熨烤達人 (已結業)

鑽石山荷李活廣場入面既食肆好多，但大部分都係大型連鎖店，而呢一間係少有唔係黎自大型連鎖既鋪。種類都唔少架，想食烤肉又得，想食下炸雞飯卷饅魚飯又有。烤肉套餐Set A ($498) 兩位用本身想散叫烤肉，但發現套餐都咁上下價錢，所以就叫左個Set A, 仲多d野食，入面有五花腩，幾款牛，牛舌，其中佢有個壺裝住調左味既牛好好食，仲有雞件咁。so far都無邊樣特別唔好味，爐側邊既芝士粟米蛋都可以refill, 但食唔到咁多😄韓式飯卷 ($58)就係韓式飯卷配沙律醬，但感覺上比較似日式既飯卷，都好味既。是日優惠係凡叫左套餐，前菜蛋同埋飲品都可以無限refill, 所以都係滿載而歸既一餐。

雖質是黃店 ， 門口有做量體溫酒精搓手但想提一提 ， 叫左二set 肉 去燒一牛一豬， 跟餐有飯， 個飯係凍既！！！！！ 仲要係爛飯！ 最慘既係睇住個職員拎黎既時候隻手無帶手套 隻手指公插晒落去飯度咁上台！ 呢個係我最不接受既地方！！野食唔好食都算 ！ 柚子蜜野飲無味， 豬肉超難咬開， 牛肉可以！ 但員工拎野食上台時應注意衛生， 最值得一提是員工態度不錯 ！如果只靠員工態度是絕對不可行， 野食真係都食唔到落口， 并不是有意挑剔， 係真的真的好難食！ 唔會再幫襯

黎到荷李活，當然要支持商場內唯一嘅良心餐廳！入鋪頭之前有店員幫我探熱，再俾酒精搓手液我消毒雙手。枱同枱之間放咗隔板去防止飛沫傳播。我一個人坐咗張四人枱，唔需要同其他人搭枱，真係抵讚！除Lunch menu外，今日仲有個$38嘅燒汁雞扒飯！（如果唔想堂食可以買外賣，而家做緊85折！）芝士辣肉炒年糕拌飯（$78+10%）個芝士忌廉汁好正，芝士味好香，唔會太辣，配埋豬肉碎、年糕同泡菜，送飯一流！ 仲有飲品係可以refill！PS 香港人保重！齊上齊落！

3萬Thanks！香港人聽到好消息，當然要慶祝一下！而呢間熨烤達人竟然成支香檳咁送，爽呀！同一般韓燒一樣，一入座就送上泡菜小食，午餐飲品仲可以Refill, 超抵！養生慢煮牛肋肉鍋($138)這個牛肉鍋加了紅棗與銀杏，用甜甜的醬汁煮蘿蔔汁非常入味。牛肉亦好爽嫩，不會起渣，而且份量超多！燒烤五花肉餐($128)燒到香脆的五花肉一向都是烤肉的重點，這盤剪開後其實有很多塊，吃得超飽！可能是午餐不配生菜蒜片等，有點失色。

💛💛💛黃店推介💛💛💛今日一家大細黎珧鑽石山食好西，揀咗好耐冇食過嘥山韓燒食，呢間熨烤達人成日都好多人排隊，但正值肺炎期間少人咗好多，我哋一於入去「懲罰」吓佢😋我哋一家四個人，叫咗超多餸，燒嘅嘢有：牛肩胛肉（$88）特級雪花牛（$108）仲有啲蔬菜 菇雪花牛超靚，切嘅厚度都片片一樣，啲肉好鮮嫩，入口即融☺️牛肩胛肉都好好味，又唔會咁肥～熟食嘅有：鰻魚飯（$188）炆牛肋骨肉（$158）韓式啤酒雞排（$58）芝士焗雜菌（$38）每樣嘢都好大份，好抵食，我個人最鍾意係鰻魚飯，因為自己本身好鍾意食鰻魚，燒汁嘅甜味都啱啱好😋炆牛肋骨肉嘅味道好濃郁都好正！連紅蘿蔔都吸曬啲汁嘅味道，大讚！

