影片
原本做晒research，想去附近號稱全港最平嘅英記豆腐花，點知去到果間鋪位，見到招牌拆咗，有個男人裝修緊…… (相中左邊位置)唉，疫情之下，食肆果然好難做得住。好彩沿路行過呢間愛心豆腐花，見到有人幫襯緊。一樣都係平民化嘅小店，一於試下先。正如食蛋糕首先要試經典嘅士多啤梨忌廉嘅道理一樣，想知一間鋪頭嘅功力，都係要試啲最基本、最唔花巧但要整得好食又好考功夫嘅嘢。呢間寫到明疫情之下只做外賣，我就叫咗兩碗最plain嘅凍豆花。凍豆花每碗8蚊（熱嘅7蚊），抗通脹街坊價。欣賞老細醒目，唔駛叫都已經自動自覺擺咗一包糖漿同一包紅糖粉入袋，等我食起嚟唔駛就住就住、驚食到碗底無晒甜味。味道方面，講真唔算好滑，但係勝在夠豆香。咁嘅價錢，都唔會太高要求。
繼續閱讀