牛気 (The LOHAS康城)

營業中

休息中

The WORST shabu restaurant i have been to.  We picked the higher price menu $500 per person so we could stay for 120 min and hopefully with better food.  It turned into total disappointment.  The soup base was tasteless.  The so called quality meat was just so so and i think i could get better meat at Cafe De Coral $71 shabu.  The seafood that came with include abolone, scallops, shrimp but they dont taste much as the soup was just like water.  Service was another problem.  Nobody came to collec

下午平日唔多人，食物水準高，有雪糕吧和綿花糖，小朋友高於 140cm當大人，8，9歲已過，感覺唔太抵，小朋友基本上只吃了烏冬和甜品。8百蚊平日下午茶時段3小朋友2個大人，去食其他點菜餐廳可能好些。OpenRice 有字數限制才可評分，真是好像小學寫作業。วันธรรมดาตอนบ่ายๆ คนไม่เยอะ อาหารก็คุณภาพ มีไอติมแท่ง มาร์ชเมลโล่ เด็กที่สูงกว่า 140 ซม. ถือว่าผู้ใหญ่ อายุเกิน 8 หรือ 9 ขวบ รู้สึกว่า ยังไม่พอ เด็กๆ กินแต่อุด้งกับของหวาน 8 ใบยุง เด็ก 3 คนและผู้ใหญ่ 2 คนในช่วงเวลาน้ำชายามบ่ายในวันธรรมดา มันอาจจะดีกว่าที่จะกินในร้านอาหารตามสั่งอื่น ๆ

牛氣是另一日本料理餐廳衍生出來的任食自助火鍋，當時相熟朋友介紹我去旺角新開的那間試食，是疫情之前大約兩年前的事。那時我很欣賞所有服務員，雖然店內人客超多但佢吔冇冷落我這熟客，亦很落力推介那種級數的餐抵吃，因為有不同級別的牛肉。五年後我又記得這間一流水準的自助火鍋，但朋友住將軍澳，問我可否訂日出康城那間？既然要相就老人家，便在OpenRice 手機程式訂左五人枱6:30。本身早到，便想先入去開爐烚住先，怎知門口知客話未齊人不淮入，一入就開爐計時，但冇講限食多久。我唯有企埋一邊等其他四人先一齊入去，最後6:35齊人。但入去前要揀定湯底同食那份類別的肉，我們志在傾下偈，食咩肉不重要。但這位門口知客立即面色一沉，不大高興。不停下單加牛加猪，吃得很開懷，亦覺得所有生熟材料很上乘！可惜不愉快的事發生了，疫情阻隔了友情，所以越講越興奮，聲量亦不自覺大聲左，旁邊另一張大枱傳來 Shue 一聲！我們五人亦不斷提醒大家控制聲量，突然有人從旁遞上埋單摺子，話仲有15分鐘便到時。我們便立即衝刺，將所有未灼熟的豬牛肉放進鍋內，不到五分鐘，又是那位女服務員，好盡責地請我們先結帳。結左帳俾足錢，有另一男服務員走過來

呢幾日咁凍當然要打邊爐暖吓身啦今次去屋企附近嘅牛氣食「澳洲極上和牛＋海鮮放題」💰$448多款湯底選擇，有豬骨湯、麻辣豬骨湯、昆布清湯等今次要咗月見壽喜燒湯，味道微甜，好開胃好好食食物方面以下咁多款都可以任叫任食，墨魚滑爽口、各款和牛牛肉都好高質、海鮮方面選擇都幾多選擇，蝦鮮甜大隻、水魷爽口、帆立貝大粒出面仲有各款菜、麵食、湯品、甜品、雪糕、飲品，食到勁飽🐮️極上和牛🐮️黑安格斯牛🐮️ SRF美國極黑牛🐮️ 牛小排🐮️ PRIME肩胛肉眼🐮️牛肩肉🐷️豚肉🐥️雞腿肉🥢️ 鮑魚🥢️特選海鮮🥢️日本帆立貝🥢三文魚刺身🥢花膠🥢青口🦐大海蝦🦑墨魚滑🦑爽脆水魷💰$997/2人🚩牛気 (將軍澳) @nabeurawa 📍將軍澳康城路1號The LOHAS3樓305號舖

星期日無咩做突然好想打邊爐,又唔想自己整,就是但食一間.見到門口好似好多人等.但係又還好.3位等左35分鐘左右.叫完個號碼都仲要等佢執埋先坐得.叫左最平果果餐又再加左10蚊食個壽喜燒湯底.點解壽喜燒甘多湯?諗唔明.不過好在有任食雞蛋而唔係一人一隻.啲牛不過不失.呢個價錢都算正常.豚肉都唔錯.不過啲配菜就差啲.南瓜又冇粉絲又冇.選擇唔多.只可以拼命食肉,而飲品都幾好.有糖冇糖都有.要求唔高既都可以一戰既.