去搵野食就更係搵黃店啦，但對衣間就有D失望啦。當日去係Lunch時段黎，係門口睇左陣，見無staff招迎就自己入去搵左位坐。都有要讚既位既，就係佢地會比搓手液客人消毒下，同埋有口罩袋，算係幾貼心。不過到我想落單既時候，舉手示意大概三四分鐘，有個男仔終於黎我等埋，佢幫另一枱落單先，幫完一枱又到另一枱，咁我又等左一陣，唔耐煩就繼續舉手示意要落單，過程有幾個女仔上完餐就直接行走左，當中攔截左一個男仔，但佢話佢新黎咩都唔識。我唔知其他個幾個女仔係咪都係同樣情況，所以無人過黎落單，最後都係等番一開始要我等個個男仔落單。中意食泡菜既我就叫左個泡菜燉豚肉，整體黎講比較鹹，豬肉太鞋，泡菜分量少。當中加左白蘿蔔，但又大舊又硬又唔入味，或者可以煮淋少少或換其他材料。食物方面麻麻地，服務又係咁，下次未必會再選擇衣間。

最近疫情影響，大家都少咗出街。難得同朋友約食Lunch，要出街就要揀吓💛支持黃色經濟圈印象中荷里活廣場嘅烤達人已經開咗好多年，每次想試嘅時候都見好多食客排隊，所以從未試過，今次我哋選擇下午嘅時間嚟等左10分鐘左右就有位。佢地係一間主題餐廳，有好大隻佢地餐廳代表「Mr. Iron」響大門口。 餐廳內裝修好新潮玩味。Lunch Set有好多款，可以點燒烤亦可以食熟食唔使開火😆我地點咗一個燒烤五花肉餐同埋一個韓式牛肉餐。除咗碟烤肉，餐仲配每一份爐邊蛋、前菜、白飯同埋餐飲。烤肉全部質素都幾好，最正係個厚切五花肉 另外叫咗一個豆腐泡菜湯，原來都會跟一碗白飯 個湯好好味，餸飯一流～ 兩個人食咗三個人份量，好飽

聽聞呢間餐廳係黃店，好耐以前食過一次烤肉晚餐，之後都冇再嚟。今日下午得閒嚟荷里活廣場食野，一於幫下黃色經濟圈啦！我地一人一個lunch set: 韓式炒粉絲伴紫菜飯卷，金隊長鍋，泡菜燉豚肉飯，芝士炸雞。韓式炒粉絲伴紫菜飯卷$68炒粉絲比較鹹，份量較少。紫菜飯卷就正常水準，送嘅辣芽菜都幾好食。金隊長鍋$88鍋嘅材料好足夠，芝士同雞蛋幾正，不過個湯比預期辣，太刺激，最後都食剩少少飯。泡菜燉豚肉飯$88個鍋上枱時熱辣辣仲滾緊，湯汁好辣，白蘿蔔幾軟身，豚肉就鞋左啲。芝士炸雞$38炸粉薄薄地，芝士汁入面有蕃茄肉，整體炸雞唔夠味，肉質都還可以，如果落多少少鹽同芝士就好喇！雖然係黃店要支持多啲，不過希望佢可以提升下食物嘅質素，吸引多啲客人啦！宜家出外面食個午餐都要成百蚊，真係好貴。

同女友好耐無食燒肉，今次心血來潮黎食下。韓國燒肉一定有的前菜，泡菜，芽菜和蘿蔔。只要點了燒肉套餐就有無限任加的爐邊蛋，爐邊蛋都有粟米和芝士做配料，芝士加在面頭更可以有拉絲的感覺。女友幫手處理爐邊蛋。今次和女友點了其中一個燒肉套餐，有牛舌、五花肉和各式牛肉。燒肉既難度都幾高，因為餐廳無比食油，所以要先燒五花肉，將油脂迫出，咁之後再燒其他肉先唔會痴底。燒肉都已經醃好晒，唔會太咸不過幾入味。燒肉套餐係無飯跟既，無飯落肚始終都唔係好飽，另外叫左個牛肉飯卷，味道唔錯，不過配沙律醬，自己鐘意點豉油多D。

想食炒魷魚飯，但話已賣哂... 魷魚好貴㗎咩？ ！ 牛肉鍋飯的飯只是溫，底下也無焦。一半牛肉好硬，咬不開，失望的一餐！五大訴求 :1 飯要熱辣辣2 鍋底有飯焦3 牛肉淋少少4 服務好一些5 價錢平一 D 缺一不可！

