牛精佬海鮮燒味 (已結業)

經過門口幾靚，入去試下，見招牌有蒜蓉白鱔蒸飯，叫客試食，飯到即覺鳝已雪到發霉且全無味道，我係普通食客，有要求，但不算太奄尖，我真係從未食過咁霉嘅白鳝，d飯又實在太多油…查看更多

今晚我們喺旺角新寶戲院睇完戲之後去咗隔離嘅「牛精佬海鮮燒味」食晚飯！我們叫咗海鮮3人套餐：老火粉葛湯、薑蔥田鷄煲、啫啫芥蘭煲同清蒸黃皮老虎斑！另加肉碎蠔仔泡飯同蒜蓉大白鱔蒸飯！老火粉葛湯煲得好夠火候，味道好鮮味濃郁！薑蔥田鷄煲嘅田鷄係新鮮即叫即劏，所以肉質非常結實彈牙，加埋薑蔥香味，令到味道更加惹味！啫啫芥蘭煲嘅芥蘭好幼嫩同無根，醬汁嘅味道亦唔會過鹹！清蒸黃皮老虎斑亦都係新鮮即劏，肉質極之嫩滑同鮮味十足！肉碎蠔仔泡飯嘅蠔仔好大隻肥美，材料好足料豐富，味道好鮮甜！蒜蓉大白鱔蒸飯嘅大白鱔肉質相當鮮甜彈牙，蒸飯吸收晒魚肉嘅肉汁，令到蒸飯更加芳香鮮甜！…查看更多

旺角的食店多不勝數，要食飯的話，真的不知道如何選擇。今天不選在通菜街附近，取而代之的，則走去新寶戲院附近，於是乎走入去牛精佬，看看食乜東東。午餐牌以每天限定了好幾款，個個星期都是一樣，似乎沒有甚麼特別，於是打開餐薄，細閱一下，就發覺碟頭飯，部份小菜價錢貴得離譜，與酒樓無別，而且貴過茶記，動軏要六七十個大洋，小菜甚至要過百個大洋，如是這樣不如去酒樓食好過。最後還是要走回到基本午餐，反正都叫做正常一點。加了六個大洋，就有個羅宋湯，正正常常的紅色湯頭，湯料十足，比起茶記還要多，算它吧。酸酸甜甜的味覺走不甩，在氣溫下降時熱辣辣喝一口，可以暖下個胃吧。蒜茸豬扒腸仔飯是很地道的茶記碟頭飯，蒜茸汁多得不得了，不過醬汁略為鹹了一點，豬扒也披醬汁充斥著，略鹹了一點，肉質與平常的茶記豬扒無異。而香腸嘛，則腍了一點吧，沒有咬口感覺。在氣溫下降時，來一杯熱奶茶，可以讓手暖一暖。這杯奶茶，還是有茶香茶味，與茶記一樣，沒分別。如果沒有午市套餐，而點其他碟頭飯或小菜的話，那麼在這裡食飯有點不抵，亦無須吃得咁貴。…查看更多

見佢個中式晚飯套餐好似幾好，就入去試下。羊腩飯：只有咸味，勝在唔羶；籠仔蒸鮑片蝦球飯：所謂鮑片又細又薄，蝦球只係3粒小蝦，飯程黃色但又唔係炒飯又冇味，成個飯唔香冇鮮味只有淡淡咸味。比唔上一間普通茶記水準…查看更多

牛精佬宵夜餐，今日唔同大家講牛精佬餐好唔好食，只講一樣野------*飲品* 因為D野食唔錯，所以就唔講野食！陪朋友宵夜，無理由淨坐，咁死仔架嘛，就叫杯奶，10分鐘左右送到，唔算快，不過宵夜時段，人手較少既問題，可體諒！ 奶茶來到，就咁睇個色都覺得唔錯，擺左10幾分鐘都無飲到，同朋友不停傾公司既野，有時間飲，飲左一啖，中伏，中伏，中伏…係好伏個隻，伏到極點！(唔信既朋友，真係可以搵日試試)1.無茶香味，死得2.好澀好苦(唔係ar )3.我知我係叫左奶茶，都唔係剩得淡奶味掛茶餐廳既奶茶如此難飲，下次來，一定唔叫。中伏既朋友，俾俾反應 …查看更多