牛繁一人燒肉 (朗晴坊)

營業中

休息中

.♡ —————— 𝗗𝗲𝘁𝗮𝗶𝗹𝘀 —————— ♥【餐廳】 牛繁一人燒肉【地區】#Dr_eat_旺角【類型】#Dr_eat_燒肉【價位】中低價位【用餐時段】晚市【餐廳主打】一人燒肉【𝗛𝗶𝗴𝗵𝗹𝗶𝗴𝗵𝘁】。日本東京過江龍人氣燒肉店。最到$48就有交易。採用最新無煙技術嘅日式燒烤爐及抽風系統，離開時不會帶走油煙味────────────────────【環境/服務/衛生】。環境寬敞明亮，服務細緻周到，態度好。設多個高度私隱一人卡座，一人都可無痛燒人.【日本櫻姬雞腿肉 100g 配柚子胡椒醬 $48】。日本櫻姬雞肉嘅維生素E係一般雞肉嘅3倍。由北海道自家農場養殖。雞肉呈透明嘅櫻花色，肉質極之嫩滑。以柚子胡椒醬醃入味。柚子的清香加上胡椒的辛辣。突出雞肉嘅鮮味同時令味道更富層次感.【辣五花肉 50g 配辣味噌醬 $20】。肥瘦相間的五花肉，表面煎至焦香。肉質細嫩多汁。以辣味增醬醃製，辛辣惹味。搭配米飯一起吃，超正！.【北海道十勝A5黑毛和牛肩胛肉套餐 100g 秘製燒汁 $194】。套餐包埋味噌湯及前菜。北海道十勝A5黑毛和牛肩胛肉為期間限定款。和牛肩胛肉以秘制燒汁醃入味。令和牛肉嘅香味更濃厚

一條友仔想食燒肉點算好，極推介朗晴坊既牛繁一人燒肉，自己一丁友食都唔會尷尬，佢有啲自修室位for 一個人，仲有個大玻璃窗冇咁壓迫感。無論你係鐘意牛、雞肉定豬肉都可以揀到岩自己既套餐，其中有個餐每款肉都有啲，岩晒胃口大又想試唔同種類既人。而且最正係每個set 都可以揀肉既份量，好有彈性。🔹四重奏套餐🔹套餐有味噌湯，白飯同泡菜，加錢仲可以將白飯升級做特式飯。四重奏有蔥燒牛胸花、汁燒牛肩胛片、味噌豬五花肉同柚子胡椒雞腿肉。揀左L size 都只係$165，份量超級多，每款肉質素都唔差，醬汁同肉都好match 。雞肉嫩滑，牛肉都重肉味又唔韌，配埋香蔥溫泉蛋飯，大滿足。🔹厚切牛舌🔹50g 有兩塊厚牛舌，醬汁揀左鹽醬，牛舌燒完外脆內軟，有啲後悔冇揀最大份量。🔹日本櫻姬雞頸肉🔹呢個部位既肉簡直可以話係全雞身上最好食，因為燒完肉質好爽口，配埋柚子胡椒醬酸酸甜甜好清新。香港宜家開左各式各樣既日本燒肉，大家肉類既質素都唔會差，要突圍就要睇下佢地有冇特別之處。牛繁既優勢在於一個人都可以好輕鬆慢慢燒，而且套餐價錢好平民化，絕對推薦。

以往都有食過一人烤肉, 覺得肉既質量始終麻麻, 但今次試左位於旺角既呢間牛繁, 肉質不錯而且價錢相宜,推薦👍🏼A2牛繁套餐250g $155套餐包括有牛胸花、特選肩胛片同薄切牛舌, 但可惜當天因為供貨問題, 牛舌暫停供應, 轉左做牛肋肉. 牛胸花唔會一味得肥膏, 脂肪同肉既比例都算平均, 唔會燒完出嚟縮到得返一小片. 肩胛肉同牛肋肉夠軟腍, 唔會話有筋膜位而咬唔開既情況出現. 上級M9和牛腹肉50g $65追另外加既和牛腹肉,充滿油花, 油脂分布平均,但就略微唔夠牛味.

