烤魚工房 (登打士廣場)

營業中

休息中

已經有一段時間没有在外邊吃飯了，今天有空就约了家人去試試。下午三點多到，客人不多，但仍然聞到濃烈的烤魚味道，再加上調料的香味，已經感到絲毫的食欲。不止是烤魚，他们也有提供串燒，但由于一心想吃烤魚，就點了一条清江鱼，微辣的加了青椒做調味。魚的尺寸不大，但是肉多，只有中間的一條骨，是啖啖肉的口感，加上微辣的味道，配上白飯是很好的配搭。建議魚不用煮太久，湯汁加熱後馬上吃，魚便不會煮得太爛已失去口感。帶微辣的味道可以刺激味蕾，加上白飯和啤酒是一頓不錯的午餐。

昨天2:30pm到達！入去坐低前，會先幫你全身噴消毒！疫情期間感覺比較安全！現在都是用QR code 落單！可以慢慢選，分幾次落單都好方便！選了豆花烤魚、以為真係有豆腐花！因為我好鍾意食豆腐花原來只係豆腐！之前嚟食試過毛血旺烤魚，覺得毛血旺好食啲！有啲麻煩就係好快會冇火！一餐要已經加咗兩次火！同埋個湯底越滾越喊！加咗4，5次湯已經只是加清湯不是加辣湯！如果唔係應該會更加澧更喊！燒烤很出色！由其牛舌、肥腸、茄子！我還點了羊肉、豬頸肉！生果茶好正好好味！

旺角烤魚工房（登打士廣場）職員態度超差差差😡😡😡原本開開心心試新野，五點五十二取票，六點十幾分入坐，七點零幾分叫我地買單，咁我哋就同A職員講，之後A職員問了B職員就很慷慨咁話俾多二十分鍾食。🤬🤬🤬(我哋忍）講完之後，末夠 20分鐘就有個職員走埋嚟話呢個碟幫你收咗佢，之後陸陸續續有幾個職員走埋嚟問我哋啲嘢仲要唔要仲食唔食。我哋仲用筷子夾緊餸，🧐🧐🧐仲飲緊😳咁即係咩意思呢🤬🤬搞到好似我哋霸主張枱唔肯走。 超時仲坐喺度，依家係你地職員搞錯時間，我哋早隔離張二人枱10分鐘左右入黎，趕我哋走嗰陣先俾張收據隔離枱（約 7:20）餐牌寫到明限時90分鐘後，坐喺度一個鐘頭都唔夠就講我走

出嚟食飯咁耐都未出過Post,但係今日呢餐真係好經典，一定要同大家分享一下，事原今日約左朋友係旺角食飯，咁啱行過烤魚工房，因為係元朗食過好食，所以打比朋友話係上面等。上到去見得半場客人，咁我同reception講我朋友大約半個鐘到，我想座低叫半打啤酒同燒烤食住等朋友，佢同我講「唔得」因為要齊人先可以入同一座低就會計時，用餐時間90分鐘，當時有個靚女座住係度就講，係呀，我上次杯啤酒都未飲完佢就叫我走啦，吓！真唔真呀。我當時諗又無客等又未爆場使唔使咁串呀。好，算數，等朋友到左就座低，先叫半打啤酒再叫燒烤同烤魚。條魚第一二啖同元朗水準真係一樣，但係越食就越唔對路，因為一個字「咸」，其實係好感，我同朋友真係一啖啤酒一啖魚，跟住叫個哥哥仔加湯諗住沖淡D，佢就問我係咪好咸，我就話係好咸，咁佢就話唔好加湯啦，加水啦，加湯仲咸呀。原來你地知架，即係博客人好似我咁一啖野飲一啖魚？我算，放棄條魚，食燒烤，燒烤都算正常跟手再叫多三支，因為差唔多真係90分鐘我就諗起係門口個靚女個句說話。到真係夠鐘啦，經典囉，有個侍應走過嚟比張單你同你講夠鐘啦，跟手掃你台，食淨一件既照收走，同佢講我未食完，佢當聽唔到，理得你。

