119
6
21
港鐵康城站 B 出口, 步行約3分鐘 繼續閱讀
開飯介紹
以日本傳統元素打造簡約的工業風裝潢;其招牌燒肉放題主打日本頂級A5和牛,另亦供應豚肉、海鮮、小食等多達120品美食。 繼續閱讀
營業時間
星期一至日
12:00 - 22:30
付款方式
Visa Master AlipayHK 支付寶 現金 八達通 銀聯 Apple Pay Google Pay 微信支付
其他資料
Wi-Fi
酒精飲品
自帶酒水
切餅費
VIP房
電話訂座
外賣服務 詳細介紹
加一服務費
室外座位
以上資料只供參考, 請與餐廳確認詳情
食評 (156)
等級6 2024-03-06
476 瀏覽
問一個問題,商場「The LOHAS」究竟有冇意思?查字典就會知道 LOHAS = Lifestyle Of Health And Sustainability,這種「健康與可持續發展嘅生活風格」也是「康城」這個新社區嘅發展概念。不過,搬咗入將軍澳區咁多年,睇住康城嘅發展,覺得Lohas 只是 gimmick;新社區當然有很多新規劃及設計元素,但睇唔到究竟有幾「LOHAS」。講返「The LOHAS」,整個商場以日常生活所需定位,尤以食肆佔大多數;配合大型屋苑商場,餐廳也以大眾化及中檔次為主。【燒肉帝】在2021年底開業時,竟然主打高級廚師發辦日式燒肉,晚市人均消費$600起錶!要食這個價位的日式燒肉,正常都會出去尖沙咀或銅鑼灣,返屋企樓下商場開餐,點會食咁貴?當時已估一定做唔住。果然,到了2022年中,就轉型日式燒肉放題;有三四個唔同級數的價位,但仍然嘗試走中高檔路線,保留了日本和牛作為最貴檔次的燒肉放題。去到2023年中,簡單裝修後再次轉型,檔次稍稍再往下調,供應全新日式燒肉放題餐單、及更為相宜的午市套餐;這次終於配合市場定位。今個星期日,一家三口也終於第一次光顧【燒肉帝】。雖然已經轉型為中檔日式燒肉店,但仍然保留了當初開業時的高檔日式燒肉店的裝修佈局,空間寬敞、卡座寬闊。烤肉爐頭也是高級燒肉店的款式,只不過用廉價即棄燒烤網代替原本受熱均勻(但要花時間清洗)的開洞不鏽鋼板。每張枱面放了粗粒喜馬拉雅岩鹽、黑胡椒粒、柚子醋、燒肉醬汁及香炸蒜片,供客人按喜好自行調味。午餐當然唔會食放題,午市定食套餐也有六款燒肉及三款其他普通定食,每款燒肉套餐又有兩個不同重量供客人選擇。全家人都係食肉獸,一齊揀了燒肉套餐。沙律水準正常。前菜小食漬帶子裙邊有腥味,好難食。味噌湯唔夠熱。最最奇怪竟然未開餐已送上甜品日式麻糬。牛の味(牛胸腹 + 牛板腱)(200g)($122) 見到賣相,已經打過突。點解牛肉好似啱啱從冰櫃取出,未完全解凍、硬梆梆?另外,點解切得咁薄?寧可少幾片牛肉,切得厚啲,反正按重量計算。事實上,亦只有優質日本和牛才適合大大片薄切,做成焼きしゃぶ。簡而言之,唔似心目中的日式燒肉。牛胸腹好多肥脂,以為係五花豬肉片,咬下去有不少筋膜。牛板腱肉質粗嚡,肉汁少。另外兩份午市燒肉定食的牛肉,同樣未完全解凍、硬梆梆,亦同樣切得太薄。皇牌の選(牛小排+ 牛頸脊)(200g)($172) 的兩款牛肉比較好味,但味道分別不大。兩者皆有適當油花及牛味,冇筋膜、有肉汁。