牛站(駅)麻辣火鍋放題

營業中

休息中

唔知食乜好，放題都係一個好好嘅選擇😌今日同屋企人去咗觀塘呢間《牛站（駅）麻辣火鍋放題》店內有3個價格選擇，主要係肉類和海鮮的選擇分別，$258/$298/$338 (120分鐘任食)湯底有好多選擇，麻辣、滋潤、惹味嘅都有，而我哋就選擇咗（禦寒胡椒豬肚鍋）辣辣地又足料，都幾好味😋！大部分食材自助區都有～冷盤，小食，自家製飲品，雪糕等等．．咁就可以一邊食一邊用App慢慢落單🥰夠哂方便！而牛肉選擇真係都唔少😌有封門柳、牛脊肉、牛肩胛片、和牛、牛板腱等等．．肉質柔軟，口感豐富，充滿濃郁的肉香味😋😋！海鮮唔會好大隻，但勝在每款都可以點少少！而麻辣小龍蝦就最多人食，好惹味！丸類夠特別，貓抓型蝦丸、紫薯芝士年糕、特大蟹棒等等．．甜品選擇特別多，台式甜點、懷舊雪條、軟糖、軟雪糕和日式糕點都有👏👏！

星期六的晚上，喺觀塘行完街，想打邊爐，喺觀塘揀咗呢間，即刻取票，等候時間大約半個鐘。火鍋套餐，有幾種選擇，有啲係QR code落單，有啲丸類蔬菜類，係出面自己夾，種類都算多，蔬菜方面比較驚喜嘅，係有豆苗同冰賽👏🏻👏🏻👏🏻亦有提供即炸午餐肉，響鈴，油炸鬼炸魚皮等等。除咗一般打邊爐材料外，亦有提供小食，生果都有提供。麻辣小龍蝦，好入味，係比較少見嘅放題選擇。飲品選擇方面，種類繁多，有舖頭自己出品嘅冷泡茶，亦有唔少包裝飲品，酒精飲品都有四五款提供，亦有清酒梅酒選擇。比較特別嘅係有珍珠奶茶，鮮奶芋圓等。食完火鍋，甜品都有好多俾你揀，有Häagen-Dazs，又有香港牌子gelato，去減肥又想食甜品嘅選擇🤣🤣🤣🤣總括嚟講，大約$300嘅價錢，有咁多選擇，每樣食物質素幾好，環境乾淨，係抵食火鍋之選👏🏻👏🏻👏🏻

牛站（駅）麻辣火鍋放題Fb:下一站豬欄; IG@Pig7station今晚觀塘搵嘢食，想打邊爐，見呢間係殿集團就試試😄點左佢既特上牛小排餐，可以試哂佢d 牛同海鮮，湯底，肉同海鮮可以用QR code 落單，其他餸同埋飲品就可以自助區拎，啤酒梅酒任飲👍🏻👍🏻湯底揀左麻辣拼花膠雞湯鴛鴦湯底，牛小排同封門柳至正😋😋食到最後記住食埋雪糕呀，有Da Dolce Gelato😌溫馨提示：食完食個身同袋都有陣麻辣味😂

呢間火鍋放題好近APM同地鐵站，中午放題套餐依家係無限時4小時任食。性價比好高嘅火鍋放題。觀塘分店指定套餐可以任食乳鴿。平日晚市時段都好多人，環境幾適合朋友聚會，最好先訂位。 ✨SRF美國極黑和牛片 $288120分鐘火鍋放題🌟湯底 香濃蕃茄豬骨鍋+清甜椰子雞鍋 +$48湯底可以揀一款或鴛鴦鍋，我地揀咗兩款清淡少少既，香濃蕃茄豬骨鍋帶少少酸，清甜椰子雞鍋較清甜，淥蔬菜好食。🌟肉類、海鮮呢個套餐可以任食SRF美國極黑和牛片、美國安格斯牛板腱、手切封門柳、牛脷托、羊肉片同豬肉片等。極黑和牛片都唔錯，油脂唔算好豐富，但唔會好鞋。牛脷比較薄切但都唔錯。海鮮日本帆立貝、海蝦、象拔蚌、蝦仁棒棒、沙白、沙鯭魚。🌟自助區餐廳既自助區好大，火鍋配料選擇亦好豐富，丸類已有十幾款，除了基本的芝士腸、貢丸，仲有特別嘅鹹蛋流心丸、芝士牛肉丸、貓爪形蝦丸，啱晒唔同人口味。鹹蛋流心丸又幾好食新鮮蔬菜種類好多，連豆苗同羽衣甘藍都有。🌟水果/甜品提供多款雪糕、雪糕三明治，仲有提Haazen Dazs雪糕任食！仲有一杯杯嘅甜品、蛋糕、芋圓仙草同自家制軟雪糕。

