牛脾氣

營業中

休息中

返工叫外賣係routine同事很喜歡吃這類型的套餐，看見這間 新加盟店，便叫來試試我選了比較穩陣的款式，滑蛋鰻魚飯應該不會中伏吧於是便選擇了這個套餐，還包括一罐汽水滑蛋鰻魚飯的套餐有兩款，一款是一本(一條)鰻魚，另一款是半尾鰻魚 我比較貪心一點選了一整條鰻魚的套餐一打開這盒外賣真的是令人覺得幸福感滿滿 外賣餐具包裝非常雅緻，用非常美麗的紙包著，內裏的木筷子觸感很滑身，是圓形的，比象牙筷子還要粗。接着當我看到鰻魚的份量真的有點驚呆了我沒有想過餐廳真的是給我一整條鰻魚 果然非常符合商品說明條例 味道方面，就是一般日式鰻魚的味道，鰻魚肉亦有一定厚度滑蛋方面，這張相片可能展示得不太清楚我一直以為是一般炒滑蛋，類似親子丼那一種。一打開外賣盒，竟是螺旋形的滑蛋鋪在圓拱形的飯上 日本節目曾示範這種煎蛋，在製作時要在半熟蛋中心插入一雙筷子，然後順時針方向旋轉才能做出這種螺旋形的蛋蓋，絕對是心機和手藝之作不過這個飯售價一點也不便宜，一整條滑蛋鰻魚飯索價175元未連運費我相信到舖頭吃價錢應該會相宜很多

約咗朋友放工一齊諗住食餐飯傾吓計聚舊，正當討論緊食乜好，就經過見到呢間，望入去見人唔多，環境乾淨就決定一齊坐低試吓。本身鍾意食燒肉，見佢有個聖誕新年一人燒肉套餐 -澳洲m7和牛西冷($268)，菜品豐富又吸引，價錢都唔貴合理，即刻唔使猶豫揀咗呢個。小食揀咗三色雞翼，因為未試過覺得應該幾特別。朋友就叫咗個黑椒牛舌飯餐($68)，一樣有前菜加一罐汽水。前菜係沙律菜加火龍果同明太子粒，火龍果嘅清甜令人覺得開胃又清新。刺身感覺好新鮮，食落爽甜有口感，最鍾意佢嘅甜蝦，入口即化。三色雞翼煎得全部金黃色好靚好香口，食咗一啖，見中間包住咗啲明太子，都幾夾，另外兩隻朋友鍾意食雞翼所以讓咗比佢食，應該包泡菜同芝士。到我最期待嘅主菜澳洲m7和牛西冷，肉質鮮嫩，脂肪分佈平均，燒完再點少少一齊上嘅鹽或者係燒肉汁就已經足已引出和牛嘅濃郁肉味，然後再配啖飯，真係令人好滿足，飯素嘅口味我都好鍾意。套餐包埋嘅飲品我揀咗日本桃汁，瓶身設計好靚，而且好飲，唔會太甜。朋友嘅黑椒牛舌飯，望落牛舌份量超足料，我試咗一片，咬落厚肉好有嚼勁。