近期我的至愛🥰🥰一個月內食左3次！疫情前，我係探魚既超級fans! 但疫情期間無得返大陸食，終於畀我搵到一間超好味既烤魚！甚至乎比探魚更好味！由於佢哋冇訂檯服務，我地一行三人，平日晚上大約7點到達，啱啱好唔洗等位，因為人氣爆燈，入座限時90分鐘。另外如果假日前往嘅話，我建議大家最好6點去到。先講返條魚~因為海鱸魚已經賣曬， 我地轉左簡$278 既江清魚，一樣都係啖啖肉比較少骨嘅，肉質亦十分鮮甜。鮮椒看似很多，堆滿好似個小山咁，滿滿的相當過癮！咁多辣辣看似好辣，但嗌小辣其實唔會好辣，而辣椒香味都滲晒入魚肉度，而且魚既鮮味也能鎖在魚內，鍋子會持續加熱不停煨煮配餸同烤魚，愈煮愈入味。建議加配土豆&鴨血，超吸味❤️❤️烤魚雖好吃，但燒烤更有驚喜！！！完全係喜出望外！樣樣都烤得香脆惹味，無一樣係唔好食，風頭甚至蓋過烤魚，我同友人忍唔住最尾都encore多一round先夠滿足！推介燒茄子，d蒜蓉汁唔係講笑，另外仲有大腸&牛肚，都非常好吃。我會為左d串燒而不停返去食佢😆🤤

🐟烤魚工房 🐟-蒜香酸菜清江魚(💰288）:估唔到烤魚唔辣都好食😂😂入邊超級多蒜蓉🧄，酸菜份量都好多😍但係略嫌唔係好夠酸，條魚冇乜骨，係個腩同埋最主要嗰條大骨🥰啖啖肉啱晒我呢啲唔中意食多骨魚嘅人-火鍋配料 (💰20):好似一定要叫四個配料的🤭 個陣冇留意睇😂係聽個朋友講🤭大家記得記得一定要試吓個海帶苗😂平時海帶結係比較厚身爽口嘅🥲但係佢呢個苗係軟淋同埋會索晒啲汁😂我哋仲叫咗娃娃菜、鴨血同埋土豆片(薯仔)呢啲就不過不失啦🥰最主要都係食佢個汁😂-燒韭菜、燒茄子(💰15、💰36）韭菜係用比較細條嘅，所以食落唔會老👨🏼‍🦳同埋佢燒得唔乾加埋啲燒烤粉食落有少少偏鹹同重口味🤭燒茄子就非常正😂我特登叫咗多蒜🧄真係每一啖都食到蒜蓉，茄子燒到淋曬🥳真係好正-燒饅頭、紅糖糍粑(💰15、💰42):饅頭切開一半咁燒，雖然佢燒得好脆但係佢饅頭本身嗰種麵粉味太重，同埋唔知係咪炸得太耐佢有少少太油🥲紅糖糍粑就有少少失望，雖然佢入邊好煙韌，但係佢啲紅糖唔太夠😂同埋外層有少少硬同痴牙🤯-金桔青檸特飲(💰33)：呢杯我哋走甜🤭入口啱啱好酸酸地又啱晒我依個偽健康人士😂金桔同青檸都好香🥰-至尊水果茶(💰43)K食咗生果就係健

本來特地跑去元朗，但是竟然晚上6點後沒有堂食，到11月11日才再開堂食. 然後馬上出旺角吃. 好吃，是探魚的味道，但是吃到後面加配菜再煮的時候，越煮越鹹，沒有加湯的，燒茄子，燒生蠔，燒韭菜，烤牛舌，烤牛肚都好好吃. 嘢飲也不錯，兩個人可以吃完一條魚的m環境也很乾淨，限時90分鐘吃，所以等位不用很久，我們6點45左右到，7點20左右就進入.早點去可能就不用等.下次4個人去，就可以吃兩條魚，可以把全部味道都吃一遍.