媽咪好耐冇食過放題火鍋，今晚專登同媽咪去觀塘一齊食。去到餐廳，環境乾淨又光猛，唔會好大煙咁，坐低之後手機自己點菜，十分方便，嘢食好多種類，肉類、海鮮、小食，連乳鴿都有得食。除左手機可以點既之外，出面bar 枱，一樣有好多嘢食，丸類、蔬菜、河粉、麵食，乜都有，飲料都同樣多，普通類別外，有自家製花茶，任君選擇。之前去過尖沙咀分店，呢間觀塘新分店環境比較寬敞，自助吧亦都比較大。講番環境同食物種類，先講湯底，有啱哂女仔嘅美顏花膠烏雞湯底，好鮮甜好湯郁，未火鍋前飲番2啖，味道唔錯。我哋揀咗放題套餐B，餐廳主做牛肉，我哋點了幾款牛肉，每款都好鮮好嫩，尤其係美國極黑和牛，我地食到好飽，都叫多輪。海鮮方面，海蝦好大隻，好新鮮。另外，沙白好肥美飽滿，好鮮甜，帆立貝都好味。另外d丸類全部都係靚嘅丸，我地拎了幾款丸，每款都係芝士包心或者鹹蛋黃既，或者爆汁。好似福袋咁，入面有麻糬鹹蛋黃，口感豐富。甜品都係多到食唔哂，好多cake, 小點，有多雪糕，Häagen-Dazs 雪糕我同媽咪每人都食咗2杯，重要係唔同味道，整體上呢個價錢可以食到咁多嘢非常優惠，一定有下次。

放假前夕唔想煮飯，最好就係出去食放題，放工都去觀塘轉車站，所以就揀咗平靚正的牛站（駅）麻辣火鍋放題。牛站（駅）觀塘新店，環境更寬敞舒適，自助區可以行幾個圈，比尖沙咀店更多選擇。SRF肩胛肉眼 成人 $288鴛鴦鍋牛駅秘製麻辣鍋 x 美顏花膠竹絲雞鍋湯底選擇好多，鴛鴦湯+$48，可以多啲口味。一場來到牛站，推介一定要試吓牛駅秘製麻辣鍋，BB辣的辣味已經好出眾，先麻後辣，辣得好過癮，麻辣味道層次豐富。另一邊唔好咁刺激，飲返啲滋潤嘅湯，美顏花膠竹絲雞鍋就啱晒啦！美顏花膠好食，又好飲。竹絲雞即係烏雞，配搭龍眼肉、杞子養生食材，湯頭特別濃郁鮮甜，我哋飲碗湯先開始打邊爐。火鍋放題任食套餐，我地喜歡中間價位的 SRF肩胛肉眼。SRF美國極黑和牛片、美國牛肩胛片，2小時任食，價錢親民，牛肉質素好，肥美嫩滑，牛味豐富有嚼勁。牛肉顏色粉嫩，肉質鮮甜，打邊爐一流。另外仲有好多其他肉類、海鮮，西班牙豬五花片 和 美國豬梅肉片 口感，味道也不錯。花雕酒雞翼 驚喜有特別。海鮮選擇相當豐富，新鮮又甜美，不能夠錯過日本帆立貝、白鱔片、鮮甜海蝦、鮮甜沙白、水魷魚，好味彈牙。菊花章魚、象拔蚌片、蝦仁棒棒、手打墨魚滑，質素

