点心代表 (已結業)

今期有蠟筆小新做主角👀點心款式多左唔少新款😯-🔹原隻鮑魚燒賣（$79）霸氣十足 原隻飽魚放面🤩用黎打卡影相一流📸-🔹鮮蝦餃（$59）餃皮唔算太厚 食到啖啖蝦肉🦐-🔹黑松露蝦多士（$69）即叫即炸夠晒脆口😍加左黑松露仲惹味鍾意食香口野嘅朋友仔必試-🔹煎蛋糯米雞（$49）呢款平時比較少食到 兩邊糯米飯煎過 口感似食飯焦😛-🔹粟米花枝網球（$59）黑洞私心推介‼️花枝網球勁大粒咬落夠彈牙😗仲有粒粒粟米係面-🔹左衛門流沙包/朱古力流沙包（$49）一籠兩件share食剛剛好美中不足係流沙效果唔夠🤨可以再改善-🔹牛油蛋撻（$49）小新曲奇配酥皮蛋撻撻皮幾夠牛油香 但都比較膩胃🤣-🔹原個西瓜/菠蘿特飲（$59）夏日消暑之選 黑洞特別鍾意菠蘿個款🙊飲得出係純菠蘿肉榨汁😋無加糖夠天然

This is my second time here. They change the theme every few months. And this time it’s 蠟筆小新. The food in general was generally better than expected given that ppl go there for the gimmick. I would recommend the truffle shrimp toast, chocolate bun and custard bun. There was a generous amount of truffle and the chocolate / custard bun wasn’t too filling which I liked. The butt pudding (see photo) was very good too. Wasn’t too sweet. However, the steamed vermicelli roll (腸粉) is not recommended. Th

最新主題係蠟筆小新，為左童年回憶就來左幫襯一下… 地方好細，坐得迫，部份坐位仲響餐廳外，但餐牌設計同點心紙都係蠟筆小新，望到好開心。 點心上得幾快，快到相都影唔切就已經一枱都係，啲造型好吸引，所以呢度食嘅都係呃like為主，但係食物質素就普普通通。簡單講就係得個樣，而且價錢都偏貴，仲有茶芥連加一，幾個點心嘅價錢其實可以去酒樓食個套餐了。蝦餃係美雅響度教訓緊小朋友，望到就好好笑亦都好可愛，不過個蝦餃皮呢係非常之唔掂，但餡料就ok，蝦夠爽同埋食得出新鮮。腸粉亦都有蝦餃嘅問題，不過就畀蝦餃好啲，佢寫係海鮮腸但係食落都係蝦，應該其實係蝦腸。 🙄舉重炸雲吞呢個做得幾好，皮好脆，最鍾意呢個造型。💪不理不理左衛門流沙包就同一般流沙包差不多，因為佢有豬鼻造型，當然要玩玩佢。😏小新露pat pat布甸，搖嘅時候個pat pat真係彈力十足，好似平時小新扭pat pat咁，好爆笑。😂

以卡通點心闖出一片天的點心代表不斷推陳出新，過去主題包括加菲貓、米菲、蛋黃哥等數之不盡人氣卡通人物，不過上次錯過了蠟筆小新主題，事隔三年終於凱旋歸來，而且更加入運動元素，迫不及待趁週末中午到此一遊。店內佈滿蠟筆小新裝飾，桌上更有道具供客人拍照使用，而且每人都會獲贈一把蠟筆小新扇子。點心一如既往每款大約$49至$79，是次蠟筆小新主題從點心以至是飯類、甜品及飲品共有三十款，另外亦有多款普通點心及小食。原個西瓜特飲 ($59)迷你西瓜攪拌成果汁味道清甜消暑。原個菠蘿特飲 ($59)巨型無比的菠蘿盛載啖啖果肉的甜蜜沙冰向來是個人最愛。白胡椒豬肚雲吞湯 ($59)胡椒豬肚湯辛香惹味亦不過鹹，當中有約四顆大雲吞，皮滑餡多口感爽彈豐滿。蝦蝦霸霸鮮蝦餃 ($59)蝦餃皮薄但口感油膩，中間餡料豐富，肥豬肉中混有爽彈蝦仁。原隻鮑魚燒賣 ($79)燒賣彈牙多汁但較為油膩，而面層鮑魚口感較韌，加上已經放涼與熱騰騰的燒賣顯得格格不入。黑松露雜菌餃 ($42)水晶餃皮偏厚但口感煙韌，黑松露菌香濃郁。安格斯牛肉腸 ($42)相比卡通主題腸粉，個人向來更喜歡這裡的普通即蒸腸粉，腸粉皮較為透薄滑溜之餘牛肉份量十足。黑