系康城番工大半年了，幾乎日日都係外出午餐，等到消費卷出咗啦，同班同事索性決定嚟試吓呢度唯一見到嘅一間火鍋🍲😋😋😋我地所有人都係揀咗$178的牛肩肉放題火鍋，仲有加1服務費，午市吃佢仲有個優惠，每人減$40。我哋主力系吃肉，啲肉算系正常好吃的，其他配菜都係正常操作，但係去到最後吃甜品的時候，就感覺一般了。我哋大家都係喜歡吃抹茶嘅朋友，然後毫不猶豫就揀咗抹茶雪糕嚟吃，點知真係好差呀，um 唔知咩味，感覺好奇怪，真係唔建議試😅不過整體嚟講系康城有間火鍋，價錢都算理想，已經覺得系一個很不錯的體驗。

難得係康城都有一間任食既日式火鍋，所以之前一開業既時候就大排長龍不過佢食物既種類同質素同出面一般既日式火鍋鋪差唔多，而且價錢唔係特別平，所以都唔會特別去食😅環境如果唔係坐卡位，佢d枱都幾窄，食物放唔到幾多，同埋同隔離枱既距離都幾近不過都尚算乾淨既食物佢d肉不過不失，但最平同最貴既差別唔大，又唔係特別好食至於出面自助火鍋料選擇都唔算多，同平時去超市買到既料無疑，不過d湯底都ok既。而值得讚既係部自動雪糕機，打完邊爐食返杯自製既雪糕，真係相當唔錯

疫情關係，買了照燒雞扒定食回家。打開食物盒，非常失望。説好了的照燒在哪裡？連略略煎一煎也沒有。這是白烚雞柳再淋汁。汁還要非常的稀。肉質又鞋又冇味。這個定食還要$50。冇下次。

食過咁多間牛肉放題，只有呢間令我哋最為回味，職員安排我哋坐喺中間四人位，舖面嘅環境好整潔，食物整整齊齊分類擺放着，坐喺度整體感覺都好舒服😌，我揀咗蕃茄湯底，一坐低職員即刻先上牛、豬和雞各一份，我哋追加咗幾份牛肉，啲牛肉好有鮮味，又彈牙，一啲都唔肥，咖喱牛腩肉質好軟身，辣魚旦又入味又彈牙，個包咬落去啲奶黃流晒出嚟，超正，甜品和小食類別雖然唔算多但都好精緻，個杯裝甜品食落口軟綿綿又清甜，仲有綠茶🍵軟雪糕🍦，加埋個沙律超正😋😋😋，小朋友更可以去自製棉花糖，飲品種類都算多

一段時間無入康城做野 搞到好耐無見過康城既朋友知道要返康城 即刻約朋友收工一齊食dinner天氣咁凍 緊係打邊爐架啦始終星期五晚 唔想等位 就緊係Openrice book定檯啦收工行到餐廳就可以直入😌兩人座位有啲逼....唔係好夠位放野食....都未出去拎火鍋碗料 張檯已經放滿左....而且檯興檯之間既空間唔大 可以好清楚聽到隔離檯傾緊咩.....揀左牛骨湯底 美國極黑牛放題坐底第一round會上齊可以任食既野食完可以再無限任添混醬區有生雞蛋可以拎 可以食滑滑滑牛肉🤤火鍋配料區食物種類還可以啦 蔬菜都新鮮嘅但比起之前將軍澳中心分店食 個邊好似多啲配料選擇 而且配料區位置大好多追加的美國極黑牛同第一碟係有啲分別既 但都唔差 唔會肥到得白色限時90分鐘 餐廳即使出面無人排緊隊都極之準時趕客走🤷🏻‍♀️我地只係想清哂檯面啲野食 但職員十分鐘催左三次...Fine...無下次👋🏿