約左朋友入大埔，行行下發現呢間寫住「牛」既小店，就決定試下佢。裝修方面有啲茶餐廳feel，勝在地方新淨企理，坐得都算舒服。餐牌嘅選擇主要都係日式定食比較多，主要係牛同埋豬，但亦都有刺身同埋蟹蓋飯。首先試咗個芝士吉列豬扒定食（$58），呢個一定要趁佢熱辣辣嗰陣食，豬扒大大塊，個外皮唔會好厚，炸得鬆脆，而且裏面嘅芝心好夠👍🏻用嘅豬扒亦都新鮮，唔鞋口，跟餐配埋汽水同沙律味道幾唔錯。但係一定要盡快趁熱食，因為芝士凍咗口感就冇咁好。黎得呢間當然想食佢個牛，餐牌上都有唔同嘅牛定食可以選擇。今次試咗佢比較招牌嘅爐端石板燒（$168），有個日式爐仔跟餐上，非常精緻。牛肉嚟講，油花均勻，剪落好香，厚薄適中，燒肉配飯食一流！而且佢個火足夠燒成餐都保持到個熱度，無論係賣相定係味道都唔錯。跟餐既蟹肉沙律值得一讚，裏面嘅蟹肉成份都幾多下，啖啖肉，個汁幾好食😋另外仲叫咗小食，一口忌廉蟹肉薯餅（$25）三塊。性價比來講係幾高，裏面嘅蟹肉量都唔少，外皮好脆口唔會太厚。室津生蠔兩件（$55），大大隻幾肥美，唔腥，配柚子醬屬清新配搭，不過的覺得個醬唔係好blend in到，可能轉柚子汁，或者分醬上會好啲！總括嚟講新開小店

聖誕節又來到啦，冬天咁凍話想食返啲暖粒粒嘅嘢，於是呢同朋友一齊呢就去咗位於大埔呢一間食日本嘢嘅餐廳。舖頭呢叫牛脾氣，見到係食肉啊我哋就即刻入咗去啦，舖頭位置呢都係非常之大同埋乾淨嘅。一人定食套餐非常抵食，而且依家仲做緊優惠價$178,有湯、前菜、小食、主食同甜品。前菜：螺肉同中華沙津好開胃刺身：赤貝、赤蝦、帆立貝 非常新鮮可口小食：芝士豚肉雞翼外皮穌脆 肉質鮮嫩定食就揀左芝士滑蛋豬扒飯一上到黎已經聞到好香芝士味而且一啖咬落豬扒到，芝士更加係爆出黎，勁軟勁濃郁嘅芝士味。朋友就揀左佐賀名水豚定食（$128)豬肉係用豬肉油直接燒，燒出黎嘅豬肉味非常香濃，而且唔會太肥太瘦，肉質滑口鮮嫩。而明太子沙津非常爽口，岩曬解油脂。

琴日差唔多係最凍嘅一日，約咗朋友慶祝聖誕，我哋就近近地喺大埔食咗！我哋每人叫咗一個定食然後share黎食❤️佐賀明水豚定食（$128）我本身鍾意食牛多啲，但係見佢有得自己燒，喺大埔好少有！通常都要出到九龍先有得自己喺個石板到燒！加上佢係佐賀名物，所以緊系要叫下！佢好食過韓國嗰啲五花腩！佢啲油脂分布都好均勻，食落去一啖肉少少肥咁樣好滿意！佢跟嗰個龍蝦沙律好出色，通常食龍蝦沙律都係軍艦壽司，佢齋食沙律真係啖啖肉好正！然後我哋再叫咗個一人定食套餐其實係幾抵食！佢前菜有個刺身拼盤，帆立貝赤貝赤蝦，都幾新鮮喎！小食我哋叫咗個芝士釀雞翼！跟住主食叫咗個芝士滑蛋豬扒飯！充滿芝士拉絲既豬扒😋珍味雙併 螺肉同海藻刺身幾鮮甜呢個芝士雞翼入邊嘅芝士唔記得影，但係芝士味好濃好味！呢個火龍果沙律酸酸甜甜好開胃！

番左大埔新工幾日。日日都係咁叫外賣都唔厭，因為真係太多好餐廳。同事話依間野新開，未試過。大家一齊試試佢。menu 都幾多野揀。店員用心咁解釋比我地聽。吉列芝士豬扒飯（豬扒配明太子沙律醬）$68份量唔算好多，不過係新鮮咁煮出黎。心機菜。黑椒牛舌飯$68正正常常，牛舌唔係好厚，不過都有咬口。份量可以多d.一口忌廉蟹肉薯餅 （3件）$25店員推介依個小食。真係唔錯，第一次食。仲有個沙律就ok, 食肉獸嘅我冇點食過。。，

