無極牛排 (已結業)

石頭上煎牛排同FD唔知食咩好, 就去左尖沙咀試間新野, 無極炙燒牛排我地就簡左牛柳同無骨牛小排無骨牛小排係佢地推介既~原來煮法都幾特別下係係舊石頭上面先煎 都幾新穎下不過記得唔好一次過切散哂D牛肉貪方便咁食先好切, 咁樣就唔好整得太硬整體黎講係不錯既~幾好食既

今次嚟咗尖沙咀一間新開，專門食鐵板燒牛扒嘅餐廳。最近名氣都係食呢啲可以自己控制熟度嘅扒，見間間都排晒隊，我都黎試吓。餐廳唔算話好大，供應嘅肉類就有四款，有唔同gram數揀，仲可以加錢配唔同嘅套餐，今次叫咗300g無骨牛小排同牛肩胛套餐，可以無限添加白飯、湯同沙律，仲包一罐汽水。上菜時會先用廚房紙蓋住，自己覺得夠熟就揭起。職員教落唔想咁快熟就唔好成日翻同咁快切定。牛肩胛肉質較淋，牛小排牛味較重，自己可以衡量返揀邊款肉，個人比較鍾意牛肩胛。另外餐廳都會供應唔同醬汁，職員同我地講想減少牛扒嘅油膩感可以用Wasabi配酸汁，想香啲就落蒜蓉一齊煎，仲有辣味噌供應，係餐廳自己調校架！平平地絕對食得夠飽，餐廳職員態度仲好好添！

今日收工後, 就同家姐去左TST 食牛排- 無極 炙燒 STEAK一共就有4款牛, 分別係牛肩胛, 牛柳, 西冷, 無骨牛小排咁我同家姐就簡左依倞牛柳同無骨牛小排 再加一個套餐(白飯, 沙津, 湯) 先介紹下佢D醬汁先,有山葵, 辣椒, 蒜容, 辣味等等最最最好食就係山葵加日式酸汁同燒肉汁加加日式酸汁好啦到講牛排, 都真係幾特別, 佢係將D牛放係個石上面舊石好似經過唔知幾高溫整完, 所以你當個石就係個鑊鏟咁煎塊牛排都真係幾特別, 你鍾意食幾成熟就幾成熟, 係你自己去控制的好細心既老闆同店員一早就已經拎圍裙比我地,因為驚煎牛排個時彈到點知切牛排個時真係都幾彈下~不過真係好好食牛柳: 就真係好軟, 又好食, 好多肉汁無骨牛小排: 就比牛柳硬DD, 但都好食既, 係比較容易切!!!好吃~

熱石牛近排非常流行，發現原來尖沙咀同樣開了一間熱石牛，二話不說去試下先！係尖沙咀N2出口行一陣就到，附近又有K11大型廣場可以行下街，地理位置好好👍🏻一上到樓就聞到好香嘅牛味啦😋有別於其他旺角呀大埔呀果啲熱石牛餐廳，呢間餐廳嘅環境比較好而且座位比較寬敞。當晚我哋大概八點入座，居然可以坐到11點0慢慢傾計！抵讚👍🏻 唔洗速食嗌左食物之後，店員會送上圍裙以防整污糟件衫😀講返食物先，我哋嗌左2份300G既牛扒，包括牛柳同埋無骨牛小排（佢另外仲有非常少見嘅top blade，下次再嚟試埋先），加$30可以無限添加白飯、沙律及湯，仲有一罐汽水。牛扒比想像中更高質😚我食咗無骨牛小排，有肉味居然比牛柳更腍，熱石最後煮至8成熟都仲係好腍！好正🤤 如果中意更濃肉味，可以食牛柳，任君選擇😋 店員仲好貼心咁樣教我地，如果想食熟啲，就要先將牛扒切小塊，咁樣先會做到六至七成熟～另外值得一提嘅係調味料。呢間餐廳提供左10幾款調味料，其中我最鍾意嘅當然就係鹽啦，另外仲有燒汁同埋清新芥末溝柚子醬油，仲有其他如蒜茸、蜂蜜芥末等等，緊有一款岩口味😀我個人覺得牛柳配燒汁最好味，而無骨牛小排配番鹽就最提到味啦！下次食埋另外兩

食過幾次依類新興既熱石牛，最近見尖沙咀又新開左一間，決定黎無極牛排試下～～一入到黎，雖然食客唔多，但已經feel到抽風明顯做得唔係太好，可能因為佢係樓上舖，冇咁通風，唔可以同其他地舖既相比啦☹️由於冇卜枱，店員安排愛麗絲坐望到寶勒巷景嘅高枱(即係坐普通枱嘅客人都係卜左位嘅？🤔)有四款肉可以嗌：牛肩胛、牛柳、西冷、牛小排，重量分別係200g、300g、400g。店員話如果想要肉味比較濃一d，就建議嗌牛肩胛，所以就叫左300g同嗌左一碗飯。⬇️說真的，非常失望👎🏻👎🏻一啲牛味都冇💔如果唔沾一啲鹽或其他醬汁既話，係一啲味道都冇！！一舊靚既牛，係根本唔需要點醬汁架😪😪⬇️男友就叫左200g西冷加$30套餐，配任食白飯同沙津。點知竟然有咁大舊肥膏(有圖，可能有點噁心🙈)......其他熱石牛舖頭都未出現過依個情況....如果唔介意食咁肥既朋友仔可以一試，但絕對唔岩我地😖⬇️沙津雖然係任食，但每次份量都偏少，要keep住叫店員加，但有時見佢地忙，都唔好意思成日添😅⬇️食到最後，我地兩人竟然都剩左咁多飯...證明真係麻麻地😭😭想試既朋友，記得諗清楚先黎食啦👉🏼👈🏼

