營樂餐廳

營業中

休息中

Boyfriend and I were in the North Point area and wondering what we should have for dinner. We came across this place called Ying Lok Restaurant. There was a number of people waiting outside for  table. We decided to give it a try as it seemed a lot of people who lived in the area ate here.The a la carte menu is in English and Chinese though they have daily special sets in Chinese only. There is no 10% service charge. The sets include a daily soup, rice or congee, main and dessert. If you order a

下午茶時間，經過見到有個日式下午茶有粟米薯餅（因為好鐘意食薯餅），環境算ok, 有電視睇，於是入去試吓。個肥牛烏冬幾咸，得三片好細的牛肉，烏冬不多。最期待的日式粟米薯餅竟然只是蕃薯餅，一粒粟米也沒有咯（心諗如果冇薯餅就早出聲啦，違反商品說明條例咯😡）個炒蛋係全熟，冇蛋汁，仲要俾d油浸住，😨以為間舖個名有「營」字會健康少許，食咗一啖不想再繼續食了。成個餐要四十幾蚊唔太抵食，好似冇食過嘢咁，質素好一般，茶記好好多。

炮台山冇味精住家菜✨ 必推蒸比目魚，蒸得好嫩口，肉質幼滑好有魚香，有清蒸同豉汁蒸，重口味與否任君選擇蠔煲店員問要薑蔥定清酒煮，見幾得意就揀咗後者，然後出到嚟都係薑蔥😂個石窩食到尾都仲燙手，蠔肉大隻濕潤唔會話收哂水咁，不過都幾油膩下至於牛肋肉同豬軟骨兩款個味都係差唔多，差別只在於一個用牛肉一個用豬肉，同樣軟腍入味，不過要揀會揀牛，腍得嚟依然保留彈牙感同牛肉香✨小菜加九蚊送湯送飯送甜品，好健康咁石以將飯轉做粟米粥，個湯雖然唔係老火湯果種但係冇味精入口幾舒服至於甜品因為得返糖水就冇食到，好搞笑地中途想加個飯，然後佢收我十蚊碗白飯，下次想加飯記得要同佢講加多個餐走湯走甜品😂

朋友知道我平時食得清啖有營養，所以今晚特意帶我去食這間他所推薦食得有營的餐廳，我們點了兩套晚餐: 當中有湯、主菜 、白飯/粥、飲品及甜品，我的主菜選了欖菜四季豆炒雞肉，而朋友選了蜜桃沙拉豬扒，先來了兩盅青紅蘿白湯、飲落清淡味道唔濃，蜜桃沙拉豬扒到達，豬扒非常鬆脆易入口，蜜桃既香甜，配埋沙拉醬，食多幾塊都唔會覺得好溜，到欖菜四季豆炒雞肉: 欖菜同四季豆炒完味道剛剛好，雞肉嫩滑，雖然是炒菜，但食唔到果種鑊氣既味道系度，而食完都唔見碟底有油，真的非常健康。至於甜品方面: 我選了紅棗蓮子雪耳糖水，朋友選了法式焦糖燉奶，個糖水飲落唔似煲左好耐，因為蓮子較硬身，但甜味適中，朋友的焦糖燉奶， 試了一口感覺比較偏甜，但奶質香滑配上面頭香脆的焦糖，甜上加甜, 食完感覺好健康的一餐。

剛過放工經過，見到有小火窩，價錢OK，今次試左個胡椒豬肚雞，仲有d枝竹份量夠，湯底飲落去真係無味精，值得推薦，見到仲有一個用日式昆布做湯睇的牛肉窩，下次再試試，食完後加上套餐的杏汁付竹糖水，聽店員講呢個糖水夜d黎就無的啦，話個客人都點

今日中午去咗英皇道炮台山站對面果間營樂餐廳食！見這裡標榜無味精，有機菜！食得健康！依餐牌點咗兩個午市套餐！一個係紅燒豬軟骨另一個係紅酒鮮茄燴牛尾，跟白飯另有一個紅蘿白粟米湯！豬軟骨夠哂淋，入口即溶、燴牛尾充滿酒香，以鮮茄茨仔做配菜亦好合適，兩個菜都是佐飯一流，餐湯雖然跟餐附送，但也不馬虎，而且也不覺有加入味精做調味！喝入口也很舒服！隨餐仲有時菜一碟，白飯一碗，這等份量做中午餐已經好足夠了，埋單才是$112，算是好抵食！

是否出差吃得太好？嘴刁了？因為一個人住的關係，沒有「煮家飯」的湯水，今天來到 營樂，找尋家的感覺！住家午餐多達12款選擇，而我點選了紅燒豬軟骨，套餐包括白飯；住家湯；灼菜，而飲品要另外付費。先來一口住家湯：紅蘿蔔湯是家的味道，挺不錯，附有數顆紅蘿蔔，感覺真材實料而非一滴精。至於主菜紅燒豬軟骨，略感失望。雖然炆豬軟骨夠火喉，但味道微酸，是否隔夜菜呢？不過，以$55的午茶來說，有湯有餸有菜有飯，是非常超值。