牛迷の選(牛小排+ 牛胸腹 + 牛舌)(150g)($122) 的牛小排賣相同牛胸腹差不多,及不上皇牌の選的牛小排;側面證明牛肉質素唔穩定。牛舌軟身,口感少少煙韌彈牙,唔係最靚嘅牛舌芯,但味道都算尚可。講味道、講牛肉嘅質素,就真係好一般,但又真係好抵食。「日出康城」居民仲有八五折優惠,抵上加抵。住喺康城,想食日式燒肉嘅話,【燒肉帝】係一個抵食嘅選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-25
226 瀏覽
本身想食放題系列,點知店員話4:30pm要落場,唔夠120分鐘俾我哋,所以最後我哋轉咗食午餐set!!① Suki燒定食$102呢個火鍋定食得”四片”牛肉,肉質麻麻,食入口比較硬身,無論係攞嚟打邊爐定係放入去燒,都改變唔到佢肉嘅口感。所以呢個餐唔推介!相反,皇牌の選牛頸脊+牛小排$172 (200g)呢個set嘅肉質,就相當唔錯👍🏻👍🏻果然係燒肉嘅王牌🃏一人定食午市套餐包:一碗沙律🥗帶子邊一碗麵豉湯🍲一份甜品。*埋單前講係康城居民有八五折😆 繼續閱讀
(以上食評乃用戶個人意見 , 並不代表OpenRice之觀點。)
等級1 2024-02-18
162 瀏覽
開左咁耐都未幫趁過,因為覺得貴。但原來而家新出左午市燒肉定食 。80蚊左右就有得燒烤 一家4口琴日見到咁抵 。就沖入去食 。肉類有好多重量選擇 100 200 300g都有 。 肉既份量都足夠☺️我地叫左4個定食 。唔同重量。定食包括湯 沙律 小食 甜品 白飯 。好好味 最驚喜係 。埋單仲有85折 。真係抵過食快餐店 繼續閱讀
(以上食評乃用戶個人意見 , 並不代表OpenRice之觀點。)
等級2 2023-12-28
305 瀏覽
朋友從外地返到香港,所以就同佢gathering揀咗呢間餐廳。揀咗個六百幾蚊嘅餐,係有日本和牛嘅,寫明係A5但係出嚟冇油花嘅。其實係咪有啲呃人呢?下次唔去嚕。相中嘅蝦,甲羅燒都係送嘅。拼盤一嚟就有啦。再講番啲肉先,無論豬肉或者牛肉都係冰嘅一樣。完全見到有雪花喺面,有點兒失望。下次唔去嚕。 繼續閱讀
(以上食評乃用戶個人意見 , 並不代表OpenRice之觀點。)
等級3 2023-12-16
206 瀏覽
今日黎到呢間店,真係一場味蕾嘅旅行喎!🍽✨一落座,啲菜色彩繽紛,賣相一流,已經令我心癢難耐。首先啲燒肉,賣相巧奪天工,質感而且唔係膩口,啲肉質嫩滑,燒得啱啱好,外層微焦香脆,肉汁喺口中爆發,係咁滲透到每一粒味蕾,正到不得了。🥩🔥啲海鮮令我驚喜,尤其係啲扇貝同蟹腳,新鮮得嚟,煮得啱啱好,口感爽滑,彈牙彈牙嘅。🦐🐚海鮮嘅鮮甜味道,完全無需要太多調味,本身已經美味得可以。仲有,啲蔬菜都好過癮,清新解膩,同啲肉類好夾,胡羅卜絲爽口又甜美,包菜嘅鮮嫩就令人一啖再啖。店員服務態度親切友善,環境都幾舒適乾淨,喺享受美食嘅同時,仲可以好好放鬆,真係幾好。同朋友聚會嚟,呢度絕對係個不錯選擇。食物上嚟速度都算快,唔使等太耐,個個都可以邊傾計邊嘆美食,滿足滿足!下次有機會,我一定會再嚟試下其他招牌菜式,希望下次嘅體驗可以同今次一樣完美!👍🍲🥳 繼續閱讀
(以上食評乃用戶個人意見 , 並不代表OpenRice之觀點。)