燒味家族

營業中

休息中

係附近返工，咁啱經過大南街，見到$28雙拼飯，經濟實惠，於是買左個叉燒燒肉飯一試。返到公司食，唔知係咪用紙盒裝既關係，D飯有D唔夠熱，好在夏天唔使食咁熱，冬天就的確爭D。燒味方面，燒肉係用燒腩仔，並唔係比D頭頭尾尾你，叉燒就半肥瘦，隻汁偏甜$28這個價錢，絕對是午飯的好選擇。

星期日剪完頭髮後, 順便去燒味家族斬料, 晚飯可以加餸.這裡除了平日常食的燒味外, 也有幾款較為特別的款式, 包括芝士拉义燒, 招牌燒豬手和脆皮燒腩仔配蜜糖芥茉醬.由於我鍾意食豬手, 所以外賣這款返屋企.你可以選擇原隻豬手, 但我就叫佢切埋.返到屋企, 我就試下. 豬手都算大隻, 份量都幾多. 隨盒附有醬料, 包括芥末醬和蜜糖芥末醬兩款.因為我屋企沒有焗爐, 返到屋企, 豬手皮已無乜脆. 若想豬手皮鬆脆, 可以放入焗爐焗10分鐘, 這樣食外皮夠脆.雖然外皮不是太脆, 但豬手較瘦的位置幾嫩滑和咸香, 啱晒我的口味. 若然豬味再多一點會更美味.我特別鍾意佢的蜜糖芥末醬, 芥末醬幾突出, 點上豬手, 一咸一辣雙重味覺.另外, 我會用豬手配烏冬一齊食, 因為烏冬我只放了少許雞粉, 配上較濃味的豬手味道就剛剛好. 而剩下的豬手骨也不會浪費, 滾菜湯時可以加入去一齊滾, 令湯更鮮美.

因事晚上路經太子，趕著接bb回家，家中什麼吃的也沒有，這時候通常斬料最方便。家人想吃蜜糖芥末燒腩仔，但當天售罄，就要了燒豬手。老闆好好人，送了一包蜜糖芥末醬給我交差。家離太子甚遠，沿途乘車香味四溢，又正值放工繁忙時間，真有點不好意思令周圍的乘客餓上加餓呢…紙盒可入微波爐，幾方便。當然最好趁熱食，可惜當晚原來所有家人返夜班，無法在最新鮮時候享用。但家人仍大讚好味，相信新鮮時皮會更香脆！而蜜糖芥末醬更不是一般貨色！有機會再經過必試燒腩仔！

家人不時會買燒肉, 叉燒, 燒鵝, 燒鴨... 回家，我們食燒味經驗尚算豐富：p 所以不得不自誇我們對燒味類要求蠻高 : )是日，試下太子「燒味家族」燒腩仔~比較特別除配有大路黃芥末之外，仲附有「蜜糖芥末醬」。脆皮燒腩仔價位：-$98 （1斤）$52 （半斤）味道方面，調味岩岩好，不會覺得咸 可惜燒肉皮不脆身，肉質沒有甜味，最差的地方不在於皮不夠脆，肉質不夠甜，而是食落肉質有種異味，應該是肉質問題呢 ，需要注意及改善。至於，醬汁方面配蜜糖芥末醬是很有新意，值得一讚。

趁住母親節筆者決定親自下廚整返餐好既俾媽媽但老實說在廚藝有限的情況下筆者決定以特別的外賣美食搭夠素來聽說燒味家族的外賣燒味馳名所以決定到太子的燒味家族斬料加菜作為全港首間新派燒味外賣專門店燒味家族以傳統，創新，好味道為理念(從他們的招牌已能看到相關字眼了哈哈)原來每份燒味都是他們親自腌製加工比一般燒味店以苟且功夫製作燒味大有不同燒味家族以傳統燒味配合創新思維製作所以其新派燒味亦以創新形象深入人心店鋪地點便利在大南街的街口轉角位非常易搵 一眼就望到加上有大大塊霸氣招牌絕對不怕找不到呢哈哈媽媽鍾意芝士芝士拉麵芝士炒飯等筆者全部帶她吃過但由燒味家族首創的芝士拉叉燒就未試過事實上筆者老早聞名他們的芝士拉叉燒$68夠特別以五重芝士配以軟淋叉燒包括cheddar cheese, mozzarella cheese 和ricotta cheese等這個配搭絕對能令人食指大動當然要買返屋企試下店員詳細講解兩種烹製方法微波爐加熱兩分鐘 或 平底鍋慢煮兩分鐘兩種方法同樣能做出滋味講解詳盡 而且一直面帶笑容彷彿上了一課烹飪班呢當然 燒味家族除了叉燒外亦有豬手燒腩仔等燒味食品不但款式選擇多值得一讚的必定是店舖

