牛角Buffet (雅蘭中心)

營業中

休息中

看到廣告牛角開始做放題，本人以前已經很喜歡吃牛角，現在牛角全日做放題1約200多元一個人，晚上吃的話是不錯的但由於我們之前午餐所以選擇了set lunch但現在前菜飲品湯品沙律，都變了自助形式。雖然只是平日的下午，但人數也十分多，幸好不用排太久。也許是旺角店的關係吧，人數絡繹不絕。點了最愛的腹胸肉和雞腿肉，配上自製的牛角飯 ，真的令人想不停添飯以前牛角飯需要額外加錢，現在可以任吃了 甜品方面也有頗多選擇有窩夫，生果 pan cake 等等牛奶雪糕實在太好吃，很有以前雪糕車的感覺下次來一定要在晚上試試任食

《結論》排隊：一定要用app攞飛，有會員更快（多過4個人就祝你好運）食物：中上質素價錢：旺角來講算係咁一、排隊君不見人人都話排好耐？你仲排？在下6個人去食，6點已到現場攞飛，你估下排到幾點？9點15分！排3個鐘先入座！鋪位6人卡位唔多，所以要等幾輪。鋪位中間其實有大量方枱連住坐，不過都俾人分配晒做2人/4人位。所以如果你人多過4位，務必要用佢哋個集團app遙距拎飛，如果唔係排到你燥。此外，佢哋嘅會員係優先入座嘅，所以唔好咁老定諗住早攞飛就一定早入座。如果你少過4位，更加要提早攞飛！因為真係有好多人。二、食物同服務餐單有level 1 - level 5俾你揀，豐儉由人。我哋叫咗level 4，質素算對得住個價錢，始終旺角區食嘢預左食緊鋪租。你可以用個tablet落單，奇就奇在每次淨係可以落10個order，基本上你頭一輪落單都要落返3、40個先夠食。除咗呢個限制之外，部機嘅介面其實係幾易用。佢哋上菜嘅速度亦都相當快，我哋嘅經驗係基本上10分鐘內乜都到齊。鋪頭中設有一個自助水吧，俾你攞前菜、雪糕、嘢飲。前菜中規中矩，反正燒肉先係主菜，冇乜所謂。嘢飲有果汁同汽水。雪糕就睇你運氣啦，佢有部雪

原本打去book位，但佢話full晒要等walk in。唔知係咪因為太大雨同我地早食，我5:45左右到拎左飛等5分鐘就入得，太開心啦。我聽講呢間係第一間有牛角的放題，當然要試試，我地今次一行5人，叫左level3 SRF 極上和牛，其實我唔係好知SRF係咩，但真係好好味，未燒已經見到牛的脂肪分布好平均，佢仲有兩款，一種係簿切，另一款係厚切，兩款都令人十分回味。其實我個人認為佢的紫菜飯加温泉蛋（自己製作）都好好味，如果平日單點咁叫一定會好貴（因為牛角一d都唔平，但放題的感覺抵好多）。我平日食更加唔會在牛角叫炸物，不過佢的炸物就比較一般。最後提醒大家一句，如果晚飯時間一定等勁耐，因為走的時候見到門外爆爆爆多人。

等位用左差不多兩個鐘，出食物既速度超級無敵慢，落左order成45分鐘先出，前提係已經催左好多次。以一個限時既放題黎講好唔抵，因為燒熟d肉都要花時間。肉既質素不差，同普通牛角大致相同。但係下次會去翻普通牛角，起碼唔洗成餐飯不斷催單

等等等........等到嬲，無法預訂，電話長期hold起左，電話係癈ga。 六點去到，等左兩個幾鐘。 最嬲係， 派位派到唔清唔楚...........唔值得等咁耐。

今日星期一，我和朋友夜晚6點半到，店員話大約7點左右可以入第一批，咁我地咪等。結果等左二個鐘，8點幾都未入到。其實放題是限時間的，店員應該可以計到客人大約幾時走，和下批客人入座時間，結果我浪費了2個鐘又入唔到座，而店員又安排不周。服務真不知所謂!

