燒味滷師 (鴻運中心) (已結業)

路過見到大大塊招牌寫住$20盒雙拼燒味飯，即刻買兩盒返去，買餸煮飯都唔止$20，再加餸買了4份1隻燒鵝下庄都係$110，半斤叉燒$40，超級抵食至尊燒鵝 上庄 $110肥瘦均勻，外脆內嫩，入口鬆化 吃起來有濃濃香味，特別好味燒味佬叉燒 $40叉燒的肉質鬆軟，多汁，香甜而美味，而且仲係半肥瘦添叉燒切雞飯 $20$20一盒雙拼飯，仲要大大盒飯，叉燒切雞份量仲好多件，好抵食叉燒燒鴨飯 $20鴨件仲有4，5件，大大件，真係超級街坊價錢見到仲有好多滷味賣，下次再試下先

今晚去燒味滷師加餸斬料😃至尊燒鵝上庄$110熱辣辣嘅燒鵝，燒得紅卜卜，香噴噴，皮脆肉嫩多汁，🦢鵝肉先甜，味道調較得好好👍，骨都入晒味，超好食😋😋😋燒味佬叉燒，招牌嘢叉燒，燒得立立令，蜜汁叉燒肥瘦均勻，食落冧滑，一啲都唔韌，淡淡甘香，蜜甜，必食，值得推介🥳🥳🥳雙拼飯就更抵食好食😋切雞，叉燒雙拼飯特價$20，大大盒，有少少汁，有少少薑蔥青菜，零舍開胃，一盒飯都夠兩個人食，👍👍👍燒鴨叉燒雙拼飯都係特價$20大大盒，燒鴨燒得皮脆肉嫩，多汁，超好味😋，叉燒冧滑多汁，蜜甜可口美味，好抵食喔😃😃😃

我不嬲都鍾意喺呢間買燒味 已經幫襯過好多次 竟然開到入元朗 實在太好了 非常之近我煮飯煮到唔知煮乜好 今晚決定斬料食燒味 返屋企慢慢歎我每次都必叫佢嘅燒鵝 食咁多次都冇令人失望 真係皮脆肉嫩 每日新鮮自家製作 肉汁多而不帶腥味是上品 配酸梅醬食用超夾。叉燒簡咗半肥瘦 燒到有少少燶邊最好食 賣相好吸引 顏色紅卜卜增加食慾 掛滿厚厚嘅蜜糖汁 甜而不膩 肉質很淋很軟熟另外叫咗兩個燒味飯 無論選擇單拼接或雙拼都係20蚊 份量絕對充滿驚喜 滿滿的一盒燒肉雞飯 好鍾意食佢嘅咸雞 鹹鹹香香好餸飯 雞皮好爽口 雞肉好滑嫩 燒肉個皮仲係脆卜卜 好似食緊薯片咁 好香口 薑蓉拌飯零舍開胃叉燒燒鴨飯 件件叉燒都係厚切 食落啖啖肉好滿足 燒鴨醃製得非常入味 又唔騷 雖然個飯盒好平但係賣相一流 有啲師傅會好求其 求其將啲飯將啲配料擺埋一齊就算 這家不但便宜 製作還非常用心只要你想出各式各樣的燒味製品這裡也有提供 下次一定要試佢嘅燒排骨 同埋蜜汁雞翼 賣相真係非常吸引另外還有提供已經製作好的滷味小吃/涼拌美食 全部已經分好一包包 可以即買即食 真係好方便 重點係價錢夠平68蚊一隻雞 可以去邊搵 真係平到笑55蚊燒骨

之前已經有食開嘅「燒味滷師」，鍾意佢的滷味水準穩定，而且衞生企理，價錢合理。不過最初只有九龍有開店鋪，近年分店越開越多，連屯門都有。直至最近發現元朗都有分店，當然一定要去朝聖一下。然後家姐就趁住星期六放半日假，就出咗元朗買燒味。今次選咗大家至愛嘅《燒鵝（下脏）》（$120），燒鵝肶啖啖肉，一定冇得輸，入口肉嫰，一的都唔鞋口，而且夠入味。《义燒》（$40/半斤），可能師傅見係女士，加上又一時日忘記同師傅講要半肥瘦义燒，所以今次師傅選咗瘦义，其實义燒真係要半肥至夠正。不過佢哋嘅瘦义燒一樣ok 嘅，而且落足蜜糖，入口夠曬甜。然後見到雙併燒味飯盒都只係$20， 所以一於叫多兩個飯《义鴨飯》、《义雞飯》做晚餐，今晚可以連飯都唔使煮。雖然只是$20，不過都份量十足，仲要有條菜跟，認真有誠意。全部埋單啱啱好兩舊水，有飯，有齊雞、鴨、鵝同义燒，真心好ok la !

