熱戀滋味生活館 (已結業)

他逛得腳有點痛（上星期他跟友人打球的後遺症），於是決定找個地方歇歇，最後選了這間《熱戀滋味生活館》…完全被它那老土又「騎呢」的店名吸引…哈哈哈…起初還以為這裡是「情侶餐廳」，不過店內數桌食客卻大都是朋友或一家大小來的，甚至有桌是男男配搭，就算沒有「心邪」，心裡仍覺得怪怪的（也許我太膚淺了）。雖然吃飽了沒多久，不過我們仍是決定點了兩客下午茶餐，連加一及小費共約$55。分別是這個藍莓芝士餅，餐廳的menu標榜自己是「甜品餐廳」，可是味道卻平平沒什麼驚喜…還有這份珍寶腸配西多士，簡單到不得了的食物，要弄得難吃也頗困難的。餐飲方面點了凍奶茶及凍檸茶，檸茶只有甜甜的糖水味而沒有茶味，難以說服自己是在喝檸茶呢…唯一值得一讚的是店子以錫杯（鐵杯？）盛載飲料，好處是可保持溫度令冰粒不會融化得太快。最有趣的地方是店內的「波波柱」，設計既得意又特別…還有那個頗老土且俗氣的menu，我跟他說：「我好鍾意呢度個menu呀，好正～嘩哈哈～」，不明白為啥以一對「懶溫馨」的外藉中年男女作為封面？！在賣安全套廣告嗎？！另一特別之處是我們對面的食桌上放置了一個小小的玻璃缸，內裡除了活生生的小金魚外，還有一隻初時以為是龜

一月十二日﹙月﹚自綠楊翻新後，進駐了不少新食店，這裏就是其中一間。在門外看看餐牌，下午茶時間價錢都是二十多元有交易，即管一試也無妨。走入店內，內裏竟然空無一人，有點不祥預感，選了一個梳發位置坐下，有位目無表情的店員送上暖水一杯，但由頭到尾一句話也沒說過便走了。店內環境裝飾蠻別緻，看得出也花過心思，不過就是欠了一些溫暖，一遍死寂的氣氛，實在有點浪費。要了一個美式熱狗粟米沙律，凍檸茶。原先想要凍檸樂，但店員很出奇地說︰「凍檸樂？？加$8嫁啵。」本來$8不是問題，但換來一個這樣的反應，不想喝了，改了$2的凍檸茶。很快凍檸檬茶便送到，喝下第一口，可謂是一杯糖水，完全沒茶味，只有甜甜的糖水味。喝了那一啖後，之後都沒再碰過那杯凍檸糖水。終於明白為何凍檸樂要加$8這麼貴，至少品質有保障得多。不久熱狗粟米沙律送到，完全沒有驚喜自己在家亦能輕易製作的一隻熱狗。一個包，一條在街上買一包可有十條的某牌雞肉腸，一片生菜，茄汁，芥辣。當然很難不好吃，所有都是現成材料而又很現成地併在一起，但就是沒有誠意沒有特別。粟米沙律是預料的罐頭貨，加上現成的沙律醬便成。同樣，難以用好不好吃評價，但就是沒特別沒誠意，論誠意屋企

星期六例牌都是我的family day，一家人又出街搵食，老豆提議來綠楊的熱戀滋味。熱戀滋味其實與旁邊的品味人生中國廚房同屬創進集團，不過生意就差好遠，可說是綠楊坊人氣最小的一間食肆。初開業時，這裡只有三兩款木桶飯，同埋甜品供應。可能是生意難做，如今加多了不少套餐，我通通都未試過。都係叫幾個套餐大家share食，分別有馬來咖喱豬扒飯、咖喱牛肉伊麵、西班牙汁鴨胸飯及妹妹要的雞翼蛋芝士腸丁麵套餐。馬來咖喱豬扒飯，怎看也不似有馬來風味。幸好的是，咖喱汁幾香，豬扒煎得香脆，肉質頗嫩滑的，算是不錯了。妹妹的丁麵套餐，用木桶作器皿，算是有點噱頭。但質素就同茶記水準無甚區別。最好是有生菜奉送，幾清新爽口的。西班牙汁鴨胸飯和咖喱牛肉伊麵都是翻叮貨色，先講講鴨胸，其實幾韌幾"鞋"口的，好在醬汁還算惹味；咖喱牛肉伊麵叮過火了，咖喱汁已經乾晒，牛肉也失去了水份，雖然有味道，但乾柴柴咁，不甚出色。套餐有跟飲品，另加$5可以享雪糕球，我肯定唔會錯過。朱古力雪糕，質感幾實在，朱古力濃郁，是我全晚最滿意的。

