牛奶冰室 (大興花園)

營業中

休息中

同同事食下午茶，嚟咗呢一間新開嘅牛奶冰室食，我就想食埋晚飯，所以就冇叫到下午茶餐。我叫咗個蔥油豬扒飯$54 ，加咗杯熱飲，要加$6 ，如果加煎蛋，要加多$6，我冇加。蔥油同豬扒選正正常常，如果個價錢加多隻煎蛋就會再好食啲。我同事就咁叫瑞士雞翼雙蛋飯，都係$54 ，感覺就偏貴，因為份量唔算好多，而且亦都唔包嘢飲。有位同事叫熱檸水，杯野係檸檬汁溝水，冇咗檸檬片…….整體嚟講呢間嘢冇下次。

食過幾次早餐覺得幾好食 份量足之餘質素唔差今日放假叫了一個價值$58的叉燒煎蛋飯午餐外賣(不包餐飲)打開真係燥左😤得5舊叉燒 2隻煎蛋 一碗飯厲害了 真的以為你們家的叉燒是黑毛豬製成叉燒又乾 果2隻招牌焗蛋就係蛋 冇特別打電話跟職員反映量少 佢話呢度係咁🙄🙄佢話下次叫我食其他我話我會食其他餐廳不過你自己出去食飯見到呢碟野會唔會再去食？然後都話佢唔會俾呢個錢食連員工都唔幫公司🙂🙂本身呢間價錢唔算平 勝在質素有保證但呢個價錢俾啲咁嘅嘢真係好過份

期待已久大興花園下面終於有一間連鎖嘅牛奶冰室，諗住以後落樓下就有飯食，新開張之後成日都好多人，一晚7:00入到去。發現原來餐牌選項唔係好多，而且七點入到去都已經冇乜選擇啦。連咕嚕肉都冇晒。於是點咗苦瓜牛肉同埋叉燒炒蛋。苦瓜牛肉嘅苦瓜幾多，但係牛肉嘅口感就太淋，冇咩牛肉味同埋牛肉嘅質感。叉燒炒蛋味道唔錯，不過就比較細碟。凍飲就大大杯，算係唔錯。服務人手好似唔係好夠，地下同枱面都唔算乾淨。希望之後可以請到多啲人手同埋餐牌可以多番啲選擇。

打正旗號叫冰室，通常都會有菠蘿油，常餐，沙嗲牛肉麵等等香港美食。我就鐘意去茶記食常餐嘅人，又唔洗太飽，慢慢嘆杯凍檸茶！今日做完gym就去試下新餐廳，新屎坑果然係多人幫襯。收銀門口放左好多出爐麵包，個樣幾吸引，下次可以試下叫左薑絲鮮牛通，嚟左個炒蛋多士，賣相唔錯，係蒜蓉多士，炒蛋好滑。牛肉通賣相就普通，無乜薑味，正正常常。另一半因為好肚餓，叫左支竹牛腩煲，點知係鐵板上，不過都熱熱辣辣，係即叫即炒，味道惹味好好餸飯叫多左碗白飯不過就貴左d , 好似要$76題外話，餐廳冷氣超凍，好多客人埋單臨走都話好凍