燒肉LIKE (北角匯二期)

營業中

休息中

北角滙這間燒肉Like 新開，所以諗住同朋友試試，星期五晚6時人流未開始多，佢地有數張8位枱，我們見有張長吉枱想坐，店員堅持唔準我地坐，硬要我地質入一張已坐有5人的枱，說要留坐比其他客人。我一生人最憎人安排我坐位，既然有位你就應該任我自己揀，通常咁嘅情況我都會走人，不過帶左朋友來唔想令佢失望。我見隔離枱有一對情侶仲慘，店員硬要質佢地坐在2位同4位中間，佢地臉有不悅但店員亦是堅持唔比佢地坐其他吉位。其實而家一人燒肉越開越多，你咁嘅服務態度我不會再來。終於張8人吉枱咪又係比後來2人坐，有時安排坐位唔駛咁死板，寧願得罪客人都堅持自己果套!

燒肉熱潮睇燒肉Like分店就知，越開越多。即使有時想食一人燒肉，最平都唔使一百蚊。最近開咗北角匯分店，日系裝修加上用咗先進除煙技術嘅無煙烤爐，貫徹品牌特色。餐牌套餐選擇多，仲可以追加食材。和牛 LIKE 套餐套餐有齊牛板腱、牛舌同特選日本產和牛肩胛肉。牛肩胛肉尤其吸引，油花均勻，入口即化，充滿牛香。牛板腱油脂較少，爽嫩口感。牛舌大大片，一樣爽口。最後記得升級紫菜溫泉蛋飯先叫享受。北海道十勝豬豬五花腩五花腩同牛一樣咁出色，原來獲優質日本豚商標，大火迫出油脂，卻清爽不膩。入口肉嫩多汁，燒至微焦更好食。鯛魚燒紅豆夾心雪糕除咗有趣的外型，口感外脆內軟，紅豆加上雲呢拿雪糕夾心香甜好食。