今日特意拜訪呢度，個名真係幾特別既。一入到去可以自己找位坐，自己睇下個餐牌，都好似幾好食咁。今次食沙嗲牛肉烏冬，飲凍朱古力。坐左咁耐，可以一杯水都無既，原來要自己幫佢地買支礦泉水。使唔使小家成咁呀，最簡單既野都唔提供。個沙嗲烏冬用個木桶載住，沙嗲醬仲要未撈勻。份量都係普普通通啦，肥牛都唔算太差既。但我覺得份量真係要多小小會好點，而且沙嗲味唔係太濃，我覺得好似飲緊清湯咁。凍朱古力就飲第一啖都唔錯既，唔知點解越飲越甜。不過都好過勁淡既凍朱古力啦。總括而言，服務真係麻麻。因為侍應都唔會成日見到你，服務又無乜特別。最重要既係連杯水都無，我估好難有下次架啦。俾面個烏冬，俾個OK啦。

介紹健康飲食的店鋪....餐蛋麪+生菜+滷水雞翼套餐:三樣都很普通，餐肉質有點怪、生菜冇味，雞翼肉質太硬冇鮮味，像是雪藏了很久似的。咖喱豬扒飯:咖喱太稀，沒甚香味，豬扒肉質又是太硬冇味，不合格。難道真是「健康飲食」就不可以做得好一點嗎？...又不如專心一些做好甜品吧！

特地到荃灣拜訪熱狗之家，但原來小店週日關門不做生意，才改去同為熱字頭的熱戀滋味生活館。 在綠楊坊內算是人氣最低的食肆，照去只因不用等位。環境都算舒適好坐，但不知為何開張不久已經多處出現污跡?其實餐單甜品選擇頗吸引，不過到櫃檯一看就失去興趣，還是正經吃個午餐。點了馬來咖哩豬扒飯，咖哩味香但質地頗稀頗水，一點馬來風味都沒有；不過豬扒煎得香脆，肉質豐腴又彈牙，倒是不錯的，額外附送的青綠唐生菜也為這頓增添健康氣息。另外一樣不明白，堂食為何給予即棄筷子呢?感覺很是古怪，最近看新聞更得知這是不健康呢!聽其他食客講即磨咖啡不錯，餐後點了一杯享用：新鮮泡起的咖啡，熱辣辣夠甘香，但烘焙過度有輕微燶味，感覺略偏苦。其實跟餐可以加$5享用雪糕，可惜沒有雲尼拿味，不然就可中和咖啡苦味。　其實今次經歷比我預期好少少，給個OK。

次次經過都係去食板前~今次去左試呢間既甜品~!南瓜三兄弟!包括有南瓜露+南瓜布甸+南瓜果子~南瓜露超好味!!!好清甜既南瓜味~~~熱辣辣!!!好正~南瓜布甸...好失望...只係普通既西米布甸..唔好味...南瓜果子~外型好可愛~! 但味道麻麻...~仲叫多件迷你南瓜蛋糕!!唔錯~唔算好有南瓜味~但都ok~

昨晚跟妹妹及朋友食完飯, 唸住去呢間野食甜品, 見佢裝修ok應該可已一試, 無唸過就咁"賴野"我地原先想試1. 番薯糖水- $10 (我吃) 2. blue berry cheese cake + new york cheese cake - mini cake $8/pc (妹妹及朋友吃)我地一坐低, 餐廳只得數張臺有人, 唔算多人, 只見到得一個金毛waiter, 但暫眼已唔見人……. 等o左好耐無人招孚, 我朋友忍唔住就走出cashier counter, 唔知點樣跟住只見我朋友自己攞o左一盤(3件) cakes及一碗糖水返lei, 咁都得? 家暫係麥記咩自助? 朋友無講野, 佢都好扺得唸幫o個個唔知做D嘜咁忙o既waiter送餐, 比我我真係唔走就奇!野食一到, 嘩……朋友話MINI CAKE 一定要買3件, 果三件所謂既CAKE真係“留”, o係cake上面o既生果睇落去“乾爭爭”, 見到都唔開胃, 個粒士多啤梨係o向街市10元一大盒個隻質素個D law……..基本上cake上面o既“生果”都太嚇人, 妹妹及朋友都無食, 至於MINI CAKE o既味道真係難以形容佢地話--

今晚又嚟呢間食,要麵醬帶子紅米飯,配生菜豆漿.好健康的一餐,紅米夠健康,帶子係海鮮,唔會肥.白灼生菜,全個餐都冇味冇道,就係貪佢夠健康.最好味杯豆漿,因為有甜味有豆味,仲有一層(衣)喺面呢!

早幾天與幾個朋友到這間食肆,發覺我們所點的幾款食物都完全不好吃:包括所有蛋糕(街邊普通的麵包鋪也比它好吃),湯不好飲(好像飲水比它還好),最基本的飯也不行.其實這些也是其次,服務態度差是我們主要不滿的原因,有一個不像是香港人的女待應,嘩,她的態度差到連我一向好脾氣的朋友也忍不住發火,大佬,我比錢食飯,為什麼還要受你氣呢?

