牛奶冰室 (惠安苑)

營業中

休息中

話說小弟喺Apps預早咗嗌外賣，個人啱啱到嘅時候見到個Apps已經有得拎。而我都見到門口擺咗兩份餐，而門口又有個職員咁我就睇啲外賣啦，但又一張飛癡得好高，睇唔清楚個號碼。之後個職員就話：有就有冇就等吓啦。我心諗得兩份餐係門口，而個場又唔爆嘅，幫我睇吓會死咩？咁就唔怪得知冇客啦 。

open rice 噤外賣自取12：15分落單, 17分就拎得！？竟然咁快咁就落去拎喇。。。落到去係咩都未有得拎等到40分先出聲追，個阿姐check完覆話多蛋要等我係嗌左4個餐。。。你地咁快噤話拎得我先落去拎！好喇未拎得都等左25分鐘，都仲未拎得仲要話我多蛋所以要等！！隔多10分鐘再同另一個阿姐講，我最怕係張單無左入面， 另一個姐姐好好咁覆返我有單係度 隔多陣就拎左出黎諗住即出即拎上到黎食會熱。。。妄想凍架！！尤其是係個阿姐講嘅蛋！！！全凍！！

11:25點餐，等左半個鐘都無餐出，前後號碼出晒，問個阿姐佢就話包緊之後就行左去，唔覺有跟單，等多廿分鐘忍無可忍再問，就話唔好意思今日好多外賣，但都唔覺佢有跟進張單，索性自己走到執餐阿姐嗰邊追問佢究竟張單去到咩進度，個阿姐竟然話出咗餐係咖喱飯，我即刻火都黎話我果個係早餐黎，佢地先發覺似乎係漏單拿拿林執俾我，最後我領餐時間係12:20足足等55分鐘，仲要返到屋企發現俾錯野我，一口雞就俾左豬扒，加錢嘅出前一丁就俾一般公仔麵，好野，5蚊豪俾你，以後永不幫襯，呢間垃圾幫襯一次都嫌多。

等咗一個小時淨係做外賣 不停不停出外賣單 晚市 堂食嘅客個個都等成一個鐘，見到個個都氣憤已走 。 沒有下次。其實佢哋淨係做外賣生意已經足夠 根本唔需要做堂食！！ 問佢哋出單未。 睇睇睇⋯⋯⋯ 睇睇睇⋯再睇睇睇 沒人答到跟本一個鐘都仲未整。😡😡😡淨係不停聽到佢哋部機不停話已經超時。相信外賣平台過咗時要罰錢。所以出晒外賣d單 喺我眼前已經見到幾個客擺低張單走咗😠隔離嗰三四台都係喺度等咗一個鐘。做唔切就唔好接堂食生意 其實佢哋做外賣平台已經足夠。沒有下次 Black list !!!!!!

餐廳廁所長期自稱維修中，（幾個禮拜都未維修好一個廁所？）有員工喺圖中道門出入，成條通道擺滿一個一個紙皮箱食材，擺明唔打算短期內借俾食客問侍應借廁所，佢會叫你急嘅就出去轉左直行過馬路去借M記廁所😅連廁所都唔肯借俾食客，何來尊重食客？食物質素正正常常，並唔係我會排隊食嘅嘢，我諗鰂魚涌分店成日排隊係因為依頭冇其他茶記選擇就一般連鎖茶記嘅味道，白飯壓過先上盤，蔥油飯啲蔥切得唔夠細，例湯唔夠熱，大把進步空間

星期六 大老爺都放假我醒起附近開左間牛奶冰室就同大老爺去試下佢嘅早餐星期六10:30都坐滿哂 我呢區真係靠做早餐新裝修當然係光猛明亮啲服務員姨姨好有禮貌餐牌選擇都多有扒餐 有炸魚餐有粉麵類 麥皮 三文治大老爺點左沙爹牛麵配半熟蛋同多士沙爺牛個麵係似福麵嘅伊麵底牛肉唔會乸到無哂味湯底同沙爹麵好夠味👍🏻我就要火腿通粉配炒蛋多士通粉個湯底 係舊式冰室個隻 加左忌廉雞湯做底嘅不過佢仲加左啲茶芯粒嗯～有啲阿媽煮比bb食嘅味道😂好中意佢個多士 係蒜茸多士黎嘅 烘得好鬆脆同埋佢個檸茶檸水 係用冷榨檸檬汁 唔係一片片檸檬片 咁就避免左有檸檬皮嘅澀味下次想試下佢個芝士拉絲波蘿飽