牛摩 (新都城中心二期)

營業中

休息中

呢間火鍋放題絕對係肉食愛好者嘅福音！$200幾就食到高質牛小排，仲要**啤酒任飲**🍻，CP值高到癲啊～ **🥩 特級牛小排90分鐘火鍋放題 (晚餐)** 牛小排油花分布超靚❄️，輕輕一涮就食得～肉質軟嫩帶奶香，完全唔似放題質素！仲可以無限追加，牛魔王必衝🐮！ **🍲 湯底選擇** ▪️ **特濃沙爹湯**：濃郁惹味，涮肉唔使點醬都夠香🌶️ ▪️ **昆布鰹魚清湯**：清甜唔膩，突出肉質原味🍵 兩種風味都正！ **🍺 指定日本啤酒任飲** 今期優惠送啤酒任飲**！冰凍啤酒配火鍋超爽🍻，記得把握機會飲多兩杯～ **🐑 其他配料驚喜** ▪️ 羊肉片羊味濃但唔騷，怕羊騷味嘅人都接受到✨ ▪️帶子、青口、海蝦等，海鮮，都係飲食，真係抵到爆▪️ 自助區有超過50款火鍋料：丸類、蔬菜、烏冬，連甜品都有🍨 ** 性價比爆燈！牛小排質素拍得住單點，啤酒任飲加分，食肉獸必bookmark📍

因路過寶琳 , 今日又同朋友去咗 新都城二期嘅牛摩 食晚市火鍋放題餐廳環境 開揚整潔 , 座位亦見寬敞, 2人被安排左4人卡位搶在6PM到達, 貪D人未開始晚飯唔駛等位 , 自選湯底多樣 , 亦好鐘意佢地係一人一鍋唔駛爭QR CODE自助落單一目了然揀了蕃茄薯仔湯 及 蟲草花雞白湯 , 前者好入味茄味滿溢 , 後者 很清很潤 , 令我未食火鍋先飲了幾啖湯底有LV1至LV6揀 , 豐儉由人 , 而今次揀選了LV4 特級牛小排 $288/位 , 所以LV1 - LV4 都可任叫自助區有壽司冷面沙律等 , 自助火鍋料如圖有豆卜 雞脾菇冬菇金菇魚蛋龍蝦丸等丸類 以至蔬菜 架上仲有玉子豆腐及面類等飲品區有汽水橙汁等 , 推介即磨咖啡機的泡沬咖啡及拿鐵 超好渴甜品方面有蛋糕, 啫喱, 泡芙等, 首推泡芙要試作為牛肉鬼見愁的我 , 當然瘋狂encore牛小排 , 厚切並且大大片 , 唔鞋口又肉質軟腍 , 肉汁四溢火鍋牛肉 , 豈能不配搭溫泉蛋咁食呢?LV1 星級牛肌腹 - 有咬口 , 雪花油脂密密分佈 入口嫩滑多肉汁LV2 精選牛肩胛 - 肉質細嫩LV3 阿古豚梅肉 - 朋友盛讚沒有肉筋 , 既爽口

今日同朋友去咗將軍澳「牛摩」打邊爐，試咗佢哋嘅 **「Wagyumore Plus 放題」**，都幾抵食又高質🥩 **主角：穀飼牛頸脊**肉質超驚喜！油花分布好靚，輕輕一淥就食得，入口 **軟嫩帶牛香**，完全唔似放題質素！鍾意食牛嘅朋友絕對要encore多幾轉！🦐 **海鮮放題：選擇豐富**除咗靚牛，海鮮選擇都好多！蝦、青口、魷魚等應有盡有，新鮮度唔錯，特別係蝦肉爽彈，配湯底好正🍲 **鴛鴦湯底：麻辣鴨血 + 壽喜燒關東風*** **麻辣鴨血湯：** 香麻夠味，唔會死鹹，鴨血吸晒湯汁好入味，辣度適中* **壽喜燒關東風：** 甜甜哋嘅湯底好襯牛肉，湯汁濃郁帶柴魚香，淖蔬菜同烏冬一流！🥬 **自助區：琳瑯滿目**火鍋配料、蔬菜、丸類、麵食等等，飲品櫃有汽水 沙冰🍧甜品有泡芙同啫喱等，滿足晒第二個胃。以呢個價錢任食穀飼牛頸脊、海鮮同豐富自助區，仲有兩款咁正嘅湯底，服務同環境都keep得唔错。」呢個Wagyumore Plus 套餐真係值得一試！特別係牛魔王同鍾意鴛鴦湯底嘅朋友～📍 牛摩 (將軍澳)將軍澳寶琳欣景路8號新都城中心二期2樓2060-62號舖

