燒肉LIKE (V City)

營業中

休息中

燒肉like性價比高, 通常都食牛小排牛板健套餐肉質其實同牛角相比,差唔遠我個人口味就中意燒肉like多d, 配多個芝士飯真係好正，唔係啲牛肉一齊食未夠非常之好味成為打工仔食堂

食過好多次了好食，惹味，正環境：❤️🩷🧡整體裝潢唔錯，簡單得黎有重點，感覺到係食燒肉既地方，亦感受到和風。1人坐位稍微有d迫，普遍香港人體型還可以，如果係健壯d，外國身形就轉個身都驚整親隔離，又怕d侍應出出入入，係背脊後行黎行去咁衛生：❤️🩷🧡💛地面感覺有d油，少少滑，座位底放袋感覺唔太乾淨，枱面很乾淨，亦見到每次有客人食完野會有人有一組工具去專門清潔其位置，感覺幾好氣氛：❤️🩷🧡💛店舖飯點都會坐滿人，熱鬧。員工工作效率唔錯，整體氣氛都幾好服務❤️🩷🧡一般般，冇話好好，基本野做齊，但本人覺得香港比較年輕一輩既服務業普遍水準都降低，所以呢度已經唔錯喇食物：❤️🩷🧡💛💚肉類份量對於貪吃既我黎講唔太夠☺️如果叫餐必須多點幾樣，但我幾鐘意佢可以係餐內加唔同既食物，加多份肉又得，我最鐘意加紫菜飯，真係好食，比牛角更好食，仲要相對平少少肉類薄，燒得快，好快有得食。仲有個優點係好多調味醬汁配搭黎食，絕唔會悶肉既質素唔駛講，冇失望過既

今次來到屯門的燒肉LIKE，主打一人燒肉概念，店內以自助 QR CODE 落單，點餐方便快捷，送餐速度亦相當快，整體體驗乾淨利落，啱晒想一個人快閃又唔想食得馬虎的朋友，同埋都係個不錯又抵食的燒肉選擇！今次與朋友點了幾款肉類餐點，包括：
南非和牛肩肉套餐250g 配迷你沙律和牛肩肉油花分佈平均，肉質柔嫩有咬口，燒完牛香滿滿，加上簡單調味已經好滋味。牛舌切得夠薄，燒起來脆中帶嫩，口感相當突出！套餐附送迷你沙律，雖然份量不多，但菜葉新鮮爽脆，配搭少許沙律醋，酸甜開胃，剛好可中和肉類的油膩感，作為小清新前菜十分合適。牛小排 & 牛板腱套餐100g 配迷你沙律兩款部位風味各異，牛小排油脂豐富，入口香濃，牛板腱則肉味濃郁，略帶嚼勁，燒至五、六成熟最出色。特別追加兩款單點：
牛油楓糖班戟厚身綿密，牛油香同楓糖的甜味互相融合，食完燒肉嚟個甜美作結非常滿足，但記得要換網。
雞腿肉100g 亦是驚喜之選，雞肉燒至金黃微焦，外香內嫩，啖啖肉汁。

今日黎到屯門，想食吓燒肉，呢間開咗一段時間亦好多人排隊，今日經過唔太多人，所以就入去試，我哋一人叫咗一個餐，牛肉賣相好靚好新鮮，燒完之後都好香牛肉味，亦都有好多牛的油分布出嚟，配搭米飯簡直係一流。不過我同朋友食完個胃都頂住，可能係太油嘅關係。

可能因為餐飲最近都面臨打擊，唔少店都推出時光倒流價的下午茶黎挽救生意！而最近我都俾燒肉like呢個推廣吸引左～ $48起燒肉套餐，星期一至五3:00起推出（無記錯的話），有150g肉、湯、沙律、飲同飲品～ 肉份量唔算多但都飽肚！而我就建議食$58的牛五花及牛舌套餐，肉質唔錯，食得好滋味！仲要唔駛加一，的確係窮人恩物xD不過燒肉個爐就同其他分店一樣，好容易好大火（特別係肉有太大油脂的時候），所以要定時mon住個爐較大細呀！

唔明邊度來甘多好評肉質又一般套餐未上，另加的豬肉片就上左臺雞肉好似比人手撕甘，唔知以為自己食手撕雞（燒手撕雞碎上？）其他就算係不過不失啦應該來一次就算了而且 一打開個櫃桶，筷子得翻一支，我朋友果邊連紙巾都無

