炯記燒味 (坤成樓)

營業中

休息中

天氣熱，唔想煮飯 。買現成餸返屋企食最好，所以去左街市街嗰間燒味檔。糾結於燒腩仔還是叉燒🤔，見叉燒係是日特價，就扑搥食半斤叉燒。另外，按家人要求，加多半隻手撕雞。叉燒要半肥瘦，有些燶邊，肉質唔乾柴， 而且個汁唔錯，不會過鹹過淡。 下次我想要再肥多少少😬，入口再滿足些。手撕雞鹹鹹香香，好濃既沙薑粉味，送飯一流。去左骨，啱哂我呢d懶人。好快就ko左半隻雞。久唔久食下呢間，好過瘾。好味指數： 👍👍👍👍

今日因為趕住去做嘢，不停走走走🥲所以就嗱嗱買個快飯食！🤪講咗好耐想食久違了嘅燒味😂今日時地人齊腳，冇理由唔食呀？☺️外賣仲要平啲添🫣食物四寶飯有晒我鐘意嘅食物🤪今次唔記得嗌多色😭淨係掛住要肥叉！啲叉燒超正，有少少燶邊！好香口，叉燒又夠冧，好有叉燒味！仲有我至愛嘅鴨🥰點啲酸梅醬好開胃💪🏻四寶點可以冇咸蛋同紅腸！可能師父見有咸蛋，就冇咁多燒味豉油落…啱呀！啲咸蛋白要黎撈飯岩岩好！蛋黃又夠香海蜇燻蹄飯啲燻蹄好好食喎！好爽口。海蜇都好脆，不過就咁食就寡咗少少，所以咁樣嗌2盒黎share餸，真係乜口感都齊！呢間嘅飯比較硬身，所以好有口感，飯量都算多，所以都好多真漢子黎買飯🫣例湯因為天氣熱😅太口渴…飲咗唔記得影大頭俾你哋睇！個湯係送嘅，超級正！冇味精，瓜湯黎嘅，啲瓜好冧好甜。隊友將啲湯撈飯，解暑一絕💪🏻其他本身想嗌雙拼算，但其實4寶都係50蚊，海蜇燻蹄又寫住推介，所以就嗌咗以上個啲！每日都有唔同嘅特價燒味！

炯記燒味 荃灣荃灣街市街142-166號坤成樓地下10號舖燒味飯 港人一定食過 In English This is Hong Kong BBQ呢間價錢公道 抵食 星期一至星期日 7 日各有是日精選特價見有位坐低叫左個油雞叉燒瀨粉 跟個例湯 紅蘿蔔雪耳豬骨湯 鹽焗手撕雞海蜇飯兩份加埋100有找份叉燒--—烤制后肉質鮮嫩，外皮燒列脆脆地 乾身 味道香甜 外層刷上一層甜醬汁增加口感例湯尼講呢個價錢有雪耳豬骨湯算係甘鹽焗手撕雞海蜇飯鹽焗方式烹調 鮮嫩的口感，可以令雞肉味道更加濃郁淋上一些醬油、芝麻 增加風味

今日落雨天，懶得煮餸當然要斬料啦。上次食「炯記燒味」佢地叉燒好好味，當然要再encore。今次問職員終於有番個特價組合，再吾好似上次咁好賣賣哂😋😋我揀左個特價組合B : 皇牌脆皮燒鴨（半隻）+ 叉燒拼燒腩仔（例牌）$138🔹皇牌脆皮燒鴨：個鴨外皮脆，肉質好滑，佈滿鴨油香，超正！🔹脆皮燒腩仔：外皮燒得特別爽脆，一咬就卡卡聲，而且肥瘦適中，食落皮脆肉嫩，配埋芥末醬，超乎預期既好味🤤🔹叉燒：今次啲叉燒仍然好軟淋，而且蜜汁好多，亦有少少燶邊，非常有水準。整體「炯記燒味」有多間分店，燒味方面做到平、靚、正。呢個價錢，有咁既質素，實在無得輸👍🏻炯記燒味 📍地址: 荃灣荃灣街市街142-166號坤成樓地下10號舖