今日工作完後,要趕回家準備 和友人食晚飯一聚~趕時間去街市買餸,冇時間慢慢食lunch,就外賣燒味飯盒~見到 新開張的 燒味滷師 舖面整齊+價錢超值,便外賣了飯盒和燒鵝、叉燒 加餸~外賣飯盒：叉燒切雞飯+叉燒燒鴨飯小時候食的叉燒,比較濃味.今日試的叉燒,又不太濃味,但有「叉燒」香味,味道剛剛好！切雞沒有「死咸」,燒鴨 夠味 ,$20一盒,實在係「超值」！至尊燒鵝：揀了「上莊」,有小時候和爺爺到酒樓食的美味,皮脆、肉香,友人H試過都讚不絕口！燒味佬叉燒：揀了半肥瘦,唔會啖啖肥膏,味道又不太濃,不錯啊！感覺上 現在的燒味比小時候 進化了~欣賞店面乾淨整齊,又有蓋子遮蓋食物,沒有油膩膩的觀感~小時候 食燒味,總是感到口渴,食完又要勁飲水~但今次又冇呢個情況~下次再試試滷水~

今晚媽咪冇煮飯，落咗樓下買燒味飯，因為真係平到冇人有！$20就有雙拼飯😳😳😳叉燒切雞飯 $20叉燒半肥瘦，真係好好食！脂肪味好香，另外切雞都係高質，師傅俾咗雞髀我，所以肉質軟滑，我自己食嘅時候鍾意咬少少皮，因為好香送飯一流。飯嘅份量都好多，我夾咗少少出嚟聽日帶飯。叉燒燒鴨飯 $20容許我講多次，雙拼飯真係好抵，差唔多10件叉燒，六件燒鴨，女仔來講根本就可以分兩餐食😱😱😱呢盒叉燒幾靚仔，因為半肥瘦，食落去脂肪好香！叉燒 $40因為聽日帶飯，所以買多咗啲餸，成盒叉燒都好靚，切到一片片大細均勻，咬落口好林身。蜜糖汁份量夠，我最鍾意食甜叉燒😳❤️1/4燒鵝 $120燒鵝皮脆口，全部都係即刻燒，咬落去肥膏唔多，所以唔使擔心太肥膩，仲有啲梅醬汁，燒鵝沾上真係好好食！

製作叉燒時，🐷豬肉表面會塗上紅色的叉燒醬，所以烤好的叉燒🥢帶磚紅色非常吸引！叉燒醬製作用心，❤加入生抽、蒜蓉、麥芽糖、👍米酒等，食落香氣四溢。質素上佳的叉燒，😍肉質咬起身軟嫩多汁，色澤鮮明，✨新鮮吸引。師傅通常選用梅頭（豬肩）肉製作叉燒，🤓今次我揀咗「半肥瘦」，以肥、瘦肉比例均衡。叉燒不但可以按重量單叫，🍚亦可配上白飯，雙拼作為叉燒飯。因為都可以揀多一款燒味。我選了拼豉油雞，肉滑鮮嫩。

放工去搭車經過巴士站附件見到新開了一間燒味滷師，新張優惠，燒味又平，所以斬料返屋企開餐。燒鵝上庄都是$110，份量十足，鵝皮香脆，有些皮下脂肪，鵝肉嫩腍多汁，而且無雪氣味。叉燒半斤$40，去到既時候剛出爐，掛滿蜜汁，還要是我至愛的燶邊叉燒，半肥瘦叉燒嫩腍帶蜜汁香。另外買多兩盒雙拼燒味飯，$20/盒，超大盒。叉燒拼燒鴨都幾多燒味，燒鴨不會太乾，有油脂香。叉燒拼切雞走油，切雞皮薄少雞油，可以連皮食，雞肉都嫩滑有雞味。

已經幫襯咗好多次，之前就買屯門深水埗嗰間都食過。今次去朋友屋企，就加料，買咗燒鵝叉燒同埋兩盒燒味飯。燒味飯單拼或者雙拼相平都係$20，好抵至尊燒鵝上裝 $110 。皮脆肉嫩。絕對對得住呢個價錢，門面乾淨整齊，中午時間人流都幾旺，返到朋友屋企食都仲係熱辣辣，店員好醒目加咗豉油汁喺底。叉燒$40 一打開個盒見到好大份，自己買豬肉整，花心機。呢度買抵呀。另外買咗兩個油雞雙拼飯。$20 一個飯盒真係仲抵過食大集團午餐。