牛牛

營業中

休息中

突然心血來潮想去西貢試下好多人介紹嘅沙嗲牛肉麵，厚厚嘅沙嗲湯底，香濃嘅花生醬味，有別於一般用清湯，將一堆沾滿瘀黑色沙嗲醬嘅牛肉就咁放上面，基本上食完個麵就已經好飽，加上我仲點流沙咸蛋黃薯條同椒鹽一口牛面珠登，胃部感覺到塞滿，最後係淨番個麵係冇食哂。另外兩個小食可以話好出色，但係最唔應該叫，因為太邪惡，流沙咸蛋黃薯條雖然唔知佢流沙嘅意思，但我覺得佢炸得夠乾同脆，帶出香濃嘅咸蛋黃味，食落唔油膩；椒鹽一口牛面珠登個味道同牛脷有啲似，但肉質鮮嫩，雖然份量唔多，即使兩個人食都覺得有啲吃力，我估唔到三樣嘢加埋一齊會咁飽濟，太過有滿足感。

網上見到好多人介紹呢間，今次入西貢第一時間就係去呢到試下佢個沙嗲牛麵🤲🏻✨沙嗲牛肉撈麵(加蛋) $60推薦度：8.3/10沙嗲醬好濃稠，撈麵好掛汁，小編認為味道冇想像中濃味，牛肉偏大嚿，肉質唔錯偏腍，加蛋令碗麵提升咗一個層次🤤✨沙嗲牛舌湯麵 $55推薦度：8/10牛舌俾得好足料，有五舊或以上，沙嗲湯麵冇想像中濃味，牛舌味道偏淡，小編認為有啲可惜成碗湯略嫌有啲唔夠味🥹✨羅宋湯 $20推薦度：8.4/10羅宋湯有啲驚喜，用蔬菜同牛肉煲出嚟嘅湯，味道夠濃，湯入面有唔少牛肉好足料🌟

之前入西貢行山,下山後就跟山友們去試一試他們推薦的🐂牛面珠登.我們到達的時間是下午四點左右（雖然星期日）但是不用等位. 基本上餐牌上的選擇不多,主打牛面珠登,牛脷. 如果不食牛的朋友,餐牌亦有這兩款選擇“麻辣叉燒飯, 黃金雞翼飯,黑松露滑蛋飯”朋友話羅宋湯好飲~我也要了一碗來試試. 味道是濃濃的牛肉味蕃茄酸酸又帶少少辣的典型羅宋湯. 跟餐價加配$20. 可以試一試,真材實料👍🏻不過價錢就偏貴少少😅.小食：黃金雞翼 ~ 普通的咸蛋黃炸雞翼😅主食：沙嗲汁牛面珠登撈麵 ~ 牛面珠登是充滿牛味而且好嫩滑容易入口. 沙嗲汁撈麵就比較咸了一點點.如果喜歡濃味的朋友應該會好鍾意食.沙嗲汁牛脷炸麵 ~ 牛脷也是比較淋只有輕微的牛騷味.炸麵底比起撈麵更加好食😋脆脆的👍🏻黑椒汁牛面珠登炸麵 ~ 朋友選的,我沒有試. 普普通通的黑椒汁也是偏咸&濃味.我們三人也加了$5配煎蛋,半熟蛋汁伴麵更好食😋

帶澳洲番來既親戚行下西貢，佢哋好想試香港沙嗲牛肉麵，連埋屋企人五個人入咗呢一間～入到去因為5人，見到只有4人台有空，我地話可以逼d加張凳，店員回應會阻住佢地做野 安排另一個位（雖然語氣係麻麻，但係香港食野都習慣了感覺可接受我地係食左一餐，再入去再食，叫咗兩份沙嗲牛麵加兩份小食，先再見到假日每人最低消費$40，都有諗會唔會係計每人要叫一樣野？但因為order時店員無講，食完照埋單，可能都200幾所以又可以喎沙嗲牛肉麵，湯底望落好濃，而麵餅的確係半生熟無散開，不過我地主要想食兩位鐘意食硬麵，覺得咁樣更加可以掛汁，而我就鐘意可以再熟小小～ 湯底嚟講，我哋覺得好濃，而且好有花生醬味，同埋同平日茶餐廳嗰種沙嗲唔同，而且牛好嫩，其中一個屋企人仲話下次要入來再食😆 炸魚皮我覺得個鹹蛋香味好香👍🏻差點一個人食曬而鹽燒牛舌都好嫩，媽咪牙痛都咬到，但就有小小靠上面既鹽吊出個味～整體來講，服務唔算差，只係店員的確無咩表情同唔會笑，但我地可接受～