熱石牛扒風潮直捲港九新界🥩 今次試一試無極👁‍🗨牛肩胛 (300g) 💲128（優惠價）無骨牛小排 (300g) 💲188西冷 (m200g) 💲118✅ 特色醬汁如辣味噌更增牛肉層次🌶 但自助區位置較為狹窄 每次最多供兩人同時使用❔ 牛味唔出 頗為失望☹️❌ 與其他熱石牛扒店有別🤑 白飯、沙律及湯需另外收費（平日午市除外）👅Taste：3/5💰CP值：3/5🙋🏻‍♂️Service：3.25/5👁‍🗨Stylishness：3.25/5

超高質既牛扒❤️😍真係估唔到咁高質！佢係石板燒一上既時候係超熱要切開續片燒想食幾成熟都可以自己燒我自己叫左牛肩胛 好林身有200/300/400g我唔食飯所以叫左300g都幾多下有2大塊 300g做緊優惠$128好抵呀！好有牛味其唔係平時果d hea牛係高質！我自己對食扒要求都幾高佢絕對滿分呀老公叫左牛柳 都好厚切！老公話有咬口 好香牛味仲有肉汁 佢仲有醬料自助吧同埋有圍裙提供好貼心 唔洗怕整污糟d衫！服務態度又好好佢地會比建議你但不是hard sell!所以依間係十分推介呀相信好快就排長龍喇

上次剛開張食過一次，覺得唔錯，今天在尖沙咀附近又去食一次，發現裝修有點不一樣了，老闆話，剛好sofa 和bar 格枱昨天到，新傢私唔錯，環境更好，我今次食左牛肩胛，試下咩都唔加，只加海鹽，牛味好重，口感是有點咬口，這比較合我口味，我不太愛吃太軟的 。

今日睇見facebook廣告留意到無極牛排，已感覺牛排肉質靚和十分juice，咁啱老公提議出街食晚飯，即刻預訂。餐廳環境開揚寬敞，吧枱面向街景，4人枱有梳化。我們2人分別order 牛肩胛同西冷排跟飯，沙律，湯同飲品。肉質和味道實在CP值高，好味，重有十多種漿汁選擇，以這優惠價錢可以享用到高質牛排，在香港實在唔多，還要在尖沙咀地段。沙律，湯同飯重可以無限添食，食量大既朋友最適合。相信這裡會成為我地既食堂。P.S. 我地掛住食，只影左沙律1張相

昨日和同事下午經過寶勒行，見到大廈門外放滿花牌，原來有間日式燒牛排新開張。諗著新開張應該唔駛點等位，於是我們決定去試試。店內環境算寬敞，我和同事分別點了小牛排200g和西冷200g。牛排是放在熱石上給客人的，仕應話俾我地知我們可以按自己喜歡的生熟情度而自己將牛排放在熱石上烤。試了一口，真心有驚喜，肉質好柔嫩，好好食。而飯、沙律和湯仲可以隨意添加的。值得一讚是餐廳提供了多種醬汁放在醬汁架上，任客人選取。因為是自取的關係，我和同事一共取了六款不同既醬汁，令我們一次過享受唔同的配搭。我和同事都是細食之人，200g牛排對我們來說份量都唔少，但我地兩個都飲了兩碗湯，因為好好味。下次我一定會再來幫親！到時希望唔駛排長龍先入到啦！哈哈！

呢間牛排可以比到驚喜你，我食完件400g 牛柳跟著再來300g無骨牛小排, 平時都冇食咁多野，堅抵食&好味。另外，醬汁選擇好多，平常都只是食果1-2個醬汁，但今次試了其他醬汁也覺得好好味 .... 可能因為新開的關係（門口仲有花牌），所以人不多，不用排隊，又有人招呼，唔錯。還有，個味噌湯我也飲左兩碗，我好鍾意飲味噌湯，感覺好地道日本feel..... 總括來說，花百多蚊去食牛排，仲要係安格斯果隻，又有好多醬汁可試，超值

今日食晏既時候,見到有新開張,就同埋D同事一齊去試下啦!可能係新開張既關係, 竟然吾洗等位wor...佢地有4款牛排,我地就每款都試下....又幾有牛味wor!! 而且估吾到200g原來都已經好多喇!!!!! 我地開頭仲驚吾夠食, 佢地加30蚊仲可以無限添飯同湯,仲有沙律添..... 抵到爛,,又飽到嘔!!!!其次, 服務質素同環境都幾好...又有一個新飯堂可以選擇啦!!!!總體而言, 係性價比高

跟老婆在尖沙咀搵野食，剛好開到有間野開張，本著試試的心理去試，沒什麼人，可能是新開還沒人識吧，其他同類型的牛排店都要排隊，我們就有人招呼，又唔洗排隊，正 😂👍。食物方面，我點無骨牛小排，老婆點牛柳，再share食，有驚喜，$128 已有這個質素的牛排，完全無想過，老闆說他們都是選安格斯..... 另外，他們一大特色是醬汁，他們有7-8樣醬汁，比其他兩間多很多，由其那個辣味噌和wasabi+日本酸汁，我超愛，一般食牛排會感覺好易飽，頂住頂住咁，但用這上醬汁，感覺好清新，不會有飽肚的感覺.... 好正！ 價錢方面，我們兩個都是細食既人，無骨牛小排200g和牛柳200g 都是$128，再加上個套餐$30，有湯，飯，汽水和沙律，好抵下。