牛摩 (上水廣場)

營業中

休息中

🍽️LV2 精選牛肩胛 可以鴛鴦鍋 🍲所以就揀左港式特選沙嗲湯同麻辣鴨血湯套裝肉類🥩包括牛肩胛 羊卷肉 牛舌同豚肉 除左肉之外 仲有海鮮嫁 例如青口 帆立貝 同魷魚圈🦑如果想食多啲就可以加個海鮮拼盤(有海蝦🦐扇貝 魷魚圈 同埋廣島蠔)小食都有好多選擇 有枝豆🫛 味噌青瓜🥒 迷你甜薯🍠 炸日式餃子🥟同炸雞塊🍗等等自助區既菜品🥬都有五款以上 亦都有好多唔同既丸類同面類仲有小食區同甜品區 仲有得自己唧雪糕食 忍唔住食左兩杯雪糕🍦😋飲品都有十幾款選擇 仲有沙冰揀 最推薦芒果沙冰🥭同荔枝梳打🍹食牛摩緊係要食牛摩飯 再配埋溫泉蛋撈黎食 超正!😋唔夠喉的話仲可以再order溫泉蛋點牛食都好好食嫁!!😋😋

牛摩 （上水廣場）📍上水龍琛路39號上水廣場5樓513號舖今晚突然好想打邊爐，就去咗上水廣場嘅牛摩食90分鐘放題，食返夠本🤤🤤🤍 博多美人骨膠原啫喱雞白湯店員推介呢個牛摩別注版湯底，造型好cute，味道清清哋，骨膠原啫喱同雞白湯，好滋補🥰🤍 港式特濃沙嗲湯另外叫咗另一款沙嗲湯，味道香濃，夠晒惹味👍🏻🤍 LV.3 阿古豚梅肉唔同嘅level組合會包唔同嘅食物，阿古豚梅肉呢個set就有鮮味十足嘅蟹籽墨魚滑同日本一口芝士，熱辣辣炸到脆卜卜😋阿古豚梅肉豬肉肉質都好鮮嫩，正！仲可以食埋LV.2 精選牛肩胛包嘅嘢食，牛肩胛嘅牛味好香濃，羊卷肉都好高質，仲有牛舌、帆立貝同魷魚圈可以揀，真係好豐富🥳 LV.1 星級牛肌腹都唔可以錯過，點埋芫茜鼓油，不得了😍🤍 飲品除咗一般罐裝飲品，仲有暖笠笠嘅熱茶包，設有自動沖調飲品機，有咖啡又有沖出嚟有層厚泡泡嘅朱古力，好好味😍🤍 甜品甜品有朱古力雪糕，士多啤梨同朱古力泡芙，小芝麻酥餅同埋食落好有驚喜嘅咖啡啫喱吉士醬小餅☺️/味道 🌟🌟🌟🌟環境 🌟🌟🌟🌟🌟服務 🌟🌟🌟🌟🌟衛生 🌟🌟🌟🌟抵食 🌟🌟🌟🌟🌟

諗住同朋友book場消費咁返嚟嗰陣時就喺上水度食返餐先返屋企，喺上水廣場度見到呢一間放題叫牛魔，因為之前未試過，所以今次就同朋友一齊試吓。總體嚟講都幾滿意下嘅啲牛肉嘅質素好好唔會話好老，亦都唔錯。呢一間牛魔有自己DIY雪糕，亦都可以自己整飲品。同埋可以自己DIY整沙律口感都唔錯。但係美中不足嘅係呢一間分店嘅配菜比較少，所以淨係食牛肉多啲。咁呢其實都係推介大家可以試吓嘅見到呢一間店呢仲有好多分店唔單止喺上水。

唔知大家係咪同我一樣，一年四季都會去打邊爐呢？呢間火鍋店只要百多蚊就可以食齊牛肉、豚肉、雞肉、羊肉，仲有自助區各種食物。湯底都有好多選擇，但我通常都會點蕃茄薯仔湯底，因為湯底會越煲越甜。百幾蚊唔好以為好少食物，除了常見的豚肉片、牛肩胛、雞肉、羊肉外，竟然仲有牛舌可以選擇！唔止，個餐仲有少量的海鮮，好似魷魚圈、青口。牛肩胛個樣夠靚仔，而且對比常見的肥牛，脂肪比例較少，而且肉味亦相較香濃。餐廳食物種類極豐富，仲有不少小食，枝豆、餃子、炸雞塊。所以大家等水滾，不妨叫D小食邊食邊等。不得不提甜品，除了自己吱的雪糕，係甜品櫃的朱古力蛋糕超好食，朱古力味極香濃。有興趣就試下啦！==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

