牛八両 (已結業)

我第一次去食，朋友介紹。今次我哋叫咗火鍋同一個餐。另外再叫小食。火鍋叫了一份2人餐，好多款肉揀👍🏻每款都各有口感😋牛肉會分開切好，有一張紙介紹係邊一個部位，又建議煮幾耐，當然可以自己再決定。我叫左個胡椒蜆湯，同胡椒豬肚湯好唔同，好夾牛肉。 又叫在花板丸，超級彈牙，粟米亦甜！我又試咗烏冬，好有口感，應該係日本真打烏冬，吸收左湯之後好美味！小食叫左咸蛋蝦卷，咸度適中，送啤酒一流！串燒都係咁好味！朋友話一定要試呢間嘅自製響鈴，鬆脆美味。套餐叫左一份油甘魚鮫，魚鮫非常多肉，食極都仲有。配合藜麥飯，感覺健康！店員話遅啲有鯖魚和比目魚，下次一定要試吓。不過飲品比較細杯，唔夠飲😅

夜晚同朋友行過k11，見到專食牛就試一試。店員話夜晚主要食打邊爐同串燒，中午就食烤肉飯。點左個牛拼盤，有八款肉，可以唔同部位都試到，唔錯唔錯。牛肉好新鮮，肉味亦好夠，食得出係優質牛肉，有d部位會爽口d，有d部位腍身d，我自己就最中意食牛肩脊邊同牛白肉，勁爽！另外仲收左牛筋丸，肉汁好濃，好爽好彈牙，我覺得比牛更有驚喜，同平時食開果d有好大分別。至於串燒，只係試左雞翼，食得出清酒味，而且燒得香口。因為胃口細，已經冇位再試，下次可以試下其他串燒！唔算好平，但值嘅！