📍牛站(駅) - 觀塘嫲嫲住彩雲邨🏡由細細個嘅時候，我都成日會去個邊玩🛝今次同男朋友就重返舊地，睇返回憶之中嘅彩雲邨究竟變成點樣！之後落返觀塘行街再食晚餐😋觀塘apm隔離有棟亞太中心，成棟都有好多正野食🤤朋友介紹牛站(駅)放題打邊爐♨️趁今次去開嗰頭 就去試下CP值有幾高先！鍋底有成10款唔同選擇😳我哋食鴛鴦鍋揀左清甜椰子雞鍋同🥥牛駅秘製麻辣鍋🌶打邊爐前飲左一啖椰子雞湯底🤤超。級。清。甜！估唔到湯頭咁濃郁，配搭海鮮一定特別鮮味；另一邊嘅麻辣鍋都唔惹少😋將豆腐串放落去索晒個湯底嘅精華，咬開就食到佢的麻香同辣香，簡直好似食緊街頭小食麻煩燙咁惹味👍🏻最啱配搭各款肉類！講開食肉就不得不提佢嘅SRF美國極黑和牛片🐃咁大片嘅和牛第一次見！油脂分佈均勻，食落去油脂同肉味嘅平衡啱啱好，不愧為極品和牛片💯海鮮方面不得不讚下佢嘅沙白🤤沙白粒粒都超大粒‼️肉厚又新鮮，味道超鮮帶海水味！🦭男朋友嘅金舌頭👅覺得椰子雞鍋🐔湯嘅甜同沙白嘅鮮互相輝映🌅係最佳嘅配搭💯除左各式各樣嘅肉同海鮮之外🧃飲品同甜品方面都好有特色🍶清酒🥃梅酒🧋台式珍珠奶茶應有盡有！而且仲有自家製飲品🫖我最鐘意人參烏龍，茶味濃郁帶有淡淡人參香味😌用黎消

牛站（駅）麻辣火鍋放題觀塘觀塘道414號1亞太中心6樓今日收工約埋幾個同事一齊打邊爐，最方便就係去觀塘架啦，地點就腳而且選擇夠晒多，今次同事就揀左係APM隔離亞太中心既<牛站>,我地大約7點半上到黎，其實餐廳既面積都幾大佔晒全層樓，但估唔到都成9成Full, 好彩同事一早book左位咋放題火鍋主要分左3個set, 我地就揀左中價位既SRF美國極黑和牛餐，見到入面既選擇已經好多，而湯底方面就揀左芫茜皮蛋豆腐鍋拼香辣沙嗲，見到入面都真係真材實料，而且非常濃郁尤其係沙嗲喎，配合埋肉類就最岩啦肉類方面，最出色當然係SRF美國極黑和牛啦，每一片都好大塊而且薄薄既，只要灼一灼就食得，好重牛肉味口感一流，除此之外，安格斯牛板腱，封門柳同埋美國肩胛肉都非常出色，值得一試而海鮮方面，最驚喜就係有象拔蚌片，好新鮮食落非常爽口，另外我地仲點左海蝦，帆立貝，吊桶墨魚仔，青口，沙白蜆另一亮點就係估唔到食火鍋放題會有紅燒乳鴿食，而且就要係即叫即燒堅好味架，除左乳鴿，其實仲有好多熟食，火鍋配料同埋甜品飲品係自取既，選擇非常之多，呢間必定會回頭，下次再黎幫襯呀

