牛極 (譚公道) (已結業)

再次黎依家牛極，今次試下晚飯時間黎，6點時間都好多座位❤️今次試咗日本A4鹿兒島和牛，牛質味濃，色澤自然，都好Juicy另外叫咗一份最普通既牛肩扒，肉質出奇地多汁又唔硬，放左係熱燒石上面好耐都維持到肉既嫩滑。會再黎幫襯！

如果未食過其他牛極，應該唔會發覺有分別。我去過旺角及銅鑼灣分店都非常滿意，唯獨是呢間味道與份量都比較差。首先，個牛肉例湯好淡，其他分店煲得比較香濃，似係煲唔夠時間🤔第二，我在中午時段叫咗個牛柳$110/200g, 一打開張廚紙睇就知份量一定唔夠200g，其他店舖份量正常，而且一放上枱已經嗅到燒牛扒嘅香氣撲鼻，奇怪呢間聞唔到，似係一早煎定😔第三，土瓜灣分店比較狹窄，我唔好彩坐咗張有兩邊隔板嘅二人枱，兩個人嘅石板，湯，沙律和飯根本唔夠位擺，全程要縮起膊頭來食😩總括嚟講：我會繼續去其他分店食，土瓜灣分店就性價比低，除非大家食比較平嘅午市套餐$55-$70，而又唔介意迫嘅可以試吓，如果叫正常牛扒餐本人就覺得唔抵喇！

是日來到牛極食石板牛肉。 這間是新開的分店，既然係新開，又無人排隊，便立即入內首先先從自助點餐機點餐， 大約有十多款食品可供選擇，是日選擇了日本和牛。坐下不久餐點便送上， 店員很細心地提點白飯跟沙律需要自行領取，而且無限任添。餐點的牛肉份量也蠻多的，日本和牛脂肪比例很高，放上石板後油花四濺，日本和牛肉質軟嫰，口感不錯，不過由於太油了，配上白飯才能多吃幾件。另外值得一讚是店員非常細心，看見石板不夠熱後主動上前幫我更換下次再光顧的時候， 我一定會嘗試別的餐點。

「牛極」越開越多分店，很多區都見到「牛極」的蹤跡，大大隻紅色字招牌，遠遠都見到，甚是搶眼。今天來到土瓜灣分店光顧，這店新開張不久，無論是裝修、枱椅、餐具，樣樣都很新淨。如店名一樣，「牛極」當然是吃「牛」，牛肩排、肉眼、西冷、牛柳……總有一款合你心意。首先在自助售賣機揀選食物，付款後取單，等一陣食物就到。今次，我就選擇牛肩排試試。《牛肩排180g》$80鐵板燒得火熱，牛肩排放在上面，發出「吱吱」的響聲，要小心油會彈到雙手。生熟程度自己控制，牛肩位置軟腍得來有小小嚼頭，牛味香濃，很好吃。而沙律菜、湯和飯都是自助形式，要多要少自己話事。很多餐廳食牛扒餐，都是配小小薯菜，大食的朋友未必飽，而「牛極」可以任添白飯，一定能令你抱腹而回，怪不得午膳時間有那麼多中學生光顧。今日的湯驟眼看以為是普通的羅宋湯，原來是用牛骨淆製的羅宋湯，所以份外好飲。

中午去了土瓜灣聽講座，完了路過這間餐廳看到很多人排隊，於是入去食個靚lunch.看見餐牌價錢相當合理，並且店內是自助下單機，好好玩。叫了一份牛柳餐（200g)($110)和一份日式雞排餐($55)用石頭上的雞扒香氣撲鼻，雞皮煎得甘脆香甜，切開裏面，看見肉汁流出來，視覺和味道相結合，太興奮了。牛柳來到時在石燒上還發出治治聲，我把牛柳底面煎得香脆，可隨意加鹽和胡椒調味。店內還有自助吧，有白飯，麵豉湯和沙律吧，可跟着個人的份量而加添。非常細心。吃完身體暖粒粒，充滿力量。小店有高質素的食材，價錢又合理，真是回味無窮!