睇到網上的介紹而來, 呢度地方裝修幾可愛, 坐得都好舒服先來個老火湯, 好真材實料, 好正! ($35)個木桶飯呢($38), 老實講, 冇特別, 冇調味、煮法可言..... sell 健康咁係咁嘛?根本係一個蒸飯only, 我都唔係好明擺入個木桶度做乜?反而跟餐o個杯豆漿好正, 好濃豆味!好彩戲肉係食甜品, 呢度有好多好得意o既甜品o架,我o地點o左「南瓜三兄弟」, 老公都讚好好味! ($2x)如果係為o左食甜品, 我覺得可以一試~d 飯就真係無為試喇, 去大排檔$15 個盅頭飯仲好味過佢

見間間食髟都咁多人,想快快醫肚,唯有再進此店.每日兩款木桶蒸飯,就要哂呢兩款.大澳蝦乾勝瓜肉鬆木桶蒸飯及麵醬茄子美國肥牛木桶蒸飯.兩款均有生菜一碟及豆漿一杯.大澳蝦乾勝瓜肉鬆木桶蒸飯,我選紅糙米,有大澳蝦乾四隻,勝瓜四舊,肉餅紅米飯.好餸飯,好食.生菜清清地,健康餐,加埋杯豆漿,正!麵醬茄子美國肥牛木桶蒸飯冇試輝的,唔知.飯後甜品要一碗南瓜露,一碗紫米露.兩款都好味,OK啦!在進餐時,聽到有客要求杯水食藥,但此店冇水供應,幫佢買支就有.另外有好多食品都話冇,賣哂,乜都冇,百冇,好趕客噢!

酥皮燉奶係幾好食，好香但個木桶飯呢...我叫的是<麵醬茄子美國肥牛木桶飯>所謂的麵醬=幾粒麵豉茄子=煮得唔夠耐?...好硬+無味美國肥牛=乾+UNsize好大的木桶=飯同加埋都無桶的一半$38係唔貴，但真係可以食到d更好的!!!!p.s 有個waitress 唔知係咪新來定遊暈...我同男友一去到就安排左一個未抹過的位比我地(周圍仲有其他空位),送錯2次野食,問佢野呆幾秒先會答你...真係興興地一定唔會再去呢間!

一家三口去食飯,星期六,只有兩款供應,所以點了兩份蝦乾肉餅勝瓜蒸飯,一份麵醬茄子牛肉.已經九點半,話無豆漿,改糖水;問可不可以選吃什麼糖水,竟然話不可以！蝦乾肉餅勝瓜蒸飯,竟然可以無蝦乾,問待應小姐是不是蝦乾弄碎了混和肉餅一齊蒸?她說不是,之後她再問廚房,夠膽話蝦乾賣完,但落單時竟然無人通知,真的當我們是傻的!(當時隔壁一對男女也是點了蝦乾木桶飯,都一樣無蝦乾,亦無告訴他們蝦乾賣完，但飯就照舊拿出來比人食)麵醬茄子牛肉飯,牛肉好乾好硬,茄子無味道,生菜更是完全無味,所有食物標榜自己"健康",事實都靠那一小碟鼓油......本來點了一個椰子燉牛奶,待應小姐竟然忘了落單,這家店的服務態度亦不行,他們再不改善,根本不用去食.

綠楊坊裝修後，未計潮江春，一共有七間新食肆進駐。在正常情況之下，晚市間間食肆都會大排長龍，就呢間例外。呢間同品味人生中國廚房係同一個group，屬創進集團。不過呢間野形式較西化，專攻年輕人市場，但同時食物的款式也比較小。作為為食人的我，不論好醜，也不論人多人少，我都會去嘗試，是日就和朋友兩個來試試。星期六，正餐只有兩款竹桶飯套餐選擇，套餐有竹桶飯、油菜和豆漿一杯。選擇了肥牛茄子竹桶飯，肥牛燥味好重，且乾柴柴的，難以入口；茄子亦然，又乾又無味，質素奇差。油菜是西生菜，普普通通。豆漿叫做有點味道，可以接受。兩個人食一份崀當然唔夠。睇見隔離檯那二人份量的楊枝甘露幾吸引，也叫來一客。外觀確是吸引，岩晒D年輕人。做法不是正宗，只有很少量柚子，反之加上菠蘿、蒻和車厘子，效果卻異常地出色，保留了楊枝甘露味道之餘，更增加其口感。簡單一句，竹桶飯一文不值，不過楊枝甘露就值得一讚。所以創意真係好緊要，有時唔正宗都未必一定唔掂。