影片
牛牛花都本店做得超好，我係常客，佢喺粉中開分店，當然要百忙中搵機會支持下。Sorry囉，我唔應該有期望，入嚟幫襯係我唔啱，可能天氣熱令侍應哥哥燥底，我應該冬天先嚟，對唔住囉🙏🏼但一定唔係我態度問題，我從來對人超客氣，你唔辣著我底線，我係唔得閒同你計較，至多下次唔嚟啫。毫無本店果種員工熱情同服務態度，冷冰冰唔憂做咁，金毛型仔哥哥落單，我係對餐牌少少誤解，溝通過程被你輕藐冷笑冇緊要，可能你型過我後生過我，覺得我似大陸人？我又未試過喎，講完嘅唔記得要再問我都算，新人？（公道講句佢有講唔好意思）但我容忍唔到佢覆焯，行過大大力劈塊單牌落枱，我個女都比佢嚇親。你有性格，大把青春本錢，型得起，我哋就只能夠唔型咁北上消費囉。我觀察埋其他伙記，冇乜特別，但服務態度同本店就一定有距離。食物方面，我哋只係嗌基本嘢，食唔出兩間分別，但凍檸茶好似淡咗啲。環境衛生又係要彈吓，明明開咗冇耐都好似污糟邋遢，明白部分物品例如餐牌可能係搬過嚟，但入嚟坐低就感受到。珠玉在前，體驗非常差，粉嶺咁多間茶記都好少趕客，喂大佬北區嚟㗎，過關好方便㗎咋，我肯支持留港消費，你哋都要做好啲吖，做唔到質同價，態度都唔好咁串吖🙏🏼如果牛牛老闆睇到，我戥你難過，你分店應該好難做。如果係合伙人或管理層睇到，我建議你認真留意吓我寫嘅嘢，不服來辯。
繼續閱讀
這是一所街坊茶餐廳，特色就是價格便宜吧，另一特色是收不到手機訊號，但有wi-fi提供，所以也說得去。車仔麵的糖非常重味，就是說太鹹了，我怕msg多吃會甩頭髮，所以下次還是要求清水底比較適合。車仔麵的菜式選擇還算不少的，吃素的也有足夠選擇，通常都是在便宜系列找到吧。下單車仔麵是由自己填寫紙張的，飲品難有些奇怪，就是沒有凍熱的選項，所以我就被誤會送來了熱飲，也怪自己不夠足夠小心吧。如果下次經過附近，想吃輕食下午茶，這裏還是選擇。
繼續閱讀
外賣胡椒豬肚雞煲，買嚟打邊爐一流！前幾日見到有餐廳有外賣9折，仲有好多款雞煲揀，今晚屋企打邊爐，突然諗起不如試吓呢個雞煲做湯底！屋企人諗住半隻就得，不過原來唔係款款都有得揀半隻雞，最後揀咗胡椒豬肚雞煲，返屋企試吓，有驚喜！都好足料！雞肉好滑又入味，胡椒味夠濃，食落暖胃👍🏻食完雞肉同豬肚，用湯底打邊爐，自己準備咗好多其他火鍋料，屋企人都話我地嘅火鍋料都變得好入味，簡直係一舉兩得！下次可以試下堂食～
繼續閱讀
今日放半日，就試下佢既午餐，叫左個揚州炒飯。味道唔錯，粒粒分明，足料！👍🏻午餐包埋湯同餐飲☕️環境過得去，冷氣有少少滴水🙈啊姐服務熱情，有禮貌，整體感覺良好🫡
繼續閱讀
由它開業試了好一陣子才寫這個食評始終怕了近年餐廳的水準大起大跌的問題回到正題近年有很多新開的茶餐廳都只是掛懷舊茶餐廳模式但完全不茶餐廳而這家就沒這個問題餐點多是茶餐廳必須的還可以改餐牌內的配搭.只要你下單就好這些這家餐廳都有滿足到我多是下午茶時段光顧最初以為下午茶餐份量應該不會很大但意外地正常份量炒飯麵類的有久違了的茶記鑊氣味道也很對,而且配料也很足焗飯類買相雖然一般但也非常對味及足料比附近同類型餐廳有用心的焗飯不過傳統西多士就比較失色傳統西多士五個字以為是小時候那種西多士可是最後上來也是有花生醬餡料那種西多士不是最初沒醬那種傳統西多士而且也沒有很脆,切下去非常軟用的也是包裝糖漿,感覺上完全不是那回事這個西多士就不太對胃口了整體來說下午茶平均食物質素及份量是有滿足到我唯一是cp值不是太高,跟附近餐廳下午茶價格相近也在30多40多左右不過要一提這家店的兩個大問題1.是很常有麻雀飛進來,本人很怕鳥類這也是我雖然喜歡吃,但少去的原因2.是手機接收信號不良之前為了避免麻雀影響用餐坐進一點可是完全沒信號雖然有看到餐廳後來有加防鳥的方法可是成效不大,這兩點可是餐廳不可抗力了但還是要在食評註上給大家作參考順便也說一下服務質素是那種老街坊的服務方式姐姐們很健談及有禮
繼續閱讀