今日係荃灣收工,然後就喺openrice睇下有乜嘢燒味未買返屋企食,然後就過咗嚟呢間炯記燒味！發覺佢呢度嘅食物都比較便宜，日日有特價同埋有組合拼盤買聽到店員嘅推介燒腩仔，買左鹽焗手撕鷄同和，燒腩仔手撕雞：9/10分👍手撕雞是半隻大大盒，而且味道好入味落足料嚟撈！分量夠曬數燒腩仔👍👍9/10分，屋企人都話呢個燒腩仔幾好食，最主要係啲肉係非常腍，而且唔會乾，就算買完羅返屋企都唔會唔好食，而且有賣過芥末醬點一流總括而言呢間餐廳性價比高亦會再次光顧！好評

Happy Friday 夜晚放工經過呢間燒味店, 見到餐廳門口有個餐牌寫住"大特價", 非常吸引🤩, 而且每一日嘅特價燒味都唔同, 所以忍唔住買咗盒特價燒腩仔返屋企加餸～𓌈˒˒ 燒腩仔一打開個外賣盒, 燒腩仔份量都幾多, 價錢合理！燒腩肥瘦相稱均勻, 唔會太油膩, 層層相間, 咬落有肉汁同肉味。肉質夠腍又有嚼勁, 唔鬆散, 醃得剛剛好, 食落唔會太鹹𓌈˒˒ 海蜇燻蹄海蜇好脆好有彈性, 味道令人開胃; 燻蹄厚薄適中, 好有口感～

烔記燒味鹽焗烔記手撕雞🐔（半隻）$48佢哋嘅手撕雞份量非常多，感覺上佢哋用嘅雞比正常嘅雞大隻啲，半隻雞就已經裝到滿滿一盒！🈵🈵一打開盒麻油味就聞到非常香，雞肉亦都非常嫩滑，就算係雞背，雞胸肉都唔會鞋，食到底都唔係見到一層油！🤤🤤蜜汁叉燒王（半斤）🐷$55呢度嘅蜜汁叉燒不嬲我都有買開，一向都係特別淋、特別入味，同埋佢哋嘅蜜汁勁濃，每滴都可以掛，同出面嘅好似有啲唔同，真係特別甜特別香㗎！今次都冇令我失望，一如既往咁好味！😋😋

放工夜咗,回家路經附近的燒味店,燈光火猛兼人氣超旺,一位難求,但見櫥窗掛滿的燒味,一於試下外賣,盡快回家享用,叫了一個四寶飯,一盒海蜇燻蹄小吃,再要了一碟冬菇油菜,也不只不過是一百元多些,還送足料例湯。匆匆回到家打開食物,仍然是熱氣十足,四寶飯的份量也不少,包括:燒鴨半肥叉燒、紅腸及漏油鹹蛋。例湯是合掌瓜煲雪耳,正合我們這些單身打工仔,配上,那個海蜇燻蹄小吃,爽口開胃又彈牙兼有微辣,最適合這火熱天時,油菜份量也不少,而且有十多隻冬菇,這頓晚飯一次過滿足了燒味、小吃和住家湯,一佰元簡直超值。

懶人做節不想煮，斬個料先番屋企是常識吧～行過路過不要錯過，荃灣街市街炯記燒味正正係我眼前出現，而且佢地燒味套餐真係唔算貴，無論叉燒／燒肉拼貴妃／油雞，定係燒鴨拼叉燒／燒肉，甚至連炯記最出名手撕雞拼豬手／冬菇都可以，懶人恩物啊～-今次要左叉燒拼玫瑰油雞叉燒燶邊之餘，咬落去仲超鬆化^^正正-入口有豬油香, 仲帶點入口即溶的感覺，-腩肉瘦肥層層相間，蜜汁調味適中。\/\-豉油雞肉咬落實肉唔霉，玫瑰露豉油香也不肥膩，正好吊起雞肉香，加餸的確幾唔錯🥰🥰

今日早放去咗荃灣行街，竟然見到炯記燒味。平時去開尖沙咀炯記食午飯，覺得性價比高，燒味不錯。所以即刻買少少燒味返屋企，為晚餐加餸。餐廳門口有個大大的牌寫食"大特價", 非常吸引，覺得最抵食係呢個，而每一日的特價的燒味都不一樣。因為想食燒鴨，就㨂了組合B, 有脆皮燒鴨半隻和叉燒拼燒腩仔例牌，一共$138.返到屋企一開，份量真的得多，抵食之餘，味道同質素也可以。我最鐘意食燒鴨時配酸梅醬，而炯記好大方俾了幾包，分量充足。

