影片
搭車入到嚟大埔大明里，有好多野想食，但我早嚟得滞要等一陣先有午餐食，於是我就唔等喇，係大明里周邊揾到呢間食潮州粉麵既牛歡樂。店舖都唔細，搵個位坐低，即點了碗崩沙腩湯粗，$58蚊。嚟到一望碗麵，份量比較少，崩沙腩有味夠淋，粗麵冇枧水味夠爽滑，唯一係個湯底落咗唔知什麼，我食落怪怪地，唔係唔好食，只不過唔啱我口味。口味：🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚
繼續閱讀
下午到左大埔食牛腩粉，喺下午茶時段兩點半後入座凍熱飲品只係加＄3，今次叫左牛三寶（牛腩，牛筋，牛肚）河粉＄55，食落牛味幾濃，湯飲落唔會太鹹，另叫左杯凍檸茶，食飽順便行下大埔海濱公園。
繼續閱讀
【大埔區】【牛歡樂潮州粉麵】見到大埔呢間嘢個名「牛歡樂」，首先諗起電影「低俗喜劇」裏面嘅名物「牛歡喜」，唔知佢哋有冇賣呢。之後又諗起劇集「賭場風雲」裏面，由歐陽震華飾演嘅「齊歡暢」喺劇裏面嘅細佬「齊歡樂」，飾演嘅演員係黃宗澤，不過原來佢係潮式粉麵店嚟。我用 $62 叫咗「時菜牛六寶粗麵」，有新鮮牛肺、爽滑草肚、五香牛腸、五香牛腩、惹味牛膀、五香牛孖筋，配個粗麵，咁同「腩雜粗」有乜分別？講到六寶咁巴閉。用 $18 要咗碟「郊外油菜」，我就食生菜嘅，年紀大喇，食碗麵都要加碟菜，普普通通啦。跟住用多 $50 叫咗碗「淨金牌墨丸王」，有六粒，佢哋話係用「原隻墨魚粒粒墨魚」整到「鮮甜味美口感爽脆彈牙」，其實又真係好食嘅。嘢飲我就飲 $8 嘅「凍檸茶走甜」，夾埋 $138 埋單走，離開餐廳之後我就開始口渴，喺返屋企嗰段路飲咗一加侖水。。。（地址：大埔寶鄉街47-53號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #globaleats #tastyfood #followforfollowback #love #eat #openrice #instagram #xiaohongshu #1am大埔區 #大埔 #牛歡樂潮州粉麵 #牛歡樂 #潮州粉麵 #時菜牛六寶粗麵 #新鮮牛肺 #爽滑草肚 #五香牛腸 #五香牛腩 #惹味牛膀 #五香牛孖筋 #郊外油菜 #生菜 #金牌墨丸王 #凍檸茶走甜 #1am1468 #1ambackup
繼續閱讀
新街市附近新開了一間潮州粉麵，去買菜前找地方吃個早餐，我這個牛魔王一看到「牛」字，就決定要一嘗這間潮州粉麵了，於是今天早上去了嘗鮮。或許是剛剛開舖，地面還有一點點濕滑，要小心點走路。點了一個牛腩麵和一個雲吞河粉，另加兩杯凍檸茶：牛腩河粉 $38牛腩算不錯，不是別家人瘦瘦的，有一點點肥，我不喜歡吃太瘦的，如果下次再去可以預先跟他說要多一點肥的位置。整個麵和牛腩份量都算多，牛腩薄薄的，感覺上咬落去不會太多渣滓。湯底有一點點牛味，但不至於是很濃烈，不錯。雲吞河粉 $35這個鮮蝦雲吞，吃第一口真的有驚喜，很香的鮮蝦味道，也很有口感。河粉算比較滑，但是有一兩條黏在一起沒有分開，就變得偏厚了。凍檸茶（跟餐）$3很冰凍，檸檬也很新鮮，這個熱辣辣的天氣，喝上一口冰凍的檸檬茶，真的不錯。有辣椒菜脯可以吃，另外覺得不夠味的，可以有辣椒油，辣椒油不算是很辣，但是個菜譜真的十分辣。店家都算細心，有溫馨提示的。這間潮州粉麵總括來說很是不錯，下次可以再吃。
繼續閱讀
開咗幾個月嘅新店，食妟門口成日排長龍，今日下午茶時段冇乜人排隊即試試，試咗牛雜河同牛腩河，都唔錯，湯底唔會好濃好重味好咸嗰隻，牛腩，牛雜都夠入味同夠燜，河粉勁多，如果河粉再滑啲就更perfect，一碗連凍飲都只係$41，咁呢個價錢喺大埔又真係超級抵食喎
繼續閱讀
您可能會有興趣的...