熊茶 (已結業)

夜晚9點左右返屋企路經葵廣坐電梯轉到第二層見到呢間仲未關門就打算買杯野飲下啦一開始打算叫黑糖珍奶點知... 珍珠賣晒估唔到咁受歡迎，咁好生意呀於是求其點左杯綠茶老闆正轉身開始準備之際我突然發現原來menu上有水果茶於是問老闆可唔可以轉啦佢就即刻話可以仲慢慢介紹有咩水果㨂㨂完3樣生果老闆又不停話送埋其他生果俾我搞到我都有啲唔好意思所以就話唔使啦，唔要喇點知老闆就話唔好浪費麻杯飲品做到一半我又突然醒起唔記得叫少甜即問「丫可唔可以少甜？」老闆又二話不說咁話無問題～結果最後出來係滿滿一大杯水果既水果茶好幸福既感覺平時真係唔會寫食評但今次真係要表揚下呢間小店老闆真係好好人呀～

價錢平應該個個行開葵廣都知～平之餘仲好足料，奶蓋好厚（都係加五蚊咋！！）奶茶味好香！重點係珍珠好煙韌！好好食！每啖都有珍珠的感覺～正！而且keep住細個飲到果種珍珠奶茶味道同感覺飲過一次之後，再來葵廣都會keep住來飲～～～唔好睇佢舖頭細細，茶品種類都幾多選擇，每次去到都會見到有唔同既茶品，而且見到其他食評都有提及不同的茶品～岩岩見到有紅豆冰（唔知加奶蓋正唔正)有冇人試咗可以話我知？個人推薦：奶霸珍珠奶茶+奶蓋沖繩黑糖珍珠牛乳服務態度都好好，唔會為咗賺多d，會同你講邊d加奶蓋唔夾，係好有心機同誠意的小店，來葵廣一定要飲！

伯伯出品 必屬佳品👨🏼‍🦳佢啲野賣得比同行平 良心企業😂好多學生幫襯伯伯荃灣開到 而加係葵芳 好有歷史嫁佢啱啱開 我同男友就去捧場 男友學生時期 係荃灣就飲開葵芳開 男友一認就認出 冇耐 有出芒果布丁 我買嚟試下 我認為係香港no1 出細到而加 我最中意嘅芒果布丁伯伯話呢個其實叫 楊枝甘露布丁平時食🍮 主要食花奶😐冇咩芒果味 實身嘅糕❗️❗️❗️但伯伯唔同在 佢唔洗靠花奶 好滑身 好香芒果味 而裏面啲芒果肉粒粒都大過手指公 亦唔係求奇落兩粒❗️❗️❗️真材實料我由細杯 食到美心年糕盒size 我諗都食咗有廿個🤔

1月2日車爸爸中午已收工！變相在連放3、4號之下多了一天假期，我們便先在西環吃個雙重午餐，再殺落葵涌廣場掃街，很久沒這樣拍拖了勁開心啊！開心敗家後向葵涌廣場進發，最主要來買冲凉番梘當然順路掃埋街啦，可惜我們午餐實在太滿足了只能試了少許店舖，先吃了熊茶的北海道牛乳豆腐花。 北海道牛乳豆腐花＄13真心不便宜，不過嫩滑美味的豆花確令我覺值得，我先沒加上黃糖來品嚐，入口帶有幽幽的奶香接下來是黃豆味道，互相配合沒有那一方表現浮誇，加上黃糖吃返而蓋過了香氣！

大伏啊!!!!!!!!!!!!又比人sell倒 又比隻杯呃咗😞😞本身真係滿心期待。。點知一睇個色已經知係伏😔😔平嘢真係唔好亂試😑😑水鬼尿咁清😪😪完全係奶水泥 茶又稀😖😖總之稀蛋蛋 淡茂茂 冇味可言☹☹隻杯仲要弱不襟風 好容易就畀我整爛咗添 WHAT?!講句公道說話 呢間絕對係一間好有人情味嘅店鋪 但係水準真係好麻麻sorry..熊茶鐵觀音珍珠奶茶$17味道：0/10📍葵廣

#荔枝椰果冰 $15喺葵廣入面眾多嘅飲品店依一間都算比較平🤔舖頭得一位伯伯整野所以比其他舖頭會慢少少不過伯伯好好人仲好有禮貌好好傾㗎😆杯野個底係雪碧嚟荔枝味同雪碧好夾 而且又有啲椰果咬吓冇咁齋🤣大家下次去葵廣唔知飲咩好嘅話 可以試吓呀👍🏻評分:7.5/10

去葵廣掃街當然要買野飲，經過呢間飲品店，俾佢個鋪名同七彩繽紛既餐牌同圖吸引。入面得一個伯伯整野飲。💪🏼💪🏼💪🏼所以可能會慢少少。伯伯系好有禮貌。叫左杯大杯北海道珍珠朱古力（$17），麻麻地😐但系比其他鋪頭既飲品平好多好多。大杯$17 （學生$15）中杯$15珍寶$28佢呢個價錢好似系大部分飲品都系呢個價錢，其實大杯真系好足夠。🍹伯伯仲問我地係咪學生👩‍🎓👨‍🎓，我都想呀😅😅加油呀伯伯💪🏼

因為本身蠻喜歡喝黑糖珍珠鮮奶，所以會周圍去試下不同店嘅黑糖珍珠鮮奶。雖然呢間店有寫明係「沖繩黑糖牛奶珍珠」，即是喺牛奶到加入沖繩黑糖再另加珍珠，但一飲落去就知道中伏了…珍珠是普通的珍珠，所以冇甜味是正常，口感還好；但係啲牛奶係直接就咁加入啲人造味道好重，帶有好假嘅黑糖味道嘅鮮奶……杯野飲$28，但味道很差，很難飲… 第一次買野飲係真係難飲到要飲唔夠半杯就掉左佢雖然覺得好嘥，好浪費食物，但冇辦法，真係難飲到飲唔到落去… 因為陣味真的好怪好難飲多幾啖。但老闆態度非常有善，而且我冇試過佢店嘅其他飲品及食物，所以可能只是「沖繩黑糖牛奶珍珠」呢一杯野飲難飲，其他嘅食品ok也說不定~

葵芳已經變左美食商場喇飲品既店鋪都好多但唯獨依間我會不停想再飲其實我飲既飲品都好簡單😂就係珍珠奶茶不過有小小特別佢叫波霸珍珠用新鮮奶黎做😍而家既標真係越出越靚用黎影相真係一流講返杯飲品先奶味好香 珍珠好食 夠林 唔會中間未熟👍🏻甜度適中依杯波霸珍奶每日得100杯$20一杯店鋪係一位伯伯長期係度唔知係咪老闆呢...得一個人做野雖然要等佢慢慢沖但係我覺得值得係用心沖果種而唔係大公司手法咁求其沖就算！

剛開業, 第一次幫襯，當然試招牌珍珠奶茶，珍珠口感煙韌，十分有咬口，一啖飲咗半杯，抵贊。17大元（學生15咋），抵飲。飲到尾仍不失風味，會再回頭。這間連鎖珍珠奶茶甜品店由一名伯伯主理, 主力賣台式飲品（生果即食, 水果茶同招牌珍珠奶茶), 亦有其它食物( 綿綿冰同法式焦糖燉蛋等).老板都幾Funny，一話珍珠奶茶好飲，又推介我買杯水果茶， 話也是招牌特飲。聽客人講，熊茶的荃灣店原來已經有十年歴史了，唔少學生由細飲到畢業，畢業後也會從回舊地，回味小時候的回憶。店舖個招牌好靚，老闆都好熱情好有禮貌！值得一試！