燒遙居 (已結業)

今次又係同幾個老死去食串燒。之前未食過呢間燒遙居, 係有個friend係雜誌見到佢有做放題$198任食兩個鐘, 啤酒汽水任飲。見咁抵就決定黎試下。我們嗰晚8點幾去到, 唔算好多人, 好快就有位。個放題有個叫矜貴系列, 可以揀一款貴啲既食物好似龍蝦仔, 羊架, 鵝肝多士之類。我們個個都叫龍蝦, 雖然細細隻, 但幾新鮮, 肉質幾甜。另外仲叫左啲大路野好似燒蝦, 肉串, 雞翼, 腸, 蔬菜等等。上菜嗰速度算唔錯, 叫幾轉野都好快送到, 冇話係度拖時間。野食都燒得唔錯, 食落仲係好嫩有肉汁。個四川調味粉都幾有特色, 辣辣地幾惹味。我地仲另外叫左個泰式燒魚, 燒得唔錯, 皮脆肉滑, 佢魚肚位仲放左啲香料一齊燒, 啲魚肉帶啲香料味, 正!個放題各方面都幾ok, 啤酒汽水又任飲, 絕對可以再encore。…查看更多

呢間野是朋友的朋友介紹,他給3間串燒我地簡,我幫佢簡左最平就係呢間咁2個人食左4XX左右啦,一般來講食串燒呢味野要叫好多先飽,呢間叫到超多先係咁既價錢(圖無影哂)當中海鮮比較出色,燒得剛剛好,調味以中式香料為主,另外可自行下SALT OR孜然粉牛舌不夠厚身但係食落彈牙不UN,蟶子和扇貝燒得剛剛好,鋪上蒜調味,食得出食材既原味羊肉串當然不及國內既味道但係都不錯,很香的香料味食落又有肉汁最開心當然是價錢很合理但睇番下面D食評原來有放題,如果放題有呢合質素就爽歪了…查看更多

上個星期休息同男朋友落廟街行完就揾食，平時食開三妹嘜既我地今日決定試新野~~叫左兩味送，好有驚喜真係好正！1. 麻辣雞煲呢味送真係無得輸，好夠味不過個人認為再辣啲仲好食！啲雞肉唔老，仲好嫰口好入味添。個煲可以再叫多d送，好似打邊爐咁。我地叫左牛肉同羊肉，不過d羊肉un左小小。但都係好入味，一流！2. 燒雞食完個煲已經太飽，食唔落隻雞，食左小小我地就打包隻雞走。味道好香，皮脆但肉唔會乾，味道好特別唔知師傅落咩料呢P.S. D店員好好人，好主動同埋好好傾，好nice! ^_^ 我地下次再黎一定會食個加瑪大辣雞煲…查看更多

本身約左3個friend happy Friday 諗住去佐敦d大排檔食下地道小炒，行過吳松街有個firend同呢間舖既姐姐傾傾下..又話想食串燒..見$188任食..個menu都有幾多野揀仲有埋野飲，所以就試下啦﹗我地一開始梗係把握時間叫左好多肉類串燒先啦，原來呢度都有幾多燒海鮮喎...每人仲有一款矜貴既前菜tim~~~我叫左鵝肝多士，真係無諗過放題都有鵝肝食到...好肥美哦~~hoho!我d fd叫左羊架同埋燒生蠔貪抵食...羊架有兩大件..加埋d孜然粉好香口~燒生蠔有3隻, 夠juicy,要同d蒜茸同汁一次過食先夠和味~~ 我地仲叫左好多野食..食到個個停哂手...haha! 飲左兩杯菊蜜, 真係飽到我不得了......so full!!!我個friend見燕京任飲一下飲左3罐, 飽到佢唔多食得落tim..埋單$188唔駛加一，下次有多搵多一兩個friend再黎擦過﹗…查看更多

早前見喱間有放題串燒，每位$118好似好抵食咁。今晚就同男朋友去試下。同男朋友1945去到，個侍應安排左入面張檯俾我地坐!我兩位但得一張椅子，想知點坐呢？！個侍應見我企左係到，就同我講:「你快啲坐左先啦！」喂，大姐！你連椅子都唔俾我，我點坐呀！！同男友叫完嘢食，等左成粒鐘食物先黎！餓都餓死！等左一粒鐘後食物終於黎，但對啲食物好難食！食食下嘢個陣，個侍應叫我地轉檯，ok咁我地轉檯，轉左去後，個冷氣吹到正一正！咪問個短髮侍應可唔可以將冷氣個塊野整番上去囉。點知喱個侍應話：「我成個場啲客個個都好熱，你就話好凍呀！」態度係好差個隻！！！我聽到即刻火都黎！我依家唔係你啲客！我唔係俾錢黎食嘢架！我嘢都未講完，個侍應就走左去！！依家係咩態度呀？！希望個老闆會正視番個問題！！！喱間嘢我唔會再去！更加唔會介紹朋友去！…查看更多