燒肉LIKE (信德中心)

營業中

休息中

晚飯時段， 都好多人排隊入呢間餐廳食燒肉， 隨隨便便都要等20至30分鐘， 食完之後都覺得， 等待時間合理。 首先價錢方便十分親民， 套餐起跳只係數十元起，有飯有菜有湯有肉，分量方面可按自己選擇。當然 ，不同牛種及不同部位 ，亦不同價錢。 自助燒烤一人已經可以享用一位一爐。 燒肉醬汁和調味品十分齊全。 唯獨60分鐘的用餐時間有點趕。 今次選擇了牛小排的壽喜燒套餐， 和包含了三種牛肉類的套餐，整體上都好食好味， 除咗牛舌比較靭些少。今次晚餐，人均消費係125蚊， 用餐後感覺滿足

想簡單地食燒肉的選擇，份量適中，以這個價錢吃到這肉質是可以了，味道也可，整體感覺良好，唯一燒烤爐時常會突然大火，相信是爐的問題，因為除了我們，其他客人也有這情況，是要改善的地方，總括來說是不錯的，這次是和媽媽去吃，店員對老人家也十分有禮，還安排較容易出入的坐位，會再去。

燒肉like係香港都開咗一排，記得之前係沙田諗住想食但好早（6點前）就截咗票，所以一直都無去試。今日行過見到淨係等十張枱左右，咁就試下，都係15分鐘內就有得入座。入座手機掃QR code落單，點完手機比埋錢。我覺得幾好，成件事好自助唔使麻煩到人。 一坐低就見到有好多唔同醬汁俾我哋揀，而對我來講日燒最重要就係啲汁，佢哋咁多選擇真係非常之like啊👍🏼👍🏼👍🏼咁我就叫咗個壽喜燒牛小排套餐(200g)，佢唔會話好食到返唔到轉頭，但cp值真係高。食落都有肉香，但有兩舊特別肥，其他整體油脂分布都平均。有時食晏唔想食牛角咁大陣仗，嚟呢度都唔錯，都叫可以頂下癮。Btw提一提如果帶小朋友食可能要注意下過爐，因為我調到好細火都好啦，都會有火搶上嚟。

星期六中午，等位大概45分鐘。全電子化，不收現金。建議上菜也用機械人，啱feel啲。每種餐分大細份，有平有貴，適合一家大細。上菜速度快，個爐幾好燒，幾好玩。湯難飲，飯亦唔好食。不過呢個價錢，唔應該要求高。肉是ok的，成餐飯中規中矩啦！

🌹《燒肉Like》網上談論經常排長龍，因為抵吃好吃，但自己不會趁熱鬧去！直至它在上環開了分店，我真的想去試試。平日日子，睇完醫生找地方吃飯，專登搭車去探探店。利用排隊app攞票，很方便，由於我們避過食飯時間才去，但食店坐滿食客。🌹食店位於上環地鐵站樓上，抵達後很快被安排入座，套餐上有多個餐可以選擇，分晒份量及價錢一目了然，很清晰，烤爐是兩人共用的， 坐下的時候沒有聞到太大油煙味，抽風系統不錯。點餐、調味、餐具、全是自助式，食物由服務員送上枱。點餐🥢牛五花&橫膜肉套餐⭐️⭐️⭐️⭐️肉質不鞋口，份量對胃口細合適三部合奏套餐⭐️⭐️⭐️⭐️雞、牛、豬滿足為食老公，肉質不鞋口🥢套餐含飯，湯，配菜，飯份量亦可選擇。個人評分食物味道服務環境衛生回頭率抵食

最近得知上環開咗分店，想去試下。結果打去問少少嘢，有位女職員接電話，話自己普通職員，咩都唔知。咁即係趕客好在未去，到時一路食一路受氣真係唔知應該搵邊個講其實已經試過九龍灣分店，真係好正，無論食物定服務態度，所以印象都好好，可惜上環呢間分店某女職員留下咁劣質印象

星期六天氣很好，一於約朋友行街吃飯。我們決定先食午餐，然後在行去碼頭乘渡輪去尖沙咀的museum of art 看看。首先用Gulu App 排隊，等了15分鐘左右入座，用手機點了兩個套餐。套餐可選炮菜或沙律。飯量也有三個選擇。主餐也可選擇分量，價錢也因此不一樣。還有四種醬汁可供選擇。我就喜歡basic 的sea salt & pepper 調味，帶出食物的味道！點完餐後，馬上用手機付款。食物很快送上來，托盤正好fit 哂枱面的凹位。雖然限時間一小時，但也足夠！因為食物上得很快！時間寶貴不想浪費！吃飽出外走走更開心。

🍪 【#上環】【糧尾精選】燒肉Like Yakiniku Like💥套餐$48起‼️一人東京燒肉💥.🍪 日本東京人氣一人燒肉連鎖店~ 一個人也能輕鬆吃燒肉，簡單方便快捷！😋👏🏻✧ Fancy yummy Yakiniku? You can now eat alone, eat fast and eat on a budget at Yakiniku Like, a popular one-person barbecue chain from Tokyo! 🍪 套餐$48起，超級實惠！✧ Set menus start at $48 only! Amazingly affordable! 😍💸~~~~~~~~~~~~~~~~~~~~~~~~~~~~~~🍽牛小排&牛板腱套餐 200g $128（4/5）Premium Karubi & Misuji set (Boneless short rib + Beef top blade)套餐包白飯、和風湯、泡菜或迷你沙律✧Rice, soup, kimchi or mini salad included.兩款均為薄切牛肉，牛小排肥瘦相間，挺嫩但偏小