《牛站》分店開到觀塘勒！呢間環境更寬敞，自助區比尖沙咀分店更加大，而且非常乾淨企理，卡位又多，坐得又舒服💥鴛鴦鍋 $48·清甜椰子雞鍋有原隻雞髀🍗雞髀索晒椰子嘅味道，相當清甜，而且雞肉非常嫩滑成個湯都香噴噴，食到尾都keep住🤤椰子香味·香辣沙嗲鍋微辣濃香，淥牛肉一流，好惹味今次揀咗中價位嘅放題餐每人$288呢個餐已經有SRF美國極黑和牛同埋美國安格斯牛板腱，前者油花好靚，入口肉質柔嫩多汁，後者油花較少但分佈均勻，香甜爽口火鍋配料款式繁多，尤其係有多款海鮮，例如青口、海蝦、帆立貝、蜆 、沙鯭魚等…自助吧亦有勁多款小食，螺肉、酒醉雞尖、麻辣豬脷、麻辣小龍蝦、鹽酥雞….以及大量自家製嘅花茶、清酒、梅酒、啤酒都係任飲連珍珠奶茶都有🤤每次去我都必點嘅糍粑 😍炸到外脆內軟，Q彈軟糯，都有得任食😋仲有多款甜品🍮雪糕雪條，食到勁滿足

天氣逐漸回暖, 亦冇咗我哋對打邊爐嘅興趣, 今日第一次光顧牛站觀塘分店, 呢度嘅地方相當闊落, 尤其自助區比尖沙咀分店大和更多選擇。蔬菜嘅款式相當多, 肉丸小食也不少, 牛丸, 貢丸, 芝士腸, 墨魚丸, 北海道豬肉丸, 貓爪形蝦丸相當趣緻。新鮮蔬菜種類也很多, 豆苗, 羽衣甘藍, 油麥菜等等, 真係有啲花多眼亂。火鍋當然少不了牛肉, 特選牛肩胛肉眼肉質嫩滑, 牛味濃郁, 蝦仁棒棒外形得意, 花雕雞翼幾有酒味, 用火鍋上湯來煮王子麵, 麵質彈牙, 口感都唔錯。當然有我最喜好嘅雪糕, 款式真係好多, 仲有雪糕粒, 綠茶雪糕和多款häagen Dazs雪糕, 真係非常滿足。

講到食火鍋, 舒適嘅環境都幾重要, 牛駅嘅觀塘分店位於亞太中心, 新店相當寬敞, 環境舒適, 自助區比尖沙咀分店更大, 食物更多選擇, 尤其雪糕嘅款式很多。卡位又多又闊落, 值得一提是洗手間相當清潔, 可以放心盡情打邊爐。老黃瓜薏米瑤柱雞鍋湯底清甜, 老黃瓜清熱, 薏米滋潤, 還有瑤柱鮮香。以火鍋放題來說, 這裡既食材新鮮又多選擇, 鮮牛肉如美國特級牛肩胛肉眼片, 鮮嫩又滑有牛味。還有牛脷托, 豬梅肉片, 花雕雞翼和牛柏葉等。象拔蚌片碌幾下相當脆口, 台北鴨血夠爽滑, 鮮豬紅相對較為粗糙, 但口感比較煙韌, 兩者口感各有千秋。超多嘅雪糕雪條和甜品, 雪糕甜品迷必定十分滿意。飲品款式也相當多, 汽水, 梅酒, 果汁以至珍珠奶茶都有, 呢度嘅珍珠奶茶真係相當有水準。

上次食過「牛駅」午市火鍋放題真係好滿意，今次到訪試下晚市有3️⃣個價錢選擇，我揀咗中間價錢的SRF美國極黑和牛片套餐，每位$248 (星期一至四19:30前離座)用餐時間1️⃣2️⃣0️⃣分鐘，可以任食SRF美國特級肩胛肉眼片、手打蝦滑、墨魚滑、海蝦、象拔蚌、帆立貝及青口等觀塘新店比起尖沙咀更寬敞舒適，環境衛生；自助區選擇更多餐廳推出幾特別又滋補嘅湯底：美顏花膠竹絲雞==========自助區外的配料以QR code落單自助區選擇豐富：水果、前菜、炸物、肉燥飯、麻辣小龍蝦、多款菜類 (包括豆苗)、丸類 、麵類、烏冬、飲品 (包括紙包、罐裝、自家製冷泡茶、蘋果酒、啤酒、清酒及梅酒等)、多款甜品、雪糕及雪條等，又設有暖飲櫃及自助咖啡機==========🔹湯底揀咗鴛鴦鍋 +$48▶️老黃瓜薏米瑤柱雞鍋▶️芫茜皮蛋豆腐鍋兩款湯底皆清甜而不油膩；老黃瓜薏米祛濕一流；芫荽新鮮，選用優質溏心松花皮蛋==========🔹肉類、海鮮4款牛肉：SRF美國極黑和牛片、美國安格斯牛板腱、手切封門柳、美國牛肩胛片，全部皆鮮嫩而脂肪比例低；和牛片大大片；封門柳牛香較重海鮮整體新鮮，尤其喜歡海蝦及沙白蜆；沙鯭魚雪白肉嫩；墨魚滑有豐

