牛角日本燒肉專門店 (東港城)

營業中

休息中

lunch time去咗食東港城牛角燒肉，嗌咗兩個set lunch， 質素一如既往嘅好， 個抹茶雪糕亦都好好食， 好濃郁嘅抹茶味， 招呼亦都ok， 會員星期一埋單有八折，勁抵

牛角而家做緊星期一至五下午茶時段Lunch Set餐牌7折優惠😍2點半開始入座，可以用app羅定飛，差唔多叫到先行過去今日平日星期五，兩點半禁飛都要等九個字先可以入座🐄牛角流自選三食（$105/ 下午茶7折）套餐有三款野揀，有沙律、自選燒肉一款、迷你飯或麵同埋飲品一杯今次叫左2個set就可以試多啲野🥗沙律🥗海蜇柚子醋沙律沙律比想像中大碟好多，完全係2人份😋呢款有生菜、海帶同海蜇口感好豐富，不過柚子味唔太出 ☺🥗BLT凱撒沙律個人中意呢款多啲，不過多沙律醬左小小😆材料都好豐富，有菜、煙肉、芝士、脆麵包、紫洋蔥等👍絕對有誠意自選燒肉🐮肩脊肉黎牛角食牛一定冇錯，燒2分鐘左右已經食得牛肉好軟林，雖然未去到入口即溶，但都夠晒滿足 😉🐷豚肉燒豬都唔錯，不過就乾身左啲燒完都唔會韌，不錯🍚迷你飯/麵🍜迷你叉燒拉麵拉麵正常發揮，量岩岩好叉燒就得一片，不過都好食🍚迷你牛肉飯相比起拉麵牛肉飯就好食啲牛肉量都好多，而且醬汁好好送飯🥤飲品（走飲管減$2）活乳酸梳打薑味汽水飲品如果揀不用飲管就可減$2變相凍飲唔洗加錢 🍻/😋食物質素：8/10🍽️用餐環境：8/10💰性價比：8/10👣回頭率：8/10

食燒肉每個人都一定知牛角好食 我都唔洗多講啦🤪 每次去食必叫和牛😋😋😋 每塊都肥瘦均勻 一啖咬落去 佢就係口中慢慢融化 肉汁比例完美無瑕🤩🤩 一個字 好正！另外我都好鐘意食佢既冷麵🍜（今次唔記得影低添）又係每次都必叫既！湯底清爽微酸帶辣，麵條Q彈爽口，配料有溫泉蛋、青瓜絲、泡菜、日本叉燒，撈埋一齊食超級正！😍

心血來潮想食燒肉🤪就諗起牛角 但因為經常都要排隊 我今次5點幾就用電話app 拎左位 等到差唔多有位先過去 好方便👏🏼👏🏼日本佐賀和牛牛肋肉（6塊）$129和牛個樣睇落好靚 油脂好多 分佈都好平均 食落充滿牛油既香味🤤配埋牛角飯冇得輸 牛角飯 $17好欣賞既位係可以淨係叫半份 想食小小飯又可以留返個肚食牛🤪呢個飯係必點 個汁同紫菜撈埋飯一齊食好夾！特選燒肉六品盛合 $279選擇困難症揀呢個岩哂 唔洗諗豬牛雞都有啲🤪豬同雞既質素都好好👍🏼牛頸脊好淋 好易咬 😛

今日午餐時間比較長，可以慢慢食，於是去左食燒牛牛😍坐低叫杯冰凍柚子黎消暑🤣之後叫左上級牛肋肉、牛肩脊肉、王樣牛腹胸肉、雞腿肉，份量唔算好多，樣樣試啲都岩岩好。😄生菜一定要叫，包住肉去食，就唔會覺得好油膩😉另外，嗌個牛肉飯（加蛋），一定要係生蛋，唔可以係熟蛋，好濃嘅蛋香配埋紫菜食，色香味俱全，不得了🤩仲嗌左個大阪燒，黎到仲係熱嘅👍🏻不過好厚粉，下次未必叫😆呢餐飯都食得好滿足😋😋😋