之前聽朋友講 元朗的烤魚工房好好吃 同大陸的味道好似 所以一直很想去試下可惜路程有啲遙遠 所以遲遲未動身😂這幾天突然聽人講旺角都開左分舖緊係要快快行動！搵到電話打左大半日才有人接聽☎️不能訂位 只能乖乖地去排隊～結果我們晚上6點半去到等到成8點先有位～真的超級多人排隊！主角當然是烤魚啦🐟毛血旺烤魚🐟另外加左蓮藕 凍豆腐 土豆片 午餐肉 娃娃菜 小辣不過說實話 烤魚沒有俾我們很大的驚喜 魚不是很入味🍡燒烤拼盤🍢這真係的是太好吃了！鍾意吃燒烤的人一定要點！一串一口 每一串肉都好入味 有少少汁 唔會乾 一盤都好快吃完👍👍👍🍆燒茄子+鐵板豆腐都好好吃 好入味後來我們又叫多一份鐵板豆腐當晚吃左太多也 真係好飽如果下次再來吃 就是為左燒烤而來

疫情前不時會同朋友北上吃麻辣，感覺香港做到麻而不辣的食店不多，基本上死辣的比較多，想過下口癮都唔易🥲呢間烤魚係元朗店既評價好高，但因為唔就腳一直無機會試🥲最近發現佢開左旺角店即刻黎拜會一下🤩叫左香辣豆腐烤魚，中辣其實只係大概係譚仔小辣的程度，但麻香令人更滿足，鐘意食麻辣既朋友一定要試下😍另外點了串烤拼盤，有48串圍番3蚊幾一串，十分抵食，不過基本上所有野隻味都俾孜然粉統一左😂只能吃得出魚豆腐同羊肉的香見到隔離枱既水果茶好大杯於是大家都各自叫左杯，料大概有7款，無叫少甜都唔會甜剛剛好，好滿足😋

服務態度非常之差！唔係放題限時90分鐘但係冇提前告知！叫咗好多嘢食 仲未食完 走埋嚟叫我哋走，第一次去唔知限時90分鐘、作為新鋪開張應該提前話俾客人知、就算唔係新鋪 都應該話俾客人知、咩嘢都冇講直接叫人走！喺香港咁耐第一次見到咁樣啲人！！！

聽聞呢間食烤魚本身係元朗 做法好似大陸果間“探魚“，今日過開黎旺角，見新開張幾日就試下。食物選擇有幾款辣烤魚，同埋燒烤小食，係幾似“探魚“，岩晒宜家冇得返大陸又想食辣野香港人。小食方面，叫左小辣，辣味適中:帶子燒得岩岩好，讚!燒蠔就差d, 因為有dd唔夠熟。燒韮菜份量太少。烤魚揀左香辣豆花“江團魚“，都係“探魚“有的選擇，少d魚骨，讚; 豆花其實是豆腐，唔算係豆花，扣分。除左豆花，呢個烤魚冇乜其他配料，只有很少量超幼芽菜。點餐時加左支竹&蓮藕，算是不過不失。而辣度方便，小辣可以話係淡過一般的BB辣，重點係整個鍋都非 常 咸。只有咸又不太辣，係幾令人失望的烤魚。經常將“探魚“同烤魚工房比較，因為前者做得太出色，有返過大陸食的話，一定會明白。最後補充返，我地幫襯當日店員話未申請到酒牌，所以冇啤酒賣，呢個係最大扣分位。如果有杯冰凍啤酒，相信“咸“呢個影響可以減到最低，成個體驗或者會好唔同。我提議自己去7仔買 (因為之前試過，讓食客自携酒, 冇酒牌應不算違法)，可惜店員禮貌拒絕。