第一次寫食評，就係比呢間垃圾燒肉店今日同朋友4個人各食一個套餐，野食係唔差，份量足夠價錢都夠平，然而差既係我地食餐飯都要受氣。.第一，我將佢地提供既蒜汁唧落一啲未熟既肉度，唧唧下發現唧唔到，疑似塞左，就叫店員比過一支或者處理下佢，店員扭一扭 試一試唧就拎番黎比我地。唧到1/2下後又係唧唔到，就有另一位女店員過黎話可以扭下佢再試下，然後話「唧係生肉唔得架喎，係比你地點黎食架。」由於佢啲肉本身無味，朋友先推薦我唧啲汁落生肉度再拎去燒，就突然比該位女店員責備。.第二，朋友因為想攞啲鹽，但個鹽樽又卡實左，所以就向住左個爐按左一下（鹽樽係按壓式），而上面提到既同一位女店員再次走黎我地枱，並以惡劣態度告訴我們：「啲鹽唔可以對住個爐黎用」。咁係咪灑落啲燒緊既肉度都唔得？.呢樣唔得、果樣唔得，當下既感受好似受緊店員氣咁😅 雖然唔係好大件事，但第一次食呢間野就遇到咁既情況真係唔係幾好受😅唔知其他分店既店員係點，但上環分店既某位女店員真係態度有少少差。

浪漫的一人燒肉🤣自己燒肉自己燒👍🏻👍🏻全自助點餐加網上俾錢自己一條龍服務自己🤣🤣——————————————肉有好多選擇俾你揀肉量同飯量都可以自己控制👍🏻肉性價比高，呢個質素同價錢係令人開心嘅套餐嘅沙律同泡菜味道都不錯💕沙律菜新鮮，泡菜入味😋點了Like套餐250g同牛小排&牛板腱200g價錢分別係$125同$128——————————————有調味架任你用👏🏻👏🏻咁多款我最鍾意鹽味醬配每款肉都好夾🤩🤩呢間令我有衝動再幫襯☺️

去左兩次，食物ok，欣賞佢有碗飯，價錢都係一百蚊內，食得飽，性價比中規中矩。可惜，位少超多人，職員都吾憂做，趕客。第二次去食晚飯，係apps 拿左張三人飛，等左約一個鐘，終於有位，點知個職員要我地分開坐，仲話你可以繼續等，一係選擇吾食，位就比左你，又叫同事吾好理我地。總結，作為一間餐廳，服務仲差過茶記，如你吾怕受氣又大把時間，加想試試新野，無妨。如趕時間，又想有基本服務，就吾太建議，負服務，比錢要受氣。

同事話好好味 結果一試 成功訂位過程非常艱辛11:30 開始預訂。但佢唔係準時開始的 到開始時候已經full 晒 經過左幾日不斷試。終於訂到。結果我同同事食到。味道的確唔錯。有質素。我選左個250 gram 既set. 男人都絕對夠食 價錢都好抵 唔怪得甘多人 係有佢可勝之處 小牛排 好味 另外佢有幾款醬汁俾你選擇我最鍾意蒜香味嗰個服務員態度都唔錯。我隔離有個婆婆一個人食，但係佢唔識得點樣上網落單。結果服務員覆咗佢成功落單我絕對唔會有機會返嚟再食

啱啱新開，咁就梗係去食啦😋！見咗兩日都好多人排隊，今次就係app到11點半拎定飛。但去到都要十二點三四先食得😆佢啲餐全部都好抵食，啲肉嘅質素都好好，同埋仲要係落單已經比錢！好方便😀

期待已久的燒肉店終於都開了，那天約了兩位同事一起去食，我們點了三個餐和牛扒餐，牛小排拼牛建餐，牛五花拼橫膈膜，全部都是大size😜😜，怕吾夠食，後來再追加雞髀肉，牛舌同加添橫膈膜，三個餐裡的牛是正正常常好食既，但係後加既就麻麻地，雞髀肉碎濕濕甘好似d頭頭尾尾甘，燒完出來是細細粒的😖😖，至於牛舌就硬到似橡根甘，不過總括來講都好食既，下次會再去。但最不方便就係佢地點餐，係自助形式在手機付款，但係我有折扣就要出去櫃枱比錢，如果要追加幾次就真係幾麻煩，所以希望佢哋會改變一下！

星期五晚未夠6點去拎位，15分鐘左右就到，但主要應該好多人用app拎飛但又人未到，不停飛所以好快就有位，見到未夠6點半已經截人，因為8點last order，9點就收鋪。要留意只收電子貨幣，用qr code落單比錢之後會上菜，用餐時間得1個鐘，雖然唔算好趕，但就預咗食完就走，整體上服務唔錯，個個都有禮貌嘅。叫咗like套餐（po唔到相上黎），所有肉都好有肉味，飯有3個份量選擇，我想下次試埋個和牛扒，都應該唔會差掛