今晚咁凍☃️都係屋企附近搵嘢食比較好呢間【牛脾氣】開業咗一排 今晚就試下先😋我地叫咗一個全日套餐-黑椒牛舌飯 同 爐端石板燒🔥美國Prime牛小排 ➖ $168我地揀咗原片燒肉，帶上一次性圍裙，自己燒肉。將牛肉擺係熱石上面，生熟度自己控制。我地大約7成熟就食。牛小排超嫩滑，肉質彈牙。黑椒牛舌飯 ➖ $68厚薄適中嘅牛舌用鹽同黑椒煎香，口感煙韌，外香內嫩。加埋燒肉汁，配上珍珠飯，好香。成碗清曬。套餐包埋龍蝦沙律，入面有白肉火龍果，感覺好清新。

上次黎太和食飯經過見到好多人食同外賣已經想試下，今晚即刻黎試個石燒暖暖佢先，店員好有聖誕氣氛，特登帶埋個鹿角仔應節😂我叫左個日本A4牛背肉定食，只係盛惠$268，如果大胃既朋友叫埋特盛都只係$318咋，定食包括左蟹肉紅火龍果沙律同超級大碗芝麻海苔碎拌飯，首先要讚下佢個沙律好fresh,好少定食既沙律會用火紅果，多數沙律加啲蟹籽同菜就完，證明餐廳有心思同揼本，須知道火紅果都唔平，沙律菜好新鮮所以有種清甜味，仲要蟹肉好大粒，每啖都咬到蟹肉🤩黎到主角A4牛背肉啦，不得不說呢個價錢食到牛味咁濃郁既牛真係高級享受，一片片既牛背肉，擺碟整齊，仲要脂肪同瘦肉比例非常平均，入口唔會油淋淋，中意點燒汁得，味道較清，中意點海鹽都得，味道就重啲，再一大啖海苔飯撈埋食，正到爆😋😋😋🤩

今日出開嚟大埔郊遊，夜晚喺汀角路嗰頭搵嘢食。見到有間新開，比較家庭式嘅牛肉定食，就入去試下先。舖頭位置唔大，勝在夠光猛、企理,感覺平民化啲。同老公嗌咗三樣嘢食：一口忌廉蟹肉薯餅（3件）$2525蚊三舊幾抵食。新鮮炸起熱辣辣，一咬落去就已經爆漿，幾脆口，唔錯。令我更加期待主食。美國Prime牛小排定食$168（配龍蝦沙律及白飯）店員話除咗牛小排之外，其他定食牛可選吉列牛或原片燒肉。成個配套嚟講都幾唔錯。紅肉火龍果柚子沙律，幾清新。飯嘅面頭畀左好多飯素😋。燒牛方面，爐端燒好睇亦好玩。牛肉油脂分佈好平均。可能牛小排比較薄切，牛味唔算好出。用隨餐附送嘅淡醬油同鹽吊返出個味會好啲。極尚刺身丼（$168）呢款限量發售刺身丼嘅配料十分豐富！包括左日本帆立貝、日本甜蝦、吞拿魚蓉及蟹膏。吞拿魚蓉同蟹膏嘅份量俾得好大方🤩加埋香蔥，啖啖吞拿魚蓉嘅比例比飯仲要多，大滿足~ 帆立貝同甜蝦刺身嘅Size都比想像中大，鮮味都OK嘅。特別的是，呢個飯底好有心思，用左蟹肉、蟹籽，然後加入左口魚邊，將佢啲酒逼晒出嚟，再滲番入個飯度。除左令到個口感再Rich左之外，淨係呢啲心思已經非常有誠意。老闆一啲都唔好脾氣，好友善呀😂