好耐無黎上水，搵緊食咩好就見到牛摩開左係度，比佢個好得意既湯底吸引左🤣🤣 個湯底好濃味，唔係清冇味嗰啲湯，就咁淥完啲肉都好有味道，豉油都唔使點。 唔係太餓，咁我揀左最抵食果個餐，有牛有豬有雞，好夠食！都係 168 任食。啲肉全部都好切得好薄🙀淥一淥就食得，正😆雞擺咗喺度煮勁耐，點知仲係好滑身，有驚喜😙平時出邊食通常第一次點嘅肉係靚啲好食啲，不過呢度就份份都係一樣，我點咗3-4round啲質素都係一致🥳要讚呀我最鍾意係佢哋個溫泉蛋，個蛋黃啱啱好，少少實心，好香蛋味！ 用嚟配雞肉同豬肉都好好食。 同埋有壽司食，都幾意外，雖然款式唔算多，我好鍾意佢嘅雪糕，朱古力味超濃

下晝突然間想打邊爐，之前已經嚟過食覺得正正常常都抵食，所以今日又過嚟，平日2pm入座揀咗個個半鐘頭任食，當時個場唔多人全場6-7枱客，被安排坐側邊二人座位，我同老公覺得好迫問可唔可以坐卡位坐，個男職員同我哋講啲卡位唔坐得，係四人座位喎，都係兩個人坐，有兩個女人仲要係一個人坐4人坐位。最後坐咗喺單邊四人座位，坐低咗之後仲要臭串話平時冇得揀位喎，我真係心諗你以為你個場好爆咩…咁多位都要兩人坐得咁迫，仲要不知所謂咁串坐低咗都仲要加多句平時冇得揀位喎！呢次一定係最後一次，真心難怪啲人寧願北上消費！飲食業有呢啲職員真係死得！補充一句之前嚟食過 啲女職員都好好，仲教點樣join會員。

早排放晴去左大水管影相。呢間地鐵站直達既牛摩位置方便，睇準時間食完衝落樓下巴士總站就可以往返市區同新界西。為左把握任食時間，餐廳採用先點後坐形式，好讓客人放店外選定湯底同套餐，埋枱先開始計時。我地坐既二人卡位有獨立小電爐，變相可以免費享用鴛鴦湯底。Classic沙嗲湯有幼磨花生粒真材實料，但又唔會過鹹或搶肉味。另一個骨膠原雞白湯係話題之作，好似一塊巨型蒟蒻慢慢溶開，配菜類最滋潤。未落單先上一碟相應級別的牛肉。今次揀左中間價位的牛小排，油花豐盈內質軟嫰。Level 4套餐包含既海蝦系統用人頭計數量，所以要嗌多幾次。蝦隻新鮮唔痴殼，鮮甜有汁。青口正常，魷魚有新鮮貨既口感，不過我更加鐘意粒粒墨魚滑。食完靚牛多手叫一份牛胸腹，一份羊肉。牛胸腹牛肉味濃好多，但就比較瘦無咁滑，試過都係encore牛小排。而羊肉肥位有些微爽口，無羶味唔食羊既都可以試下。過場仲可以係系統點小食，由於唔係放置於自助區，即叫即做一定脆口。試左炸芝士、芥末雞塊等等，洋蔥圈雞皮餃子最有驚喜。炸蝦寶有真蝦肉粒，一定要食。後來再encore既牛小排依然保持第一碟的質素，上菜亦好快，只係如果厚切多一點點就更正。唔記得講壽喜燒先包生

