牛屋 (已結業)

連續幫襯左2日，因為真係好好味，價錢又公道。第一日，自己去，試左紅酒燴牛舌hkd45。牛舌軟冧，又好入味。配菜都睇得出係用心做,好好味。仲有盒飲品。第二日，帶埋老公去，叫左豚肉飯，加一個sukiyaki,同樣美味。個火鍋勁多菜，牛肉又新鮮。絶對配得上價錢。勁欣賞老闆娘的友善，好關心我哋坐得舒適嗎?另一重點，疫情之下，老闆娘好衛生。收完錢，或者端食物之前，都消費雙手。睇得出係會為客人健康着想的食店。

今天又再訪深水埗福榮街牛屋小店,到步見到老闆很用心在廚房準備食材,女店員在準備枱,椅的布置,也是一位很專業有心的店員,今天我也是吃壽喜燒牛肉煱,湯底味度真是十分好配牛肉真係冇得輸,還配上珍珠米白飯,一定能吃得飽飽,價錢一佰大元有找又不用加一小費,真係大眾化價錢又有食物質素！希望大家有時間來支持很用心的小店！

❤️第一次寫食評就奉獻咗俾呢間平民小店❤️良心日式料理主打便當🍱👏🏻👏🏻真實食評😋😻話說上個禮拜要到某間長沙灣區中學做service，所以日日都要特登出長沙灣🙈🙈咁啱見到學校對面有呢間「牛屋」🐂就特登搵日去試下佢啲便當～當時得一對男女店員係店內 男嘅負責煮🙋🏻‍♂️，女負責收錢同打包 🙋🏻‍♀️應該係啱啱12點開門無耐，所以小小嘅店面內得我一位客人，女店員面帶笑容好有禮貌咁請我坐低等外賣😄令我印象不錯👍🏻👍🏻👍🏻等咗8-10分鐘左右，外賣就到手😋今次叫咗個牛肉三色便當$46，但最驚喜嘅係就算係外賣都睇得出店家嘅用心😻❤️個紙袋好厚實，而便當盒都係同日本嘅鐵路便當一樣，真係做到日式便當嘅感覺🍱✨一打開就俾賣相嚇親，因為擺盤居然係有心思個隻夠晒精美細緻🥳食落同想像都係有驚喜，薄切牛舌呈現粉紅色 入口夠軟焾，成個飯最好食係牛肉碎，拎黎拌飯一流！😋但略嫌牛舌啲汁鹹咗少少🤏🏻跟餐會送一盒紙包飲品🧃整體黎講便當味道不錯 呢個價錢又平又抵食😝😝性價比算高✨不過最有印象都係外買包裝嘅紙袋🤪🤪絕對有加分😻❤️希望有機會再返黎試下其他款便當啦🥰～

朋友約食飯，係佢屋企附近開咗間火鍋。小店店面唔大，但係老闆同老闆人娘人情味好濃。不停加水又不停吹水啦。其實第一眼以為咁既舖仔無咩好食，但係佢有牛肉，海鮮。有二人餐。朋友食過，話蠔好新鮮，不過我唔食得海鮮，所以無叫。只係點咗牛肉，丸同雜菜。一上枱，有個小鍋，好靚，啲雜菜好新鮮，個菇加個甜甜地既湯底，好完好想再食多兩隻。牛肉肉質好嫰，入口即溶。嗰個年糕都好好味，熟咗之後啲年糕又唔會好難咬同痴牙。仲有，小店貼心到有生雞蛋俾你點嘢食。真係好好味。另外價錢真係好合理，兩個人埋單都係168。我以為好貴添。下次要試埋小食！我見啲隔離枱食啲嘢賣相都好正。真心值回票價。

在美居福荣街新开的小店，叫牛屋的小店。午市做日式便当，价钱街坊亲民实际，晚市又日式火煱和日式寸烧小吃，味道不错，价格实际亲民，我当晚吃了海鲜火煱和追加牛肉连饮品，都係太约二佰元，真係一个字底。

新開小店 有住深水埗朋友試過 非常讚賞所以今晚親身落去食 ，牛屋係食日式小型火鍋 店舖雖小 不過算坐等舒服 ，女店員很親切有禮 食物新鮮 雖然款式不多 但數量不少 兩個人食個兩人火煱 非常飽肚 價錢相宜，人少少 可以清靜地咁食野傾計 不錯既小店。