放工攰攰地返左大埔食飯，四圍都係餐廳，見到哩間新小店，燈火通明，靜靜地，一於入去睇下有咩岩食先，名字叫牛脾氣應該以食牛為主，隨便叫左份蒜茸牛柳粒飯+小食。食物即叫即煮，擺放在日式托盤中運送到客人面前享用。 (前菜) 火龍果沙律加入左柚子醋與切成粒狀的火龍果、苦叶生菜、車厘茄及生菜一起混和而成，作為前菜簡單又開胃。 (小食) 一口蟹肉忌廉薯餅  $25@3件脆薄薄既外層，裡面係充滿軟心蟹味既忌廉，蟹味濃厚，薯餅同忌廉混合得好軟滑，雖然係炸過，但一點油膩感都無。 (主食) 蒜蓉牛柳粒飯  $68牛柳粒切成不規則形狀，加入黑椒碎和大量乾蒜片兜炒，唔洗自己切，方便慢慢咀嚼，配埋碗山形既珍珠米飯，裡面加入左拌飯素，是一種日本調味料，主要有海苔、鰹魚、芝士及芝麻等打碎材料，為清淡的白飯增添風味，唔洗食白飯甘寡。 飲埋罐Sprite,就是是日晚餐。

由細到大都係大埔住，知道有新食店多數都會去支持一下，今次仲要係食牛肉，我的最愛，一有時間即刻去支持。牛脾氣 地址大埔汀角路17號汀角樓 D1 舖，舖頭主打牛肉專門店，舖頭地方唔大，但係裝修得好整潔光猛，坐位空間都好足夠，坐得都舒服。吉列芝士豬扒飯 68 元，有前菜及氣水 都好低食。前菜有沙律菜，車厘茄.紅肉火龍果，份量都算多，沙律好清甜，配上沙律醬酸酸甜甜，作為開胃菜真係一流。吉列豬扒炸到金黃色，賣相好吸引，仲要係好大塊.炸漿唔厚，咬下去鬆脆得很，豬扒炸後保留到肉汁，值得加分，芝士亦都係重點，豬扒內夾有流心芝士，非常吸引！味道仲要係好夾。黑椒牛舌飯 68 元.牛舌用黑椒同鹽去調味，非常爽口惹味.口感爽脆有嚼勁.而且牛舌好新鮮，牛肉味道濃厚。配上蔥花吊味，令到味道更加有層次。一口忌廉蟹肉薯餅 25 元上枱香噴噴，而且仲有三件，炸到金黃色，入口好香脆，蟹肉味好鮮甜，味道層次豐富。雞皮餃子 4隻 38 元外皮金黃酥脆，內餡軟嫩多汁，好有驚喜，雞皮油香十足，餡料亦都好飽滿，食一粒已經愛上佢。

呢間牛脾氣，menu見主打食牛、豬，除咗全日套餐、另有定食、特盛餐，好多選擇😇黑椒牛舌飯對牛舌情有獨鍾，所以一見到它就想試😬一碗飯有6、7塊牛舌，塊塊都切得夠厚，食落啖啖肉。主要以黑椒調味，但食落個味道好豐富；牛舌本身亦比較高質，軟軟肉肉個果感覺，好味道。套餐仲送汽水，抵！一口忌廉蟹肉薯餅見到menu寫一口，以為細細粒；點知係三口🤣🤣仲好大大條～一口咬落，香脆😎入面係忌廉撈蟹肉撈薯餅，三樣都食到，好好食！最正係皮薄，而且炸得乾身，要試啊。