自從上次同大少嚟呢度食過，覺得味道唔錯，加上無味精，就算出街食都可以食得健康啲難得今晚姊妹得閒，相約嚟呢度食晚飯，姊妹keep fit想食清清地，她擔心我無肉落肚唔飽，最近我都出街食唔少重磅餐，今餐食清淡啲都好嘅😏點咗兩款小菜，加$9轉套餐仲有例湯同甜品🍮先飲例湯-確實系無味精，唔會飲一啖就唔想飲果種，味道ok㗎😁黑松露秋葵炒蛋秋葵同蛋本身屬於淡口味道，加上黑松露提升香味同濃度秋葵爽口，蛋亦炒得夠滑身💠日式豆腐野菜鍋豆腐非常軟滑配上雲耳、野菌和菜心，營養豐富健康之選跟餐配白飯或粥，我揀咗白粥，白粥仲有小量粟米粒食完小菜仲有兩款飯後甜品，兩款甜品跟糖水甜度適中，都幾好味喎！整體上真係唔錯，有營得嚟又好食，讚！

天氣咁熱，成日出去食又驚冇益唔健康，所以今次揀咗呢間註明話唔落味精嘅營樂餐廳試吓。两個人簡簡單單揀2個小菜，加$9轉套餐，有湯有飯有甜品。例湯先上，清補涼煲豬骨，呷一口清清哋，真係冇加味精。跟住上嘅韓汁直菇牛仔骨，賣相不俗，味道唔錯，係細份咗少少。配套餐有白飯同粟米粥任揀，貫徹健康主題。但到第2度菜就等咗好耐😅，20多分鐘後，呢個日式豆腐野菜窩終於上枱。唔明一道咁簡單嘅菜式點解要等咁耐，而且賣相同味道都好平淡，唔吸引，真係冇乜料到。跟住再嚟係超級迷你版甜品：法式焦糖燉蛋同芒果布甸，可以一口報銷，不過不失。其實呢間有「營」食肆都有幾多選擇。不過好明顯我哋今晚就做錯選擇。😅😅😅

星期六下午，譚仔大排長龍時，營樂依然有不少位置。餐廳的座位頗多，睇得岀幫襯的都是熟客😀下午茶時間，野食同款式算多同吸引🤤我就嗌左義大利茄醬咖哩雞肉飯。熱飲不用加錢，但見到好多枱都飲緊湯。原來呢間仲有自家煲靚湯，今日係紅蘿蔔粟米湯。不過發現得太遲，都係飲奶茶算😭野飲就上得快，不過上菜都等左約十分鐘。原來餸同飯是分開的，飯碗size同屋企用既差不多，都裝夠成碗架。而咖哩份量頗多。咖哩入面有碎的蕃茄，紅蘿蔔，大片洋蔥同雞肉片。咖哩不辣但味道都幾香。咖哩汁啱啱好餸晒成碗飯🤤 雞肉份量正常🤤第一次食呢間覺得食物質素和價錢都不俗，侍應服務都不錯。睇menu覺得下午茶比較抵食，絕對有下次！

放假同家人行經，見到門口寫住無味精，呢樣對於有小朋友嘅家庭黎講真係好吸引，仲要送埋甜品，所以二話不說就行咗入去食完有驚喜，小菜有鑊氣好好味，最緊要果然食完無頸渴，甜品我未影得切就已經俾人掃清光，我個仔勁鐘意食芒果布甸，師傅勁好人見我小朋友咁鐘意食仲額外請佢食多杯，小店人情味真係唔係連鎖店能及 比目魚好滑又少骨，老人家大讚老公係牛魔王，呢碟牛柳開正佢果範，完全唔un 肉質好juicy 作為家庭主婦嘅我最緊要多菜，碟魚柳炒西蘭花一上枱就俾人夾走幾舊魚，所以唔係張相咁少碟菇都係，我未影又俾屋企人夾走一大注（心諗我平時喺屋企煮又唔見佢哋食得咁擁躍）不過咁樣仲好，以後我有籍口唔煮啦，去營樂食啦

經常來這街坊餐廳早午晚餐，午餐包湯，餸，蔬菜，飯或粟米粥，飲品，有成18款選擇，好滿足！晚餐包湯，餸，飯，還有十幾款迷你甜品揀一款。呢度賣點話無味精，我都覺得無，住家feel，啱晒唔煮飯既我😅

第二次到這家標榜不用味精的小店！味道很好，例湯一喝便知道確實冇落味精。侍應生個個都互相稱兄叫妹，我老婆細心望多眼，話應該係一家人。點了兩個肉，一個雜菜粉絲煲。牛尾非常好味，值得推介！

呢間小店開左大約半年， 終於今日來食lunch. 我揀左紅酒蕃茄牛尾跟飯. 跟餐有菜，湯同嘢飲，$56 算幾抵食. 菜係黃牙白粉絲略嫌稔左d但味ok, 湯同餸都零味精！ 值得推薦講返個主菜，佢係用靚蕃茄好鮮味，但可能太鮮甜關係就食唔到紅酒味， 但我仍然食晒一整碟，飯非常煙蚡韌，但喺健康角度看 建議可以加紅米來煮， 又或者兩款俾大家揀，紅米就加少少錢咁... 我好少食咁多飯， 今日竟然食晒！午餐來講有18款算多選擇，而且又好味，我一定會當呢度食堂！！

今晚忽然醒起 FB 上大家都幾喜歡這間～ 所以 2 個一定要試試先 好甜，女友話食得出係冇味精嘅足料家常湯 尼個韓風大 🍄 牛仔骨又幾好食，D 茹爽口又彈牙，牛仔骨都幾幼嫩，個汁又好食 薑汁不太出，但係豬扒同 🍠 仔都入晒汁味好正 甜品係送嘅原來重有成十幾樣嘢自己揀，味道 ok 好香不太甜，有用心煲 雖然涼粉同 D 汁巳結成一舊口感不太好，不過爆珠 + 涼粉味道又幾特別吓，雖然係送嘅但係份量可以大少少就好喇～ 總括黎講性價比不錯，大家可以一試