最近天氣都幾凍，旺角新開嘅一人燒肉， 啱曬我同朋友收工之後去食，係朗豪坊隔離。雖然係一人燒，但都有好多2人位，可以同朋友面對面坐，共用一爐，可以邊聊天邊燒肉，餐廳呈簡潔木系裝修風格，通風系統良好，值得一讚。 北海道十勝A5黑毛和牛肩胛肉 套餐 黑毛和牛油花均勻分佈，切成薄片，燒一下就吃得，配上秘製燒汁，月見汁，有入口即溶的感覺。另外肩胛肉嫩滑，肉汁超多，加上白飯一起吃，非常滿足。套餐還有泡菜，麵豉湯。 A7 澳洲M9橫膈膜肉+ 里脊肉套餐套餐包咗橫膈膜肉和里脊肉，燒完的里脊肉蘸上醬油雞蛋一起食，肉質鮮美，味道香濃！我加咗$20要多一份豬五花，豬肉結實，燒到香噴噴，很有嚼勁。套餐還包有一碗芽菜,菠菜漬物，麵豉湯。

香港人真係好鍾意食燒肉😍 成日見到啲燒肉鋪都好多人排隊， @gyushige_hk 喺旺角新開嘅鋪頭都唔例外，上到去勁多人等緊，仲要係主打一人燒肉(其他分店未必有)，平平地燒下解下癮幾開心！🍭A7 澳洲M9橫膈膜肉+里脊肉 ($186）基本上佢啲餐都包漬物(泡菜/芽菜&菠菜)、麵豉湯、白飯同秘製燒汁～ 而呢個餐就包埋月見汁(其他餐要加$配)～ 有分100g 同200g 我地叫咗後者～ 而主菜橫膈膜肉&里脊肉係好好食，好香牛味，份量仲好夠1人食！🍭A2 牛繁套餐，包牛胸花、特選肩胛片&薄切牛舌（$125）呢個寫咗top.1人氣就點嚟試下～ 我加咗月見汁～ 有150g同250g揀揀咗前者～ 牛肉相對上面個餐就麻麻咗啲，不過都睇到新鮮同油脂分布幾靚～ 點月見汁真係好夾建議大家加配～

✨中落牛肋肉揀左秘製燒汁 牛肋肉夠厚身肉質鮮嫩 有少少筋膜位幾有咬口肉味幾香濃 肉汁豐富 唔錯✨M9和牛里脊肉揀左秘製燒汁 里脊肉肉質結實帶少少油脂 味道微甜 有淡淡肉味相比牛肋肉 個人覺得呢款相對失色✨厚切牛舌揀左鹽醬 牛舌幾厚身口感爽口彈牙 都唔錯✨白飯、漬物、麵豉湯揀左漬物 另有泡菜選擇芽菜菠菜 口感爽脆 有麻油香麵豉湯 味道濃得黎又唔過鹹 白飯 可以選擇份量 揀左中size 飯粒分明軟硬適中總結：食物唔錯 選擇夠多今次選擇單點 另有多款套餐選擇環境唔錯 抽氣做得唔錯各種組合坐位都有 單邊位唔少 獨自享受燒肉冇難度 服務唔錯 價錢可以