Lunch同同事想搵個好地方坐下傾下計，係openrice搵到呢間牛屋，諗住即管試一試本來都不太有期望，點知原來有驚喜！😃去到店舖，先被佢的裝修和裝飾吸引了。我地坐近門口，佢係無門的，熱天可能會好熱，但老闆好細心，拎咗手提冷風機出嚟比我地。係我地坐位附近，有隻牛牛小櫈仔，好特別，旁邊有啲小件擺設，有隻介紹牛不同部位嘅玩具牛牛好可愛。我叫咗個三色牛便當，原來係慢煮牛+洋蔥牛肉+牛肉碎，好好味。環境好正，好有居酒屋嘅感覺。老闆娘仲好好人送佢自家手沖咖啡，佢話好開心話終於搵到志同道合嘅人，喜歡欣賞咖啡，我地一邊聞住咖啡香等便當，一邊傾計，好寫意，返工咁辛苦，lunch都想放鬆下。佢沖好咖啡，仲伴隨咗一道甜品，送比我地食，係個蜜瓜哈蜜瓜糯米糍，好軟熟香甜，哈蜜瓜味好重，搭配著咖啡，又襯出另一種味道。我地幾個同事唔覺唔覺就傾到夠曬鐘，因為實在太享受呢餐lunch了！🥰感覺好幸福！

今次來到這間小型日式餐廳仔，又有意外驚喜！和公公婆婆同阿仔食個簡便午餐，叫了一個紅酒燉牛舌便當和牛屋三式便當，還有明太子釀雞翼、牛肉餃子及一口芝士。 紅酒燉牛舌非常有牛味，牛舌質地軟軟亦有質感，味道特出，可見廚師製作用心。而牛屋三式便當中最特別是有慢煮安格斯牛肩胛肉，配上特色秘製醬汁， 惹味可口，一定要試！下次再試下他的新出品:安格斯牛角包配洛神花玫瑰花茶！這間店舖食品用心製作、味道特別， 埋單每人幾十蚊， 原來真係有平靚正的食肆！

平安夜玩完嘉年華返屋企，見到樓下新開咗一間日式餐廳， 雖然係細細間， 但感覺上都好溫馨。和男友試了壽喜燒火鍋: 當中的安格斯肩胛牛肉，能保持嫩滑和肉汁，牛肉味十足。火鍋是一人份量的，所以我們也追加了廣島蠔和西班牙黑豚肉，有意外驚喜:廣島蠔係3L 勁大隻呀！ 而黑豚肉能保持香濃嘅肉汁， 份量也足夠。另外也點了牛屋餃子，煎餃裏面還能有香濃的牛肉汁，喜愛吃牛味重的人，一定要點選這個。 一問老闆原來是老闆自家製牛肉餃子 大家都一定要試一試

平日都鐘意四圍貢四圍搵食，朋友極力推薦下走咗入一條平日好少行嘅街度，發現原來鬧市中嘅一片綠州。門前很有日本氣氛，老闆掛著笑容推介著他們的主打壽喜燒煱，shabu shabu食得多既然係推介價錢又相宜便走入去坐低，店舖內位置雖然不多但也很乾淨。問了老闆三個人食咩最好，老闆著我們先叫一個二人煱因為飯係任添嘅，覺得不夠才再添加小食或者配料，認真係識食唔好嘥👍🏻店員姐姐首先放下一個爐，入面已經滿滿盛載著配菜，賣相吸引，看得出師傅很有心機，有著日本人的一絲不苟👍🏻之後給了我們兩隻日本雞蛋，她介紹可以點牛肉來吃更滑或者有些人喜歡原隻放入湯弄熟來吃也可，我第一時間喝了一口湯，非常好，味道夠之餘又不會太咸，對於我這個喜歡用湯汁來餸飯的人來說簡直是一個喜訊；之後來的是切片牛肉、海鮮（隻蝦同隻蜆仲旭緊⋯有啲驚但這個價錢竟然可以吃著新鮮生猛海鮮）老闆話幸好舖租不是太貴，寧願賺小一點也要給顧客最好的，一讚👍🏻還有一個雜菜⋯嘩！一個二人套餐已經可以塞滿三個胃，超抵食！後來服務員姐姐給了我們每人一杯花茶⋯洛神花加玫瑰花，解滯之餘還可有美顏功效，原來他們在假期前夕及假期當天會開至凌晨，會專做「手沖咖啡、花茶及一些等