之前見到朋友啲相覺得呢間韓燒食物同環境好似都唔錯就決定try try. 店入面標誌性既係有個大肚dum美國隊長係門口, 枱櫈抽油煙機都有美國隊長標誌🅰️至於食物呢, 評價係: 都ok既👐🏻想講成餐飯既mvp比左碟泡菜, 唔辣偏甜🤤芽菜個人偏好冇調味白雪雪版本白蘿蔔爽口但偏酸<調味豬皮>以前睇韓劇見到人食五花肉覺得好正, 自己試完就覺得還好. 最近睇韓劇啲人開始sell豬皮, 又會搞到人好想食, 結果食完都係覺得還好🆗厚片豬皮食到骨膠原既感覺, 但味道唔夠, 燒完偏乾身, 唔會好似中式肥豬肉皮咁食到juicy既感覺<牛舌>唉~ 作為逢牛脷必食既人對今次既牛脷表示失望, 唔關燒幾耐事, 係肉質點燒都係韌😢雖然牛油牛香味都有但係肉質真係破壞晒成塊牛脷<五花肉>正常發揮啦! 肉有軟骨痴住未必個個接受到(至少我朋友接受唔到👽)調味唔錯既! 順帶一提佢個燒肉汁幾好味, 同其他餐廳比會再香啲👍🏻<水冷麵>呢個係普通版水冷麵, 佢仲有個寒冰水冷麵(?!)有水果雪條. 要挑剔既係普通版真係唔係幾夠凍, 白蘿蔔係腍啤啤架(點解?!!!)其餘麵質

本來我抱著好有期望的心情 ，和丈夫，兒子吃這晚餐 ，豈料 第一個送到的豬大腸炸得沒有什麼驚喜，沒有什麼味道，要靠點汁，還略嫌硬，叫了一個 煎餅，圖片上 非常吸引 ，但是送到台上卻是一個普通得像酒樓有得煎薄撐，( 酒樓的薄撐) 比起它的還好吃，再叫了一個五百多元的燒肉 真是太令我失望 ，無論係牛粒、牛片，還有其它形狀的牛，都是質素很差的， 一個字 （硬），已經盡量 唔燒咁耐 但是牛肉嘅質素不好，你點做都不好， 我不明白為什麼在食評上面，這麼高分，，真是耐人尋味!

今天我和家人去了食晚餐，見到正評很多便去了嘗試。叫了一份燒肉2人餐A $49x，牛肉數量不少，也有五花腩和雞肉。 一食就知出事了，啲牛肉韌到喊出黎。 有多筋，又冇牛味，雖然有很多但沒有牛油的香， 食咗幾片已經好漏。啲五花腩都算大舊，但係都重臊味，我另外叫的豬大腸易有這種臊味，好在啲雞正正常常。另外也叫了薄餅，表現也正常。雖然環境不錯，通風亦很好，但作為一間食燒肉的餐廳，燒肉竟然是最失望的，下次真的不了不了。

朋友生日說要吃黃店當然是無任歡迎啦我們已經很久沒見面了 長舌婦聊聊聊這家店裝修行有韓國餐廳的風格今次我們 主力吃燒肉五花腩 （ 不要怕肥 很好吃的）豬皮 （ 口感煙韌 味道不錯）醬油醃牛 （忘了名字不好意思）以上三款都好吃仲有爐邊的蛋漿可以加芝士和粟米 yummy還有芝士燉飯 （忘了名字不好意思）要讚一下店內的黑面暖男侍應先生雖然冇表情說話平淡tone看見我們手忙腳亂之際會幫忙燒肉，教我們注意燒烤時間燒肉顏色謝謝🙇‍♀️

七十九回返工期間忽然之間想吃韓國菜，在鑽石山沒有很多選擇的情況下，就選擇了熨烤達人。餐廳的環境尚可，不斷播映著時下韓國流行的歌曲MV，充滿韓風。等了一會兒，終於可以入座。點了1）泡菜煎餃子($45)2）雪濃牛肉湯($108)3）燒牛肋骨伴薯蓉($138)先來了泡菜煎餃子，這個絕對不建議大家點來吃。餃子細隻不在話下，小編覺得像是吃緊空氣，而且沒有任何味道。可以說買急凍餃子返回家親自下廚會比他好一百倍。至於下一道菜是雪濃牛肉湯($108)，牛肉很多塊，喝下去也有一點牛肉味道，配合白飯，其實也是一個值得點的菜式。相反，女朋友覺得此湯下了太多味精，不是太好。最後來了3）燒牛肋骨伴薯蓉($138)，這個是整餐飯菜的高潮。女侍應很細心地把剛煮好的牛肋骨用煎刀分開，以方便進食，值得一讚！唯獨是那個醬太酸，稍為奪去了牛肋骨的鮮味。綜觀而言，沒有可比性，但可以一去。