以為一個人會好尷 但一坐底聽到Aimer啲歌已經好盡興🥰幾鍾意呢間牛繁除咗有家庭式嘅4人座 啲solo位間隔都做得幾好 完全唔會被隔離曬到盲尷到凸😎望遠啲仲見到mk嘅街景 首先大大份menu擺在眼前 揀完後掃code自選 送餐都幾快！店員會自動將餐盤取代餐牌好慳位 爐火0-5度自己調較 超自助無難度！ 🤵🏻👩🏻‍💼入座已經問定你想要熱水定凍水 仲會自動黎fill水！想換爐板都歡迎你主動索取😊係日式餐廳嘅服務態度👍。。。🦔👉A7 澳洲M9橫隔膜肉+里脊肉 配月見汁 $128/100gA1-10每份餐有哂圖一目瞭然 小妹鍾情A7除咗因為係M9牛仲有得蘸蛋汁食🥚呢款射和牛運動量大啲 相比日本傳統和牛瘦啲 但油花一樣靚🤩食落都係咁薄嫩 啱哂女仔淺嘗下 肉味香濃 唔洗另點醬汁已經好好味！· 食肉獸唔夠喉另加50蚊upgrade做200g都仲得! · 唔好以為得牛 係有日本櫻姬雞肉！唔想被佢嘅套餐limit 又可自選燒肉定食啫🤓 🍚 (🍚/牛繁蛋拌飯/牛蔥蛋拌飯/牛繁冷麵)加廿蚊要個牛繁蛋拌飯無得頂🤩似間舖嘅signature! 小妹大胃仲另加4蚊加大🤣感覺飯素係主角 撈埋滿滿嘅紫菜好正 有得自選

見到網上介紹旺角朗晴坊開左間新嘅一人燒肉，lunch time就過黎試下🤤1️⃣味道✨牛胸花套餐 (100g)呢個set一定係破格值! 😍😍今時今日食到$48一個燒肉套餐真係好抵! 連埋加一都係$53！套餐有白飯、漬物/泡菜、麵豉湯呢個set大概有5塊牛肉，不過就夠多肥肉，配白飯食會冇咁膩，白飯好大碗，麵豉湯都夠熱! 而且東京總店直送醬汁！唔夠食仲可以叫燒肉單品，有齊牛、豬嘅唔同部位作選擇😋2️⃣服務服務質素好好，1pm去到唔算多人，等左5分鐘就有位，店員都好有禮咁同我講限時65分鐘。一入到去，店員問我要凍水定熱水，仲主動拎個籃俾我擺野，非常貼心👍🏼3️⃣地點+環境地點非常方便！係朗豪坊隔離！不過等lift就要等耐啲😪餐廳嘅裝修舒適，完全唔迫，餐廳入面好光猛，整體乾淨企理🤩

🍼 A2 牛繁套餐 $155250G 牛胸花，特選肩胛片，薄切牛舌 秘製燒汁、漬物（芽菜，菠菜）、白飯🥤可樂 $8嚟到牛繁，梗係要試返個佢哋嘅招牌套餐啦，而且有250G咁大份，岩晒我哋呢啲食肉獸😎一試就愛上佢嘅薄切牛舌😍😍超級香牛味，而特選肩胛片好有咬口☺️令口腔充滿住滿滿嘅牛香，好幸福呀🤍另外估唔到佢個漬物（芽菜，菠菜）咁開胃😆好味好味😋🍼 A3 牛胸花+豬五花套餐 $85200G 牛胸花+豬五花鹽醬、味增醬、泡菜、白飯🥤津路烏龍茶 500ml $12朋友就鍾意佢個牛胸花唔會太肥，但都好有牛味👍🏻👍🏻性價比極高，好高質。而食燒肉當然唔少得食豬五花啦，雖然邪惡少少，但真係抗拒唔到佢嘅油脂香☺️☺️油脂分布好平均，兩個人share住食岩岩好😋值得一提佢個味增醬同豬五花好Match😆記得試吓啦🍼 木屐骨間牛肋肉 100G $58秘製燒汁食完兩個餐見肚仔仲有quota😏於是就叫多份100G嘅牛肋肉嚟share☺️☺️好鍾意呢到有好多牛嘅不同部分可以試，牛肋肉比較彈牙同肉質純滑，非常推薦🥰