呢間牛脾氣，遠睇以為係港式餐廳，原來係食日式牛料理😯。作為一位食肉獸嘅我，梗係第一時間去試下啦🤗。聽店員講，新張期間，夜晚都可以點午市套餐，真係幾吸引💕。❤ 雞皮餃子 （$38）呢個真係好特別，雞皮啱啱炸起，好脆而且碟面冇咩油，餡料係豚肉同少少紅蘿蔔，熱辣辣又脆口，好正👍👍👍。❤ 一口忌廉蟹肉薯餅 （$25）都幾大個，其實一口食唔曬，裡面忌廉好多，白雪雪而且幾香滑。❤日本A4牛貝肉定食 （$268）推介呢個餐。呢個係餐廳近期特別推介嘅定食， 牛肉厚度適中，雪花紋非常之靚😍。一片片放上去石板上面燒，可以按自己喜好調校生熟度。牛肉質感好軟嫩，點少少燒肉汁，放喺有飯素嘅珍珠米飯上面，令飯粒吸收曬d肉汁，真係好好味😋。個餐附送嘅沙律都好有誠意，係小龍蝦火龍果沙律，中間小龍蝦肉好多，調味酸酸甜甜咁好開胃，水果好新鮮而且幾大份。❤ 黑椒牛舌飯套餐（$68）呢個係屬於午市套餐，包前菜同汽水，牛舌好厚身而且多到鋪滿成碗飯，牛舌表面好多黑椒粗粒，又香口又彈牙，真係好抵食☺️。

餐廳喺大埔區，今日我同細妹喺觀塘食完野，就搭74x入左三門仔行山，最後再去左呢間新開嘅牛肉專門店食爐端石板燒。牛肉定價非常合理，入門價168起，最靚嘅日本A4牛肉眼特盛都只係$368。🥢食法：原片燒肉 or 吉列牛。🐄6種牛肉1）日本a5牛頸脊2）日本a4牛肩3）日本a4牛肉眼4）澳洲m7和牛西冷5）美國prime牛小排6）美國1855牛肉眼🐮份量：定食130g or 特盛200g我地揀左美國牛小排👯🏻‍♀️美國prime牛小排 特盛 $208牛肉油脂分佈平均，雪花紋好靚，肉都好新鮮。每食一片都食到牛肉油脂爆晒出嚟，肉味都好濃郁。調味方面，餐廳好簡單甘比鹽或者燒肉醬油畀你點。等你可以食到牛肉本身嘅味道。下次會想試埋佢其他種類嘅牛肉！小食方面， 我哋叫咗一口忌廉蟹肉薯餅（25蚊3塊）同埋日本室津生蠔 （55蚊2隻）。🦀一口忌廉蟹肉薯餅外層炸得好香脆，入邊係creamy嘅忌廉薯餅。日本室津生蠔好新鮮/好大隻嘅生蠔，本身唔好生蠔嘅我哋都覺得好食，一啲腥味都冇

小編又得閒周圍搵食搵到間有誠意嘅日式料理下午茶時段人吾多仲可以同老細傾計了解飲食之道 原來老細對食係幾堅持當一個套餐幾十蚊 但當中8成係日本貨 呢份堅持 值得欣賞老闆話佢做人原則係人地俾一分錢佢要盡量俾一分貨人地🦪日本室津蠔估吾到呢間平實嘅燒肉店會有生蠔而且係日本生蠔日本蠔基本上都係高質呢度$55有2隻係堅抵蠔肉飽滿而鮮甜 海水味濃 小編第一次試日本蠔就係大板食室津蠔 令人想起家鄉🐷🧀吉列芝士豬扒飯店家用日本嘅豬扒製作豬扒本身好鬆軟（本質就鬆軟）兩塊鬆軟豬扒夾住芝士🧀去炸炸完仍不失鬆軟嘅同時又食列濃濃嘅芝士滿溢 仲拉到絲架 另外配上滑蛋簡直係一流聽講個蛋係用左日本蛋再加入牛奶炒係勁好食 午餐經過真心要叫呢個🐮😛黑椒牛舌飯牛舌係美國貨但塊塊都勁大塊 份量都吾小絕對對得住呢個價錢有餘本身牛舌質素好 配黑椒煎香佢就可以咬落去好軟淋 而且好Juicy 鍾意食牛舌嘅人要留意小編係好欣賞店主對食物堅持所以一定會再去