端午節長週末的第一天，窩夫與蝦子餅首次踏足日出康城的商場，太久沒有吃過火鍋放題了，午餐地點選在牛気。安排入座前要選定放題和湯底，窩夫與蝦子餅選了原價成人每位258元的極上美國牛小排放題，90分鐘午市放題每位可減40元。入座後先出去取飲品，有放題常見的蘆薈飲品和石榴汁等，蝦子餅還喝了楊協成菊花茶，味道很淡。湯底選了餐廳推介的黑蒜豬骨湯，湯裡竟然有一大塊豬骨，看來真材實料，絕非令人愈吃愈口渴的味精湯。湯底送來後便送上一堆可追加的食物，包括牛小排、豚肉、雞腿肉和蟹籽墨魚滑。蟹籽墨魚滑爽口彈牙，有粒粒墨魚肉，加上蟹籽，口感非常豐富。出去自助吧第一件事是取醬料，可在日本豉油裡加入七味粉、炸蒜、青蔥和辣椒等，配料都蓋好的，十分衞生。另外芝麻醬和酸汁，可以滿足不同客人的需要。炸魚皮大大塊，又薄又脆。安歌了數碟牛小排，試了一碟較平價的牛肩肉，牛肩肉的肉質明顯較榎，肉味也不及牛小排濃。追加了一碟海鮮拼盤($98)，有花膠、青口、大海蝦、日本帶子和廣島蠔各兩隻。窩夫與蝦子餅最欣賞大海蝦。除了海鮮，還可以追加和牛、生啤和清酒等。窩夫吃火鍋放題一向少吃粉麵，但牛気日本直送系列的烏冬實在太吸引，海報上建議烹煮3

如果你拎A飛, 你見到有位都唔使指意你入到。拎A1, 等左半個鐘。入左張6人，ok, 我明。見到有位，一直都唔叫飛。問下D職員，原來前面仲有4張，4人枱。4人枱關我咩事，仲要有4張。職員話要清左C飛先。所以你肚餓又拎A飛,唔好搞啦。最後，職員態度真係差。所以，我走左。

又到一日一度食一餐頂一日既時間咁梗係要食任食野啦。牛牛邊爐就啱曬。我地揀左2XX/人任食，仲可以加海鮮刺身。鴛鴦湯底，蕃茄同豬骨。蕃茄湯底真係有濃濃既蕃茄味，D牛肉落左唔洗點豉油就咁食都得。豬骨湯底就有大大舊豬骨係度雖然唔食（因為會用左個胃既quota）但見到都覺得滿足。牛小排比牛肩肉好味，花膠，青口同三文魚就一般，海蝦肉質彈牙，豚肉味道已經唔係好記得（主要食牛，豬肉質量對我黎講唔太重要，亦無點留意，我相信大多數人都一樣）蔬菜選擇我認為唔算多，但都有D特別野既。比如有一款應該係紅皮蘿蔔，同芝麻，花生湯丸。熟食並唔吸引。有部棉花糖機可以自己整棉花糖，又可以食又可以玩

牛氣原來巳愈開愈多分店，基本上小弟食過旺角、尖沙咀、大埔、將軍澳分店，今次第一次試康城分店，新店裝橫有少少似但馬屋/牛陣果d。今次都係試試佢個極上和牛放題，個和牛不論肉質、口感、味道都唔錯，我地都叫左4-5碟，反而海鮮我覺得個新鮮度有進步，因為雪藏海鮮多數都係麻麻地，康城分店食材選擇好似比較多一d，咁我又發現到有一個湯丸，可能係最近新增，呢個真係不得了，個皮好似d水晶餃咁，內裡既麻蓉或花生蓉比平時湯丸更濃郁，味道亦好香，我都攞左好多粒，打邊爐湯底食湯丸都真係幾特別，可能小弟見識少，不喜勿插。另外個朱古力/抹茶雪糕都係嫩滑味道好香口，我都食左兩杯先夠喉！康城分店食材我覺得好值得推介，不過飲品種類方面，我反而覺得有待改善，因為選擇種類好似比較少！

初二不知道吃什麼好就來了牛氣，沒想到幾受氣⋯和朋友點的是188最便的90分鐘放題，吃完一開始上的兩盤牛肉後，叫服務員追加一盤瘦d的，結果真係拿了盤偏瘦的牛肉上來，大概有二十幾片，在青花瓷碟子上排得整整齊齊，睇起黎似現切，我地吃起來覺得口感更好，驚喜於餐廳有心。一段時間後有位戴眼鏡的女服務員經過，見我落肉入鍋後迅速出手摞起盤肉，我有點驚訝，解釋「我地要求瘦d，所以呢盤個樣唔同」，佢話「盤肉唔係你地嘅，給錯左」就轉身離開，由於事發突然我同朋友都好莫名其妙，不過亦意識到是之前的服務員上錯左最貴的肉給我地了（原來不是有心，我地自作多情了⋯），過左兩三分鐘後眼鏡女回來放低盤普通肉，我睇有d肥話「我地想要瘦d嘅」，佢丟左句「呢盤最瘦」就走左。其實，上錯菜唔緊要，不過摞走時可否先告知一聲，唔係突然「搶」走？盤肉突然「飛」起我同朋友真係好驚訝，仲要講野語氣好似盤靚肉係我地「偷」咁。另外我同朋友唔好肉類，並無意識到失誤，所以上左一段時間都只係煮左五六片，就算真係吃曬都唔洗咁黑臉我地噶，吃188 set就好cheap咁，服務員應有耐心和尊重咯。