燒洒一族

營業中

休息中

二人餐都好抵食呀，食肉獸請mark低怒啪😎。・・・・・・・・・・・・・・・・・・・・🐷 精選二人餐 HK$169.2 (熊貓外賣價)・味道：豬手嫩滑入味，炸皮香脆～黑糖烤豬頸肉油香十足，豬頸肉外皮烤到啲糖半燶狀態好正👍，點樣做到就算凍咗，even第日叮返熱食都唔油膩嘅呢🤩？猛欸～酒醉溏心蛋好重酒香，溏心就可以再多啲。・口感：薯片級脆脆豬手皮好好食omg。豬頸肉外脆內嫩😚，yum yum。・・・・・・・・・・・・・・・・・・・・🤰性價比：高～🤰9衝度：9衝～🤰結論：已榮升肚波屋企最新飯堂XD加餸又係佢，單食又係佢，掂。・・・・・・・・・・・・・・・・・・・・

醉薰蹄- 薰蹄厚薄適中，咬落去皮是爽口彈牙，肉有好濃的花雕酒味，但不算好入味。食落味道較單一，有幾粒杞子，但冇乜杞子味。份量夠多，每塊都是完整的，不會是頭頭尾尾。- 包裝美觀，薰蹄充斥滿整個樽，宵夜加餸一流。

呢間位於樂富街市嘅燒洒一族，$32有多款唔同嘅燒味飯，全日供應，非常抵食！除咗抵食之外，食物質素亦都高！叫咗蜜味雞髀飯及黑糖烤豬頸肉飯，飯夠多，飯揀咗豉油，配菜西蘭花🥦、椰菜花、紅蘿蔔🥕等蔬菜。蜜味雞髀飯大大隻，而且啖啖肉。蜜味夠入味，雞肉好滑！黑糖烤豬頸肉飯、豬頸肉肥瘦適中，而且肉質腍身甜甜哋好正！另外仲叫咗自家制燒腩仔$48，呢個性價比超級高，非常新鮮! 燒肉皮卜卜脆，燒肉腩位啖啖肉，好juicy! 另外買咗酒醉海蜇$45及酒醉豬手粒$45今晚宵夜食！海蜇非常之入味，有花雕酒香。海蜇爽口！豬手粒都相當好食！呢度樣樣都唔錯，買返屋企食超級正！煮飯加餸都好啱！

雖然媽媽很努力每晚都會煮飯，但有時都會想減輕下她的辛勞。最近發現了很好的加餸選擇，就是西式燒味及酒醉系列。酒醉系列選擇非常之多，可惜購買當天最熱賣的醉海蜇已經賣完了，最後就選擇了醉薰蹄和新產品的醉鴨舌。酒的味道調得剛好，陣陣花雕醉香，而且浸製得相當入味。鴨舌超級大隻，跟我手指一樣長。薰蹄亦比起一般燒味店的厚一倍有多，啖啖肉好滋味。德式燒豬手的皮非常香脆，肉嫩不太鹹，份量非常滿足。放入外賣盒後，店員都有細心提醒暫時不要封口，因為豬手還是暖暖的，要不然就會腍了。原隻豬手仲有大大舊豬骨比媽媽煲湯，十分抵。惹味香辣烤雞脾都很不錯，大大隻嫩滑雞脾，香辣的口味有點像印度的 ᴛᴀɴᴅᴏᴏʀɪ ᴄʜɪᴄᴋᴇɴ 🤣。酒醉薰蹄 $45。酒醉鴨舌 $88。德式燒豬手(大) $88。惹味香辣烤雞脾 $22/隻

加餸必選！脆皮肉嫩豬手，懶人最愛切埋畀你🤭・・・・・・・・・・・・・・・・・・・・🐷 德式燒豬手 特大 HK$98・味道：豬手嫩，醃得啱啱好，食哂都唔覺咸。啲骨膠原好正超加分！・口感：好L脆，薯片級脆度，咬個皮會聽到卜卜聲。・・・・・・・・・・・・・・・・・・・・🤰性價比：高～🤰9衝度：9衝～🤰結論：加餸一流，老人家都話好食唔會咸，抵食👍・・・・・・・・・・・・・・・・・・・・

呢間豬手店開到周圍都係😍咁啱去咗朋友屋企點可以兩手空空㗎‼️所以我哋就去咗街市買少少野上去加餸🥳.德式燒豬手（特大）$98呢隻豬手都真係比普通嘅豬手大，仲要啱啱出爐熱辣辣♨️外層嘅皮係脆嘅，啲肉好有鹹香味🥳佢地配黎既醬比傳統既特別，除左配上傳統嘅蜜糖芥末醬，仲有其他芥末醬.酒醉溏心蛋 $30呢度嘅酒醉系統都出名，所以今次叫左唔少既洒醉系列既野食‼️溏心蛋中間半熟，酒味好香濃👍🏽.酒醉雞卷 $45雞卷啲雞用咗雞髀肉，所以相當嫩滑😍雞肉都入酒味🥳.酒醉腎片 $45兩個字：爽口