-因為沙嗲牛肉麵關注組推介，所以經過西貢特登行咗去試，因為鍾意食沙嗲牛，以前有試過沙嗲牛肉麵走湯，可惜沙嗲醬份量唔夠撈😂不過呢間嘅沙嗲牛肉湯麵大癲，唔使走湯都夠濃，似意粉咁掛汁，湯偏杰身，沙嗲好似醬咁濃，唔會死鹹，但係冇乜花生味，大大塊牛肉又掛到汁，雖然$50沙嗲牛市區嚟講少貴撈麵我覺得有啲鹹，湯麵已經好夠食，個蛋係一定要加🍳-▶︎沙嗲牛肉湯麵 | $50▶︎沙嗲牛肉撈麵 | $50 + 加蛋$5-📌#sorriso_西貢 #sorriso_西貢區-👅【牛牛 Ngau Ngau Cuisine】📍西貢福民路58號高富樓A座地下32號舖🕑星期一至日 12:00 - 20:00更多食評ig: @sorriso.foodie.hk -#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #西貢美食

當日假期去西貢行吓同老公諗住去食吓心心念念嘅特濃湯沙嗲牛麵，之前上網見過人介紹一路都想過嚟。嚟到都見到好多人排隊，但職員態度都好差，半個舖位冇人坐都唔俾人入座，我同老公點咗一人一碗沙嗲牛麵加一個牛柳粒埋單百$150，我哋入線，但都要等咗勁耐其他人上咗我哋都未上，沙嗲好麵麵底完全係硬冇煮過咁滯成餅上，牛柳粒有驚喜咬落去幾腍，連隔籬枱客人都無啦啦被職員鬧，我們覺得真係冇下次，連隔籬枱客人都笑住講話冇下次

聽說係沙嗲牛關注組推介 但太失望😭唔知係質素下降定轉左手？！食完 只覺得餐廳無用心整野食☹️.｜面珠登沙嗲撈麵麵唔係爽麵 已經扣分😮‍💨 最大問題係沙嗲醬好淡味 唔濃 唔唔香 又無咩花生醬味！令人好失望個人認為比茶記沙嗲牛仲失色🫠面珠登就正正常常但唔重牛味～.｜卵蛋秘製麻辣叉燒飯 $65好無誠意既頹飯.. 麻辣醬就係李錦記既辣醬咁🥲 瘀紅色既醬淋落交貨返黎既頹叉燒☹️ 說好的秘製？醬同叉燒都唔覺係自家製…全碟飯最好食就係隻蛋🥚

我們於16/4（三）約下午五點🕔左右到達餐廳，內有2個客人，有一個是外國人🤣（證明外國人也喜歡道地嘢），我們叫了3款食物。❶沙嗲牛脷撈麵（$55）：超級快，order了5分鐘左右已經送到，有4塊牛脷，內裏十分軟熟，亦有少許洋蔥🧅，沙嗲撈麵也不算太辣，好吃❷沙嗲牛肉包（$36）：牛肉包也有洋蔥🧅，牛肉味則不濃，反而包沒有想像中硬☺️❸鹽燒厚切牛脷芯（$55）：有大約8小方塊，鹽燒果然夠咸，超級軟淋，正

呢間牛牛勁多人都話沙嗲牛麵正咁岩行完山想搵嘢食睇相又覺得唔錯叫左個正常嘅沙嗲牛麵點知黎到有點失望完全唔係我心中所想味道偏啖仲要牛要韌朋友話牛面脥無咁韌另外佢地嘅叉燒飯有別平時食的味道甜甜酸酸