最近土瓜灣開左好多新餐廳，今日挑戰「牛極」以自肋形式為主，自助點餐，一入餐廳，就見到有部售賣機，好似日本買拉麵甘😃黎到甘係食牛😂不過都有雞肉鰻魚選擇。我揀了牛肩排180g！朋友揀了牛柳200g！好快就黎到，店員好細心，會係牛肉上鋪一塊紙巾，避免會比d油彈親😊鐵板既優點就係熟度自己調節，如果五想太熟建議拎起先放係碟，然後慢慢享受。牛肩排好味，口感軟軟，牛味算濃！以呢個價錢黎講，十分親民。出面有自助bar位，自取飯/湯/沙律。太食既朋友仔，無得輸😂😂

周圍都見到嘅連鎖店牛極，都聽過不少人讚好，來到土瓜灣開分店，自然就有機會食。 放假嘅下午，就來一個人吃個簡單午餐。 你以為下晝三點唔會有好多人，你錯啦，要排隊入去，就算一個人食，都冇得即入。 牛排有好多選擇，日本和牛都有好多，如果你有選擇困難症，有一種叫做亂切牛扒，更正。 試過簡單的牛肩排，$80，任飲湯任食沙律任食飯，幾高興。 最好有熱石上，相信叫夠靚扒，應該感覺更好。 開到成行成市，係有原因，有下次。 牛極 (譚公道) 土瓜灣譚公道16-26號長城大廈地下5號舖

土瓜灣愈黎愈多美食，而家連石燒牛都有得食啦～我同朋友比較早食，5點左右，所以餐廳唔多人。座位都算闊落首先要係呢部機落左單俾埋錢先，完成之後店員就安排入座。餐牌主要都係牛肉，係其他一欄仲有雞/豬/鰻魚各一款除左肉同飲品，以上自助區既野食可以任拎，有沙律/飯/湯，水同醬料都係呢個位自己拎～醬汁有燒肉汁/辛味燒肉汁/蒜蓉，推薦大家將蒜蓉放落牛一齊食剛送上黎會有張紙巾蓋住，唔會彈到自己我地叫左牛肩排同牛柳，相比之下，我覺得牛肩排好食啲～兩款都好juicy，唔會乾柴，但要注意唔好燒得太熟啊，燒太熟就會韌。燒既時候可以按自己喜好落黑胡椒/鹽/香料，我就揀左黑胡椒，好香～一陣手忙腳亂之後，開餐啦～總捨黎講，係好食既，性價比都唔錯下次有機會會再黎食

🐝牛極 (土瓜灣)🐝…因為朋友住土瓜灣附近，所以呢到開左新餐廳就即刻約左我一齊食啦。😋…牛柳 (200g) $110 呢舊牛柳勁好食，啲肉軟淋淋，一啲都唔韌，份量都好多，性價比好高，加埋個燒肉汁就更perfect~🥰…🥩牛肩排180g ($80)180g嘅份量非常夠飽！個牛都好好食，一啲都唔韌。我中意燒到7成熟，啱啱好！ 👍…呢到係半自助形式，自助區有唔同嘅醬汁🧂，有沙律，飯，湯。價錢都適中合宜，真係非常抵食，推介~🤩…整體評分食物：🤍🤍🤍🤍🤍服務：🤍🤍🤍🤍環境：🤍🤍🤍🤍價錢：🤍🤍🤍🤍…📍土瓜灣譚公道16-26號長城大廈地下5號舖

見到呢間新開嘅餐廳，被門口嘅午餐牌吸引過去。因為朋友唔食牛肉，我哋就叫咗2份午餐share 一齊食，1份日式雞排燒$55，1份日式鰻魚燒$65一入到店內，門口有部自助點餐機，非常方便，付款可以用支付寶 或 現金。沙律、湯、飯、檸檬水以自助形成喺出面拎，無限添加。隔咗一陣，熱辣辣嘅石板燒已經送上，雞排多汁好大塊而鰻魚燒就比較普通，有陣魚腥味味！加咗調味粉就蓋咗呢陣腥味。而店內嘅無限添飲嘅牛肉湯非常好味，牛肉非常之入味。下次會再去試吓石板燒牛