今日黎到寶琳新都城，想食火鍋放題，見到牛摩就一於試吓🥸 我地兩個人決定食$199 個半鐘極品牛肉眼套餐🤙🏻我地加錢要左一個美人雞白湯、一個麻辣鴨血湯，入面都有幾舊鴨血👍🏻全程都係用手機落單refill，牛肉質素都OK，枝豆都幾特別，其他餐廳比較少有，蝦滑都整得幾靚仔👍🏻 帆立貝都幾彈牙新鮮😻 炸蟹鉗同炸蠔好食😋 有encore到👏🏻🤘🏻出面自助區有生菜🥬、丸類、麵、粟米🌽、番茄🍅，都有甜品櫃，同埋有d壽司仔。飲品方面有汽水機、沙冰機、咖啡機。同埋有雪糕機比你唧雪糕🍦😜值得一讚嘅係佢地店員都幾好服務，會好主動幫你，有要求可以提出，例如牛肉唔想要咁肥，盡量協助👍🏻

今日約咗中學同學去咗寶琳食晚飯，見到新都城二期開咗一間火鍋店，就走入去試吓🤩我哋嗌咗一個特級牛小排同埋安格斯牛肉嘅套餐，店員首先叫我哋揀湯底，我哋揀咗蕃茄薯仔湯配上壽喜燒湯底，個蕃茄薯仔湯底好有住家湯嘅風味，有別於一般日式嘅蕃茄湯，幾特別同埋幾好食🤩肉類方面，呢個餐亦都包咗唔同款式嘅肉類，有保樂肩、安格斯牛小排、牛肩脊、豬梅肉及雞肉等，個人比較欣賞牛小排同牛肩脊，肥瘦均勻，亦都好有肉味。餐牌亦都可以揀唔同嘅炸物同埋海鮮類，我哋叫咗一啲炸蠔、青口、帆立貝等，水準亦都好唔錯。外面亦都有唔同嘅讚歧烏冬、蕎麥麵、各種嘅菜類、菇類同埋丸類任君選擇。亦都有雪糕同埋甜品櫃，一定滿載而歸😆

食過之後對依間念念不忘，於是襯天氣仲未正式轉熱再去(雖然只係藉口，夏天都係會想去食)今次叫LV.4 特級牛小排肉質升級咗之外，其他級別嘅小食都可以叫湯底叫咗關東風壽喜燒(連一隻生蛋)同埋長野蘋果湯湯底入面有兩大塊蘋果一齊煮好得意啊味道好清新，好合適想打邊爐果陣唔想咁熱氣嘅時候牛小排好濃牛味墨魚籽魚滑同芝士牛肉貢丸兩種都好好食﹗尤其係芝士牛肉貢丸，芝士內餡好足會拉絲牛肉味都好濃郁炸物叫咗雞皮餃子、日本一口芝士同腐皮蝦寶炸物全部都即叫即製，上枱熱焫焫香噴噴而且每樣都係一件上，可以試好多種唔同嘅口味一口芝士好食到忍唔住翻兜多轉原來每間分店都有小小唔同嘅配料區配菜相近，有菜有麵，而且種類好多豆腐有普通同埋玉子豆腐壽司都有唔少，仲可以自製冷麵無咗芝麻糊但有沙冰，有兩種口味甜品都有一個大雪櫃仲可以自己裝軟雪糕，沖繩海鹽雪糕味藍色好靚隔離有好多topics可以加好開心好多野食嘅放題

食得多外賣都悶所以就同男朋友一齊落去樓下搵嘢食見好耐冇打邊爐就入咗呢一間食我哋揀咗Lv 3 阿古豚梅肉 $258可以揀兩個湯底我哋揀咗博多豚骨濃湯同埋麻辣鴨血湯豚骨濃湯用嚟烚菜一流唔會油膩麻辣湯底同牛肉豬肉勁夾 夠晒香一坐低已經俾定阿古豚梅肉同埋牛肩胛我哋出面自助吧有唔同嘅蔬菜丸類可以選擇仲有一個小型沙律吧同埋壽司丸類入面我最推介係墨汁墨魚丸同埋潮汕牛丸，仲有胡椒豬肉丸墨汁墨魚丸，真係成粒黑媽媽咁，但係好鮮味潮汕牛丸好香牛味仲勁彈牙胡椒豬肉丸勁重胡椒味，令我諗起胡椒豬肚湯肉嘅話一定要食星級牛肌腹！比起牛肩胛好味阿古豚梅肉都好夠肉味！啲蔬菜望落都洗得幾乾淨，都幾新鮮選擇唔算好多，但係夠食出面仲有得飲品雪糕自助都有好幾款雪糕配料，啱晒小朋友除咗自助吧，其實仲可以手機app落單一啲小食但我哋當日就冇乜點叫我同男朋友食量都算大250幾蚊一位任食邊爐對我哋嚟講都算幾抵仲要啲牛肉豚肉都幾高質！