超人氣火鍋放題😍 餐廳好受歡迎，晚市時段全場滿座，請提早預約🙆🏻‍♀️ 氣氛熱鬧，好適合一班朋友聚會🍻 環境寬敞舒適，乾淨企理，自取區整齊衛生👍🏻 食物質素不錯，款式豐富🥰 💖💖💖食評💖💖💖🥘120分鐘火鍋放題（包括牛肉、豚肉、羊肉、海鮮及任食配料）✨ 這家台式火鍋店真是我的最愛！位置方便，就在APM附近，逛完街來這裡吃飯再好不過了！😍湯底選擇很多，這次想吃清淡養生的，所以選了滋補豬筒骨鍋，裡面有好大塊的豬骨，配搭粟米、杞子和龍眼，一定要再點上花膠，滿滿的骨膠原😍我們點的套餐包括SRF美國極黑和牛片和牛肩胛片兩款極品牛肉，肉質鮮嫩😍 此外，還有其他肉類和海鮮可供選擇，例如豬雪花肉片、日本帆立貝、沙白等等，非常豐富😉自助區選擇好豐富，特別推薦螺肉、醉雞翼尖和豬脷這些冷盤，非常開胃☺️ 火鍋配料方面，除了基本的芋絲、魚皮餃、蛋餃、墨魚丸、沙拉丸、魚蛋等等，還有很多特色的選擇😝甜品方面，餐廳提供多款不同品牌的雪糕，例如韓國mini脆皮雪糕、dadino雪芭、阿波羅系列雪糕三明治等等😍

大家都知道牛物牛乜，午市最抵食因為出面有mini buffet任飲任食，有一次去到觀塘可惜上面牛X沒有定食了。於是到下幾層這牛駅食見還有定食供應，可是限制很多，飲品只可取一杯，出面的小食只像只有前菜可任食，有很多的飲品選擇包括自家冰茶，但飲品只限一杯，真的沒癮，竟然不如同集團XX屋一眾分店，地方非常的乾淨明亮，一如上一次去尖沙咀分店，服務也不錯，見偌大地方生意都不錯，很多單身友食任食火鍋。今日叫了麻辣牛肉丼飯$60，見非常靚仔！有質素的出品，份量不少，男人也飽肚。但沒有飲品，甜品及小食任食，唔夠吸引一次夠！

最近牛站認真紅，自從上次食過尖沙咀店之後一直都好想返食，今日book到觀塘分店，梗係即刻約埋朋友去啦！觀塘店比尖沙咀店更大，座位更闊落，坐得幾舒服，可以同朋友一路傾一路打邊爐👍🏻👍🏻講下個自助區先，保持牛站隊型，極多野食野飲！🤩前菜同小食好多選擇，連台灣腸都有，正😍 野飲有我最愛嘅冷泡茶，推介人參烏龍❤️ 仲有好多火鍋配料，全部自取任食😝 而我最最最愛就係甜品區，雪糕雪條任食，有haagen daz同 da dino雪糕杯任食，出面成$30一杯，絕對係回本之選😎返埋位就點左特級肩胛肉眼餐，啲肉好正！油花好靚，厚度啱啱好，淥十秒入口即溶👍🏻👍🏻其他任點配料都好高質，連象拔蚌都係任食😍無得輸🤣又食到捧住肚走，埋單$300有找，做返多啲運動再黎先😂