一人燒肉在今年熱門起來，例如燒肉Like和燒肉一番，反正很多。牛繁算最近開業，整體感覺不錯，肉的品質比前兩間優勝，味道亦相對較淡，是我喜歡的濃度。淺色裝潢很舒適，環境整潔。其所在位置雖是銀座商廈但在朗豪坊旁邊，所以容易找得到。朋友點吃A7(豪州射和牛100克)，我的是A8(櫻姬雞150克)。都是點小份，方便留肚子吃其他單點食物。豪州射和牛方面牛肉味重，韓牛味濃厚。不過其脂肪小和肉感較粗糙的特點並不是我喜歡，所以不多作補充。建議與我相似的食客可考慮牛舌餐，因為口感更好，比牛肉滑溜，性價比高。單點項目是薄切牛舌50克。櫻姬雞來自日本，三種部位都沒有雪藏味，我最喜歡雞頸肉，一向是我至愛！難得牛角長久缺貸，當天吃到自然更喜出望外。雞三角是軟骨位置，依附著點點雞肉，口感味道都會更好。雞頸肉雖然不及牛角品質高，爽彈感較弱，不過每條雞肉較大，以性價比來說反而更富賣點，有另外單點一份100克。

🎏️ 食盡油尖旺 — 牛繁✨ 一人燒肉都可以好正🐮🥳#90cp黃店篇💛 #90cp旺角篇 #90cp日本篇➖➖➖➖➖呢啲咁凍嘅天氣梗係要食啲暖野保暖🥳 近排都的確食多咗邊爐同埋燒肉，燒肉首選當然係牛角啦，不過經常排隊排到爆🤢 早排喺旺角就試咗呢一間一人都可以食嘅燒肉，估佢唔到價錢平之餘質素亦都好高質😤🐮 絕對係必定返兜勁firm💛美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️⭐️(五粒星為滿分💯)✨ A10 四重奏套餐 $160(牛胸花、肩胛片、豬五花、雞腿肉) 如果你係想一次過滿足晒三個願望，食晒豬牛雞嘅話呢個應該係不二之選🤣 肩胛片同埋牛胸花燒出嚟都好林，點埋佢嘅燒肉汁絕對冇得輸🐮😤 雞腿肉就用柚子胡椒汁醃過，識落都幾重柚子味🐔🍊 幾refreshing! 可能個人唔係太鍾意食豬，就覺得有啲油膩，不過佢呢個用味噌醬醃過都不過不失🫡 🐮 A9 澳洲A9和牛套餐 $153(上級和牛腹肉，特上和牛腹肉) 相比之下個人覺得呢個餐仲好食🙈😂 佢嘅牛肉非常之有牛味，而且佢個特上牛係好淋，油脂分布平均而且口感都好好🤤 翻兜嘅話一定係食呢個！另外

牛繁本著希望每一個客人都可以用合理既價錢食到有質素嘅燒肉嘅精神去經營 至今已經超過140間既牛繁分店包括係日本、越南、上海、美國、香港 而今次介紹嘅係香港第三間分店 主打實施一人燒肉！佢地所有既肉類都係日本公司親自挑選而秘制醬料更係日本直送！⊶A2牛繁套餐 $120150G 牛胸花，特選肩胛片，薄切牛舌，漬物 + 生蛋(+$8)牛胸花肉質細嫩 口感一流 肩胛片牛味濃厚 呢個組合無得頂 一set滿足唒唔同要求 點上蛋汁燒汁真係食唔停 ⊶ A4牛舌套餐 $106100G 蔥燒薄切牛舌，厚切牛舌，泡菜，白飯+ 生蛋(+$8)牛舌彈牙 個人鍾意厚切多啲因為啖啖肉😋 燒汁夾埋蔥食一流⊶中落牛肋肉 50G $45.0鹽醬咬落好juicy 牛香充斥整個口腔☺️⊶特上M9和牛腹肉 50G $78.0岩鹽黑椒M9澳洲高級別牛肉 雪花油脂分佈平均 入口即溶 好嫩 牛味香濃⊶日本櫻姬雞腿肉 50G $32.0柚子胡椒醬（推薦）同有子胡椒醬出奇地好夾 肉質出奇地嫩 食完兩舊想再encore呢個價格有呢種享受真係大滿足😋 回頭率💯⬧︎⧫︎ 牛繁一人燒肉 ⧫︎⬧︎旺角砵蘭街215號朗晴坊2樓味道🌕🌕🌕🌕🌗環境🌕🌕🌕🌕🌗服務