日式一人燒肉—燒肉ʟɪᴋᴇ✨ 一個人食燒肉都可以好盡興㗎，I人們都唔使怕尷尬可以盡情燒燒燒🔥 呢度雖然係燒肉店，但係因為用咗無煙烤爐同先進嘅除煙技術，所以一啲都唔大油煙，而醬汁嘅款式都有幾款，抵讚👍🏻1️⃣ 美國ꜱʀꜰ極黑和牛牛板腱三重套餐🐂新推出嘅期間限定套餐唔係唔食啊⁉️一個ꜱᴇᴛ入面有齊三款嘅滋味，牛板腱彈牙厚實🤩牛舌柔嫩香口，牛五花嘅油脂比例啱啱好，唔會話好油膩😋呢款ꜱʀꜰ和牛既保留到日本和牛嘅豐富油花，同時又食到美國安格斯黑牛嘅濃郁肉味🤪 聽店員講佢哋今次揀嘅ꜱʀꜰ和牛係相當於日本A4-A5 級和牛～套餐更加配有飯、和風湯、泡菜或者沙律，食完超級大滿足💯套餐最平$108就食到2️⃣ 蒟蒻冷麵🥢一樣係期間限定新出，夏日炎炎食返個冷麵消暑又醒神，涼浸浸嘅冷麵，飽肚之餘都係得28ᴋᴄᴀʟ咋🤩，配上泡菜、青瓜同木魚絲好開胃🤤3️⃣ 牛五花&豬五花腩套餐🐖好抵食、好抵食、真係好抵食😂 份量多之餘亦都唔貴，肉嘅質素都認真正正子🤪豬五花腩記得一定要烤到微微哋焦香，最鍾意蘸蒜香醬油，再配埋飯一齊食🥳

同小朋友上完興趣班經過燒肉like ，發現出左下午茶套餐，都係$38up,仲要有小菜 湯同氣水，真係抵到爛。LIKE牛肉配湯泉蛋飯套餐 $38溫泉蛋配牛肉粒，不過不失，如果細食嘅人或者小朋友係夠飽架，如果胃口大嘅人或者想當lunch 食可能就差少少。牛五花套餐(100g) $48牛五花&牛舌套餐 （150g） $58作為一家行平價燒肉路線嘅餐廳，肉類嘅品質算不過不失，而為左迎合不合人嘅食量，都有100/200/300g飯可供選擇。所以呢個下午茶套餐性格比真係幾高。

一個人定同一班朋友都可完全自組想食嘅嘢，套餐價錢唔貴。🥓LIKE套餐一次過試晒牛舌、牛五花 及 橫膈膜肉。薄切牛舌爽口，燒到脆身好香口。牛五花嘅油脂香氣濃郁。牛横膈膜較厚身有咬口。🥩牛小排 & 牛板腱套餐牛小排佈滿網狀油花，肉質軟嫩，入口溶化。牛板腱肉質較結實，牛肉味香濃。套餐配白飯、和風湯及泡菜或迷你沙律。我鐘意轉成木魚絲紫菜飯再加雞蛋，送燒肉真係一流！仲有多款醬汁選擇，包括蒜香醬油、鹽味醬、原味BBQ、辣味噌醬、韓式辣醬及胡麻醬。整體自由度好高😆

今日嚟屯門有嘢做 做完就喺附近搵食之前聽過燒肉LIKE好歡迎我呢啲I人本身都想體驗一吓自己一個燒肉但係咁啱同個住屯門嘅朋友講我嚟咗佢係都話要同我食 最後變咗2人聚會唯有下次自己靜靜哋嚟獨嘆燒肉XD不過好在自己定同人嚟 都滿足到自主燒肉因為燒肉套餐係一人一份嘅 我哋每人一份加多$25可以配埋白飯、和風湯、泡菜或迷你沙律個飯可揀白飯/LIKE牛肉飯/木魚絲紫菜蛋飯- - - - - - - - - - - - - - - - - - - - - - - -1. 和牛LIKE套餐＋嗲地蘋果汁100%呢個餐有特選日本產和牛肩胛肉、牛板腱、牛舌主角係和牛肩胛肉 肉質細膩柔嫩 油脂分佈平均烤完散發濃郁和牛香氣 感覺入口即刻化開牛板腱望落就肥瘦相間 口感比較厚實爽口牛舌本身質地柔軟嫩滑 帶有少少醬料香甜燒到佢開始有燶邊 少少焦香 就係最好食啦食嘢點可以唔飲嘢 所以叫咗紙包飲品嘅蘋果汁2. LIKE套餐＋津路烏龍茶呢個餐有牛五花、橫膈膜肉、牛舌牛五花肉充滿油香 脂肪適度 口感軟軟嫩嫩橫膈膜肉肉質比較緊實 燒到外層焦脆就得食落好有咬口 同埋帶有濃郁牛肉鮮味牛舌同上 叫呢個餐可以一次試晒3種精選部位朋友叫