依排天氣時冷時熱，所以天氣一凍就好想打翻個邊爐最最最鐘意牛摩既就係可以一人一鍋！！ 唔洗爭食 又可以試多個湯底今次我地揀左一個壽喜燒 一個沙嗲 2個湯底都好濃味侍應都好主動咁成日幫我地加湯雖然今次我地平平地叫左lv2 既牛食, 但都出奇地好食！！ 叫多隻溫泉蛋撈埋一齊食 正正牛摩既選擇都幾多，除左可以QR CODE 落單之外 仲可以出去拎d丸同埋菜仲有海鮮可以食🥰野飲啲選擇都幾多，又有冰沙可以揀另外有d壽司 冷盤可以當前菜咁食☺️ 有我最鐘意既中華沙律同螺肉

本身諗住新年食團年飯 ，一家人食餐好D 點知一入到去，眼見任食火鍋 小食 甜品 一眼望哂款式型少，本應我哋揀嗰個餐有蠔，同我哋講話冇都唔緊要 大家想飲酒慶祝一下 問侍應有冇酒 ……侍應回覆：每位$3x 唔飲酒都要畀 假若一行十個人 ，五位唔飲都要畀$3x 重點 !經理級以上回答得 ，冇禮貌$3xx蚊任食 /任飲 / 仲要加一 沒有服務可言今時今日係上水區仲要集團式經營仲話新開…… 咁嘅質素 有下次啦

上水廣場呢層新裝修之後基本上全部都係食店多咗好多選擇而近扶手電梯有間日式打邊爐食Lv.3 阿古豚梅肉set 價錢中間就夠 $258 1個 想平啲都得 九點之後過嚟$218一人 一鍋湯底 湯底選擇總共超過10個有選擇困難症都搞唔掂我同朋友分別揀咗豬骨濃湯 特濃沙嗲湯呢兩款湯底唔使加錢另外 麻辣鴨血 花膠之類就要加少少錢阿古豚梅肉 脂肪比例較高 豬油的確幾香始終係高脂肪食物，不宜吃太多 牛肩胛都係一個好選擇比較精瘦，脂肪低 睇落去都唔差另外蔬菜甜品雪糕自己出去拎 飲品汽水任飲羊卷肉/ 牛舌/半殼青口/帆立貝/魷魚圈/鴨血/枝豆/味噌青瓜/迷你甜薯/洋蔥圈/炸日式餃子/炸雞塊蟹籽墨魚滑/日式章魚燒 / 芝士牛肉貢丸/雞皮餃子/炸雞軟骨粒/日本一口芝士 /紫金地瓜丸

><全月任食火鍋epass好正有分平日同任何日期嘅價錢如果住附近可以一戰LV.2精選牛肩胛(198)Qr code落單可以追加牛豬雞 牛舌同羊肉海鮮就有青口/魷魚圈/帶子 仲有d小食同炸物蔬菜同丸類整齊擺放 而且keep住有冷凍飲品選擇都幾多 幾鍾意無糖茶類系列打完邊爐有朱古力雪糕 同蛋糕泡芙做甜品90分鐘夠晒時間慢慢食><><><><><><><><><><><><牛摩上水龍琛路39號上水廣場5樓513號舖

同朋友晏晝行上水廣場，咁啱大家都想食火鍋，於是就試食吓呢間牛摩。同朋友睇咗餐牌之後，決定試價值$168嘅上品牛肌腹任食90分鐘放題，感覺CP值都幾高。套餐包括上品牛肌腹、豚肉、雞肉、溫泉蛋、牛摩飯、溫泉蛋牛摩飯等。餐廳座位都幾闊落，入面有自助放題區，可以選擇多款火鍋配料、飲品及乳酪甜品。配菜區有好多唔同嘅食材，任君選擇。有唔同嘅丸類、蔬菜類、同常見嘅火鍋配料，例如木耳、南瓜、芋絲等等。隔離都有壽司類、同蕎麥麵可選擇。飲品區都可以選擇唔同嘅飲料，有汽水、茶、咖啡、同沙冰。注重健康嘅人可揀無糖茶。甜品區更有唔同口味嘅凍餅、泡芙、brownie、同啫喱。每個味道都唔錯，而且細細件，唔怕會濟。當日更有朱古力軟雪糕，可以自己斟，自己加鍾意嘅配料。牛肌腹同豚肉食落都好jeng。玩轉盤嘅時候贏咗二等獎，有一客和牛。脂肪分佈平均，食落十分鮮嫩，超級推薦！順便一題，店員嘅態度友善，用餐體驗極佳。