行過見到午市任食，剛剛好五時前入席可以當午市，叫咗$158任食，真係性價比高，D肉都唔錯，唔會好肥，甜品仲有我最爱的軟雪榚，侍應都非常好，現在真係好少會遇到，一次愉快的晚餐😋👍

特級牛小排餐$288/位 限時90分鐘任飲任食餐廳座位闊落，服務很殷勤，有咩唔明都會盡情解答，同埋收碟速度都好快，完全唔會放喺枱面唔理你，上菜速度都好快！同埋唔會漏單！食物都算多，丸類、蔬菜類、菇類都有好多選擇，餐前可以食d沙律開下胃，醬料自己調配，沙律旁邊仲有甜品櫃。湯底我哋嗌咗鴛鴦鍋特濃沙爹湯，非常推薦濃郁沙嗲味，偏甜有花生香幾惹味，沙嗲嘅香氣同牛肉嘅鮮味完美融合！食牛我完全唔使點任何醬汁，好食！壽喜燒 關東風（附鮮雞蛋一隻）嗰餐包括有牛小排，牛肌腹，牛肩胛牛小排質素最高，又滑又有肉味！順帶一提，如果唔夠喉，仲可以自己加$59（期間限定）A5鹿兒島黑毛和牛不過我覺得牛小排已經好好味，所以冇加，下次會試吓！

今日天氣又突然轉冷 撞岩星期日 又係一家人打邊爐既時光呢間位於新都城二期既牛摩最近推出安格斯保樂肩90分鐘火鍋放題 湯底：壽喜燒及豬骨濃湯食牛肉火鍋配壽喜燒湯底真係無得頂每一口都是甜甜的鐘意食牛既我 之前都未聽過咩係保樂肩保樂肩原來係牛肩胛上的肉 肉質較硬 肉味濃郁保樂肩肉雪花花紋豐富 用來做火鍋岩晒數一碟已經有好多塊 都好足夠二人份 其他肉類可以掃QR code落單除左牛保樂肩肉有牛舌/豚肉/雞肉/羊卷肉個人最愛牛舌薄切 入口爽口彈牙 另外仲有好多小食可以叫温泉蛋牛摩飯係必點温泉蛋加上紫菜飯素連埋牛肉一起食 口感一流 另外炸物也很出色麥樂雞同炸餃子熱辣辣 口感夠脆口 另外自取區有蔬菜、菇菌類、各款丸、蕎麥麵、公仔麵甜品仲有牛奶乳酪軟雪糕/泡芙/西式糕點食到好滿足咁離開

呢日黎到呢間係新都城既牛摩~ 呢度都坐得幾舒服, 店員仲問我地想要一人一鍋定share鍋添~ 我地就揀左share鍋底既鴛鴦鍋, 我地要左個保樂肩餐. 湯底就要左沙嗲同埋昆布, 沙嗲夠惹味, 昆布就清清地! Perfect! 跟住呢個set仲可以食埋炸物, 佢既炸物好出色, 炸到熱辣辣, 好中意佢既炸蠔同炸香蕉, 麥樂雞同埋餃子都好好食~ 講番D 牛肉, 保樂肩牛都唔錯~ 肥瘦相干秤, 佢既雞肉都唔錯, 冇骨夠哂啖啖肉, 出面就有菜丸任拎, 仲有烏冬同麵個類拎, 呢度仲有乳酪雪糕! 真係好開心! 正! 凍凍地打邊爐真係一流!

每次想打邊爐食牛都會去牛魔。佢嘅任食90分鐘平靚正，湯底有麻辣、蕃茄、豬骨、昆布雞白湯、壽喜燒，或者加$10長嘢蘋果湯、麻辣鴨血湯等等。我地揀左麻辣鴨血湯：夠晒惹味，長嘢蘋果湯：好清甜嘅味道，放蔬菜落去會索晒啲蘋果味，清甜滋味。自助區有唔少食物種類，有壽司，前菜，冷麵，螺肉、亦有不同蔬菜同丸。我哋揀咗牛肌腹同安格施保樂肩，另外仲可以免費追加豚肉、牛舌、雞肉、羊卷肉同海鮮（青口、魷魚圈、扇貝），海鮮都好鮮甜，仲有小食炸蠔炸蟹鉗等肉類切得好薄，好快熟，食落去唔會鞋口，嫩滑多汁，牛味都好濃郁甜品有啫喱、蛋糕、泡芙，仲可以自己吱雪糕整體嚟講食物非常豐富，超滿足

