牛涮鍋

營業中

休息中

呢排成日買外賣，所以都好鍾意四出搜尋平、靚、正嘅嘢食，牛涮銅係心水選擇之一。以前淨係可以入去打邊爐，雖然都係百幾二百蚊任食，但感覺就係要聚會、盡地一舖暴食先會入去，而家外賣時短鍋，幾十年就食到打邊爐喇，絕對係我呢啲細胃王嘅福音。最鍾意佢個椰子雞同埋和風牛肉。椰子雞入面每次都係雞髀嚟，絕無欺場；雞肉夠滑，湯底清甜，仲有一片蕃茄、幾款菇同好多菜添，感覺好健康，想減肥又想食邊爐野揀呢款就Perfect，食完都冇罪惡感。而和風牛肉湯底就好甜，令到牛肉味更加突出，會忍唔住飲多兩啖；至於配料就款款鍋都係一樣，所以都好夠菜食，夠晒均衡呀。

今日係馬鞍山做完運動，突然勁想食肉，行過牛涮鍋，就決定要打邊爐🍲我同朋友7點半攞位，等到8點35分先有位，足足等左成個鐘有多先有得入座😫入座前，店員先同我地確定多次人數、湯底同食咩level既牛，揀完跟住店員就會帶我哋入座～今次我地就揀咗lv3美國上級牛胸腹放題，坐低冇耐店員就攞左牛，豬，雞肉黎，如果大家唔需要記得入座既時候就同店員講定，如果唔係就會浪費咗啲食物架喇(因為係自動送黎的）☹️睇圖都可以見到牛肉係新鮮，脂肪分布都算平均，食落有牛味，唔會韌口，算滿意😍仲有自助區都好多野食攞架！

今日到咗馬鞍山嘅牛刷鍋，👍👍今次係食午市套餐，價錢都唔錯！！！！跟住叫咗兩款湯底，一個係四川麻辣湯底，另一個係甜醬湯底。另外叫咗一盤海鮮拼盤套餐。非常好味非常鮮甜👍👍👍最後去自助區份雪糕甜品一份，味道唔錯。

天時凍諗住打邊爐收工收得晏，返到馬鞍山已經9點所以就換埋衫先再落去食9:30宵夜兩個人嗌左一豬一雞，最平之選 😂每人$69，肉每人一碟，配菜任食加埋一都係$151.8兩個人total，簡直係抵食 😆個湯底揀左甜醬油同蕃茄鴛鴦湯底甜醬油個邊好食好多，蕃茄湯底麻麻地等湯底滾既時候就食住沙律等沙律我夾左粟米，中華沙律，同埋有個類似吞拿魚螺絲粉既，幾好食 😄湯底一滾就即刻食肉獸上身 😆豬肉好食! 配埋甜醬油湯底又有甜味又有肉味肉切得夠薄，唔韌，豬肉好滿意!雞肉就正正常常，肉質都唔錯，唔會韌或者老但都係豬肉好食啲，下次可能兩份要哂豬配菜方面，要推介既係芥蘭苖!芥蘭苖平時都少食，今次仲要有得任食，我地夾埋最起碼食左三十條以上 😂不嬲鍾意食芥蘭但又怕太硬太粗，芥蘭苖就岩岩好打邊爐淥又可以控制鍾意幾𣺉好好食啊! 建議大家試都有生菜，娃娃菜個啲，不過呢啲大路野係其他地方都有哈哈另外佢仲有個餃子都幾好食仲有佢個拉面都幾好食，最後填飽埋個肚岩哂野飲方面，汽水個啲都係任斟Overall好滿意! 會再食 🤩

6點經過見到牛涮鍋忽然好想打邊爐🥘😛唔洗等位 正～～唔同價錢有分食咩牛、雞、豬嘅等級加錢仲可以加海鮮食🦐我揀咗個「美國上級牛胸腹放題」😋😋😋有美國上級牛胸腹、丹麥皇冠豚梅肉、美國特選雞腿肉 無限追加👍🏻 $198/1湯底我揀咗「黑蒜油豬骨湯」同「四川風麻辣湯」唔錯唔錯💛其他嘢食可以出去自己揀選選擇都幾多 夾咗幾轉慢慢烚吓烚吓😄😄😄飲品方面係自己出去斟😃有汽水有果汁 飲幾多杯都得👍🏻仲有教你點樣去混合唔同味道 幾得意座位有部機喺枱底可以揀選追加肉、加湯同埋單都幾方便👍🏻👍🏻👍🏻食足90分鐘臨走唧咗杯士多啤梨味雪糕🍦滿足離場。

