本就係安排失當，正垃圾，唔會有下次