下午茶時間同朋友行過，見佢做蠟筆小新主題咁得意就入去試吓。入到去見大量空位又無人帶位咪自己坐低，睇緊餐牌時有位男侍應嚟問我哋有無人帶我哋位，話無跟住佢就西面行開咗。。。 過咗陣一位女侍應嚟企喺我哋隔離大聲問嗰位男侍應有無茶，之後就唔該都無聲一手拎走我哋茶杯，勁無禮貌。。。好啦選好嘢食，落單時男侍應話最低消費每人$100，好啦咁我哋要多杯嘢飲。全程一樣照係西面，其實我好想問佢我哋係咪殺咗佢全家。。。其間有幾個妹妹仔坐低睇咗陣餐牌，男侍應走嚟話“點呀選好嘢食未呀？你哋睇咗成九個字啦喎！” （佢哋絕對無坐咗45分鐘）我同朋友都O哂咀，真係從未見過咁樣趕客，大開眼界。講番嘢食，叫咗兩個菠蘿特飲，小新屁股奶凍同咸牛肉西多士。特飲係有果肉嘅，不過勁甜仲甜過罐頭菠蘿，不喜甜者請三思。西多士內牛肉勁少，朋友唔講都唔記得呢個係有咸牛肉嘅。奶凍我無食所以no comment。如果純為打卡影相post ig 的話ok嘅，要求有基本嘅禮貌對待同食物質素的話相信The One 其他餐廳會係更好嘅選擇。

終於可以試到蠟筆小新點心喇🥧小新點心款款好得意呀味道方面都ok!每款小新點心造型都好入型入格，如果鐘意蠟筆小新既朋友絕對可以去試一試價錢方面就比普通點心就貴左少少喇！

朋友生日，選擇食點心👍🏼今日星期六夜晚7點去到，唔洗排隊就入坐啦。職員好好，唔會將客人逼埋一張枱，隨客人揀坐位，讚👍🏼除左點心紙，仲有色彩既點心圖冊，好正！揀左一輪，終於落單，等食啦小新&Friends海鮮蒸腸粉 （裡面係鮮蝦）$49蝦蝦霸霸鮮蝦餃 （好得意，佢地表情一樣😞，仲有紙牌小新媽媽👩🏽）$59好搞笑，小新兩兄妹手拎球拍配合粟米蝦球，彈牙，好味）原隻鮑魚燒賣，雖然一籠得兩粒，同埋味道一般，鮑魚涼左，但個紙牌好吸引）$79一口青芥蝦餅漢堡 $49（無青芥攻鼻感覺，但有芝士蕃茄，都唔錯，放到最後先食，個包都唔會好乾）黑松露蝦多士 $69真心好味，有埋甜酸醬，多個味道試，值得一試）仲有其他小新飲品 同 飯類價錢係貴左啲，朋友生日一年一次，都值得！ 食滿$300 仲有鎖匙扣送！

