牛一 (荃灣廣場) (已結業)

Woooo, 係呀，又係食咗火鍋放題😋今次係牛一嘅午餐定食，雖然話係定食，但係除咗指定的肉類一盒之外，自助區嘅飲品丶粉麵飯丶瓜菜丶丸丶醬料都係任飲任食😋逢星期一至四午市定食，現在有1+1盒肉，即係送多1盒同款肉類。今日揀咗藥膳湯底，個湯好濃嘅黨蔘味，仲有杞子。瓜菜有成大約8樣款式，丸類都有4-5款，我揀咗粟米丶萵荀丶羽衣甘藍，另外揀咗牛丸。雪糕有原味和蜜瓜味乳酪雪糕🍦飲品有罐裝和紙包，也提供熱水及茶包，仲有咖啡機👍🏻牛肉和豬肉，唔嚡口，份量都係正常，瓜菜係新鮮，牛丸丶芝士丸正👍🏻整體來講一定夠飽，食物質素ok，因為晚市都係這些食材一樣。性價比抵，會再嚟😋

係日牛涮涮鍋同牛一之間選了牛一。原因係當日牛一有個買一送一鹿兒島和牛放題，價錢係$459一位另加一。橫掂沒有試過牛一，俾個機會他吧！裝修格局與日牛刷鍋差不多，有兩個自選配料區。配料有幾款菜，丸，，紫番薯，紫椰菜，粟米各樣。幾十款配料，僅有幾款啱你，新鮮多選擇，食配料都食飽，有誠意！重點是和牛，碟碟都新鮮有油花，物超所值。最美甜品作結，有原味乳酪及士多啤梨雪糕。還有多款醬料配雪糕！這個價錢，可以放題吃和牛實在超值，下次再來！

2020年嘅聖誕繼續二人限聚同禁晚市，唯有打番個午市邊爐慶祝一吓，我哋揀咗鹿兒島A4黑毛和牛限定二人放題套餐每位$410，而我亦有提前一星期book位順便享受埋早鳥九折優惠，折後每人$369，超抵食套餐包咗一個海鮮鍋，海鮮鍋包括有波士頓龍蝦、加拿大蟹腳、帆立貝、鮑魚、大虎蝦、法國黃金螺，相當豐富。而牛肉有四款可以選擇，包括有鹿兒島A4和牛、九洲特選和牛 、美國安格斯 、美國特選級穀飼牛。配料方面丸類就比較少，而蔬菜、菇類就有好多款選擇，亦都好新鮮。🔝海鮮火鍋🔝鹿兒島A4和牛油脂分佈平均，但未去到入口即溶嗰種，肉質軟嫩，每一塊牛都勁大塊，點咗3碟質素都係好好。🔝九洲特選和牛比起鹿兒島A4牛味濃烈一點，帶點油脂感。第一轉好靚，但第二轉再點就變咗另一款，淥完牛肉邊位會發黑，肉質仲好韌。🔝美國安格斯呢款牛味最濃郁，肉質帶有口感，如果想食平啲，可以選擇呢個級數。🔝美國特選級穀飼牛無咩特別，牛味比較淡。🔝火鍋配料有多款選擇🔝飲品方面有果汁機、汽水機、咖啡機，仲有紙包飲品、罐裝有汽水同獅威啤酒。另外今次我哋呢個餐免費升級任飲Asahi啤酒㗎。🔝呢度仲有部乳酪雪糕機，雪糕有兩款味分別係原味同士多啤梨味

餐廳：牛一 (荃灣)地區：荃灣地址：荃灣大壩街4-30號荃灣廣場B1樓B120-B122號舖日期：28/11/2020 時間：18:30人數：2人等位：唔洗價錢：$836.4最近荃灣廣場新開左一間牛一，做緊A4和牛放題二人同行一人半價優惠，同埋佢有一個加$1轉做龍蝦海鮮鍋，見咁抵就試下啦🤣（第一次試牛一嘅和牛放題）配菜款式都係平時出面啲打邊爐放題咁乜都有，雖然我哋點左海鮮鍋，不過都係主要食和牛為主（因為本身唔太好海鮮）。和牛有兩款：鹿兒島A4黑毛和牛、九州特選和牛，兩款都好出色，入口即化，我哋前後覆桌咗好多碟🤤我哋亦都叫咗豚肉同埋美國安格斯牛肉黎試，但對比和牛絕對差得遠😂所以只係叫左各一碟就叫返和牛食。而鹿兒島A4黑毛和牛嘅紋路比九州特選和牛更靚同入口更化，而九州特選和牛就相對有咬口一啲啲，但都好好味👍🏻此外，牛一嘅咖哩同自製雪糕🍦，都係幾好味👍🏻值得試吓。佢呢個新店優惠真係好抵，cp值好高，如果之後再有折扣優惠都係想再去食和牛放題。絕對值得推介👍🏻推薦指數(5分滿分)：5分👍🏻👍🏻👍🏻👍🏻👍🏻

好多時都想去打邊爐，間中一個人去搵午市放題， 見到荃灣廣場開左間牛一， 一放lunch就急急腳去食， 本身揀左78蚊得一碟牛肉，但因為join 左會員就有多一 碟牛肉送，都幾正！牛肉新鮮，其他配料都多，地方又大又寛，感覺好過好多放題餐廳。飲品方面有d 失色因為只得幾款唔大路既飲品，基本既可樂同烏龍茶都冇，有d 失望！