影片
岩岩去買熱狗個男人打單打到亂曬仲要一路打一路話我多選擇 搞到佢好亂明明我已經係慢慢講逐項逐項講佢都可以話亂我都真係寫個服字俾佢之後同佢對單又落錯飽又減錯飲品仲要講到好似係我問題禁心諗: 點解你五係懷疑自己落單能力 而係要係到怪個客呢？PS 我態度一直都好好 就算我平時成日係到買野飲 經過今日禁樣 我都應該會少黎了
繼續閱讀
全盛時期嘅黑糖珍珠鮮奶，仲有咩動物未玩，先有鹿頭，後有虎頭，之後仲有豹頭，本身期待下一個係龍頭，咁就集齊龍虎豹 🤡 點知今次係牛頭，而呢間野嘅名仲叫牛頭角 😂😂😂-呢個鋪之前其實我黎過，係賣早排好 hit 嘅髒髒包嘅每一天麵包店，而家做埋野飲，專做髒髒 line，所以除左野飲之外，仲有髒髒包賣 🤤-今次一行飲左三杯，飲哂成個髒髒系列，先講 #芒果髒髒茶 $28 同 #草莓髒髒茶 $28，除左黑糖之外，水果都有得玩髒髒！雖然個名有個茶字，但其實一啲茶都冇，成件事好怪 😂 而呢兩杯係個底放左芒果醬或草莓醬做髒髒嘅效果，再加芒果肉同草莓肉，然後加鮮奶，另外再加左層奶蓋，飲落味道其實似芒果酸奶同草莓鮮奶，冇乜特別，老實講，$28 我覺得唔值 🤡-到到大家最期待嘅主角嘅 #黑糖髒髒茶 $10，原價係二十二蚊，佢而家新開張做埋聽日都係 $10，呢杯就真係值得試啦，就算原價 $22 都值，首先一樣係冇茶嘅，同埋都係加左層奶蓋，佢地表明呢個係健康堅係手炒黑糖，咁我就姑且信下，一拎上手，個底係暖嘅，攪勻一飲，個黑糖味都幾濃，除左珍珠有黑糖味之外，連杯奶都有啲黑糖味，由於加左奶蓋嘅關係，所以奶味都算濃，唯一唔太 like 嘅就係啲珍珠係用左琥珀透明珍珠，雖然食落係彈牙有咬口，但始終都係冇黑珍珠咁煙韌，不過整體都好滿意，青山價，$10，真牛逼 😛-牛頭角長沙灣青山道 276 號地舖
繼續閱讀
其實本身純粹行過見頸渴 而咁啱le間麵包鋪又有嘢買嚟飲所以先買。點知一飲就覺得好好味 好有驚喜!!!一收到杯嘢 底ge黑糖仲係熱ge，而面ge奶蓋望落去好厚好綿。雖然好想就咁飲面ge奶蓋 不過老闆娘話搖勻佢咁飲好味d,, 所以第一次飲都係聽老闆娘講~~~ 搖勻飲真係好好味 黑糖味好香好濃。d珍珠都係黑糖味。我個人認為好味過其他連鎖ge黑糖珍珠奶茶另外一提老闆娘好nice好親切力推 + 一定會再幫襯
繼續閱讀
呢度係麵包舖加飲品店，主打街坊平價生意，麵包，蛋糕長期買一送一，飲品亦俾大部分飲品店都平，今次試嘅係黑糖臟臟茶，其實係平時飲嘅黑糖珍珠鮮奶，係門口買完要拎張單俾入面水吧。呢度同好多地方一樣都係冇得揀甜度同冰度， 特別在於呢度加左蜂蜜奶蓋，係黑糖味中帶少少蜜糖香，可能我等d冰熔晒先飲，覺得糖度岩岩好，好驚喜係珍珠好煙韌，口感勁正😍。沖泡嘅鮮奶係明治全脂奶，都幾高質，不過好奇怪，佢宣傳品、海報隔離係放緊北海道3.6牛乳嘅盒，臟臟呢就唔知去左邊，可能係舖頭有臟臟包賣，所以改個咁嘅名。$22我覺得係屋企附近超值之選。
繼續閱讀
呢間茶飲喺一間賣麵包嘅舖入面無為意嘅話會比較容易走漏眼長話短說 今次係專登過黎試下佢地招牌 黑糖髒髒茶其實即係黑糖珍珠鮮奶 😂😂呢間都係無得揀冰嘅多少同甜度喺收銀處比完錢就行入去交單 即制好快就有得飲有佈景 影相一流不過想即刻飲 所以求其影咗張相就算一飲 好凍飲過咁多間黑糖珍奶 呢間嘅溫度係最凍嘅黑糖味都幾出珍珠口感係chewy 偏淋亦算入味嘅但有一個好大問題就係飲飲下d珍珠翻生🤦🏿♂️個人認為係因為杯野太凍所以搞到d珍珠越飲越硬🤔(個人意見 唔知係咪真係因為咁🤣）奶都好香 我見佢封杯前好似加咗d花奶落去唔知係咪咁而增加咗d奶香味不過認真 22蚊 真係好抵飲 而且味道唔差如果可以少返d冰 唔好咁凍就perfect
繼續閱讀