新嘅牛角燒肉 buffet 開咗唔夠一星期，當然要去試下啦！打電話打唔通，門口勁多人等，好彩我同朋友可以早少少過去~ 要齊人才可入，叫號碼過咗5個就要再攞票。終於有枱可以坐低... 雖然坐位有少試油，不過算啦，睇到用紙抹咗無整到衫就算... 我地選咗 Level 2，美國見島特選和牛放題~ 用 iPad 落單先~ 仲有兩個夾分開生同熟食物，衛生好多~ 上嘢都快嘅，好快就有肉烤喇~ 眼見肉都凍嘅，唔會放咗一段時間咁樣。個爐烤肉都快熟架~ 果醋白蘿蔔牛根好特別好諗好好味~ 炸雞就差d，粉漿勁厚仲連肥雞皮一齊炸，好滯。 牛油粟米就正常嘢。旁邊自助部分有兩個湯，唔辣嘅海帶湯同韓式辛辣湯，仲可以自己加紫菜架~ 辣湯好惹味~ 有白飯，有沙律 bar，不過無特別所以無試。有個雪櫃放甜品嘅，pancake (乾身，軟諗諗)，細格仔餅(可能凍，有d太硬)，大格仔餅(乾身，軟，食多塊都唔覺)，泡芙(有兩種味，軟硬剛好，無雪喺入面，入口溶化)，雜果菠蘿水蜜桃 (正常嘢)。雪櫃最底有雪凍咗嘅碟同叉，好細心呀！甜品雪櫃旁邊有軟雪糕機，有鮮奶味，水蜜桃味同混合選擇~ 食落口感較多雪，唔多奶，感覺似雪芭多d~

牛角平時夜晚兩個人就住就住叫都要700-800 落樓，而家呢間放題開左，緊係要有幾多食幾多啦，但大家要有心理準備排隊，除非係會員，如果唔就係要排4個鐘，我地7點鐘拎飛，結果係10點先入到去21:50 仲未入到去呀最後10點先入到去，剛好有宵夜時段佢有5個lv 打，限時100 分鐘，我地揀左lv.4 澳洲m9和牛呢個自助區冇咩特別，都係有d冷盤果、菜咁。但值得留意係，牛角飯係任裝架！真係唔覺唔覺食左幾碗飯都唔知呀！ 牛角飯除左個汁外，隻蛋都好緊要，記得要點lv.3 或以上先有溫泉玉子任叫架肉類都算新鮮，order 速度都好快，不過溫馨提示，食得晒先好叫啦，附近好多人都食淨好多呀！澳洲M9和牛肩脊肉上等牛肋肉胸腹肉蠔炸物

Ps未試過食餐野等到咁嬲所以開ac打食評我地6人冇訂枱6:30pm拎位都預左等，大枱去得慢都係預左的，佢7點半左右我地就係下一張大枱，心唸都等左1個鐘就等埋去啦依家走好蝕，點知佢d大枱比晒d vip同訂枱，在原地再企多2個鐘先到我地，Total 3小時！就係因為以為下張會好快到先一直等，大家收左工趕黎食野又餓又渴又累，9:30pm入座真係好晏。然後入座揀LV2,大家都勁叫野食因爲實在太餓，d牛同豬係好好食的，不過食燒肉易飽大家都食唔到幾多，每人$305，今餐食嘅量，彷彿係普通牛角店逐個叫嘅量再稍微多少少，但個價就同逐個叫差唔多，既然係咁點解要食任食，我寧願食貴dd慳番3個鐘唔洗等🙄奉勸大家訂唔到位就唔好黎食，因為冇特別抵左。其實唔止我地等到嬲，附近隔離左右d人都一直鬧等左好耐。(真係等到好嬲已經冇興致影食物照，不過野食其實係幾好食的，即係同其他牛角分店嘅肉差唔多)

