燒烤屋 (已結業)

「燒烤屋」左邊店係串燒，右邊係整Crepe的＂Crepe House＂這間我閒時也會幫櫬的，今天和朋友分別叫咗「芒果派對」和「香蕉朱古力」。這個Crepe法式簿餅（可麗餅），比一般pancake簿身、面積較大。味道有甜亦又有鹹，隨個人喜好！這間個Crepe皮係比較軟身的。因即叫即整的，須耐心等待。員工都好熟手，係圓型煎pan放蛋漿煎好後，再放上配料，捲起！好快有得食！「芒果派對$28」蛋味好香！cream軟滑又不太甜但略嫌cream有少少溶 (T_T) （見到佢支cream差不多用到尾關係不夠涷）！配芒果饀好味！（芒果亦好甜）食完一個都好飽！「香蕉朱古力$24」香蕉都幾多，其實本身香蕉配合朱古力醬，味道上係吾錯的！因Crepe外皮溫度頗高，包係𥚃面朱古力醬和cream溶化得快。E個因有香蕉感覺重飽一些。總括而言：整體味道都唔錯！

星期六沙田度度都等位，諗住食個puff再八點幾搵野食，結果都係四處人龍，就轉戰food count,奈何九點都係無位，喜見此檔櫥窗吸引，又可邊行邊食，便一試。煙三文魚牛油果卷先$28，實在抵食！煙三文魚用料好，比想像中更肥美鮮甜，連麻煩的韓醬夫也強搶了兩口，十分滿意質素！牛油果醬也很多，奈何太咸，大概調味過量，失了果香。加上爽甜青瓜生菜，真係價廉物美！美中不足係職員沒戴手套，感覺有點不潔。

吃過中伏午餐後，就立即要去吃個甜品補番數，順一順條氣再說。在未去食中伏午餐之前，行經過燒烤屋旁邊的可麗餅，見賣相好似好得，吃飯後立即動身前往看過究竟。對於燒烤屋的燒物，雖然有點興趣，但是剛才吃過午餐，不想溝貨，才會想吃可麗餅作為甜品。而可麗餅卻又款式多多，真的眼花撩亂，選擇困難症又再出現，但是一看到綠茶，就立即走前點了一客來吃。點了一客可麗餅之後，店員立即取出材料，在煎Pan上淋上蛋漿開始煎餅，煎餅後就把材料放在 Pancake之上，然後把 Pancake 捲好後，便交給顧客。捲好後的雜果綠茶紅豆可麗餅，是在下午餐的飯後甜品，緣茶雪糕有著香濃的綠茶，與宏的綠茶雪糕有著同一的濃味，忌廉也打很幼滑和軟綿，亦都幾creamy，而生果包括有士多啤梨香蕉等，都算幾新鮮。而皮亦算煙靭柔軟。這個 Pancake 都算做得幾好味，而且又抵食，可以彌補在下不悅的經歷。

這天來到沙田, 由於晚上要吃BUFFET, 所以午餐不能吃得太多, 在一田左想右選, 最後決定來這家燒烤屋吃幾支串燒頂肚就好了.其實這家串燒屋每次來沙田都會吃, 有些水準是不錯的.午餐不想吃太多肉類, 所以只小點了幾支吃魷魚三文魚串燒 (HKD$32)一支只有2個, 但份量頗大的. 魷魚圈內塞了一大舊三文魚. 三文魚燒得有點老, 覺得其實半熟會更加好吃, 不過三文魚味都幾濃郁. 外面的魷魚圈有點韌但肥美. 這個比上次來的時間失準了一點. 牛舌串 (HKD$11) + 鱈魚棒 (HKD$9)牛舌串肉質有點韌, 但肉味濃, 都幾有趙頭. 鱈魚棒看起來份量好像很大, 吃下去味道很彈牙, 口感有點像魚蛋但更軟棉一點, 加上醬汁甜甜的, 吃起來不錯又頂到肚.食物水準不會太差的, 當時未算十分出色, 除了那個 魷魚三文魚串燒感覺比較貴之外, 其他的價格都算是合理, 可以番吃再番吃~

朝早去左文化博物館, 中午係新城市搵野食, 叫左1個照燒牛肉卷, 收銀員話等~6分鐘見到佢一個牛肉卷用左兩串燒牛肉, 比想像之中多, 淨叫一串燒牛肉要$12！$24咁大件, 仲有大大件新鮮蕃茄, 青瓜, 仲有沙律醬！ 牛肉好好味,新鮮夾抵食, 仲好juicy！食完一件都唔洗再食野啦

平時下午至晚上的時間通常都得好少位,要等5-10分鐘,咁岩今次去一田,順道去拜會一下,去到咁岩無咩人,大把位,然後就去左叫2串牛肉串(因為去左對面商場食完拉麵),大約等左6分鐘就燒好,然後就開始品嚐一下,色香味區存!一咬落去就有好多肉汁,齒甲留香,外脆內嫩,十分美味,一試難忘!