【旺角•一個人原來都可以盡興咁食燒肉🥓 】牛繁一人燒肉📍旺角砵蘭街朗晴坊2樓成日心思思想食燒肉，又怕一個人會尷尬，要等埋其他朋友夾到期先有得食？！ ( ･᷄ὢ･᷅ ) 而家一個人都可以即興go go go!🔥牛繁主打高私隱度既1-2人座位，岩囇孤獨美食家，一個人燒都可以食得好happy\(^o^)/~👅8.6/10牛胸花🐄油脂分布平均，入口嫩滑，油脂味充滿整個口腔，實屬白飯殺手🥷🏻牛舌👅 薄切岩曬心急仔，燒1分鐘就食到爽脆，煙韌口感，包埋蔥+少少鹽，簡單又好味！厚切岩曬鐘意啖啖肉既你！每一啖都充滿牛味既肉汁，大滿足（≧∇≦）🐓日本櫻姬雞頸肉✨來自佢哋北海道自家養殖場🌳口感驚喜地軟嫩，而且用上柚子醬汁醃製，味道清新！ #jengfoodguide_旺角

好耐無食過烤肉，特登約埋朋友一齊去食，趁宜家冬天天氣仲夠凍，食下烤肉升下溫😊來到這家出名的燒肉店，聽說是東京過江龍，都唔算太夜但係已經滿座，實在有點厲害👍🏻方面有不少選擇，從雞、牛、豬，到冷麵、飯，任君選擇，要說性價比高的一定是它的套餐😎分別點了兩個套餐: 澳洲M9橫隔膜肉、里脊肉套餐和牛的味道確實與眾不同，從外觀上已經可以看到它油花分布均勻、肉味濃烈，配上醬汁簡直就是一流🥰四重奏套餐分別有四款不同的肉，雞牛豬統統都齊: 葱焼牛胸花・汁燒肩胛片・味増豬五花・柚子胡椒難腿肉薄切牛胸花夠肥，肩胛片夠鮮，豬五花夠多汁，雞腿肉夠嫩😋薄切牛舌估唔到厚切牛舌咁快賣曬，唯有食住薄切頂住先，雖然不及厚切那麼有口感，不過還是很有嚼口😆好味指數：9/10性價比指數：8/10餐廳名稱：牛繁餐廳地址：旺角砵蘭街215號朗晴坊2樓電話：2368 8023

餐廳好有日式風格🎎，一坐低就會有人比個籃你放嘢，用QR code落單，menu主打一人燒肉套餐🍱，餐具、調味料嗰啲全部都係自助形式，放喺自己座位或者擺晒喺櫃桶比客人自己拎，乾淨又衛生✨！抽氣系統做得幾好，每個燒肉爐邊都有抽氣扇，食完啲頭髮都唔會好大浸油煙味，幾好！一人燒肉套餐包左一碗麵豉湯、漬物、肉同飯，飯嘅份量可以自己選擇，仲可以自己加錢要嘢飲！------------------------------🐂◖A7 澳洲M7橫膈膜肉+里脊肉套餐(200g)◗  $178套餐包咗兩碟牛肉，油花分布平均💦，套餐跟埋一個醬油雞蛋可以點牛肉食！牛肉已經事先用燒汁醃好，所以好入味！燒完之後會將啲牛油迫晒出嚟，食到濃濃嘅牛油香，又唔會覺得油膩，牛味超級香濃！主食方面加咗$22轉成冷麵🍜，麵條頗有口感，加上青瓜🥒、泡菜呢啲配料，仲有蘋果片好特別，清得嚟又唔會齋～🐓◖A8 日本櫻姫雞肉套餐(250g)◗  $118有雞腿肉、雞三角同雞頸肉，一次過試晒三種部位！雞肉偏厚身，比較難燒，建議可以用慢火燒，如果唔係好快會燶！佢個雞三角有舊軟骨，燒完之後咬落都仲好Juicy，脆口又好味🔥！喺燒之前落定啲秘製燒汁