牛皇世家

今日同一班朋友，行尖沙咀，無意中發現呢一間。樓上鋪牛王世家。見到呢個晚市海鮮套餐只需398會唔會太平於事我哋就入去試下。坐低起張台，招呼唔錯即刻比壼茶我哋飲住先，原來呢度都有得打邊爐，由於我哋一開始見到小菜牌，我哋就決定食小菜。當我哋叫小菜嘅時候。老闆給我了說送一壼是日例湯比我地飲我哋叫咗豉椒炒聖子啫啫芥蘭煲豉油王鵝腸梅菜扣肉煲由於我哋食得太快因為實在太好食喇搞到我有啲餸菜都唔記得咗影相。啫啫芥蘭煲同梅菜扣肉煲必食推介啫啫芥蘭煲因為佢哋係，煲上枱之後會有店員將菜放落個煲上，香氣十足。梅菜扣肉煲店員一放下。揭開煲蓋。香氣即刻湧出來食曬幾道菜已經十分滿足。埋單嘅時候 ！下！咁平四餸一湯。490蚊，再打埋九折446真係好抵食。下次一定要返嚟再食飯。ps下次試下火鍋。呢度有好多靚牛肉食。好適合我呢個牛魔王…查看更多

上星期與朋友到尖沙咀聚會，原先打算食日本放題，其中一位提意到近麽池道嘉芙中心有間最近新開名叫(牛皇世家)食肆，有火煱，什么湯底都有，另外刺身，家鄉小菜，炒粉面飯，都有好多選擇，咁大家同意試下，上到去環境都唔錯，有四間vip房，重有卡垃oK，可惜無房就坐大堂，待應招待有禮，主任走來向我們介紹菜式，介紹他們招牌菜(芝士龍蝦伊麵、(啫啫通菜)，(水煮鱼)，(沙薑雞)，咁信佢，起菜唔係等好耐有得食，主侄介紹皇牌菜真係好有風味，大家滿意，重点向大家推介(芝士龍蝦伊面)龍蝦新鮮肉厚，芝士味濃郁但又不肥腻，伊面又出奇地好食，結果清盤，主任見我們咁食得又介紹他們的干炒牛河給我們試下，牛肉入口即溶，靚牛肉好味，大家肚子滿足了，結賬1350，6位每人200多D，又飲啤酒，又有食嘢食，有時間一定再光顧…查看更多

我地今日就去左牛皇世家既呢一間餐廳打佢地既邊爐了，你地見唔見到呢度既咁多盤牛肉有幾靚!!!!我地全部人都一致認為同埋一致認同牛皇世家係一間非常之好食既餐廳，大家都同樣地覺得牛皇世家係好有質素保證，係一間不同凡響既餐廳呢!!!!!!!!!雖然我以前都久仰過牛皇世家既大名，但係當我親身去食過牛皇世家，都依舊被深深震撼了 ，但係點樣好食法都係要你地自己親身體驗同埋感受過先至會知道的了!!!!!!!!!!!…查看更多

朋友介紹左呢間牛皇世家俾我地，話呢間餐廳好好食，而且連香港既明星都有份光臨過!!!!!!!!!!所以我地就上左openrice睇下呢道牛皇世家係咪咁堅!!!!!!!!!!!當我地去左牛皇世家，發現真係好好食呢，而且食物款式好多，我地點左一個好香既鍋底，點左一大碟d雪花紋勁靚既牛肉，都點左d蠔，又點左d手打丸，又點左d好滑既滑牛肉，我地食到好飽!!!!!!!嚟到牛皇世家試下佢有幾新鮮!!!!!!!!…查看更多

環境非常乾淨 食物質素都唔錯 上菜速度雖然唔算快 但服務員服務態度細心同禮貌搭夠 我同它老婆諗唔到食咩 都唔會hard sale 炒野好夠獲氣 特別推介 啫啫通菜煲同埋乾炒牛河 好香 好味 會再返轉頭幫襯…查看更多

星期六晚收工同朋友到尖沙咀找節目，想揾個地方睇英超，大家都肚餓，正頭痛之際，途經嘉芙中心有間新開火煱店(牛皇世家)，又有直播足球，咁上去試下，環境唔錯，想獨立啲有2間獨立房間，聽講正装卡拉oK給客人開派對，相信要早訂座，火煱食材新鮮，價錢合理，小菜、炒粉麵都oK，介紹給各位值得試下!!必食推介!!火煱有(新鮮靚肥牛，象拔蚌，龍蝦)，材料多樣化可供選擇，豐儉由人，小菜必食!!啫啫通菜，沙薑雞，干炒牛河更出色一流水準…查看更多

今天同同事去食晏，一去到已有位，於房內同另一台客撘枱，等了5分鐘想話攞餐牌睇，等極都冇人，唯有自己出去攞，諗完食乜諗住點餐啦，撘枱的食客也走出房叫了10分鐘都冇人招呼，唯有又自己出去搵人落單，終於搵倒個入房落，點知佢就幫撘枱的另一班客落先，話落咗佢哋先! 咁冇所謂，點知佢一落完轉身就走咗去!攪攪吓已經1:30，於是我又出過去搵返個阿姐再落單，點知佢同我講佢新嚟唔識落單@.@我即時著咗！我同佢講"你啱啱同隔離枱落X完單，依家你話唔識落! 佢同事座喺收銀位好冇禮貌地大叫"先生你過嚟呢邊落啦! 因當時已落到一半而且佢態度惡劣，感覺畀人當波踢來踢去，我就回咗一句"乜每個客都要走去收銀廣落單架咩? 個收銀竟然講"唔落單就唔好落而家唔做你生意走!!" 我問佢係咪老闆，佢自稱話係，又重複講唔做你生意走!! 我真係唔敢相信今時今日竟有啲咁嘅人可以做服務性行業，以後都唔會再幫襯 !!…查看更多