已經幾個月冇去過荃灣，今日去荃灣，又順道去炯記買燒味。之前試過這店燒肉同雞，兩樣都好滿意，今日就試吓叉燒同埋豉油雞。特惠孖寶，半隻豉油雞+半斤叉燒只需$118。真係好抵食。佢啲雞好大隻，半隻已經放滿一個外賣盒。除咗套餐之外，其實佢每一日都會做其中一種燒味特價，價錢都幾抵食。叉燒要咗半肥瘦，肥肉同瘦肉嘅比例剛剛好。入囗唔會鞋。豉油雞好滑，雞夠大隻啖啖肉。質素好滿意。而旦嗰度啲師傅好快手，落完單，基本上髀好錢就可以拎得，唔會話要等好耐。

今日放工好想食燒味，即刻去炯記燒味砍料番屋企食先！話說呢間位喺荃灣街市街嘅燒味已經第2次去，佢有唔同嘅套餐，幾個月就會轉一次～佢哋嘅叉燒、燒鵝同燒豬腩肉都好入味，食落去好滑好香，仲有啲微微嘅甜味。⭐叫左$118set，揀左燒腩仔同埋半隻鼓油雞；半隻鼓油雞個份量我拎到手都有D比佢嚇親，因為真係好大件同幾多下。 燒腩仔口感香脆可口，外皮酥脆，肉質保持到豬肉嘅鮮美口感。佢哋嘅外賣服務都好快好好，唔駛等好耐就可以拎到啦。 #香港美食 #香港燒味 #香港外賣 #荃灣美食 #香港探店 #港式燒味 #香港必食餐廳

是日返老家同兩老食飯，經過燒味舖記起老豆最愛燒腩仔，一於斬料上去加餸。餐廳每日都有唔同優惠，亦有唔同特價組合，都幾抵食，最後揀咗A餐燒腩仔拼貴妃雞。係等待期間，都不斷有人斬料，相當受歡迎 。燒腩仔 :半斤燒腩仔份量都幾多，肥瘦適中，外皮燒得脆卜卜，肉唔會燒得好乾，味道鹹度適中，沾埋芥辣食仲惹味，老豆食到停唔到口。貴妃雞半隻：半隻都幾大盒，貴妃雞色水好靚，肥瘦適中，肉質鮮嫩多汁，沾埋秘製薑蓉食，真係非常好味。

久不久嘅家庭聚會，人多就自然要斬料上去，是日剛好經過荃灣街市街炯記，知道佢地嘅燒味唔錯，就打算買啲叉燒同燒鴨上去一齊食啦。呢度每日都有唔同嘅燒味特價，是日叉燒特價， $55 半斤，$108 一斤。叉燒：我地買左半斤叉燒，因為有小朋友同怕肥人仕，所以同師傅講左叉燒要偏瘦。叉燒色澤好靚好吸引，邊位微燶，食落焦脆可口，偏瘦嘅叉燒食落無咁大罪惡感，肉質唔算太鞋，配埋秘製蜜汁，食落非常惹味。燒鴨下庄： 燒鴨有得揀上庄或下庄，下庄只係貴兩蚊。下庄好靚，皮脆肉嫩，鴨味香濃，食落啖啖肉，肉質唔會好鞋，配埋酸梅醬，酸酸甜甜嘅味道簡直令我地回味無窮。

港式蜜汁叉燒是香港著名的傳統美食，色香味俱全，是香港的代表性菜式之一。它的外表呈現出焦糖色澤，充滿著甜蜜的香氣，入口後口感鮮嫩多汁，肉質鬆軟，咬下去即可感受到肉汁的爆炸。這道菜的秘訣在於選用優質豬肉，並將其浸泡在獨特的調味料中，例如蜜糖、豆醬、蠔油等，然後以特殊的燒烤方式烤至外脆內嫩。它的甜味與鹹味完美結合，讓人一試難忘，成為了許多人的最愛。除了可以搭配白飯食用外，也可以作為其他菜式的配料，例如炒麵、炒飯等，增加了整道菜的美味程度。