影片
港鐵旺角站 B3 出口, 步行約5分鐘
繼續閱讀
電話號碼
68333282
營業時間
今日營業
07:30 - 00:00
星期一至日
07:30 - 00:00
以上資料只供參考, 請與餐廳確認詳情
相關文章
只此一間嘅燒肉駅，位於熱鬧嘅旺角，餐廳佈置有好多日本元素。 一人燒肉當然就係每人有一個自己嘅火爐自己燒肉食， 桌面上除咗有火爐之外，仲有足夠空位放到餐盤，座位亦唔會擠迫。 我選擇坐我最鍾意嘅吧檯，一排人一齊燒，雖然係各自燒，但又唔會有孤獨感，特別有feel。90分鐘放題$138有牛肩胛、牛五花、豬頸肉、豚五花、雞腿肉配 肉燥紫菜飯、麵豉湯和泡菜我好鍾意邊食燒肉邊有泡菜，可以中和一下油膩感，就可以食到更多肉！我覺得餐廳提供既蒜蓉汁特別好味，除左沾燒肉食之外，我仲用黎撈飯食，哈哈！和牛溫泉蛋飯如果孤獨的美食家唔想自己落手燒肉，可以叫呢個燒好左俾你既和牛，仲有隻溫泉蛋一齊食，正！
繼續閱讀
早排去咗旺角嘅 #燒肉駅 一人燒肉 • 丼飯每個座位都有自己嘅小燒烤爐可以隨心所欲咁燒肉一個人燒定幾個朋友一齊燒都正而同其他一人燒肉唔同嘅係佢哋有任食！包埋紫菜飯、麵豉湯同泡菜都只係138蚊一位🤩性價比超高！！放題嘅肉類有五款包括牛肩胛、牛五花、豬頸肉、豚五花&雞腿肉雖然係任食但係質素一啲都唔差尤其是牛肩胛肉質鮮嫩～燒出嚟油氣四溢令人好回味！而豬頸肉同豚五花都肥瘦適中跟埋泡菜食就無咁膩我哋仲加咗$58任食埋牛小排油花分佈均勻呢個價錢真係無得輸！仲加點咗出面比較少食到嘅雞頸肉爽滑嘅口感好有新鮮感除咗燒肉～呢度嘅丼飯都非常唔錯👍🏻個A4和牛飯將燒好嘅和牛配上溫泉蛋擺響飯面肉嘅油香同蛋黃用嚟餸飯真係好正所以就算淨係嚟食個丼飯定食都不失為一個好選擇PS 呢度個哥哥service真心好!態度超friendly!! 讚👍🏻👍🏻👍🏻
繼續閱讀
近年興起一人燒肉，一直想試，今天就到朋友推薦的這家，因為不但有一人燒肉，還可選和牛盛，另外紫菜温泉蛋飯也是必吃啊！北海道和牛盛有三款和牛，包括西冷、肩胛及牛仔骨肉，和牛油花非常均勻，肩胛最好味。另外滋味組合套餐，有牛肩胛、松阪豬、松阪雞。燒完的松阪豬似豬頸肉般，非常爽口。松阪雞也非常入味。最後升級了和牛肉燥紫菜溫泉蛋飯，平常紫菜溫泉蛋飯已經非常好吃，這家的和牛牛肉燥的味道更是香濃，愛不釋手。這個一定要叫！
繼續閱讀
遲到既生日飯😘😘😘朋友睇住我個銀包，揀咗呢間好抵食嘅燒肉放題店$138已經可以任食五款肉，肉嘅質素都唔錯，有牛有豬有雞，每人嘅座位前面都有一個燒肉爐，輕輕一燒再配埋啲醬汁就已經好好食，唔使乜嘢技巧，另外仲配埋勁量紫菜肉燥飯同埋麵豉湯，再加埋罐可樂冇得彈另外店員仲有介紹咗佢一個溫泉蛋牛肉飯，我自己唔係咁肚餓冇食到放題就叫咗呢個飯食，溫泉蛋好吸引，再加埋軟軟滑滑嘅牛肉，份量啱啱好，如果唔係食開超高質嘅燒肉嘅話呢間絕對可以係過下口癮😍😍😍地點又好方便，推薦咁多位
繼續閱讀
月尾又係糧尾既時間，但係又好想食烤肉😩上網見到呢間係主打一人燒肉，價錢仲好經濟實惠🐮牛魔王set+和牛肉燥紫菜溫泉蛋飯肉類有牛小排，牛肩胛，牛舌，牛小排油花分佈都算均勻,質地柔軟，而牛肩胛就相對油花較少，口感扎實啲。枱上有醬料可以調味。溫泉蛋飯可以自己加入燒肉汁，送飯一流 🐮A4和牛飯set 和牛肉質鮮嫩，份量佈滿整個碗，都幾抵食，而且唔洗自己調。另外每個set 都有泡菜同便鼓湯，可以中和燒肉既油膩感餐廳肉類選擇都有豬牛雞，丼飯或自己烤肉都可以，如果想放肆一下自己仲有90分鐘放題。店舖空間唔係好大，但地點方便
繼續閱讀