作為蠟筆小新的粉絲，差吾多套套小新大電影都睇晒，甚至會花時間研究蠟筆小新當中故事的隱喻及不同角色在原作者心中的位置，所以凡蠟筆小新有關的東東，我都會去參與；而今次就去左一間以卡通為主題的點心店，今期的卡通人物係蠟筆小新😋😋😋，星期日門未開就已經見到有人排緊隊。入到去冇睇價錢就點。.📍黑松露蝦多士（$69）📍咸牛肉芝士西多士（$69）📍小新舉鐵炸雲吞（$59）📍合家歡炸春捲（$59）📍動感屁屁奶凍📍不理不理左衛門流沙包（$49）📍曖味朱古力流沙包（$49）📍高球杏片花枝丸（$59）📍晚安龍鯏柳腸粉（$49）📍小新&Friends海鮮蒸腸粉（$49）📍原隻鮑魚燒賣（$79）📍粟米花枝網球（$59）📍鮮雜果屁屁啫喱杯（$49）.總評價：裝飾：每款點心都會有蠟筆小新的圖案或旗仔，打卡好選擇。味道：如果吾係蠟筆小新或者該卡通人物粉絲，真心係麻麻地，腸粉皮厚過我面皮，最好食的有-黑松露蝦多士、原隻鮑魚燒賣、粟米花枝網球、合家歡炸春捲等。.😋味道：5/10🙃回頭：4/10💰消費：$250（都係果句，如果吾係粉絲就真係放過你放過自己這個道理。）

食後覺得食物質素好惡劣。睇緊menu 個陣，發現人均消費100，再收茶錢，再加一都無所謂，但係一倒杯茶個陣就黎料。明明嗌咗壺普洱，顏色已經好淡，飲落係同清水無異。食物方面，嗌咗奶黃包、韭菜餃、手撕雞腸粉同埋蝦多士，賣相還好，但食落就出曬事啦。奶黃包裡面得奶皇嘅份量只係佔五份一，韭菜餃又油又鹹，而蝦多士又係好油，基本上食咗一舊已經好滯，但係最失敗莫過於係手撕雞腸粉，啲雞肉嚡到似雞肉乾、腸粉又厚皮又乾噌噌。估唔到呢間劣食居然係The One 堅持咁耐，真系好耐都冇食過咁難食既餐廳，劣食黎講真係算係翹楚！

叉燒腸沒有味道，皮太厚，好難食。煎蛋糯米雞冇料，冇味，剩係得塊蛋皮煎左係上面。排骨陳村粉，粉皮乾冇味，排骨味道尚可，難食得不想形容。唯一可以食得落口係錦滷雲吞。本人覺得超級難食，永不再幫襯。

♡Dim Sum Icon x 蠟筆小新 ♡⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ 今期係人見人愛既小新 🥰 蝦蝦霸霸鮮蝦餃$59皮薄餡靚！超大粒蝦肉超級彈牙😆 造型好可愛 3隻野訓緊覺媽媽嬲豬 😹黑松露蝦多士$59多士炸到脆卜卜 配埋彈牙既蝦好正 黑松露好香😆鹹牛肉芝士西多士$69好特別嘅組合 估唔到夾埋有幾好食 似牛肉芝士漢堡包🥰原隻飽魚燒賣$79鮑魚好清甜 燒賣又大大粒 蝦肉豬肉味濃郁！高球杏片花枝丸$69有好多杏仁片包住粒超級大嘅花枝丸 香口得來入面嘅蝦肉有好彈牙💖原隻鮑魚雞粒燴飯$108有三隻大大粒嘅鮑魚 燴飯味道唔錯似福建炒飯 但略嫌唔夠熱。動感屁屁奶凍$49鮮雜果屁屁啫喱杯$49試咗兩個甜品 奶涷係用日本牛奶好香 啫喱杯就有沙律。⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ 📍地址 尖沙咀彌敦道100號The ONE 3樓L308號舖Shop L308, 3F, The ONE, 100 Nathan Road, Tsim Sha Tsui港鐵尖沙咀/尖東站

Very bad service with mediocre food quality would never come again. Bad experience from the second waiting in line to be seated till leaving. Apparently staff had zero training, knows nothing about how to communicate with customers being very rude to the kid who politely asked when will our number gets called. Kitchen staff wearing unbelievably dirty apron that looks like someone just threw up on it. Yucks! Honestly don’t understand why people are coming to this place. Bottom line, it sucks.