同阿仔出東港城影熊大商埸裝飾，lunch 出街食，想搵一啲無味精的食物，就諗起燒肉～一於去牛角燒一燒晚市牛角價錢較高，lunch time 抵食好多！午市套餐一百蚊鬆d 就有得燒。可惜套餐就冇得燒蔬菜，感覺好似冇咁健康，只有一碟沙律。肉類選擇很多，以牛、豬、雞為主。我最愛牛肋肉，入口牛味超香！Yummy！ 俾小朋友食燒肉記得揀原味，大人外加醬料一樣好味，同埋唔好燒焦 ，有兒童餐具供應，外出食飯都好方便

三點鐘去到牛角㩒飛兩個人、都等咗15分鐘先有位。午餐 Menu 下午茶時間就會有七折、每人揀咗一個牛角流自選3食Set … 先揀一款沙律、再揀一款肉、最後揀牛肉飯或者叉燒拉麵再包埋飲品。$105一個Set再七折喎！⬇️自己用QR code落單飲品即刻到、跟住肉品同牛肉飯都上枱啦，反而沙律係最遲上。叫左肩脊肉同牛舌 ⋯ 每款六片即刻燒咗先因為個爐開住好熱、肩脊肉好好食而牛舌可能燒太熟而且冇乜味。⬇️牛肉飯既牛肉非常多 ⋯ 呢個時候沙律先到簡直呆左、我哋冇諗過咁大盆仲要有兩份沙律因為兩個餐。食得好滿足、埋單都係$168已經包左加一真係抵。⬇️安排入座攞籌就有啲亂、部機自己熄咗但職員叫你繼續拎飛等叫 ⋯ 而且嗰度冇人話俾你聽點樣做、好彩今日少人排隊，而入座後就限時90分鐘。

牛角嘅lunch set都還好，不過dinner真係不了，太貴太唔抵食😞有冇人試過牛角buffet可以話俾小編知值唔值得食😺另外遲啲介紹一間性質同牛角相似嘅日式燒肉餐廳比大家，超級高質而且五百幾蚊已經飽到嘔😼.🐮A5極上和牛西冷海鮮套餐 (HSBC) $796套餐包括✅麻香椰菜、芥末辣章魚、BLT凱撒沙律、五品野菜盛合、牛油金菇、極上海鮮成盒盛合、美國SRF安格斯和牛牛板腱 (4片)、網燒一口牛(4件)、 牛舌 (4片)、雞腿肉 (6片)、豚肉燒 (6片)、日本佐賀產A5極上和牛西冷、香蔥溫泉玉子飯同埋玉子蟹膏飯 🥲睇到嚟呢度，係咪以為有好多嘢呢，係呀，好多菜囉，完全係用菜執飽你😂呢個套餐性價比真係好抵下，仲要已經係用匯豐卡嘅優惠價嚟，但連埋+1都差唔多成$900🥲牛角肉嘅質素不嬲都唔錯嘅，幾新鮮有肉味，不過兩個人得呢個肉嘅份量夠滿足，都係食返放題算🙁.🍽味道: 3.7/5 🏙環境: 4/5‍👨🏼‍🍳服務: 4/5💧衛生: 4/5💰價錢: 2.5/5

今日去坑口做嘢，做到兩點鐘左右，行過見到牛角有下午茶，見佢好似幾抵食，就去咗嘆個燒肉下午茶。我揀咗個特選牛五品燒肉盛盒配牛角飯，燒肉有牛肋肉、厚燒牛舌、腹胸肉、肩脊肉同牛舌。咁多種入面我最鍾意係厚燒牛舌，牛脂味好濃，口感好好！薄嘅口舌都好好食，同樣油脂好香，配埋牛角飯一齊食無得頂！其餘嘅肉品質都唔錯，有牛味，無筋。套餐嘅另一個重點係牛角飯！明明只係好簡單嘅白飯加紫菜同燒肉汁，但牛角飯真係每次必點，套餐嘅飯仲要係可以追加。下午茶時段有7折，想過下燒肉癮嘅絕對可以趁呢段時間去~

