燒賣皇后 (已結業)

細細個去開元朗媽咪成日都會喺元朗間妙舒燒賣皇后度買串香菇豬肉燒賣食，簡直就係童年回憶系列😍平時喺黃埔附近做嘢，一直都無試過呢間，今晚去完尖沙咀睇戲，沿海濱行到去黃埔，覺得個肚餓餓哋就見到黃埔都有間妙舒燒賣皇后，即刻叫返串燒賣回憶一吓🤭🤤叫咗5粒招牌香菇豬肉燒賣（$12），豬肉味好香好濃厚，同香菇味配搭得好好，再點埋佢哋甜甜哋嘅豉油，好正！另外想試吓新嘢，所以再叫多5粒炸香菇豬肉燒賣（$15），無諗過炸完之後嘅燒賣會多咗一種層次，脆脆哋包住粒好味嘅燒賣，口感好特別！見到妙舒除咗燒賣其實都仲有好多小食，下次有機會會試吓🥰🥰

冬菇豬肉燒賣⭐️⭐️⭐️⭐️🇭🇰$12 5粒個人係鍾意食魚肉燒賣多d，不過佢個冬菇豬肉燒賣係正既，冬菇味超岀，好香！堅係為左冬菇香味而食佢啊！佢個辣油係香，不過我覺得佢個辣油太香，cover左佢燒賣既味，建議分開d辣油，咁黎點黎食會正d🤤個牛肉球就普通啦香港小食配啤酒係一流🤤

以前喺元朗食過一次就念念不忘，可惜元朗離我屋企太遠，每年可能淨係入到一次元朗，每次入到去都一定要食佢嘅燒賣。每次食都依然覺得好好味，冬菇豬肉燒賣真係冇得輸，本身我都比較鍾意食黎類燒賣多過魚肉燒賣。食完仲買左包急凍燒賣返屋企，好滿足😋😋😋

呢排成日睇燒賣關注組，而成日出入黃埔嘅我發現原來開咗燒賣皇后！明明唔肚餓都忍唔住買返兜試吓～ღ 魚蛋燒賣孖寶 $𝟮𝟬/𝟭𝟮粒好耐冇食過豬肉燒賣喇～比較起上嚟豬肉燒賣好似會淋身少少，但好喜歡冬菇嘅香味。魚蛋係我最鍾意嘅白魚蛋，爽口彈牙，好食！可以揀香辣/咖喱/沙嗲汁；今次試咗沙嗲汁都幾好食，好惹味👅╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟮/𝟭𝟬✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟲.𝟱/𝟭𝟬✵ 𝒄𝒖𝒊𝒔𝒊𝒏𝒆 • 𝒇𝒐𝒐𝒅 𝟳.𝟴/𝟭𝟬✵ 𝒑𝒓𝒊𝒄𝒆 𝒓𝒂𝒏𝒈𝒆 • 𝒂𝒇𝒇𝒐𝒓𝒅𝒂𝒃𝒊𝒍𝒊𝒕𝒚 𝟴.𝟱/𝟭𝟬✵ 𝒔𝒆𝒓𝒗𝒊𝒄𝒆 𝟳.𝟴/𝟭𝟬✵ 𝒓𝒆𝒗𝒊𝒔𝒊𝒕 ʏᴇs ✓

初初開個陣，日日收工經過都見到大排長籠，所以一直都未有機會去試，驚要排好耐。而家少左人排隊，終於的起心肝去試下。生菜魚肉啲湯有少少油，魚肉太淋，軟軟的好似落得太多粉，一般。牛肉球就正常啲，但冇咩特別，同出面點心鋪甘上下。燒賣同魚蛋落左咖喱汁，幾香，而且好淋幾好味。至於個咖哩五寶有魚蛋,蘿蔔,豬皮,牛栢葉,魷魚鬚，蘿蔔、牛栢葉同豬皮都幾淋同入味，但魷魚鬚就有啲硬，好似膠甘好難咬，咖喱味唔係好出，一般。

聽聞燒賣皇后新開張，試業中，來支持一下先！遠遠已見人龍，餐牌在螢光幕上比較細小，看不清。只好排隊先，到差不多門口位置，終於可以看到。原來牆邊也有餐牌，不過都係要差不多排到才看到。今次買了魚蛋，燒賣，碗仔翅。外賣回家食，忘記影相😅魚蛋係自家製白魚蛋，感覺較健康，配沙嗲味道好夾👍🏻碗仔翅好足料😋好飽肚。燒賣係招牌貨，一定唔會令你失望，美味！新開張，好多花籃氣球，好有氣氛！下次要試吓椒鹽燒賣，看相片很吸引！

首次幫襯, 只買了一碗 碗仔翅味道適中, 稀"杰"度也OK但料略嫌太少.... 如圖..... 不知是否因太夜買之故.... 9:45pm... 希望可改善一下... 

係黃埔新開的燒賣皇后，雖然在內巷，但超多人幫襯。門口仲擺住幾個花牌，其中有兩個係用氣球扭成的花牌和獅子，好得意。碗仔翅大大碗，裡面嘅肉絲，粉絲同其他材料都有好多，唔會水汪汪，味道唔太咸，好美味。魚蛋、燒賣孖寶配沙嗲汁，魚蛋夠晒彈牙，燒賣大大粒，裡面有香菇，唔似平時食啲燒賣，幾特別。個沙嗲汁都幾好咪，唔辣仲食到有花生粒，不過沙嗲汁就少咗啲。下次嚟會試吓其他嘢食。

紅磡竟然開左燒賣皇后！當然要試！叫左3樣：椒鹽燒賣/魚蛋/碗仔翅- 椒鹽燒賣入邊竟然有菇！實在太驚喜（我第一次食🙈）都幾特別襯熱食好食但千奇百趣：買五粒平過平八粒！大家要做個精明消費者🙈- 魚蛋好欣賞佢好彈牙！會回頭！配沙嗲醬正- 碗仔翅不過不失～