原來而家燒肉LIKE已經咁方便，入去直接掃QR CODE就可以落單比錢，食完就可以即刻走，唔洗再排隊比錢。仲有單人座位，完全係方便一人快閃食。牛五花＆豬五花腩套餐200g $82- 泡菜- 木魚絲紫菜飯150g+溫泉蛋 +$15肉質可以，係泡菜差了點，似邊角料，食燒肉冇可能唔加紫菜飯，食完勁滿足。

• 燒肉LIKE •🌟港鐵屯門站Vcity 商場内🌟#vcity #屯門站 #燒肉LIKE 返工前 同朋友約咗食lunch就揀咗地理位置好方便嘅Vcity Vcity 中層有好多唔同餐廳選擇 😀😀而我地就揀咗 「燒肉LIKE」呢間燒肉主打一人燒肉 每人一份燒肉餐 完全可以按照自己口味揀同朋友揀咗兩個唔同嘅燒肉餐 🧡#MOE鬈毛豬五花腩套餐 250g- 上網查一查先知 MOE 嘅意思係 匈牙利鬈毛豬保育協會 佢哋第一次同香港嘅日本燒肉店合作鬈毛豬外型好似綿羊咁 聽講係世界三大最矜貴豬種同匈牙利嘅國寶級食材- 今次喺燒肉LIKE出現 梗係要試吓- 鬈毛豬五花腩 肉質鮮嫩 油花滿滿 好好味☺️☺️- 難怪連好多米芝蓮餐廳都會用佢- 今次喺燒肉LIKE出現試完覺得超抵食- 呢個套餐仲有味道濃郁嘅牛板腱&爽口彈牙嘅牛舌👍🏻👍🏻🧡#牛五花牛板鍵日本產和牛上級肩肉套餐 150g- 牛五花油脂豐富 入口即溶- 牛板腱味道濃郁 - 仲有仲有 和牛上級肩肉 味道鮮甜 好濃嘅牛肉味 軟軟稔稔 仲好大片🥹🥹每個套餐都配有和風湯 泡菜或沙律 仲有白飯白飯可以按自己口味升級做木魚絲紫菜飯+生蛋/溫泉蛋 又或者火炙芝士

呢日去開屯門站附近,同小朋友近近地喺Vcity搵食,小朋友話想食肉肉飯,咁就同佢搵到呢間燒肉Like😂牛五花套餐100g $52蘋果汁 +$15跟餐有白飯,迷你沙律&和風湯牛五花肥瘦分佈尚算平均牛小排＆牛板腱套餐100g $118無糖可樂 +$10跟餐有白飯,迷你沙律&和風湯牛小排比牛板腱好食,牛板腱比較韌燒完肉後有多款醬汁&調味料選擇蒜香醬油,原味BBQ醬,鹽味醬,辣味噌醬,韓式辣醬,胡麻醬,鹽,黑胡椒

其實成日黎食， 但比起一開始 肉類質素明顯越嚟越差， 中尚價錢但呢個質素，衰過凍肉舖買。 服務態度一向唔好啦 叫個$12 得4塊嘅生菜仲要疊住d生肉 有無衛生常識 。 店舖地下又濕漉漉唔知咩事。無下次

一人燒肉專門店「燒肉 LIKE」，今次特別由日本本店引入以100%牛肉絞製而成、豐富肉汁嘅人氣「日式牛肉漢堡」！由即日起至4月23號喺全線 燒肉 LIKE 分店推出！只需 $29就可以加配啦！將日式牛肉漢堡放喺店內可自行調教火力嘅烤爐上以3或4度加熱2分鐘，就食得啦！一咬肉汁爆發！ 仲可以免費配生蛋黃 / 芝士 / 咖喱汁，加埋軟糯米飯一同享用！正！不得了！😆牛小排＆牛板腱套餐 (200g) $158和牛LIKE套餐 (150g) $148 牛板腱、牛舌、日本產和牛肩胛肉日式牛肉漢堡 +$29配生蛋黃 / 芝士 / 咖喱汁_______________燒肉LIKE (V City) (屯門)屯門屯門鄉事會路83號V City 1樓L1-9號舖_______________