路上行人均對這燒味店行注目禮 , 究竟它有甚麼特別的地方 ?看清楚一些 , 舖面上貼了告示一則 : " If MEN want Beers , please go to left Because WOMEN are always RIGHT ಠ~ಠ (unamused face) " 原來燒味舖位左邊的一角是專為「所謂」喝啤酒男士而設的 , 售賣生啤及脆炸口果 ( 炸蝦、炸洋蔥圈、炸雞粒 等等) 雜食 ; 然而右邊 ( 亦即是 「永遠正確」的一邊 ) , 售賣的是維持一天能量所需的食糧 。 寫明「師傅三十年經驗．自設工場．每天新鮮運送．品質保證」 單拼 $ 26、雙拼 $ 28 , 還可加錢選配 side dishes 及飲品 , 若嫌普通燒味單調 , 燒味店也推出了三款較為特別的燒味配搭 : 芝士拉叉燒、招牌燒豬手、脆皮燒腩仔配蜜糖芥末醬。 我就選購了一份價值 $ 68 的「芝士拉叉燒」回家裏去。韓國芝士排骨應該有很多人也吃過 , 但是「 芝士拉叉燒」這回事卻是由香港所創。 買回來的叉燒屬半肥瘦 , 一盒切開 8 大件 , 跟配一碗集五種芝士 , 包括 cheddar、 mozz

鹹香惹味的燒豬手，伴飯吃一流。是晚，多得友人的寵愛，送上一隻德式燒豬手加餸，小妹與家人有口福了。謝謝儂﹗據說，燒豬手出品自太子的燒味家族，除了豬手外，還有芝士拉叉燒、貴妃雞、豉油雞、燒鴨、乳鴿和脆皮燒腩仔等。燒豬手以白色紙盒載，附上兩小包黃色芥醬和一小兜自家製乳白色蜜糖芥末醬。打開紙盒，鹹香味撲鼻，豬手色澤嫩紅的。豬手切得大小不一，皮肉分離，部份則欲斷未斷。刀功，明顯沒有小妹附近那家燒味店來得清脆俐落。挾一塊皮放入口，中間部份頗為香脆可口的，蠻似燒腩仔的脆皮；頭尾位置則較為硬實，需費勁方能咀嚼。再來一塊較瘦身豬肉，入口鹹鹹香香，且嫩滑無比。另一塊骨膠原豐富且較多肥膏，配合外層綿綿而易於嚼碎的表皮，咀嚼後滲出濃郁又複雜的醃料香，絕非只有強悍霸道的鹹香。個人而言，喜歡皮脆肉嫩味香的燒豬手。小店之作，仍有進步空間也。

放了半天假過旺角辦點事，之後去旺角寫字樓探同事班，回家前打算買點燒味加餸，問同事有甚麼好介紹。「你以前喺旺角返過工，依家竟然問番我轉頭？咪《永合隆》囉。」「呢間我知，不過想試吓新野，無喺呢頭返工咁耐，唔熟附近架步，有無更抵食嘅好介紹先。」「咁不如試吓大南街新開嗰間《燒味家族》吖，我有時放工都會過去斬料返屋企做餸，佢啲『蜜餞叉燒』唔錯，咬落好鬆軟，而且質地煙煙韌韌，如果鍾意食芝士，有款『芝士拉叉燒』，食嗰時會拉出一絲絲芝士，好棧鬼；而我老公就鍾意食佢嘅『燒豬手』，個皮好脆，鹹鹹香香，味道不俗。」「好，反正有時間，就一於行過去睇吓。」原來這間《燒味家族》剛好就在大南街街口，即小肥羊隔壁，睇嚟平日中午應該有碟頭飯賣。走近一看，除了剛才同事推介的招牌燒豬手和芝士拉叉燒外，其實店裡還有不少燒味發售，如貴妃雞、豉油雞、燒鴨、乳鴿等，仲有店員力推的脆皮燒腩仔，而且價錢都幾公道。咁就一於買斤脆皮燒腩仔 ($98/斤) 返屋企加餸。回家後還沒來不及煮飯，饞嘴的我，便先偷偷拿起一件入口。燒腩仔咬下肉汁唔算好多，而且肉質亦略嫌有點偏瘦，不過外皮脆卜卜，而筆者就尤其喜愛隨燒腩仔附送的一小盒店方自家製蜜糖芥末醬

斬料斬豬手@燒味家族太子大南街4號A地鋪很久沒回家吃住家飯, 那可兩手空空,香港人食飯加食送, 斬燒味就最方便得體。原本想買叉燒但又不甘平凡, 見到玻璃櫃後的燒豬手,未食直視其貌似對我說”come on吃掉我吧” 姐姐說剛做好新鮮出爐就以試新東西心態買回家試試看。燒豬手一份 $78皮燒到香脆, 就算拿回家也不減風味, 拿上手暖暖的，醃到整隻入味, 鹹香鹹香的送飯一流, 皮脆有點溶後的脂肪，又沒德國式那麼鹹，很到位就是了。肉質有咬口,邊位的肉肉汁會經嘴嚼後連同調味的滲出，富collagen, 有原味芹未醬，另一盒是蜜糖芹未醬，因豬手有少許鹹香，甜中帶辛的醬同吃對比很鮮明呀！條骨媽媽說不要浪費，留了來明天煮粥。 

今日放工經過見新開，於是幫襯下，買左半斤叉燒，個紙盒好靚，最正係入得微波爐叉燒叫師傅揀左條半肥瘦，入口遍淋，加上蜜汁，餸飯一流，懶懶地唔煮飯啱晒我呢啲單身人士

平時下晝食飯好小行呢邊，今日咁啱經過，見到24蚊有個燒味飯，於是就幫襯下。佢地嘅包裝同裝潢都係行新派路線，唔知又係邊個集團嘅新品牌。抵讚嘅係個盒可以入微波爐，方便我地呢啲食唔晒嘅懶人。食物方面，燒味其實好難會有驚喜，叉燒肥瘦適中，但飯太小。只需24蚊嘅價錢，在太子區可食到一餐晏，真的沒有什麼挑剔的理由了