燒肉男 (已結業)

經過將軍澳中心，見好多人排隊，就去八掛下咩事，原來新開左一間日式燒肉店，午市放題(只限SETC、D)買一送一，望落去好吸引，於是同朋友就決定去試下。SET C同D嘅差別在於無刺身，同埋食少左一款和牛，由於朋友麻麻地刺身，就揀左SET C，真係好抵食，除開每人三百，物超所值。(原價一人成六百就有啲貴啦)一開始會上左九款牛，可以逐一試真的邊啲好食再任叫。大部份牛都好好食，其中推介以下三種:牛小扒肉味夠濃，油脂比例剛剛好，入口即溶咁~諗起都流口水。由於只攻牛，叫左好少豬，其中五花腩都好正，叫埋生菜包住黎食，好似食緊韓燒咁~~野飲有以下呢啲，有成四五個雪櫃野飲，都多選擇。雪櫃預先整好嘅甜品就麻麻地，但水果新鮮。最後仲有任叫MOVEN PICK香蕉船同即整窩夫，超飽足~~~~100分鐘無停過口~~~😋😋😋

應該係新店開張，午市做緊優惠，指定套餐買一送一。店內大部分都係卡位 好闊落！我哋揀咗set D, 一坐低已經俾塊和牛我哋。肉類種類多，入口即化，好食🥰全店店員都好Nice，但係如果上菜嘅時候可以講明係邊一個部位/菜名會更加好。外面仲有Movenpick雪糕任食，勁抵👍🏻👍🏻👍🏻埋單$688加一(=兩位)