今日去開東港城，唸住試吓未試過嘅餐廳，行哂成個商場最後都係揀左經常幫襯嘅牛角。買過外賣無數次，宜家疫情好左，外賣無之前6折咁抵。叫左兩個外賣兩個都係醬燒牛腹胸飯，其中一個走蔥。$72一個，金會員85折、銀會員9折。9折左大概$65一個，連汽水、茶或者支裝水。醬燒牛腹胸飯香口過另外個牛肉飯，應該係溫泉玉子蒜香牛肉飯。有紫菜碎再加埋醬汁撈飯一流！可能太開胃，略嫌份量有啲細，唔係好夠食。店員都好有禮貌，會繼續幫襯外賣。堂食就有啲難，店舖較細，尤其係weekend排隊等位好耐，一早㩒定飛會好啲。

知道下午茶有七折，開頭以為三點先開始， 2:30先至喺個app度攞飛，等到3點9先入到去😭，原來下午茶2:30就開始。我嗌左Set a, 可以揀兩款肉，同埋配白飯、芝麻醬椰菜沙律、紫菜湯。我揀咗牛肋肉同埋牛舌。每款肉都會有四片，但我覺得份量太少，唔係好夠食。但係肉嘅質素都有返咁上下👍🏻咁有牛味，個燒烤爐火力好強，好容易就燒到好香。我略嫌牛肋肉有d薄。餐廳基本上每兩個位就會有塊膠板，防疫措施做得幾好，私隱度都好足夠，價錢抵食。

因疫情既關係又嚴堂食6點就無得出街食飯啦 牛角都推出咗6折外賣優惠，有幾款飯有6折，而燒肉都有得折今日特別叫咗3個飯，溫泉玉子蒜香牛肉飯、牛角燒肉飯同埋玉子汁煮豬軟骨飯，每個飯都配有一個燒肉汁，呢個汁不得了令成個飯都好香好好食，加上有紫菜配搭好味叫咗2個牛肉飯有比較下，牛角燒肉飯既牛肉香好多同牛味較出色，而豬軟骨炆得好入味同好軟身又唔好乾哂，呢個價錢可以食好既質素令人開心既，下次可以試埋另外個幾個飯！

每次行過都好想食，但每次都要等成100張飛🤦🏻‍♀️ 而今日終於食到喇！仲要係9點既優惠時段😎 真係不得不讚員工既服務態度😚 由未入去開始，已經好有禮貌，對顧客好好，到坐左入去，只要有舉手想叫人，員工一見到你就會好快衝過泥幫你，又多謝前唔該後☺️ 真係好到我地食得好開心😆好喇，講返野食！去牛角指定動作就係牛角飯喇🤤 以家主餐牌係自助點餐，牛角飯都有得揀多汁！我叫左半份😚夜市時段係要三揀一個拼盤，之後先可以用7折/半價嗌指定肉類，我地就揀左中間價既拼盤🤤追加項目入面要大推「王漾！胸腹肉」！🔥勁好食！好香！好味到追加左一牒😂想做會員添，咁就可以唔洗等咁耐位🤣

午市同下午茶嘅燒肉定食真係好抵食約$100就可以食到有牛既套餐 仲要係牛角飯任食！！！牛嘅質素當然唔差 好重牛味 仲有豬同雞可以揀 但係牛角梗係要揀牛牛角飯唔使講 好香麻油味 仲有大量紫菜

平時食開牛角放題 費事去咁遠 就試吓普通嘅牛角燒肉燒肉拼盤 牛類唔錯 有牛味 而且唔會好多筋 但雞肉就唔好食 牛角飯 應該唔使講大家都知道係咩味 佢放咗蔥 芝麻 大量紫菜 應該仲有麻油 所以其實就咁食已經好香🤣 後加 牛腹胸肉 好軟冇筋 有牛味 而且油脂分布都幾平均人均$250 已經食得飽 雖然冇食放題咁滿足 佢仲有會員set 下次可以試吓