我原本一直都覺得這間餐廳好食，重要是很好服務，所以都常常來，今日放假約了朋友午餐，當然想介紹朋友而選擇這裏。今日進入餐廳時，發現部分職員樣貌與之前見到的有點不同，因為之前的職員是很有笑容禮貌，所以對他們有較深印象，我心想可能剛巧他們今日也是放假所以沒有返工吧。而今日見到這班職員，雖然笑容不太多，但起初我估計同一機構，他們應該對客服務也相差不會太遠。怎料，看見其中一位男職員，他屬於高和中等身型，身穿全身黑色衣服，頭上沒有戴頭巾，應該不是傳菜員，身上亦沒有掛"新職員"纸名牌，他在餐廳大堂行行企企，間中幫吓其他職員執拾客人枱面，我們幾次見到他對客人說話態度已經有點不禮貌，而其中一次隔鄰枱客人問他問題，看見他回答態度更是大大聲欠缺禮貌、不耐煩、答案不肯定但又不去查証，於是那位客人無奈地再找其他服務員幫忙。另外一次又聽到他提示客人用餐時間到時，他的語氣也是大大聲、不客氣亦不禮貌，令人感覺有點怪怪不舒服。當日看見另有一位身穿白色上衣男職員站在收銀機前，主要負責替客人開單結賬，我們估計這位白衣男職員應該是餐廳經理，但他似乎沒有管理黑衣男職員的對客服務。而黑衣男職員對着白衣男談話時，有說有笑，與他對

之前去大角咀食過晚餐要encore試埋午餐，今日去馬鞍山就嚟個early lunch啦！11:45入座，唔洗等今次有新湯底，酸辣鍋同青檸鍋兩款，最後揀咗青檸鍋拼蕃茄鍋，午餐揀咗60分鐘的豬肉拼雞肉，承惠$69埋單仲送咗優惠咭（下次用），原來做緊午餐第二位半價優惠，只限馬鞍山分店，真係好抵

馬鞍山想揾好野食真係唔易，雖然不乏食肆，但要有質素兼價錢合理真係唔多，而牛涮鍋係暫時我覺得唔錯，差不多每個月都會食一次嘅食肆。價錢視乎你食咩級數嘅牛，有1xx-4xx都有，豐儉由人，而我通常都揀中價位嘅。呢間店嘅特色係有圍爐同一人一爐比你揀，湯底都有5-6款，有固定同期間限定湯底。我地同小朋友一齊食，例牌會揀甜醬油湯，另外今次㨂新出嘅味噌雞白湯，都幾好味，唔會太咸太濃味，啱晒小朋友每枱都有配菜碟，比你出去攞配菜，以日式為主，款式都算多今次我地叫左美國和牛腩肉，一開始就牛，豬，雞各一碟，之後再想食就逐樣點飲品方面，有冷熱飲，冷飲係汽水果汁，熱飲係咖啡茶朱古力，都幾多選擇甜品今日係呢5種，無特定，有時會轉其他款，味道就普通仲有沙律吧同軟雪糕我就無影啦，因為都幾受歡迎，長期有人係到攞呢間食肆已經成為我飯堂，希望會長做等我有啖好食

天氣開始轉熱，但今晚天氣少少涼涼地，去食牛涮鍋，又不是太多人等。女店員服務態度好好，按排坐位又不錯，令等位都好快速。入坐前店員是問食客，選定湯底，已經捷省好多時間，又驚喜，因為有麻辣湯底，有新意，辣度可接受。價錢我唔食牛，所以別無其他選擇，如果有豬肉其他選擇豬肉類就最好的，因為讓唔食牛的人，可多個選擇。例如：日本豬，美國豬。也有自助蔬菜， 油麥菜，唐生菜，粟米，蓮藕，粟米芯，蕃茄，韭菜花。等。烏冬，豆腐，豆腐，芝士魚蛋，芝士腸，魚蛋味道一般。甜品自助雪糕，按自己喜好，自由配搭其他配料，又好玩又好食。飲品，款式都好多。最後，感到時間太短，太趕了，行出去取其他食物，都不是餘下太多時間食野lu, 希望可以增加多少少時間啦。