呢度午市好似茶記,有各式飯粉麵, 叫左個CURRY 雞扒飯。CURRY有質素`WOR! 係我中意食GE 巴基斯坦CURRY, 唔係港式CURRY 汁呀, 好香, 仲幾辣添,  雞扒幾滑, 如`果加幾舊薯仔就更好, 飯唔夠多, 唔夠撈汁。同埋飯偏硬。…查看更多

呢間新開嘅火鍋店原來午市有飯食，見佢午餐時段人流都正常，上到去唔洗點等位就有得食了，今日我就喺佢個餐牌見到一系列咖喱飯，我就點咗個咖喱牛腩飯，上到嚟見到咖喱汁好濃郁，但食落層次唔算豐富，牛腩都幾鬆化，但脂肪比例都多仲有啲肥，入面薯仔都炆得好諗，入哂啲咖哩味，而個飯中規中矩啦，唔算好軟熟，撈埋啲咖哩汁一齊食都剛好嘅，個餐有跟一杯熱檸茶，茶唔算有茶味，如果有茶癮未必到，價錢都$60左右午餐係尖沙咀區應該差不多…查看更多

心血來潮想食打邊爐，上網睇呢間價錢幾抵食又未食過，所以就決定去試下啦～～～呢度都有好多唔同嘅肉類同埋湯底可以揀，仲有好少地方有得食既配料，不過我哋最後都係揀咗佢地呢個有廚師推薦既湯底，呢個湯底超級入味，而且仲好野味ＴＩＭ，煮起上嚟超級香而且個醬汁仲好香濃，食落去啲牛肉好滑好有驚喜，啲牛肉質素都幾靚夠晒多脂肪，咁樣先至可以滿足到我呢侶鐘意食牛肉既人，呢間牛皇世家又平又好食，我下次打邊爐一定會泥!!!…查看更多

平時喺尖沙咀返開工，放左工都慣左去尖沙咀或者屋企付近食下飯，都冇諗過喺附近食，甘啱有同事同我講係葵涌廣場附近，有間好抵食嘅雞煲火鍋，所以星期五晚就去試吓啦！我哋七點半去到，當時都未滿座，所以我哋兩個人，都可以霸四個位，方便擺嘢食。除咗打邊爐之外，都有好多野可以食既，我叫左Ｄ海鮮泥食下，原來樣樣都係咁大碟，咁抵食加喎，而且Ｄ海鮮仲好鮮甜，好好味，呢度Ｄ牛其實都唔差既，好好味，不愧係牛皇世家呀下！！！！！…查看更多

驚喜🤨行過尖東，朋友慶生去左呢間火鍋店！牛皇世家！正野！#齋睇牛肉樣都已經好新鮮#本人感想～牛 好味、新鮮、切得夠薄，平時火鍋唔多掂牛的我，今次食得多🙈。因其他店d手切牛太厚身，我唔like#自家製的丸、響玲 好味，仲有野唔知叫-蝦肉油炸鬼？ 好味😋#刺身亦好正，新鮮、好味、刀工好，夠薄。 好味到....我冇得食😭 只有魚頭同蝦頭睇，完整版只能睇相😩…查看更多

星期六約咗朋友去尖沙咀行街，行到咁上下，朋友話帶我食雞煲，佢話之前喺附近食過一間打邊爐唔錯，就帶我去試吓啦依間牛皇世家，呢度咁多野食，而且仲唔會貴，都真係幾抵，而且呢度好易揾，港鐵尖沙咀/尖東站 P3 出口, 步行約3分鐘就到，地理位置都唔錯呢間餐廳除咗食打邊爐之外都仲有好多唔同種既配料可以食，有海鮮，有肉，有好多好多野可以食。我用左好多時間去簡食咩，你就知呢度Ｄ野食係有幾多啦～而且呢度服務員做野好快手，唔洗等好耐就已經食得啦～…查看更多

假日同屋企人plan咗打邊爐，見尖沙咀呢一間牛皇世家嘅評論都唔錯，於是就去試吓啦。一入到餐廳裡面，已經聞到陣陣打邊爐特有既香味。餐廳既空間好大，而且非常寬闊，坐得好舒服。除左打邊爐之外，仲有好多唔同選擇，不過第一次食，都係先試左個湯底先，肉類係要用紙點的，有好多唔同既牛可以食，呢間野話到比我知，原來牛係可以有咁多種唔同既食法，重點係價錢唔貴，而且食材新鮮，試問係香港邊度可以揾到一間咁高質又多野食既餐廳呀？…查看更多

平日喺尖沙咀食碗麵三四十幾蚊無野飲係正常事~ 經過見到呢間牛皇世家,晚市做火鍋, 午市有粉麵飯。環境闊落，lunch time最緊要坐得舒服充充電~呢度主打食牛既,,仲用上100%新鮮牛肉。今次就試左招牌清湯腩飯，$50 有埋飲品，最正係凍飲唔加錢，白飯係另外一碟上的。清湯腩大大碗, 先呷一口清湯，充滿牛既鮮甜最後飲左大半碗都唔口乾, 証明不加味精~ 牛腩半肥瘦, 鮮嫩入味夠林~ 仲有幾件大大舊蘿蔔同樣入味清甜！　…查看更多