見新開就去咗試，去到竟然無人龍！諗住新開張會想打好頭炮，d野應該唔會比一般牛角差好多na！點知出事，d牛肉明顯唔同，我叫既係lv3，但同漢x果d水準一樣豬腸真係一入口就嘔返出黎，平時好鐘意食豬腸，但e個濃濃屎味唯一個牛角冷面ok lo，同經理會留意你d出餐速度情況抵讚但無下次，用e個價食一般牛角會開心好多！如果大家真係想試，建議先食個午市定食試下d質素再決定要唔要試e個放題！最後自己diy咗個雪糕，但溶得好快，可能喺火爐旁na

最近FB係咁見到牛角buffet既宣傳,今日就同男友尼試下,可能一傳十十傳百,我地18點幾到果時現場有好多人,我地(2人)等左大約3小時到,先入到去(不過有好多人見等得耐就放棄再等,所以先快到我地)位置都約舒服,咁岩坐到卡位,就算唔係卡位,現場睇其他位置都算闊落,自助餐區好乾淨企理,侍應們好有禮貌我地食Lv.3既餐,肉類/海鮮類質素都唔錯,基本上所有腌製既食物都好入味,唔洗再沾餐廳提供既醬汁,但又唔會太咸,仲試埋牛角飯(因爲我比較少食牛角,而又見好多人話牛角飯係必食既)最推介鹽味牛油帶子,超好食,我地叫左3-4次帶子😋😋😋😋😋可能最近宣傳太勁,所以會好多人,想食既人或者可以再過多一個星期到,就唔洗好似我地咁等咁耐🙈P.S:原本Lv.3套餐正價每人$328收加一服務費(星期一至四),因為21點後入座就係”夜割”時段,就變左每人$298收加一服務費P.S 2:本身諗住book位,不過貴店電話就一直打唔通,所以只好親身去等位

從來未係openrice寫食評。今次真係忍唔住但係係好食到忍唔住6點半鐘去拎飛。等到夜晚9點半先有位。叫左lv3餐。主打雞肉。牛肩肉同牛油帶子建議未食過試下個lv2先。覺得唔夠先再去試lv3價錢相差50。相差12種食品。由於限時100分鐘。臨完前30分鐘lastorder。正常係試唔哂飲品甜品任食。有雪糕機。機內提供兩種味道。是日係牛奶同芒果桃。有3種醬料及配料提供。牛奶雪糕滑如雪糕車。牛奶味偏淡。更有沙津吧及熱湯提供。更有白飯及海笞供各位餓底飽肚之用沙拉甜品吧有兩邊。無需長時間等待👍所有食物味道十足。無需醬料助味主食:美國牛肩肉 偏細件。快熟。牛味十足。有少許根位。不建議太熟 牛油帶子 略鹹但鮮味十足。值得一試 雞胸肉 鮮嫩多汁更有辣同鹹兩種選擇員工態度極好。令顧客擁有開心環境進食👍日/夜割分別6點前及9點後預約位要網上處理。電話無法預約扲飛時可留電話。相差5個位會致電通知唯一可惜等候時間極長。如無耐性切勿等待

一向聽聞牛角燒肉有水準，日前得悉新店開張打算捧場一下，約好朋友想成班燒燒下敘舊。豈料由早上營業時間開始，到晚上十一時半，總共打了23次電話，全部不能接通。不是正在使用中，就是無人接聽。明明是營業時間，電話響著也長期無人接聽，我明白新店開張工作量比較繁忙，但也不是怠慢客人的充分理由，更何況十一時後應該已是離峰時間，貴店員工是否忙得電話也沒空聽一下？電話預約是大多數客人訂枱的渠道，連這個環節也處理不好，反而專注其他工作，是否本末倒置？如果貴店表示不憂做，我可以幫忙廣發呼籲親戚朋友同學同事以後不再光顧