放題邊爐🫕 $248/人一人一鍋/鴛鴦鍋博多豚骨濃湯拼港式特濃沙嗲湯底豚骨相對清啲就算食到最後都唔會好油沙嗲湯底有唔少花生粒粒味道夠濃唔會好鹹包安格斯保樂肩/牛肌腹/豚肉/雞肉/羊卷肉/牛舌牛肉薄切得黎都好重牛味唔算好騷牛舌好淋, 牛肌腹同保樂肩脂肪瘦肉比例各一半食落唔膩亦唔會太乾海鮮就有青口/魷魚/帆立貝試左帆立貝都幾鮮甜唔老👍🏻炸雞塊係以前學校小賣部嘅麥樂雞味道炸餃子係韭菜餃子好好食😋脆皮香蕉同蟹鉗都唔錯可以試下！自助櫃多款蔬菜都好新鮮仲有龍蝦蟹籽丸, 豆卜, 芋絲, 獅子狗唔同丸類沙律, 雪糕, 麵, 烏冬, 薯粉都有～汽水選擇都唔少沙冰都有😆最後食埋北海道乳酪雪糕幾有驚喜✨酸酸地冰感唔重幾滑👍🏻如果有會員有折更加抵食！

約左朋友係新都城食飯，經過見到有間火鍋店做緊90分鐘放題，低至$178就可以任食，今晚同朋友食靚啲，揀左level 4特級牛小排套餐，除左肉類、海鮮同炸物可以點餐，自選放題區仲有多種蔬菜、丸類、麵類、飲品同甜品湯底揀左昆布鰹魚清湯 + 博多豚骨濃湯 昆布鰹魚清湯清甜，湯底帶有淡淡嘅昆布香味，食材煮完後更加突出原味博多豚骨濃湯味道香濃，豬骨味道濃郁但不油膩， 兩款湯底一清一濃，啱晒唔同口味需求肉類 牛小排肉質細膩，油花分佈均勻，煮後鮮嫩多汁，入口即化牛肌腹肉帶有嚼勁，肉味濃郁牛舌切得薄身，涮完之後柔軟有彈性羊肉冇膻味，油脂比例適中，煮完軟嫩唔柴阿古梅豚肉油花豐富，肉質柔嫩細緻炸物 雞皮餃子外皮香脆，雞皮嘅油香十足，一口咬落外脆內嫩，層次分明日本一口芝士芝士餡香濃幼滑，炸衣酥脆日式炸餃子餃子皮香脆而薄，內餡豐富，帶有輕微嘅蒜香同肉香味。 甜品 即唧軟雪糕奶香濃郁，甜度適中可以配埋脆脆嘅穀物增加咗豐富嘅口感啫喱口感Q彈清爽，充滿童年回憶芒果糯米糍外層糯米皮軟糯彈芝麻紅豆大福外皮柔軟帶有芝麻香氣，內餡紅豆甜而不膩

之前食過<牛摩>買1送1 A5和牛放題，對<牛摩> 印象好好👍🏻是日放假周圍去，6點令就去食放題😝今次食Lv4 特級牛小排放題😍 麻辣鴨血湯底(大) (+$18) 依舊係不二之選，有鴨血食，湯底用真香料熬製，令人欲罷不能😋 另揀昆布鰹魚清湯底🍢 一邊辛辣刺激，另一邊清淡飄香😜第二次食<牛摩>，等我分享吓嘆<牛摩>小秘技😎🌟溫泉蛋任叫任食，隨意將食物先蘸溫泉蛋再放入口，增添蛋香🌟特級牛小排牛味濃，蘸麻醬最可口🌟星級牛肌腹油脂豐厚，淥兩淥就咁食，盡享原汁原味🥳🌟主打牛肉嘅餐廳，估唔到阿古豚梅肉都咁出色🤩 豚肉片味好香，脂肪更係香得嚟脆卜卜，成塊肉食落好爽口，大讚🫶🏻🌟牛舌油脂好香，質感爽口，開始咗食就停唔到口，我一啖食一盤牛舌架🤭意外發現鮮炸小食都好正😱腐皮蝦寶好香脆同易入口，感覺要嚟做睇戲小食都好啱😆日本一口芝士咸香好獨特，熱辣辣得嚟好 creamy，令人印象深刻😍今餐我至愛甜品係自助唧朱古力雪糕，朱古力香濃高質🤎 另外，北海道牛乳乳酪凍冰冰，酸酸甜甜，食到㷫恰恰時降降溫，refresh 吓二訪<牛摩>，每碟