爭鮮迴轉壽司 (已結業)

說實話，只是$8一碟，不要期望有$25的水平，但我覺得好些種類已經超越了$8。有幾種我覺得可以：三文魚壽司好肥美，絕不比MK一系列壽司店差，甚至是更好。三文魚刺身出奇地好食，算不上大塊，但相當厚切，肥美，仲有三塊，想點???黃金尤魚，都是跟平時食$16沒太大分別。最正係有一種應該係火灸三文魚，仲有芝士，超好味，難忘~~~但只見到一次之後就無見過。海膽壽司，當然不及平時$30一碟，但也有鮮味。帶子，細塊，一般。其實仲有都算多野食，加一系列甜點，不過我沒有多試，不算吸引。衛生一般，雖然無咩明顯實質的DIRTY，但總令人覺得不太乾淨。服務基本上可以說是零，只是食完清張TABLE，同埋單幫你數碟。

前排經過仲見到裝修緊,今日經過已經開左,諗住買外賣做下午茶..去到門口,,無人,之後上樓梯個時見到個女侍應落緊黎,我問,佢手指一指話,之後行左去*上到去完全無人理,企左20秒,個經理先拎左外賣紙比我填,填完比佢計數收錢個陣,佢掛住同個朋友傾計,係張紙到數完又數-3-(因為分心),10碟數左3次*之後見佢拾壽司個陣,拎住盒壽司係鋪頭行黎行去,個盒係無蓋,仲放左2碟三文魚,10碟內有五碟係迴轉到拎,所以要行黎行去搵我買既壽司,張d壽司放落我個盒時用手套唔用筷子,雖然個手套係乾淨,但係佢拎完我d壽司之後,繼續帶住手套拾枱,所以我全程望住佢有無再用同一樣的手套去拎我要既壽司,好彩最後無*等候期間都有客人上黎..自己搵位的,侍應完全唔夠,又唔夠醒目,無協調,好似唔多願意做,明明見到有客上黎(佢地有對講機),都唔會帶位,掛住抹野,又唔拾枱,人客已經唔多!!!價錢真係好平,碟碟$8,好過去明脹食垃圾...食物都可以,都新鮮,不過個飯好鬆*三文魚好good,海膽就麻麻,其他都唔錯*環境都幾好...因為新開但係服務真係要改下啦,又唔夠主動,同完氣好大分別...如果要加一,我寧願食間好d!!可能新開掛,送

由於這店是新開張，只看到樓下廣告大字碟碟$8，只是$8元，可以一試~環境裝修簡潔，但還有裝修的味道，幸好不算太大味，以免影響食慾~海鰻不錯，還有3件，低食！北寄貝也算ok,但當然只半片~三文魚不過不失~螺肉軍艦紫菜已軟了，螺肉沒鮮味~海膽軍艦只是一些海膽碎，有點腥~最好食是煮好的魚，好像是三文魚做的壽司，低食夾大件！最欣賞是壽司司傅不停做壽司，把吉位填滿~如果只是lunch為飽肚是可以接受的，但如果想食優質壽司，還是別家好了~

今日行經金馬倫道,見到新開鋪,就去試一試去到樓下見到有COUPON食8送1,梗係攞埋去用啦上到去梗係第一時間攞三文魚啦但係....嘩!!D壽司大部份都乾到"痴:碟.....以為刺身都新鮮啦....點知....又細件又乾...款式唔太多,但係又無MENU介紹,又無得落ORDER叫...有點兒不足試一次後,下次未必會再去食所以,我連相都無影返黎!!

新開張頭3日，全$4一碟，諗住都無好野，點知原來幾抵食，三文魚又夠厚。重有海膽壽司，甜蝦，三文魚子，帆立貝，吞拿，一碟兩件！裡面好多係台灣人，講國語的，絕對會再去食，原價都係$8碟！