🗣立即follow @hkfoodgasm定期爲大家送上最真實嘅飲食情報💌❗️💕 🤤💁🏼‍♀️ 評價🗣 價錢💰：🌕🌕🌕🌕🌑味道😋：🌕🌕🌕🌕🌑環境🏡：🌕🌕🌕🌕🌑 好抵食嘅燒味🤩🤩。我最鍾意食豬頸肉，依間燒味店啲豬頸肉係厚切，食落好爽口，調味唔會過重👍🏻。原先以為燒春雞啲肉質會好硬、好乾身，點知食落肉質鮮嫩，啲雞皮唔會太重油脂🤤🤤。豬手好大隻，連外賣盒都蓋唔曬😻😻。豬手外皮好脆身，雖然食落有少少鹹，但都好好味😋。🍽德式燒豬手： HK $88🍽️香草法式燒春雞： HK $65🍽️黑糖烤豬頸肉：HK $48

🤩朋友仔約咗上嚟屋企玩 但收工個人好攰又冇時間煮飯🥲見到呢間西式燒味款式新穎 望落去非常乾淨衛生 佢哋掛喺度嘅德國豬手勁吸引 燒味有得即場翻熱仲有好多酒醉小食系列 忍唔住揀咗好多樣嘢試吓🥳-德式燒豬手 份量非常大 適合多人分享外皮燒到金黃酥脆 睇見已經覺得正 每舊都係啖啖肉味道唔會太鹹 呢個推介大家一定要叫😍黑椒燒鴨胸肉質軟冧 黑椒味好濃另外買左德式香腸、香茅烤雞扒 味道都唔錯👍🏻-冷盤小食試左酒醉海蜇同酒醉雞卷酒味啱啱好 帶有少少甜味 海蜇吸滿湯汁爽脆口感非常開胃 雞卷大大舊 同樣非常入味整體試咗咁多樣嘢都係好食冇伏朋友們都讚不絕口 加上價錢非常親民下次喺屋企聚會都可以再黎呢度加餸 試埋其他嘢😋好味評分😋：5/5🌟🌟抵食指數🤑：5🌟/5 🌟🌟價錢💰：巨型德式豬手 $98 黑椒燒鴨胸$25 德式香腸 $28 酒醉海蜇 $45 酒醉雞卷 $45 地址：燒洒一族 樂富聯合道198號樂富廣場街市406號舖

✨德式燒豬手(特大)攞上手仲係熱辣辣 豬手幾大隻好肉 皮鬆脆 肉質結實 帶少少筋膜油脂 幾有咬口 味道鹹香 拎返屋企送啤酒一流✨酒醉雞卷雞卷啖啖肉 皮薄爽彈 肉質軟腍好入味 味道微甜 帶濃郁酒香 相當唔錯✨酒醉薰蹄份量都唔少 薰蹄有切片同切粒兩款皮爽口 肉質結實 一樣好入味清爽開胃 做小食唔錯總結：食物可以 酒醉冷盤小食有驚喜選擇種類唔少 日日加餸都冇難度 當日都眼見有唔少街坊幫襯真係夠晒方便 價錢可以 值得一試下次應該會再買多幾款冷盤小食試下

朋友叫我陪佢去買餸,去左樂富個街市度,之後見到呢間餐廳順便加料,呢度有好多燒味同酒醉系列食品,我買左一隻特大豬手,呢度豬手勁大隻,仲要即叫即切,外皮好脆,索索聲,仲有好多肉,豬手肉身好厚,另外,叫左一隻黑椒豬手,呢隻肉質好軟熟,皮既質地好有膠質,軟淋多肉,黑椒味濃郁D,呢度仲有好多人叫又平又抵食既盒裝飯盒,都係30幾蚊左右,所有食物都放響廚櫃度俾客人睇到,衛生健康。酒醉系列推介酒醉海蜇,海蜇好入味,爽脆好味。

屋企人食開這間西式燒味「燒洒一族」，完來已經開到嚟樂富廣場的街市。樂富廣場這間分店鋪面更大，仲有烤豬手出爐時間😍所有烤豬手都係店內現場製作出品，保證新鮮出爐！燒味擺放整齊，乾淨衛生，另一邊凍櫃有各種酒醉美食。😋店鋪仲提供西式燒味飯盒，學生哥嘅價錢$32起有交易😋今晚揀醉熏蹄和醉海蜇。酒味啱啱好，又唔會太鹹。熏蹄好爽吸滿酒香。海蜇腍咗少少不過份量很多😋✨蒜香南乳燒春雞燒春雞啖啖肉，蒜香南乳好入味。黑糖燒豬頸肉好似食緊蜜味叉燒，肉質柔軟爽口，一吃愛上。非常好嘅加餸選擇👍🏻也可以買半份試多幾款！