呢間新派點心店定期都會轉下卡通主題，而最近就係蠟筆小新，我小學既時候曾經都好鐘意睇佢，所以就黎捧下場，打返個卡。 我地下午茶時間黎，依然係坐滿晒人，除左食物之外，每張枱上都有蠟筆小新既卡牌，岩晒鐘意影相既人，而牆壁都有好多蠟筆小新既佈置，好有氣氛啊👍🏻 食物方面《海鮮蒸腸粉》$49好有新意，每件都印有唔同角色，影相一流。腸粉皮薄滑，而且入面有大大隻蝦仁，口感爽彈。《蟹籽鮮蝦餃》$49淡綠色既蝦餃皮帶點精盈剔透，好靚。皮薄帶韌度，有嚼口，而入而既蝦肉好厚好爽彈，吃得出係新鮮👍🏻《黑松露蝦多士》$69黑松露好香呀。蝦肉同樣爽彈厚身，多士有點略乾，但唔太油膩。《鮮蝦餃》$69同樣係每一粒都印有蠟筆小新嘅角色，呢個嘅屁更加薄同埋滑身，每一粒大概有四粒蝦仁，蝦控表示好滿足。《炸雲呑》$69呢個炸得好脆好香口👍🏻👍🏻《朱古力流沙包》$49流沙效果一流，朱古力味略嫌有啲淡，整體一般。《原隻鮑魚雞粒燴飯》$108燴飯好足料，滿滿嘅雞粒同埋菜粒，入口啖啖都好豐富，鮑魚更加有四隻添，如果飯乾身返少少會更好。《原個西瓜特飲》$59解暑自選！西瓜好甜，好好飲！

尖沙咀The One呢間點心代表成日會以d卡通人物做主題蠟筆小新已經係第二次佢返嚟啦😆😆每件點心上面都會有蠟筆小新嘅圖而且係食得㗎🤣鍾意蠟筆小新嘅朋友快啲嚟啦點心每一樣都做到好無論佢蝦餃定腸粉嘅皮都好晶瑩剔透😋佢個流沙包好流😍好濃既蛋黃味

點心外表又轉卡通人物啦！今次係可愛嘅蠟筆小新😍😍忍唔住叫咗好多點心啊🙈🙈西多士$69呢個西多士係咸牛肉芝士，賣相吸引唔使講，味道都帶嚟咗驚喜，好香口👍原隻鮑魚燒賣$79真係有隻大大嘅鮑魚，好足料，不容錯過的選擇！而且蠟筆小新加小白一齊真係好qq💕左衛門流沙包$49🐽🐽個樣真係Q到我捨得食🤣我喺佢個鼻唧咗啲流沙出黎，好有趣！朱古力流沙包$49你個包嘅表情真係好抵死，平時係WhatsApp都有用開，好有親切感😛😛朱古力味嘅流沙包你食過未？炸物系列：杏片花枝丸$69、黑松露多士$69、宇宙蝦王$59。脆卜卜架，新鮮又好🤩🤩精緻蒸點心系列：鮮蝦餃$59、海鮮蒸腸粉$49、蟹籽鮮蝦餃$49蝦全部都係蝦🦐愛蝦之人一定愛死呀🤣🤣屁屁奶凍$49小新個pat pat好可愛，即刻咬一啖先🤣🤣呢一個奶凍好味呀，奶味十足👍原個菠蘿特飲$59呢一個以前已經介紹過，因為好飲所以有encore多次🤤🤤炸春卷$59有晒小新全家人喺度，唔係叫呀😛😛春卷入面係有蝦架。小丸子椰皇$59椰皇出面有一張柔道嘅小新既紙🤩🤩呢款我之前都食過，同出面甜品店嘅一樣好食🤘🏻