咁啱去馬鞍山探朋友，又諗唔到有乜好食，行行吓見到有間牛涮鍋，鍾意食牛嘅我緊係即刻入去試吓啦，我地叫咗最平果個餐，不過d牛都唔差，好重牛味，湯底就叫咗牛乳湯，湯底好濃，除咗牛都仲有好多小食，一次過滿足晒我，整體上都ok..下次可以再黎

今晚約左朋友睇戲，睇戲前去左牛涮鍋打邊爐，經過好多次，見成日要等位，今日比較早，唔洗等，所以試下！任食分幾款價錢，視乎牛肉質素，最平$168再加一，最貴400多。因為新年都食得滯滯地，我地唔會食太多肉，所以揀左最平$168。限時個半鐘。食物款式不算太多，但質素都不錯，湯底很滿意，麻辣夠辣，加湯是加返麻辣湯不是水！黑蒜豬骨黑蒜味濃！追加食物速度都十分快！另外有軟雪糕供應，味道很好。整體以馬鞍山食開既邊爐黎講質素算唔錯，就係得個半鐘爭d，比較趕

今日工作關係，有差唔多兩個小時可以食飯，同事建議下就去咗呢度打邊爐，今日有六折優惠食美國牛肩肉，二話不說就揀呢個套餐，計埋+1，最後都係140幾蚊一個人，相當抵食。由於午餐嘅關係，店內都唔太多人，位置都相當闊落，其實都好多嘢食，不過我最主要都係食牛，三個人食咗差唔多20碟牛，好似有一半都係我自己食，絕對比自己係街市買牛更平。當然唔少得飲品任飲啦，可以一路坐一路渡過嗰兩個鐘，唔使係街度行嚟行去，其實都抵返晒。 另外值得一讚嘅係我覺得店員嘅服務真係好好，唔係話好熱情咁，但好有禮貌，無論收碟加湯嘅反應都好快

我同老公兩個去食，已一早6點幾用apps攞飛，等到8點幾都未有枱，原因係職員一直叫中枱，大枱，感到不公平！食物質素下降，牛肉鞋鞋地，同普通洒樓無分別，但價格唔平，真的無下次了，blacklisted!

第一次食牛涮鍋，有以下心得 ：1. HSBC 套餐，澳洲和牛海鮮只是得一客，之後追加的只能是牛小排或以下級數，因為有大有細，但佢大小同價$263唔抵食噃。於是叫牛小排算了， 大人 $268， 小童 $168 。 2. 牛小排都算幾好味，有牛味，又夠腍，唔算太薄，encore 左幾碟。3. 豬肉唔好味，鞋鞋地，叫左一碟由頭放到尾都冇乜人吼。另外，明明 order 叫左要走雞，點知都仍然有雞，好混亂。☹️4.有 pad 可以 request 加湯，但襟左好多次都冇人幫手。最後要自己動手 ☹️5.主題似親子餐廳，但全部的汽水機、雪糕機、topping corner 都 set 得太高，跟本唔啱小朋友。而且如果用ice cream cone 落topping, 由於冇碟墊住，d 粒粒係會彈到成個吧枱甚至地下都係。難為D清潔人員，bad design 。6.注意！ 如果你是單數食客 （3 /5/7 位）原來係需要搭枱的。佢會拿開中間塊板，咁就可以變大枱拼左兩張單數枱，完全的搭枱 feel 。7. 另外，女員工突然間要客人地讓開一個位時都幾冇禮貌，會話客人唔可以「霸」左個吉位。鬼知呢間會玩搭枱咩？！冇

早排口痕想食元氣，咁諗住去搵位啦，點知，要等過50張檯嘅位。唔想等之制下，就到牛涮鍋打邊爐啦。一於以往，有唔同價錢質素嘅牛肉，豬肉，雞肉嘅選擇啦。見長期糧尾情況下，就選擇最平的牛，豬肉嘅菜單啦。不要以為價錢較低嘅質素會較差，事實則不是。我覺得打邊爐最緊要係過程，同啲最好嘅親戚朋友食飯下，感覺會很好。今次就冇影相俾大家睇啦，因掛住食，唔記得影相，俾唔到食物質素大家睇。不過以食物中的沙漠中找到好食處，本人認為是值得的。