♡ 街坊加餸首選｜燒洒一族♡-今日同媽媽行街市，見到燒烤玻璃櫃嘅燒味十分吸引☺️睇到我垂涎欲滴 ～～ 😍媽媽話最近呢間燒味店都人山人海，難得今日返屋企食飯，於是就叫左幾個餸返去食😆😍一試之後，終於明白點解客似雲來！- ♡ 金牌脆皮香雞 ♡ $98呢個必定要叫 💯返到返屋企都仲係熱辣辣就算唔係雞髀同雞翼位，其他部位都係咁好食🤤外皮好脆口 ， 配埋淮鹽 加埋滑嫩嘅雞肉 我真係食到停唔到口 仲加咗一碗飯😋-♡ 慢煮醬烤豬肋骨（珍寶） ♡ $78媽媽👩🏻就好鍾意食呢個豬肋骨 醬汁甜甜地 好香 仲好惹味一咬落去 好多肉 ✌️😍唔似平時嗰啲 骨就大大嚿 肉就細細嚿🥲-♡ 香甜蜜味烤雞髀 🍗♡ $22/1 呢度嘅雞髀真係好搶手去到嘅時候已經得返一隻😆雞髀有甜甜嘅蜜糖味 真係好正！ -♡ 岩鹽烤鯖魚柳 ♡ $25鯖魚好滑 呢個價錢嚟講，真係幾抵食😋-♡ 傳統烤特色香腸 ♡ $28/2條香腸都幾長 ～ 食落去好多肉汁 👍-❥ 店舖仲有炸豬手 勁大隻！ 😍 仲有好多酒醃食品，下次再嚟加餸先🤤#⇢店鋪資料：燒洒一族 (樂富)樂富聯合道198號樂富廣場街市406號舖#-#樂富 #樂富美食 #樂富廣場 #

去到街市除了買餸煮飯，更可以買燒味加餸！今次去到樂富街市，發現一間小鋪提供一系列烤焗燒味及冷盤食品，選擇豐富，價錢亦十分親民，絕對是夜晚加餸必買！🐷德式燒豬手 German Style Pork Knuckle ($98)份量超多，連外賣盒都裝到滿瀉！豬皮燒得極香脆又煙韌，豬手肉嫩，充斥著滿滿的骨膠原，令人垂涎！另外外賣盒採用開蓋設計，可以幫助疏氣，所以回到家仍然香脆熱辣辣！🦆蜜糖黑椒煙鴨胸 Smoked Duck Breast with Honey & Black Pepper ($25)鴨胸鮮嫩，肥瘦平衡，口感豐富！煙燻味香濃，後勁食到絲絲蜜糖甜味～🍗酒醉花雕雞 Drunken Chicken ($50)用上糟鹵、冰糖、雞湯、再加入杞子浸泡的酒醉花雕雞！雞肉保持嫩滑，酒味極香，超入味！🥚酒醉溏心蛋 Drunken Soft Boiled Egg ($30)喜愛食蛋的人表示十分推薦！一份4粒，蛋黃及蛋白都是完美的半熟狀態，滿口酒香味～

都市人OT係常識，經常我都無時間煮飯，又諗唔到煮咩，街市買現成加餸係最方便😇。樂富街市新開招牌德國豬手專門店🍖，廚櫃見到有一隻隻豬手仲有新鮮出爐時間，另外西餐廳食到既燒春雞、豬肋骨、鴨胸等等，都可以外賣返屋企慢慢食😋 .ᐟ◮ 德式燒豬手（特大）$98 ⧫ ⁸ ⁄ ₁ ₀份量好多，外皮燒到超脆，肉質唔柴，好入味，陪上蜜糖芥末醬，第二日食同樣好味😋.ᐟ◮ 法式香草燒春雞 $65 ⧫ ⁷ ⁄ ₁ ₀ 原隻燒春雞醃多種香草，好好味，即食可能嫩滑啲，翻煮後唔會韌.ᐟ◮ 黑糖燒豬頸肉 $48 ⧫ ⁸ ⁄ ₁ ₀最推薦，肥瘦均勻，肉質緊緻爽口嫩滑😙

近年翻新到好靚好乾淨好好行嘅樂富街市最近留意到又有新店進駐, 係一櫃都係燒味嘅燒洒一族, 我同屋企人喺附近已經聞到好香嘅燒肉味🤤, 店內仲有個雪櫃擺滿酒醉style嘅美食🤤, 都係40幾蚊就有一大皿, 價錢非常之親民呢!🐷德式燒豬手必食推介之: 脆到無朋友德式燒豬手, 店家隻隻豬手都勁大隻, 返到屋企未開飯偷食一件先, 燒到金黃色嘅皮勁脆, 豬手嘅肉味道夠哂豐富. 大家一齊食時都讚好正呀! 完全係外脆內軟, 鹹香滿滿, 秒清. 順帶一提店家有個勁大嘅焗爐仲有出爐時間呢.🍺酒醉薰蹄抵食之選嘅酒醉系列, 一打開蓋陣陳花雕酒香飄出, 一塊塊厚切嘅薰蹄倒出黎都有成個碟. 豬皮夠哂爽彈, d肉一咬就食到, 送酒一樣正.🍺酒醉雞軟骨爽脆雞軟骨, 充滿酒香, 我鐘意佢唔會好細粒, 同埋每粒雞軟骨都有肉食個下正. 店家足料制作, 屋企人都話下次要encore, 買2樽減5蚊真心抵.