每次去沙田都會諗起炭燒煙肉年糕，總係會拜訪燒烤屋一次。上次年糕燒到外脆內軟，再加上香噴噴既煙肉，簡直係絕配添啦!!!雖然今次燒得無咁耐，無咁脆。但我都會比機會佢。因為佢往績太好

飯前見有少少肚餓，行去一田果陣經過燒烤屋，見到d串燒又幾新鮮，而且食串燒又唔會太飽，於是叫左燒雞腎、雞心同埋尤魚。由於係即燒，都燒左10分鐘左右，新鮮熱辣好好味

今日同男朋友係沙田行街行行下口痕就去咗食呢間燒烤屋....佢分兩邊,,一邊係賣甜品,,一邊就係賣燒烤食物我地最後揀咗個帶子~佢即時燒比客人~個廚房一眼望晒...STAFF一係就係整緊甜品,,一係就燒緊野食好多串燒~呢個就係我地個串帶子LA~佢ARM ARM整起熱辣辣,,夠晒鮮甜海鮮最緊要就係夠鮮甜呢串帶子就做到了~最緊要一點係....佢冇雪藏味所以真係值得一試GA~

燒烤屋D野其實幾好味....特別係年糕不過食野果陣就真係要關上耳朵.....如果唔係就一定後悔一田話曬都係日本超級市場...入面GE餐廳相信係有信心GE保證....只可惜用人不當食野果陣不時會聽到2個男仔係入面講粗口....仲不停咁咒D食客真係當人係聾><唉~話曬都係客..使唔使咁呀...

燒魷魚三文魚串好味呀, 個燒烤醬汁好野味, 最最最好味係D三文魚, 好大一舊, 好juicy, 好滑, 真係好味過去餐廳食的燒三文魚呀!!! 最頂部分的魷魚好好味, 不過圈圈部分就有少少韌, 可能係燒得有D過火, 不過味道都仲係唔錯。其實呢次我已經有叫阿姐唔駛燒咁耐, 所以D三文魚先可以保持咁Juicy, 大家想食Juicy D的三文魚就記得提阿姐唔駛燒咁耐啦!

其實我去親沙田都會黎燒烤屋食crepes;因為真係好抵食=D咁岩呢幾日一田都做緊大減價..我同媽咪當然吾汁輸啦去掃下零食睇下衫等等等等.....放左學就即刻趕去沙田同媽咪會合;為左吾想浪費行街既時間;D於是去左燒烤屋買Pancake醫肚就算..一人買左一個 適逢Tuna Salad Pancake係大減價期間有特價..$22-->$20買戈陣吾係好多人..等一個order之後就到我地..一路睇住佢整..見佢落D Tuna都算幾多~0~起碼食落係啖啖肉的^0^生菜幾新鮮仲幾大塊~加埋幾塊青瓜;食落有咬口~yummy;P

經過呢度，突然想食Ｄ特別少少既野。於是二人就點左一個燒牛肉班戟（２２蚊），一個燒雞肉班戟（２２蚊）。班戟都等左成二個字…燒牛肉班戟，裡面有４片既燒牛肉，有Ｄ蕃茄、生菜、青瓜。燒雞肉班戟，係我朋友食既，裡面好似有兩舊雞肉，應該係一塊雞扒切開兩邊，同樣有生菜、青瓜。響等待其間，我地再點多兩串墨魚咀串燒（每串９蚊）。呢個ＯＫ喎！燒出黎就變得好細粒，但都幾好咬其餘Ｄ串燒都成十幾廿蚊，都相對其他野食算幾貴～

有d肚餓.眼見d串燒好似好正.所以同個fd叫左1人1串墨魚咀串燒.睇住佢燒真係幾得意XD.上台個時.嘩好香啊.一咬落去..每粒都有汁爆出黎.仲有好香既燒汁味上次同個fd試過食牛舌.我個人認為墨魚咀爆汁.牛舌就鮮甜

在附近的宜家吃過經典的肉丸後，來到新城市廣場，路經此處見有串燒賣，口饞之下叫了一串「串燒牛舌」吃。這切得薄薄的「串燒牛舌」是捲成S型來燒的，大約等了5分鐘左右便可以吃得。味道方面，因為這牛舌是鹽燒的，所以味道都不錯，不過口感卻欠佳，肉質太韌，完全欠缺了牛舌的軟腍質感。其實這裡的串燒款式不算太少，除了一般的串燒選擇外，也有一些較為特別的款式好像「魷魚三文魚串」等，不過這次幫襯純屬意外，根本就沒有打算在此大吃一頓，假如要試真這裡的各種串燒款式是否及格，就要留待下次了。