✍︎︎牛肉沙嗲湯麵 $50椒鹽一口牛面珠登 $50❥肉類🍖可揀：牛肉/牛脷/面珠登湯底🍲：沙嗲/黑椒/匈牙利麵底🍜：湯麵/撈麵/炸麵見到係沙嗲牛麵推介之一，一定帶少爺仔品嘗🤩湯底略嫌唔夠濃厚，比較稀身不過肉質係好食好嫩嘅老闆娘好似好惡咁(･_･;••••••••••••••••••••••••••••••🔎牛牛 西貢福民路58號高富樓A座地下32號舖••••••••••••••••••••••••••••••

趁放假專登入嚟西貢試吓沙嗲牛肉關注組成日提起嘅西貢牛牛，最後發覺佢食物麻麻，環境麻麻，服務態度都認真麻麻🤦🏻‍♀️沙嗲牛肉湯麵 加蛋沙嗲牛肉麵佢就有三款選擇，湯麵，撈麵，同埋炸面，第一次梗係二話不說食佢個招牌湯麵湯底真係超級濃，濃到有少少覺得佢其實係汁底多過湯底，但我叫得湯麵，就梗係想飲到d湯啦，想食掛汁麵我一早就會叫沾麵，好啦個重點係，佢啲牛肉又唔係特別出色，麵又淋身，職員服務態度都唔係好有善，係唔休做嘅感覺我就冇試牛面珠墩，但見隔離嗰台叫完一碟食咗嚿都成碟放咗喺度，睇完都吸引唔到我去order🙈

老闆娘態度差到不得了，從未遇過咁差嘅餐廳。出面排哂隊，老闆娘在餐廳內大叫食客慢慢食，由得客人在外排隊。我們四人原本唸住快啲有位，就同老闆娘講可分枱坐，之後見有四人枱準備走，我們就說先讓後面排隊食客入座，我們等四人枱。點知老闆娘就呼喝我們說，你哋又話分枱坐，而家有枱又唔坐！塊面黑過鑊燶！感覺餐廳只想客人排隊製造長龍，有枱又唔放食客入。食物方面，沙嗲牛肉麵，沙嗲汁好重味，食完好口渴，牛肉有點硬。茶餐廳比他好，真心不建議浪費時間排隊，比錢食嘢睇老闆娘發晦氣，同受氣！

以為係西貢好東西，點知中哂伏，完全係劣食！試咗個牛面珠登沙嗲湯麵，食落完全冇牛味好奇怪，同平時食開嘅牛肉味道差好遠，叫返普通牛肉都仲好啲啲。個湯麵睇落好濃但一放入口食係極淡，好似溝咗好多水再打個芡所以個湯底好稠，中哂伏，茶餐廳沙嗲牛麵好食好多。碗野食咗幾啖真係食唔落走人。另外叫咗個牛肉沙嗲撈麵，牛肉正常，但個沙嗲真係搞唔掂又係好難食。啲麵好似軟餐咁太淋無口感，一樣係食唔晒就走人。埋單每人60零蚊雖然唔係好貴，哂錢，體驗好差，難得入一次西貢食咗啲咁嘅嘢… 好嬲，唔會再幫襯。

見到餐牌上面有好多同牛脷相關嘅食品，再加上有叫匈牙利汁咁特別嘅名，就叫咗個厚切牛脷飯配匈牙利汁，期望會有什麼驚喜，不過食落就發覺無咩特別調味嘅煎牛脷，同一個似茄汁味嘅匈牙利汁，咁就收咗108蚊，試過就算喇。

好少寫食評但真心唔想人中伏1.面豬登沙嗲湯米，個湯係好濃稠但原全冇味，但個肉質係好食。2. 叉燒包，唔記得個名，係四川辣味個啲但個醬甜到一個點。 個包烘得幾好，叉燒半肥瘦個汁遮哂啲味，不過不失。3.色色爆汁雞翼，上左菜先知啲粉係自己shum上去，只感覺到爆油。 我係勁鍾意食炸野但就好怕依啲油溫未夠熱就走去炸嘅野。咁我飲油算啦12點幾食完到依家夜晚8點個口都仲乾緊。已飲左2L以上嘅水。 價錢唔貴，90幾蚊但就浪費左去西貢嘅一餐。